BUKU AGENDA TATA IBADAH GKPS - BAHASA SIMALUNGUN

A G E N D A

GEREJA KRISTEN PROTESTAN SIMALUNGUN
( G K P S )

DAFTAR ISI

Halaman

KEBAKTIAN MINGGU

MODEL A .................................................................................................................................. 5
MODEL B ................................................................................................................................... 15
MODEL C .................................................................................................................................. 17
MODEL D .................................................................................................................................. 24
MODEL E ................................................................................................................................... 28
MODEL F NA IPADOMU PAKON HORJA BANGGAL NAPANSING .......................... 36
AYAT-AYAT INTROITUS BANI MINGGU/ PESTA GEREJAWI ................................... 45
TONGGO PAMUNGKAH BANI MINGGU/PESTA GEREJAWI ................................... 59
TITAH ........................................................................................................................................ 73
TONGGO HASASAPAN NI DOUSA ................................................................................... 81
HATA NI NAIBATA BAGAH-BAGAH PASAL HASASAPAN NI DOUSA ................... 85
TONGGO PANUTUP .............................................................................................................. 88
HATA HAPORSAYAON .......................................................................................................... 100

KEBAKTIAN PARTONGGOAN RUMAH TANGGA

MODEL A .................................................................................................................................. 103
MODEL B ................................................................................................................................... 105
MODEL C .................................................................................................................................. 108
MODEL D .................................................................................................................................. 111
MODEL E ................................................................................................................................... 113
AYAT-AYAT INTROITUS BANI KEBAKTIAN PARTONGGOAN ................................ 115
TONGGO PAMUNGKAH BANI KEBAKTIAN PARTONGGOAN ................................ 117
TONGGO GALANGAN BANI KEBAKTIAN PARTONGGOAN ................................... 119

KEBAKTIAN PANDIDION

PANJALOON PARGURU NA LAHO TARDIDI .................................................................        120
PANDIDION BANI DAKDANAK .........................................................................................        122
PANDIDION BANI NA MAGODANG ................................................................................        125
PANDIDION BANI NA TAROLOS .......................................................................................        128

KEBAKTIAN MANAKSIHON HAPORSAYAON ............................................................ 129

KEBAKTIAN MARHAJABUAN

PARPADANAN MARHAJABUAN ........................................................................................ 133
PAMASU-MASUON MARHAJABUAN ............................................................................... 136
PAMASU-MASUON MARHAJABUAN NA IPADOMU PAKON

KEBAKTIAN MINGGU .......................................................................................................... 140
PAMASU-MASUON MARHAJABUAN KHUSUS ............................................................. 143
PAMASU-MASUON MARHAJABUAN KHUSUS NA IPADOMU PAKON

KEBAKTIAN MINGGU ................................................................................................................ 147

KEBAKTIAN HORJA BANGGAL NAPANSING

KEBAKTIAN HORJA BANGGAL NAPANSING ................................................................ 150
KEBAKTIAN HORJA BANGGAL NAPANSING KHUSUS
BANI NA BORITAN MODEL A ............................................................................................ 157
KEBAKTIAN HORJA BANGGAL NAPANSING KHUSUS

BANI NA BORITAN MODEL B ............................................................................................ 161

KEBAKTIAN PANJALOON BANI ANGGOTA NA

MULAK HU KURIA ............................................................................................................... 165

KEBAKTIAN MANANOM NA MATEI

DAKDANAK ............................................................................................................................        167
NA MAGODANG .....................................................................................................................        170
KREMASI ...................................................................................................................................        174

KEBAKTIAN MANGONDOSKON TOHONAN

HAPANDITAON ......................................................................................................................        175
PENGINJIL ................................................................................................................................        180
HASINTUAON .........................................................................................................................        183

KEBAKTIAN PELANTIKAN PIMPINAN PUSAT GKPS .............................................. 186
KEBAKTIAN PATIBAL BATU ONJOLAN NI GEREJA .................................................. 189

KEBAKTIAN PAMONGKOTON

GEREJA ...................................................................................................................................... 191
RUMAH ..................................................................................................................................... 193

KEBAKTIAN PERESMIAN

JEMAAT ..................................................................................................................................... 196
RESORT ...................................................................................................................................... 198

KEBAKTIAN MINGGU
MODEL A

1. VOTUM – INTROITUS – TONGGO :

Paragenda : Riap ma hita jongjong!

Ibagas Goran ni Naibata Bapa pakon Tuhan Jesus Kristus ampa

Tonduy Na Pansing, Sitompa langit pakon tanoh on. Amen.
(Paragenda mambasahon sada ayat na marpadomuan hubani goran
ni Minggu/Pesta bani halaman 45-58, irik hujai ihatahon ma:)
Haleluya. Haleluya. Haleluya.

Kuria : (Mandodingkon: “Haleluya”, Es=do)
1 1 3 3 0 3 3 5 5 0 5 5 6 . 5 4 3 . .
Ha-le - lu - ya Ha-le - lu - ya Ha-le - lu - ya
Paragenda : Martonggo ma hita!

(Paragenda mambasahon sada tonggo na marpardomuan hubani
goran ni Minggu/Pesta bani halaman 59-72).
(hundul kuria)

2. DODING :

3. TITAH :

Paragenda : Tangihon hita ma:

(Paragenda mambasahon sada humbani:)

1. Titah ni Naibata na Sapuluh in
(Torih halaman 73)

2. Gantih ni Titah na Sapuluh in

(Torih halaman 74-76)

3. Titah na Parlobei das hubani Paopathon pakon artini

(Torih halaman 76-77)

4. Titah Palimahon das hubani Pasapuluhkon pakon artini

(Torih halaman 77)

5. Titah pakon artini

(Torih halaman 77-80)

(Irik hujai ihatahon Paragenda ma:)

Riap ma hita mangindo.

Kuria : Ham Tuhan Naibata, pargogohi Ham ma ahu, mangkorjahon Titah-Mu/
Hata-Mu ai. Amen.

4. DODING :

5. HASASAPAN NI DOUSA :

Paragenda : Riap ma hita jongjong!

Martonggo ma hita, sopotkon hita ma dousanta hubani Tuhan Naibata.
(Paragenda mambasahon sada Tonggo Hasasapan ni Dousa bani
halaman 81-84. Dob salpu “Amen”, ihatahon Paragenda ma:)
Tangar anjaha haporsayai hita ma Hata ni Naibata, bagah-bagah pasal
hasasapan ni dousa.
(Paragenda mambasahon sada ayat Bagah-bagah Pasal Hasasapan
ni Dousa bani halaman 85-87 irik hujai ihatahon Paragenda ma:)
Ibagas holong ni Naibata, domma isasap haganup dousanta. Halani ai,
pataridahkon hita ma tanda-tanda ni pargoluhon na bayu. Hasangapon
ma bani Naibata i babou.

Kuria : Amen.

(hundul kuria)

6. DODING :

7. SIBASAON :

Paragenda : Tangar hita ma Hata ni Naibata na tarsurat bani:

(Paragenda mambasahon Sibasaon Minggu/Pesta sadari ni ai,
iujungi marhitei hata:)

Amen. Martuah do na manangar Hata ni Naibata anjaha na
marimbagashonsi!

Kuria : Amen.

8. DODING :

9. HATA HAPORSAYAON :

Paragenda : Riap ma hita jongjong!

Saksihon hita ma haporsayaonta in, songon na sinaksihon ni haganup
halak na porsaya bani sab tanoh on!

Paragenda +

Kuria : Ahu porsaya bani Naibata Bapa, Pargogoh na so tarimbang, na
manompa langit pakon tanoh on.

tarimbang in. Hunjai ma Ia mulak magira laho manguhumi halak na
manggoluh pakon na dob matei.

Ahu porsaya bani Tonduy Na Pansing, bani Kuria parsadaan na
mapansing in, parsaoran ni sagala na mapansing in, bani hasasapan ni
dousa, bani parpuhoon ni angkula, pakon bani hagoluhan na sadokah
ni dokahni. Amen. (hundul kuria)

10. DODING :

11. TINGTING : (Tonggo salpu tingting pitah manonggohon isi ni tingting tumang)
12. DODING :

13. AMBILAN :a. Tonggo paima Ambilan

b. Mambasa Teks pakon padaskon Ambilan

c. Tonggo dob Ambilan pakon Tonggo Pangapition

(Totap ma Parambilan bani langgatan das hubani na manutup ibadah)

14. GALANGAN :

Parambilan : (Roh ma na marugas patumpuhon galangan hu lobei. Paima ipatumpu

galangan, parlobei hatahonon ni Parambilan ma:)

Paima iondoskon hita galanganta, tangar hita ma lobei Hata ni Naibata
na gabe onjolan banta laho manggalang, aima na tarsurat bani:
(Parambilan mambasahon sada humbani ayat-ayat on:)

1. 2 Musa 35:5: “Patumpu hanima ma hun bennima galangan
hubani Jahowa; barang ise na rosuh uhurni, iboban ma galangan
hubani Jahowa”.

2. 1 Kronika 16:29: “Bere ma bani Jahowa hamuliaon ni goran-Ni,
boan ma galangan, anjaha roh ma nasiam hu lobei-Ni! Sombah
ma Jahowa marpakeian na mapansing!”

3. 1 Kronika 29:14: “Ai ise ma ahu, anjaha aha ma bangsangkin,
ase boi hanami margugu humbani nionjar ni uhur sonin? Ai
marharorohan hun Bamu do ganup, anjaha na humbani tangan-
Mu in do na binerenami in Bamu”.

4. Psalmen 50:14: “Galangkon ma banggal ni uhur bani Naibata,

anjaha galari ma bagah-bagahmu bani Sitimbulan in”.

5. Psalmen 50:23: “Ise na manggalangkon banggal ni uhur, ai do
na pasangapkon Ahu, anjaha ise na mardalan ibagas hapintoron,
hubani do patalaron-Ku hatuahon-Ku”.

6. Psalmen 96:8: “Bere nasiam ma bani Jahowa hamuliaon ni
goran-Ni, boan nasiam ma galangan, masuk ma nasiam bani
alaman-Ni!”

7. Psalmen 116:17-18: “Bamu ma galangkononku galangan puji-
pujian, anjaha goran ni Jahowa ma padilo-diloonku. Bagah-
bagahku bani Jahowa, hugalari ma, hugalari ma i lobei ni
haganup bangsa-Ni”.

8. Jona 2:10: “Tapi anggo ahu marhasoman sora puji-pujian do
ahu manggalang Bamu, galaronku do na dob hubagahkon. Bani
Jahowa do haluahon”.

9. 2 Korint 9:7: “Ganup ma jinuljul ni uhurni, ulang ma humbani
borat ni uhur atap halani paksa, ai ihaholongi Naibata do halak
na malas uhur mambere”.

10. Heber 13:16: “Mambahen na madear ampa na marsibere-
bere, ulang ma halupahon nasiam ai, ai galangan na sonai do
iharosuhkon Naibata”.

(Dob ibasa Parambilan sada humbani ayat in, hatahononni ma :)

Sonari ondoskon hita ma galanganta!

(Iondoskon paragenda ma ianan ni galangan hubani siparugas,
ipatumpu ma galangan, itaruhkon hu lobei, ijalo paragenda ma use
ianan ni galangan ai. Dob ai itonggohon Parambilan ma).

15. TONGGO PAKON DODING GALANGAN :

Parambilan : Riap ma hita jongjong!

Martonggo ma hita mangondoskon galanganta hubani Naibata!

(Parambilan mambasahon sada humbani Tonggo Galangan na
tarsurat i toruh on:)

1. Ham Tuhan Naibata Bapanami, paridop ni uhur, harohan ni
sagala pasu-pasu. Tarima kasih ma isombahkon uhurnami
hu Bamu halani hun Bamu do ijalo hanami pasu-pasu na
gokan dear pakon na laingan. Bani panorang on isombahkon
hanami do hu Bamu na gabe galangannami, dirinami pakon
humbani hinadongannami na dob binere-Mu in. Pasu-pasu
Ham ma galangan na sinombahkonnami on, gabe galangan na
mapansing, na mambahen harajaon-Mu lambin marhataridahan
i dunia on. Ungkab Ham ma uhurnami marhitei Tonduy-Mu,
ase lambin ididah, ibotoh janah ihamalaskon uhurnami buei ni
silayak-layak-Mu, na dob ijalo hanami pakon na sihol bereon-

Mu ope hu bannami. Ajari Ham ma hanami laho mangondoskon
galangannami na patut galangkononnami hu Bamu. Jalo Ham
ma galangan pakon tonggo elek-eleknami on, ibagas Jesus
Kristus Tuhannami. Amen.

2. Ham Tuhan Naibata, Bapanami, pardear layak janah na unjah
hu bannami. Tarima kasih ma hatahononnami hu Bamu, halani
tongtong do ipasu-pasu Ham goluhnami. Domma ihasomani
Ham hanami janah ipasu-pasu Ham horjanami das hubani sadari
on. Sonari, ibagas malas ni uhur roh do hanami mangondoskon
buah ni horja na dob pinasu-pasu-Mu in gabe galangan
hatarimakasihon pakon puji-pujiannami hu Bamu. On pe sai
jalo Ham ma galangannami on, bahen hasangapon ni goran-Mu
janah mambahen lambin marhataridahan harajaon-Mu i dunia
on. Ibagas goran ni Anak-Mu, Jesus Kristus Tuhannami, jalo
Ham ma tonggonami on. Amen.

3. Ham Tuhan Naibata, simada hanami pakon haganup goluhnami.
Tarima kasih ma hatahononnami hu Bamu, halani iparmudu-mudu,
iparorot janah ipasu-pasu Ham do goluhnami. Ibere Ham do homa
parhiouon, hajorgiton, sipanganon pakon siinumon ronsi na porlu
bani goluhnami. Tanda ni tarima kasihnami, iondoskon hanami do
hu Bamu goluh pakon pasu-pasu na dob binere-Mu, na ipatumpu
hanami on gabe galangannami. Papansing anjaha pasu-pasu Ham
ma on gabe galangan na misbou i lobei-Mu bahen hasangapon-
Mu janah mambahen lambin marhataridahan harajaon-Mu i dunia
on. Sai tambahi Ham ma pasu-pasu-Mu janah sai lambin paganda
Ham ma holong ni atei-Mu hu bannami. Ajari Ham ma hanami,
ase lambin igalangkon hanami dirinami pakon hinadongannami
hubani harajaon-Mu bahen hamuliaon-Mu, ibagas goran ni Anak-
Mu Jesus Kristus, Sipaluah hanami. Amen.

4. Ham Tuhan Naibata Bapanami, harohan ni haganup. Hun Bamu
do harohan ni pasu-pasu hu bannami. Ibere Ham do bannami
goluh ampa hagoluhan ari-ari. Ham Tuhan, ijon iondoshon
hanami do hu Bamu goluh pakon pasu-pasu na dob binere-Mu
in bannami. Sai lambin margogoh ma tongon hanami ihasomani
idop ni uhur-Mu ampa pasu-pasu-Mu bani na mandalankon
horjanami. Papansing Ham ma galangan na ginalangkonnami
on gabe galangan na misbou i lobei-lobei-Mu, ase lambin
ihargahon hanami tongon dear ni layak pakon pasu-pasu-Mu in
marhitei na pasaudhon harosuh-Mu humbani gogoh, pingkiran
ampa sinadongannami. Tarima kasih ma Bamu Tuhan. Marhitei

Kristus Jesus Tuhannami, jalo Ham ma galangan pakon
tonggonami on. Amen.

(Kuria mandodingkon sada humbani Doding Galangan na i
toruh on, na dob itotapkon paima kebaktian:)

1. Bamu sadokah ni dokahni, au on o Jesus Tuhankin;
Ham ma ‘lah haganup ompungni, gogohku pakon artangkin;
Ai iberehon Ham daroh-Mu, manggalar utang ni dousangku.
(Haleluya No. 5:4)

2. Tonduy, daging uhur ampa gogohniin.
        Ulang bai na sambor, sai Bamu ma in!
        Ningon gok Bamu ma au hinopkop-Mu.
        Ase saud martuah au jabolon-Mu.
        (Haleluya No. 12:3)

3. Ganup binere-Mu in, tonduy pakon angkulangku.
        Hosah ampa gogohkin, ronsi haganup artangku.
        Huondoskon in Bamu, seng paosoronku in.
        (Haleluya No. 249:2)

4. Bamu o Tuhan, manombah au on;
Bamu ganupan na dong bangku on;
Seng bulih be sirang na rapat Bamu;
Martuah sai sonang, na roh hu Bamu.
(Haleluya No. 281:5)
5. Huondoskon bani Jesus, haganupan diringkon.
Ia do pasangaponku, sadokah bai goluhkon.
Huondoskon ma, huondoskon ma

Bani Jesus Sipaluah, huondoskon ma.

(Haleluya No. 340:1)

6. Marhitei diatei tupa, roh do au Tuhan.
Mamboban buah ni horja, na binere-Mu.
Jesus, Jesus, jalo Ham ma au.

Bai hurang ni panurdukhu, anju Ham ma au.
(Haleluya No. 383:1)

16. TONGGO PANUTUP:

(Parambilan mambasahon sada Tonggo Panutup na marpardomuan hubani goran ni
Minggu, torih halaman 88-99)

17. TONGGO “HAM BAPANAMI” :

Parambilan : Ham Bapanami na i nagori atas. Sai na papansing ma Goran-Mu. Sai
roh ma harajaon-Mu. Sai saud ma harosuh ni uhur-Mu i nagori tongah
on songon na i nagori atas. Bere Ham ma bannami sadari on hagoluhan
ari-ari. Sasap Ham ma dousanami songon panasapnami bani dousa ni
hasoman na mardousa dompak hanami. Ulang hanami bobai Ham hu
parlajouan. Paluah Ham ma hanami humbani pangagou.

Kuria : (Manoruskon tonggo on marhitei na mandodingkon:“Ai Ham do

Simada Harajaon”, Es=do)

1 1 3 4 5 5 3 4 5 5 . . 5 5 5 5
Ai Ham do si – ma - da Ha – ra - ja - on pa - kon Ha - go-

1 . 5 . 5 5 5 5 6 . 3 3 4 4 4 4
goh - on am– pa Ha – sa -ngap - on sa -do -kah–ni - do

3 . 1 . 2 . . . 1 . . 0
kah ni A - men.

17.        PAINGKATKON (PENGUTUSAN) :
        (Parambilan mamilih sada humbani A atap B atap C na gabe “tonah paingkatkon” na
        i toruh on: )

A. Humbani Bibel:

1. Laho ma nasiam, janah “Baritahon nasiam ma i tongah-tongah ni sipajuh begu-
begu hamuliaon-Ni, i tongah-tongah ni bangsa-bangsa halongangan binahen-
Ni ai” (Psalmen 96:3)
2. Laho ma nasiam, janah “Pindahi nasiam ma na madear, ulang ma na jahat, ase
manggoluh nasiam; ase tongon ma Jahowa, Naibata Zebaot hasoman nasiam,
songon na hinatahon nasiam” (Amos 5:14)

3. Laho ma nasiam, janah “Hagigihon nasiam ma na jahat, haholongi nasiam ma

na madear, anjaha pajongjong nasiam ma uhum i horbangan” (Amos 5:15)

4. Laho ma nasiam, janah “Sonon do hata ni Jahowa Zebaot, dalankon ma
uhum na sintong, patuduhkon ma dear layak ampa idop ni uhur bani ganup
hasomanni” (Sakaria 7:9)

5. Laho ma nasiam, janah “Laho ma hanima mangambilankon, paboa domma
dohor Harajaon nagori atas in. Pamalum hanima ma naborit ni na boritan,

pagoluh na matei, pamalum na gadamon, usir setan-setan! Silayak-layak do in

bennima, ase layak-layakkon hanima ma!” (Mateus 10:7-8)

6. ”Laho ma hanima, podahi hanima ma sagala bangsa, ase gabe susian-Ku sidea,
anjaha didi hanima ma sidea hubagas goran ni Bapa, Anak ampa Tonduy Na
Pansing. Ajari hanima ma sidea mangkorjahon sagala na dob Hutitahkon
bennima. Tonggor ma, sai na hasomanan-Ku do hanima ganup ari, ronsi roh
ujung ni dunia on” (Mateus 28:19-20)

7. “Laho ma hanima hu sab dunia on, ambilankon hanima ma Ambilan Na

Madear in bani sagala na tinompa” (Markus 16:15)

8. Laho ma nasiam, janah ihatahon Tuhan in do homa hubanta, “Bolag do namin
sabion, tapi otik do siparhorja. Ai pe pindo hanima ma bani Simada sisabion
in, ase isuruh siparhorja bani sisabionni in” (Lukas 10:2)

9. Laho ma nasiam, janah “Hupabangkit do hanima, ase laho hanima marbuah,
anjaha ase totap buahnima ai, ase ibere bannima sagala sipindoonnima
humbani Bapa in marhitei goran-Ku” (Johannes 15:16)

10. Laho ma nasiam, janah “Ulang ma surut ringgas ni uhurnasiam, hinsah ma

ibagas tonduy, sirsir ma mambalosi Tuhan in” (Rom 12:11)

11. Laho ma nasiam, janah “Totap ma nasiam, ulang mubah-ubah, anjaha
lambin surung ma ibagas horja ni Tuhan in, ai ibotoh nasiam, sedo na soya
halojaonnasiam ibagas Tuhan in” (1 Korint 15:58)

12. Laho ma nasiam, janah “papansing nasiam ma Kristus Tuhan in ibagas
uhurnasiam, tongtong ma nasiam sirsir patorangkon bani haganup halak na
manungkun nasiam pasal onjolan ni pangarapan nasiam” (1 Petrus 3:15)

B. Formulasi Hata:

1. Misir ma nasiam, baritahon janah saksihon nasiam ma Ambilan Na Madear in
ija pe nasiam marianan.

2. Misir ma nasiam,ingat nasiam ma,isuruh Jahowa do hita laho mangambilankon
Ambilan Na Madear bani halak na madoyuk, pauli-ulihon halak paruhur na
maropuk, maningtingkon haluahon bani halak na tartutup, paharhar gari ni na
tarsangkut ampa mangapoh na marpusok ni uhur.

3. Misir ma nasiam, domma ipatugah hubanta aha na madear na hinarosuhkon
ni Tuhan, aima: mangkorjahon hasintongan ampa hapintoron, jolom bani hata
ni Tuhan sonai age martoruh ni uhur. Siusahahononmu ma mangkorjahon

pandiloon na dob ondos bamu. Tenger ma uhurmu, ai ihasomani anjaha
ipargogohi Naibata do ham mangkorjahon na madear.

4. Misir ma nasiam, janah gabe siboan pasu-pasu ma ham, anjaha sari bani ganup
halak.

5. P : Sora niTuhan mangkatahon, “Ise do suruhon-Ku? Ise do utusannami?
J : Ijon do hanami, suruh Ham ma hanami.

P+J : (Mandodingkon: Refrein ni Haleluya No. 299:2)

“Laho ma hita, misir ma hita, mangambilankon Tuhan parholong in.
Ase maluah homa hasomanta, gabe manggoluh bai Tuhanta in”.

6. P : Misir ma nasiam, anjaha paruhurhon nasiam ma Hata ni Tuhan
Jesus na mangkatahon: “Hanima do garam ni dunia on. Hanima do
panondang ni dunia on.

Gabe saksing-Ku ma hanima”.

K : On ma hanami susian-Mu Tuhan. Domma sirsir hanami gabe saksi-
Mu i dunia on, sadari on ronsi ujung ni goluhnami. Hasomani anjaha
pargogohi Ham ma hanami.

C. Hata marhasoman Gerakan / Simbol :

1. P : (Manjolom lilin na gara). Ihatahon Tuhanta Jesus Kristus, “Hanima
do panondang ni dunia on. Hanima do saksing-Ku. Hanima do juak-
juak-Ku.”.

J : (Mangangkat tangan siamun). “Ahu do tongon panondang ni dunia
on. Ahu do saksi ni Kristus. Ahu do juak-juak ni Naibata”.
P : Tarpuji ma Jesus Kristus Tuhanta in, humbani mungkahni ronsi
sadokah ni dokahni.

2. P : (Manjolom Silang na etek). Barang ise na sihol mangirikkon Ahu,

iporsan ma silangni.

J : Tuhan, pargogohi Ham ma hanami gabe saksi-Mu.

3. P : (Manjolom Silang na etek). Husuruh do hanima songon biri-biri hu
tongah-tongah ni begu, halani ai maruhur ma hanima songon ulog,
anjaha bujur songon asas.

J : Tuhan, pargogohi Ham ma hanami gabe saksi-Mu.

4. P : (Manjolom demban atap bulung na usih hubani palem). Martuah
ma sibahen damei, ai goranon do sidea anak ni Naibata. Ase, laho
ma nasiam.

J : Tuhan, pargogohi Ham ma hanami gabe sibahen damei bani
goluhnami.

5. P : Laho ma hita, sondangkon hita ma holong ni Tuhanta in.
J : (Mandodingkon: Refrein Haleluya No. 350)
“Sai sondangkon ma holongni, das bai hagolapan in.
Ase haganup pardousa, ipaluah Naibata”.

6. P : Nini Tuhanta Jesus Kristus, “Hanima do panondang ni dunia on.
Hanima do garam ni dunia on”.

DL : (Mangangkat tangan siamun) “Tongon, ahu do panondang i dunia

on. Ahu do garam i dunia on”.

P : Nini Tuhanta Jesus Kristus, “Hanima do saksing-Ku i dunia on.
Hanima do juak-juak-Ku i dunia on”.

NB : (Mangangkat tangan siamun) “Tongon, ahu do saksi ni Kristus i

dunia on. Au do juak-juak ni Kristus i dunia on”.

P : Napuji ma Tuhanta Jesus Kristus, humbani sonari nari, ronsi sadokah
ni dokahni.

18. PASU-PASU :

Parambilan : (Padaskon pasu-pasu)

Jalo ham (hita) ma pasu-pasu humbani Tuhan Naibatanta:

Ipasu-pasu anjaha iparorot Tuhan Naibata ma ham (hita). Isondangkon
Tuhan Naibata ma bohi-Ni hu bamu (hu banta) janah maidop ma
uhur-Ni mangidah ham (hita). Idompakkon Tuhan Naibata ma bohi-
Ni hu bamu (hu banta) janah ipasorap ma damei-Ni bani tonduymu
(tonduyta bei). Amen.

Kuria : (Mandodingkon: “Amen”, Es=do)

5 . 6 . 5 . 6 . 5 . 4 . 3 . . 0
A - men A - men A - men.

KEBAKTIAN MINGGU
MODEL B

(Ipakei pitah bani panorang adong “Acara Khusus”)

1. VOTUM - INTROITUS – TONGGO :

Paragenda : Riap ma hita jongjong!

Ibagas Goran ni Naibata Bapa pakon Tuhan Jesus Kristus ampa
Tonduy Na Pansing, Sitompa langit pakon tanoh on. Amen.
(Paragenda mambasahon sada ayat na marpadomuan hubani goran
ni Minggu/Pesta bani halaman 45-58, irik hujai ihatahon ma:)
Haleluya. Haleluya. Haleluya.

Kuria : (Mandodingkon: “Haleluya”, Es=do)

1 1 3 3 0 3 3 5 5 0 5 5 6 . 5 4 3 . .
Ha-le - lu- ya Ha-le - lu - ya Ha -le - lu - ya

Paragenda : Martonggo ma hita!

(Paragenda mambasahon sada tonggo na marpardomuan hubani
goran ni Minggu/Pesta bani halaman 59-72).
(hundul kuria)

2. DODING :

3. HASASAPAN NI DOUSA :

Paragenda : Riap ma hita jongjong!

(Paragenda mambasahon sada ayat Bagah-bagah pasal Hasasapan
ni Dousa bani halaman 85-87, irik hujai ihatahon Paragenda ma:)
Ibagas holong ni Naibata, domma isasap haganup dousanta. Halani ai,
pataridahkon hita ma tanda-tanda ni pargoluhon na bayu. Hasangapon
ma bani Naibata i babou.

Kuria : Amen.

(hundul kuria)

4. DODING :

5. HATA HAPORSAYAON/ACARA KHUSUS :

Paragenda : Riap ma hita jongjong!

Saksihon hita ma haporsayaonta in, songon na sinaksihon ni haganup
halak na porsaya bani sab tanoh on!

Paragenda +

Kuria : Ahu porsaya bani Naibata Bapa, Pargogoh na so tarimbang, na
manompa langit pakon tanoh on.

6. DODING :

7. TINGTING : (Tonggo salpu tingting pitah manonggohon isi ni tingting tumang)
8. DODING :

9. AMBILAN :a. Tonggo paima Ambilan

b. Mambasa Teks pakon padaskon Ambilan

c. Tonggo dob Ambilan pakon Tonggo Pangapition

(Totap ma Parambilan bani langgatan das hubani na manutup ibadah)

10. GALANGAN : (Sarupa pakon Model A)

11. TONGGO PAKON DODING GALANGAN : (Sarupa pakon Model A)

12. TONGGO PANUTUP : (Sarupa pakon Model A)

13. TONGGO “HAM BAPANAMI” : (Sarupa pakon Model A)

14. PAINGKATKON/PENGUTUSAN : (Sarupa pakon Model A)

15. PASU-PASU : (Sarupa pakon Model A)

KEBAKTIAN MINGGU
MODEL C

1. VOTUM – INTROITUS – TONGGO :

Paragenda : Riap ma hita jongjong!

Ibagas Goran ni Naibata Bapa pakon Tuhan Jesus Kristus ampa
Tonduy Na Pansing, Sitompa langit pakon tanoh on.

Kuria : Amen.

(Irik ipilih sada Introitus pakon Tonggo humbani a, b, c, d atap e
na i toruh on)

a. Psalmen 23:1–6

Paragenda(P) : Jahowa do Siparmahan ahu,
Kuria (K) : Seng anjai hurangan ahu.

P : Ipatudu do ahu bani sampalan na mombur,
K : Anjaha itogu-togu do ahu hu bah parsaranan.
P : Ipahisar do tonduyhu,

K : Itogu do ahu bani dalan hapintoron halani goran-Ni in.
P : Age pe mardalan ahu bani lombang bagas ni hagolapan, seng
mabiar ahu,

K : Ai Ham do mangkasomani ahu; tungkot-Mu pakon simambu-Mu do
na mangapohi ahu.

P : Ham do na mangidangi ahu i lobei ni munsuhku,
K : Iminaki Ham do ulungku anjaha sirnib do panginumanku.
P : Dear layak ampa idop ni uhur do mangirik-irik ahu sadokah goluhku;
K : Janah sihol do marianan ahu i rumah ni Jahowa sadokah ni dokahni.
P : Haleluya, Haleluya, Haleluya.

K : (Mandodingkon: “Haleluya”, Es=do)

1 1 3 3 0 3 3 5 5 0 5 5 6 . 5 4 3 . .
Ha-le - lu - ya Ha-le - lu - ya Ha-le - lu - ya
P : Martonggo ma hita!

Ham Jahowa Naibata Siparmahan bannami, tarima kasih ma
isombahkon hanami hu Bamu halani iparmahani Ham do hanami
das hubani sadari on marhitei na pasirsirhon haganup na porlu bani
goluhnami. Ihatarimakasihkon hanami do haganup panobus-Mu in
marhitei parsombahonnami panorang on. Halani ai, ondos Bamu ma
parsombahonnami on na gabe hiteinami mamuji pakon pasangapkon
Ham. Pargogohi janah ajari Ham ma hanami mangkagoluhkon dear
layak ampa idop ni uhur-Mu, na gabe hataridahan ni hasaksiannami

na dob mananda Ham. Holong ma atei-Mu, Ham Naibatanami, jalo
Ham ma tonggo pakon pamujionnami on marhitei Tuhan Jesus Kristus
Siparmahan bannami. Amen.

(hundul kuria)

b. Psalmen 103:1–6

P : Puji ma Jahowa, ale tonduyhu,

K : Anjaha humbani gok ni uhurhu mamuji goran-Ni na pansing in!
P : Puji ma Jahowa, ale tonduyhu,

K : Anjaha ulang ma halupahon ganup dear layak-Ni!
P : Ia do na manasap sagala dousamu,

K : Anjaha na pamalumkon sagala naboritmu;

P : Na paluahkon goluhmu humbani hamagouan,
K : Na mansortalihon bam dear layak ampa idop ni uhur,
P : Na pabosurhon sura-suramu marhitei na madear,
K : Ase mulak bayu haposoonmu songon manuk-manuk nanggordaha.
P : Jahowa na mambahen hapintoron,

K : Anjaha na pasintongkon uhum bani halak na hona dorun.
P : Haleluya, Haleluya, Haleluya.

K : (Mandodingkon: “Haleluya”, Es=do)

1 1 3 3 0 3 3 5 5 0 5 5 6 . 5 4 3 . .
Ha-le - lu -ya Ha-le - lu - ya Ha-le - lu - ya
P : Martonggo ma hita !

Ham Tuhan Naibata Bapanami marhitei Jesus Kristus Tuhannami.
Tarima kasih ma hatahononnami hu Bamu, halani maruhur Bapa do
Ham tongtong bannami. Ipuji hanami do Ham, halani ipaluah Ham
do hanami humbani hamagouan halani dousanami. Sonari domma
ihaporsayai anjaha iauhon hanami haluahon na binere-Mu bannami.
Halani ai do ase marolob-olob hanami sonari i lobei-lobei-Mu. Na
mangelek do hanami, ase pargogohi Ham ma hanami mangkorjahon
hata-Mu, janah patalup Ham ma pamujionnami hu Bamu. Urupi Ham
ma hanami mamakei hapentaran na hun Bamu, ase goluhnami on
totap bahen hasangapon pakon hamuliaon-Mu. Jalo Ham ma tonggo
pakon pamujionnami on gabe hasangapon Bamu. Amen.

(hundul kuria)

c. Psalmen 93:1-4

P : Jahowa do Raja, marpakeian hamuliaon do Ia.
K : Marpakeian anjaha margonditkon hagogohon do Jahowa.
P + K : Tongon, ipajonam do dunia on, seng anjai dugur.
P : Totap do paratas-Mu humbani na basaia,
K : Humbani mula ni mulani domma dong Ham.
P : Marbanggal do bah, Ham Jahowa,

K : Maling do pardosong ni bah, doras tumang do parhasakni.
P : Gogohan marimbang parhasak ni bah marbanggal,
K : Gogohan marimbang pargilumbang ni laut.
P + K : Lobih markuasanan do Jahowa i nagori atas.
K : Hasaksian-Mu, tongon do tarhatengerhon,
P : Hapansingon do na patut bani rumah-Mu,

P + K : Ham Jahowa ronsi sadokah ni dokahni.
P : Haleluya, Haleluya, Haleluya.

K : (Mandodingkon: “Haleluya”, Es=do)

1 1 3 3 0 3 3 5 5 0 5 5 6 . 5 4 3 . .
Ha-le - lu - ya Ha-le - lu - ya Ha-le - lu - ya
P : Martonggo ma hita!

Ham Jahowa, Naibata janah Bapanami na i nagori atas. Humbani
na basaia ni na basaia do Ham. Janah ronsi sadokah ni dokahni do
paratas-Mu. Ipuji hanami do Ham, halani itompa janah ipajonam Ham
do dunia on gabe ianannami. Itompa Ham do hanami marpangidah,
marpanangar, marpanganggoh, marpangahap pakon marpandai. Ibere
Ham do uhur pakon pingkiran bannami janah ipaturei-turei Ham do in
ronsi nuan. Iondingi Ham do hanami humbani parmaraan. Haganupan
in sedo halani dear ni gabeinami barang na nidilo ni tuahnami, tapi
halani dear ni layak-Mu pakon kuasa-Mu do in bannami. Ajari Ham
ma hanami ase ipakei hanami kuasa na hun Bamu ase italuhon hanami
sagala kuasa pakon rosuh ni dunia on na manirang hanami hun Bamu.
Ipuji hanami ma Ham sonari, patar, haduan ronsi sadokah ni dokahni.
Amen.

(hundul kuria)

d. Epesus 1:3–10

P : Napuji ma Naibata, Bapa ni Tuhan Jesus Kristus, na dob mamasu-
masuhon banta bagei ni pasu-pasu partonduyon hun nagori atas
ibagas Kristus.

K : Ai ipilih do hita ibagas Ia, sanggah lape itombei dunia on, ase pansing
hita anjaha lang panurakon i lobei-Ni, ibagas holong ni uhur.
P : Itotapkon hinan do hita Bani, gabe anak niain-Ni marhitei Jesus
Kristus, mangihutkon rosuh ni uhur-Ni,

K : Gabe puji-pujian bani idop ni uhur-Ni na marmulia in, na niidopkon-
Ni banta ibagas na hinaholongan-Ni in.
P : Ibagas Ia do dapot hita haluahon marhitei daroh-Ni, ai ma hasasapan
ni panlanggaron, domu hubani habayakon ni idop uhur-Ni,

K : Na unjah binerehon-Ni banta ibagas hapentaron ampa hauhuron.
P : Ipabotohkon do banta rusia ni sura-sura ni uhur-Ni domu hubani
haputusan ni uhur-Ni, na dob tinotaphon-Ni hinan ibagas diri-Ni.

K : Isurahon do bani gok ni panorangni, pasadahon haganup, na adong i

nagori atas ampa na i atas tanoh on, i toruh ni sada ulu, ai ma Kristus.
P : Haleluya, Haleluya, Haleluya.

K : (Mandodingkon: “Haleluya”, Es=do)

1 1 3 3 0 3 3 5 5 0 5 5 6 . 5 4 3 . .
Ha-le - lu - ya Ha-le - lu- ya Ha-le - lu - ya
P : Martonggo ma hita!

Tarima kasih ma isombahkon hanami hu Bamu Tuhan, na dob
manlayak-layakkon bagei ni pasu-pasu partonduyon na hun surga,
gabe itanda hanami rusia ni sura-sura na dob tinotapkon-Mu hinan
ibagas dirinami. In do na ihatarimakasihkon hanami marhitei
parsombahonnami on, halani ai ondos Bamu ma haganup hanami
on. Pasada Ham ma hanami ibagas pamujion na sintong hu Bamu,
halani domma tongon ihopkop Ham hanami marhitei Anak-Mu Jesus
Kristus Tuhannami. Ungkab Ham ma uhur pakon pingkirannami ase
lambin ididah hanami haganupan hinadear ni habayakon ni idop ni
uhur-Mu na gabe hagoluhan bannami. Jalo Ham ma tonggo pakon
pamujionnami on ibagas goran ni Anak-Mu Jesus Kristus Tuhannami,
Amen.

(hundul kuria)

e. 1 Petrus 1:3-7

P : Pinuji ma Naibata, Bapa ni Tuhanta Jesus Kristus, na dob manubuhkon
hita paduahalihon, domu hubani banggal ni idop ni uhurni, marhitei
parpuhoon ni Jesus Kristus humbani na matei, ase marpangarapan na
manggoluh hita,

K : Ase banta siteanon na so ra seda, na so martikas, na so ra melus, na
sinimpan banta i nagori atas.

P : Iramotkon do hita hinorhon nigogoh niNaibata,marhiteihaporsayaon,
ase das hita hu haluahon, na dob sirsir sipatalaron bani panorang
parpudi.

K : In do ihamalaskon nasiam, age pe marhoru nasiam tongkin sonari,
anggo porlu ibagas bagei ni parlajouan,

P + K : Ase taridah ma pitah ni haporsayaon nasiam, na harganan marimbang
omas na ra seda, age pe domma iuji ibagas apuy, bahen puji-pujian,
hasangapon ampa hamuliaon bani partalar ni Jesus Kristus.
P : Haleluya, Haleluya, Haleluya.

K : (Mandodingkon: “Haleluya”, Es=do)

1 1 3 3 0 3 3 5 5 0 5 5 6 . 5 4 3 . .
Ha-le - lu - ya Ha-le - lu -ya Ha-le - lu - ya
P : Martonggo ma hita!

Pinuji ma tongon Ham Naibatanami ibagas Kristus Jesus na dob
manlayak layakhon idop ni uhur-Mu bannami, gabe jumpah hanami
pangarapan na manggoluh ibagas Ham. Marhataridahan ma tongon

pitah ni haporsayaonnami hu Bamu, marhitei na dob ipatubuh Ham
hanami paduahalihon janah ondos ma tongon goluh sisadokah ni
dokah ni in bannami. Marhiteihon ni in do ase roh hanami hu Bamu
bani parsombahonnami on. Jalo anjaha ondos Bamu ma haganupan
goluh ronsi pamujionnami das hubani partalar ni Anak-Mu Jesus
Kristus Tuhannami, Amen.

(hundul kuria)

2. DODING:
3. HASASAPAN NI DOUSA:

Paragenda : Riap ma hita jongjong!

Martonggo ma hita, sopotkon hita ma dousanta hubani Tuhan Naibata!
Ham Tuhan Naibata Bapanami, na pansing janah pargogoh na
so tarimbang. Ibagas unduk ampa toruh ni uhur, roh do hanami
mansopotkon dousanami na banggal in. Gati do hanami lang
martenger ni uhur hu Bamu; maruhur sangsi janah taruyun bani na
masa i tanoh on. Hotop do soya pangkopkopon-Mu in ibahen hanami.
Lang humbani gok ni uhurnami mangkaholongi Ham. Hapansingon
pakon hasintongan-Mu pe gati do ipabutak hanami ibagas dirinami,
aima halani hagalekon pakon hurang ni haporsayaonnami hu Bamu.
Bani haganupan dousanami in, marpangulaki ma uhur-Mu bannami.
Ibagas Jesus Kristus sihopkop hanami.

……… (Saat Teduh)………

Riap ma hita mangindo!

Kuria : Ham Naibata, idop ma uhur-Mu bangku pardousa on.

Paragenda : Ham Tuhan Naibata, paridop ni uhur ampa parholong atei hubani
haganup jolma. Ihasiholi uhur-Mu do ase manggoluh hanami
ibagas holong, damei ampa halayakon-Mu. Tapi gati do hanami
lang mangasup mandalankon in dompak hasomannami. Hasadaon i
tongah-tongahnamipelapesongonnahinarosuhkon-Mu.Bueido halak
na hiranan bani buah-buah ni haporsayaonnami. Hajongjongannami
selakugaram pakonpanondang,inpegatidolangihagoluhkonhanami.
Bani haganupan hahurangan pakon dousanami in, marpanganju ma
Ham bannami.

………. (Saat Teduh)………

Riap ma hita mangindo!

Kuria : Ham Naibata, idop ma uhur-Mu bangku pardousa on.

Paragenda : Ham Tuhan Naibata Bapanami, simada kuasa ampa na gok
hasintongan. Domma ipilih janah ipapansing Ham hanami marhitei
Anak-Mu Jesus Kristus. Tapi gati do lang ihajongjongkon hanami
pandiloon ampa parsuruh-Mu in. Pingkiran ampa horjanami ari-ari
pe, gati do lang songon na hinarosuhkon ni uhur-Mu. Age pasu-
pasu na binere-Mu in pe, gati do ibahen hanami gabe dalan laho
manundalhon Ham. Ronsi tanggungjawabnami laho manramotkon na
tinompa-Mu marhitei na melestarihon lingkungan hidup, ai pe gati
do lolei hanami. Bani haganupan panlaosionnami in, idop ma uhur-
Mu, sasap Ham ma dousanami in. Amen.

………. (Saat Teduh)………

Riap ma hita mangindo!

Kuria : Ham Naibata, idop ma uhur-Mu bangku pardousa on.

Paragenda : Tangar anjaha haporsayai hita ma Hata ni Naibata, bagah-bagah pasal
hasasapan ni dousa.

(Paragenda mambasahon sada ayat Bagah-bagah Pasal Hasasapan
ni Dousa bani halaman 85-87, irik hujai ihatahon Paragenda ma:)
Ibagas holong ni Naibata, domma isasap haganup dousanta. Halani ai,
pataridahkon hita ma tanda-tanda ni pargoluhon na bayu. Hasangapon
ma bani Naibata i babou.

Kuria : Amen.

(hundul kuria)

4. DODING:
5. SIBASAON:

Paragenda : Tangar hita ma Hata ni Naibata na tarsurat bani:

(Paragenda mambasahon Sibasaon Minggu/Pesta sadari ni ai,

iujungi marhitei hata:)

Amen. Martuah do na manangar Hata ni Naibata anjaha na
marimbagashonsi!

Kuria : Amen.

6. DODING:

7. HATA HAPORSAYAON:

Paragenda : Riap ma hita jongjong,!

Saksihon hita ma haporsayaonta in, songon na sinaksihon ni haganup

halak na porsaya bani sab tanoh on!

(Humbani: Apostolicum, Niceanum atap Athanasianum, torih halaman

100-102)

(hundul kuria)

8. TINGTING: (Tonggo salpu tingting pitah manonggohon isi ni tingting tumang)

9. DODING :
10. TONGGO PANGAPITION
PAKON TONGGO HAM BAPANAMI :
Paragenda : Riap ma hita jongjong!
Martonggo ma hita.

(Manonggohon na porlu/khusus)
….. Amen.

Riap ma hita martonggo marhitei tonggo na niajarhon ni Tuhan Jesus
hubanta.

P+K : Ham Bapanami na i nagori atas……… Amen.

(hundul kuria)

11. DODING :

12. AMBILAN :a. Tonggo paima Ambilan
b. Mambasa Teks pakon padaskon Ambilan
c. Tonggo dob Ambilan

(Totap ma Parambilan bani langgatan das hubani na manutup ibadah)

13. GALANGAN : (Sarupa pakon Model A)

14. TONGGO PAKON DODING GALANGAN : (Sarupa pakon Model A)

15. TONGGO PANUTUP : (Sarupa pakon Model A)

16. PAINGKATHON/PENGUTUSAN : (Sarupa pakon Model A)

17. PASU-PASU : (Sarupa pakon Model A)

KEBAKTIAN MINGGU
MODEL D

1. VOTUM - INTROITUS - TONGGO:

Paragenda : Riap ma hita jongjong!

Ibagas Goran ni Naibata Bapa, pakon Tuhan Jesus Kristus ampa

Tonduy Na Pansing, Sitompa langit pakon tanoh on. Amen.
(Paragenda mambasahon sada ayat na marpadomuan hubani goran
ni Minggu/Pesta bani halaman 45-58, irik hujai ibasahon ma baris
na parlobei ni salah sada doding na i toruh on:)

Kuria : (Mandodingkon : Haleluya No. 302:1)
Puji hita Naibatanta, puji hita Anak-Niin
Puji hita ‘ge Tonduy-Ni, Sitolusada do in.
Haleluya, Haleluya, Sitolusada do in.

(Atap Mandodingkon : Haleluya No. 303:1)
Na Pansing, Na Pansing, Tuhan parkuasa.
Ari on hanami mamuji Naibata.

Na Pansing, Na Pansing janah marjumbalang.
Sitolusada na sangap tumang.

(Atap Mandodingkon : Haleluya No. 404:1)
Ganup ari do in, ronsi tahun hu taun,
Sihol do hudodingkon Goran-Mu.

Ham Tuhan Naibata, sai hupuji do Ham,
halani haganup layak-Mu.

Ham arta na harga, poltik hujolom in,
humbani na hinan, Ham do tong Naibatangkin.
Bonani na dear, ronsi sadokahnin,

Panondang na lihar, bai ganup na golap in.

Paragenda : Martonggo ma hita!

(Paragenda mambasahon sada tonggo na marpardomuan hubani
goran ni Minggu/Pesta bani halaman 59-72).
(hundul kuria)

2. DODING :

3. HASASAPAN NI DOUSA :

Paragenda : Riap ma hita jongjong!

Martonggo ma hita, sopotkon hita ma dousanta hubani Tuhan Naibata.

(Paragenda mambasahon sada Tonggo Hasasapan ni Dousa bani
halaman 81-84. Dob salpu “Amen”, ihatahon Paragenda ma:)
Tangar anjaha haporsayai hita ma Hata ni Naibata, bagah-bagah pasal
hasasapan ni dousa.

Kuria : Amen.

(hundul kuria)

4. DODING :

5. SIBASAON :

Paragenda : Tangar hita ma Hata ni Naibata na tarsurat bani…

(Ibasahon sahalak pagori ni kuria ma Sibasaon sadari ni ai humbani
hundulanni, anjaha iujungi marhitei hata Amen.)

Martuah do na manangar Hata ni Naibata anjaha na marimbagashonsi!

Kuria : Amen.

6. DODING :

7. HATA HAPORSAYAON :

Paragenda : Riap ma hita jongjong,!

Saksihon hita ma haporsayaonta in, songon na sinaksihon ni haganup
halak na porsaya bani sab tanoh on!

(Humbani: Apostolicum, Niceanum atap Athanasianum, torih
halaman 100-102)

(hundul kuria)

8. DODING :

9. HASAKSIAN : (Pengalaman iman humbani pagori anjaha iujungi ibagas tonggo)
10. DODING :

11. TINGTING : (Tonggo salpu tingting pitah manonggohon isi ni tingting tumang)

12. DODING :

13. AMBILAN:

Parambilan : - Martonggo paima Ambilan.

- Mambasa Teks ni Ambilan, iujungi marhitei hata: “Amen”.

Kuria : (Mandodingkon : Haleluya No. 18:1)

Hata-Mu ale Tuhanku, arta siharganan ai.

Sai palongkot bai uhurhu, ulang lang hujolom ai.
Anggo seng be sijoloman, Hata na madear in.
Aha ma na baen onjolan, ni haporsayaonkin.

(Atap Mandodingkon : Haleluya No. 416:1-2)
Humpul nuan hanami Tuhan, i rumah-Mu sonari.
Manjalo Hata-Mu o Tuhan, ase dong bohalnami.
Buhai ma uhurnami Tuhan, manangihon ambilan.
Ai in do gogohnami nuan, pamalas paruhuran.

Parambilan : (Marambilan… iujungi marhitei hata:) “Amen”.

Kuria : (Mandodingkon : loguni songon Haleluya No. 332:1)

Hata-Mu ale Tuhan, ondos ma bai uhurhon.

Sai margogoh ma tongon, pabayuhon goluhkon.
Sai patotap uhurhon, mambalosi Ham tongtong.
Sadokah ni goluhkon, hupasangap Ham tongtong.

(Atap Mandodingkon: Haleluya No. 448:1)
Mantin ni in do hape padan ni Tuhan Jesus
Pamalas uhur tene bai ganup na tinobus
Dear tumang padan-Nin na gabe sijoloman
Patoguh uhur do in bai na marpangarapan
Sai hagoluhkon ma in baen rudang hajengeson
Ase sonang ham ijin gok Tonduy hasintongan
Hinalayak-Ni do in pasirsir haluahon

Janah damei uhurmin jumpahan hagoluhan

Parambilan : (Mamboan Tonggo dob Ambilan pakon Tonggo Pangapition anjaha

totap ma Parambilan bani langgatan das hubani na manutup ibadah)

14. GALANGAN : (Sarupa pakon Model A)

15. TONGGO PAKON DODING GALANGAN : (Sarupa pakon Model A)

16. TONGGO PANUTUP: (Sarupa pakon Model A)

17. TONGGO “HAM BAPANAMI” : (Sarupa pakon Model A)

18. PAINGKATKON/PENGUTUSAN : (Sarupa pakon Model A)

19. PASU-PASU : (Sarupa pakon Model A)

KEBAKTIAN MINGGU
MODEL E

1. VOTUM – INTROITUS – TONGGO:

Paragenda : Riap ma hita jongjong!

Ibagas Goran ni Naibata Bapa pakon Tuhan Jesus Kristus ampa
Tonduy Na Pansing, Sitompa langit pakon tanoh on.

Kuria : Amen.

(Irik ipilih sada Introitus pakon Tonggo humbani a, b, c, d atap e na
i toruh on)

a. Psalmen 23:1–6

Paragenda(P) : Jahowa do Siparmahan ahu,
Kuria (K) : Seng anjai hurangan ahu.

P : Ipatudu do ahu bani sampalan na mombur,
K : Anjaha itogu-togu do ahu hu bah parsaranan.
P : Ipahisar do tonduyhu,

K : Itogu do ahu bani dalan hapintoron halani goran-Ni in.
P : Age pe mardalan ahu bani lombang bagas ni hagolapan, seng
mabiar ahu,

K : Ai Ham do mangkasomani ahu; tungkot-Mu pakon simambu-Mu do
na mangapohi ahu.

K : (Mandodingkon: “Haleluya”, Es=do)

1 1 3 3 0 3 3 5 5 0 5 5 6 . 5 4 3 . .
Ha-le - lu - ya Ha-le - lu - ya Ha -le - lu - ya

P : Martonggo ma hita!

Ham ma tonggo pakon pamujionnami on marhitei Tuhan Jesus Kristus
Siparmahan bannami. Amen.

(hundul kuria)

b. Psalmen 103:1–6

P : Puji ma Jahowa, ale tonduyhu,

K : Anjaha humbani gok ni uhurhu mamuji goran-Ni na pansing in!
P : Puji ma Jahowa, ale tonduyhu,

K : Anjaha ulang ma halupahon ganup dear layak-Ni!
P : Ia do na manasap sagala dousamu,

K : Anjaha na pamalumkon sagala naboritmu;

K : Anjaha na pasintongkon uhum bani halak na hona dorun.
P : Haleluya, Haleluya, Haleluya.

K : (Mandodingkon: “Haleluya”, Es=do)

1 1 3 3 0 3 3 5 5 0 5 5 6 . 5 4 3 . .
Ha-le - lu -ya Ha -le - lu - ya Ha-le - lu - ya

P : Martonggo ma hita!

(hundul kuria)

c. Psalmen 93:1-4

K : Humbani mula ni mulani domma dong Ham.
P : Marbanggal do bah, Ham Jahowa,

K : Maling do pardosong ni bah, doras tumang do parhasakni.
P : Gogohan marimbang parhasak ni bah marbanggal,

K : Gogohan marimbang pargilumbang ni laut.
P + K : Lobih markuasanan do Jahowa i nagori atas.
K : Hasaksian-Mu, tongon do tarhatengerhon.
P : Hapansingon do na patut bani rumah-Mu,
P + K : Ham Jahowa ronsi sadokah ni dokahni.
P : Haleluya, Haleluya, Haleluya.

K : (Mandodingkon: “Haleluya”, Es=do)

1 1 3 3 0 3 3 5 5 0 5 5 6 . 5 4 3 . .
Ha-le - lu - ya Ha- le - lu - ya Ha-le - lu - ya

P : Martonggo ma hita!

(hundul kuria)

d. Epesus 1:3–10

P : Napuji ma Naibata, Bapa ni Tuhan Jesus Kristus, na dob mamasu-
masuhon banta bagei ni pasu-pasu partonduyon hun nagori atas
ibagas Kristus.

K : Gabe puji-pujian bani idop ni uhur-Ni na marmulia in, na niidopkon-
Ni banta ibagas na hinaholongan-Ni in.

P : Ibagas Ia do dapot hita haluahon marhitei daroh-Ni, ai ma hasasapan
ni panlanggaron, domu hubani habayakon ni idop uhur-Ni,

K : Na unjah binerehon-Ni banta ibagas hapentaron ampa hauhuron.
P : Ipabotohkon do banta rusia ni sura-sura ni uhur-Ni domu hubani
haputusan ni uhur-Ni, na dob tinotaphon-Ni hinan ibagas diri-Ni.

K : Isurahon do bani gok ni panorangni, pasadahon haganup, na adong i
nagori atas ampa na i atas tanoh on, i toruh ni sada ulu, ai ma Kristus.

P : Haleluya, Haleluya, Haleluya.

K : (Mandodingkon: “Haleluya”, Es=do)

1 1 3 3 0 3 3 5 5 0 5 5 6 . 5 4 3 . .
Ha-le - lu - ya Ha-le - lu - ya Ha-le - lu - ya

P : Martonggo ma hita!

(hundul kuria)

e. 1 Petrus 1:3-7

P : Pinuji ma Naibata, Bapa ni Tuhanta Jesus Kristus, na dob manubuhkon
hita paduahalihon, domu hubani banggal ni idop ni uhur Ni, marhitei
parpuhoon ni Jesus Kristus humbani na matei, ase marpangarapan na
manggoluh hita,

K : Ase banta siteanon na so ra seda, na so martikas, na so ra melus, na
sinimpan banta i nagori atas.

P : Iramotkon do hita hinorhon nigogoh niNaibata,marhiteihaporsayaon,
ase das hita hu haluahon, na dob sirsir sipatalaron bani panorang
parpudi.

K : In do ihamalaskon nasiam, age pe marhoru nasiam tongkin sonari,
anggo porlu ibagas bagei ni parlajouan,

K : (Mandodingkon: “Haleluya”, Es=do)

1 1 3 3 0 3 3 5 5 0 5 5 6 . 5 4 3 . .
Ha-le - lu - ya Ha -le - lu -ya Ha-le - lu - ya

P : Martonggo ma hita!

Pinuji ma tongon Ham Naibatanami ibagas Kristus Jesus na dob
manlayak layakhon idop ni uhur-Mu bannami, gabe jumpah hanami
pangarapan na manggoluh ibagas Ham. Marhataridahan ma tongon
pitah ni haporsayaonnami hu Bamu, marhitei na dob ipatubuh Ham

hanami paduahalihon janah ondos ma tongon goluh sisadokah ni
dokah ni in bannami. Marhiteihon ni in do ase roh hanami hu Bamu
bani parsombahonnami on. Jalo anjaha ondos Bamu ma haganupan
goluh ronsi pamujionnami das hubani partalar ni Anak-Mu Jesus
Kristus Tuhannami, Amen.

(hundul kuria)

2. DODING:

3. HASASAPAN NI DOUSA :

Paragenda : Riap ma hita jongjong!

Martonggo ma hita mansopotkon dousanta.

Ham Tuhan Naibata, ibagas toruh ni uhur roh do hanami hu Bamu
mansopotkon dousanami. Ai na mangaku do hanami, buei do lang
ihorjahon hanami aha na patut sihorjahononnami. Halani ai patut do
hanami hona uhuman-Mu. Ham Tuhan idop ma uhur-Mu bannami.

Kuria : (Mandodingkon: “Tuhan holong ma uhur-Mu” inggou ni “Deideng”

A=do).

1 2 3 3 . . 0 3 3 . 3 3 . 3 2 3 2 1 2 1 1 1

Tu - han ho - long ma u - hur- Mu ban- na - mi

6 1 2 1 1 1 63 5 .

par- dou - sa on.

Paragenda : Gati do hanami mangelak humbani tanggungjawabnami
pajongjongkon hasintongan pakon habonaron-Mu, janah hurang
barani do hanami mamorsan silang, halani mabiar hanami bani risiko.
Bueinan do ipakei hanami panorang mamingkirhon dirinami sandiri
marimbang mamingkirhon na hinarosuhkon ni uhur-Mu. Paluah Ham
ma hanami humbani uhur biar pakon gobir. Ham Tuhan idop ma uhur-
Mu bannami.

Kuria : (Mandodingkon: “Tuhan holong ma uhur-Mu”.).

Tuhan holong ma uhur-Mu bannami pardousa on.

Paragenda : Sonari iboan hanami do haganup dousanami hu lobei-Mu, irik
mangakuhon, na sirsir do hanami pabayuon-Mu, ase boi hanami
mandalanhon hata-Mu, janah bere Ham ma Tonduy-Mu laho
mambobai hanami bani goluhnami. Ham Tuhan idop ma uhur-Mu
bannami.

Kuria : (Mandodingkon: “Tuhan holong ma uhur-Mu).

Tuhan holong ma uhur-Mu bannami pardousa on.

Paragenda : Tangar anjaha haporsayai hita ma Hata ni Naibata, bagah-bagah pasal
hasasapan ni dousa.

Kuria : (Mandodingkon: “Amen”, Es=do)

1 7 6 5 1 7 6 5 4 3 2 . 1 . 0

A - men A - men A - men.

Catatan : (Doding “Tuhan holong ma uhur-Mu... boi igantih bani Haleluya No.
238:1,2,6 atap No. 356:1,2,3 atap No. 235:4,5,6 atap No. 364:1,2,3
pakon No. 473:1,2,3 atap doding na maringgou Simalungun ciptaan
baru).

(hundul kuria)

4. DODING :

5. SIBASAON :

Paragenda : Tangar hita ma hata ni Naibata na tarsurat bani …..

(Paragenda mambasahon Sibasaon ari Minggu/Pesta sadari ni ai,

iujungi marhitei hata:)

Amen. Martuah do na manangar Hata ni Naibata anjaha na
marimbagashonsi!

Kuria : (Mandodingkon : “Amen”, Es=do)

1 7 6 5 1 7 6 5 4 3 2 . 1 . 0

A - men A - men A - men.

6. DODING :

7. HATA HAPORSAYAON :

Paragenda : Riap ma hita jongjong!

Saksihon hita ma haporsayaonta in, songon na sinaksihon ni haganup

na porsaya bani sab tanoh on!
(Humbani Apostolicum, Niceanum atap Athanasianum, torih halaman
100-102)

(hundul kuria)

8. DODING :

9. TONGGO PANGAPITION PAKON TONGGO HAM BAPANAMI :

Paragenda : Riap ma hita jongjong!

Martonggo ma hita.
(Manonggohon na porlu/khusus) … Amen.
Ham Bapanami na i nagori atas, sai napapansing ma goran-Mu.

Kuria : Ajari Ham ma hanami laho papansingkon goran-Mu, marhiteihon
na sirsir hanami manangihon pakon mangkorjahon hata-Mu ibagas
goluhnami.

Paragenda : Sai roh ma harajaon-Mu. Sai saud ma harosuh ni uhur-Mu i nagori
tongah on songon na i nagori atas.

Kuria : Tonduy-Mu Na Pansing ma marianan bannami, ase ipargogohi hanami
laho pataridahkon tanda-tanda ni harajaon-Mu pakon pasaudkon
harosuh ni uhur-Mu i tanoh on, marhitei pambalosion ampa pangabak
na talup i lobei-Mu.

Paragenda : Bere Ham ma bannami sadari on hagoluhan ari-ari.

Kuria : Ajari Ham ma hanami, ase lambin mangidah, mananda janah
mambotoh, na pitah Ham do harohan ni hagoluhannami, ase
ihamalaskon hanami buei ni silayak-layak-Mu, na dob binere-Mu
pakon na sihol bereon-Mu ope bannami.

Paragenda : Sasap Ham dousanami songon panasapnami bani dousa ni hasoman,
na mardousa dompak hanami.

Kuria : Ajari Ham ma hanami mangkaholongi hasomannami, songon
pangkaholongi-Mu bannami, ase na madear ibahen hanami balos ni
na jahat, lang marsubil, lang mardomdom, lang marmapas ni uhur
hanami hubani hasoman. Pargogohi Ham ma hanami, ase tongtong
mambalosi Ham janah mangkaholongi hasoman.

Paragenda : Ulang hanami bobai Ham hu parlajouan. Paluah Ham ma hanami
humbani pangagou.

Kuria : Ham Tuhan Naibata, parorot anjaha parmudu-mudu Ham ma hanami
laho manlembangi dousa pakon siding ni sibolis, ase monang hanami
mangimbang pangagou in.

Paragenda : Ai Ham do Simada harajaon, pakon hagogohon ampa hasangapon
sadokah ni dokahni. Amen.

Kuria : (Mandodingkon : “Amen”, Es= do)

1 7 6 5 1 7 6 5 4 3 2 . 1 . 0

A - men A - men A - men

(hundul kuria)

10. DODING :

11. TINGTING : (Tonggo salpu tingting pitah manonggohon isi ni tingting tumang)

12. DODING :

13. AMBILAN :a. Tonggo paima Ambilan

b. Mambasa Teks pakon padaskon Ambilan

c. Tonggo dob Ambilan pakon Tonggo Pangapition

(Totap ma Parambilan bani langgatan das hubani na manutup ibadah)

14. GALANGAN : (Sarupa pakon Model A)

15. TONGGO PAKON DODING GALANGAN : (Sarupa pakon Model A)

16. TONGGO PANUTUP : (Sarupa pakon Model A)

17. PAINGKATKON/PENGUTUSAN : (Sarupa pakon Model A)

18. PASU-PASU : (Sarupa pakon Model A)

KEBAKTIAN MINGGU
MODEL F

(Ipadomu pakon Horja Banggal Napansing)

(Persiapan/Tugah-tugah)

1. VOTUM – INTROITUS – TONGGO:

Pandita : Ibagas Goran ni Naibata Bapa pakon Tuhan Jesus Kristus ampa
Tonduy Na Pansing, Sitompa langit pakon tanoh on.

Kuria : Amen.

Pandita : (Mambasa sada ayat na i toruh on:)
1. Ale Naibata, Ham do Naibatangku, na hupindahi. Horahan
do tonduyhu Bamu, siholan do dagingku Bamu songon tanoh
na dorging anjaha na horah, na so marbah (Psalmen 63:2).
Haleluya, Haleluya, Haleluya.

2. Ai sonon do holong ni uhur ni Naibata bani dunia on, pala do
Anak-Ni na sasada in iberehon, ase ulang magou ganup na
porsaya Bani, tapi ase hagoluhan na sadokah ni dokahni bani
(Johannes 3:16). Haleluya, Haleluya, Haleluya.

3.        Hatengeran ni uhur do hata on anjaha talup jaloon: domma roh
        Kristus Jesus hu tanoh on, laho paluahkon pardousa (1 Timoteus
        1:15). Haleluya, Haleluya, Haleluya.

Kuria : (Mandodingkon: “Haleluya”, Es=do)

1 1 3 3 0 3 3 5 5 0 5 5 6 . 5 4 3 . .
Ha-le - lu -ya Ha- le - lu -ya Ha-le - lu - ya.

Pandita : Martonggo ma hita! (Basaon ma sada tonggo na i toruh on:)
1. Ham Tuhan Naibata Jahowa simada kuasa, na mangidah torus
das hubagas hauhuron ampa sura-suranami. Seng dong na
lingod humbani panonggor-Mu. Bani na roh hanami hu lobei-
Mu ibagas parsombahonnami on, papansing Ham ma uhur
pakon pingkirannami marhitei Tonduy-Mu, ase boi sintong
pamujion pakon pangkaholonginami Bamu, janah tongtong
ipasangap hanami goran-Mu na Pansing in, marhitei Jesus
Kristus Tuhannami. Amen.

2. Ham Tuhan Jesus Kristus paridop ni uhur ampa parholong
atei banggal. Na roh do hanami hu lobei-Mu bani panorang on
sihol martarima kasih halani haluahon na dob pinasirsir-Mu
hubannami. Lambin paahapkon Ham ma holong-Mu hubannami,
ase lambin martenger ni uhur hanami hu Bamu. Sorapi Ham ma
uhurnami, ase ibagas hasintongan-Mu hanami roh marsombah
janah manrogop hu lobei-Mu.

2. DODING :

3. TONGGO HASASAPAN NI DOUSA :

Pandita : Riap ma hita jongjong! Anggo ihatahon hita, seng dong dousanta,
ipaoto-oto hita do dirinta, anjaha seng ibagas hita hasintongan in.
Anggo isopotkon hita dousanta, hatengeran ni uhur anjaha bonar
do Ia manasap dousanta ampa paborsih hita humbani haganup
hagedukon (1 Johannes 1:8-9). Halani ai roh ma hita hu lobei ni
Tuhanta mansopotkon janah mangindo hasasapan ni dousanta.
(Basaon ni Pandita ma baris parlobei ni salah sada doding na i toruh
on)

P + K : (Mandodingkon: Haleluya No. 46:4)
Dousangku seng be tarbilangi, hubahen sain dokah ni in.
Na dong tarhira be layak ni Tuhanta Jesus na dob in.
Seng ibalaskon Ham, Tuhanku, hubangku songon dousangkin.
Lumbang do uhur-Mu hubangku paidah-idah gabeihin.

Atap (Mandodingkon: Haleluya No. 234:2)
Holong atei-Mu, mangidah ganup parlahouhu,
Ai ma tongon, hotop do sai kahou langkahku.
Sai sasap Ham dousangkin, o Tuhan.

Atap (Mandodingkon: Haleluya No. 353:2)

Marunduk ni uhur sopotkon ma in,

Pambaenmu na jahat ampa jungkatmin.
Ondoskon bai Jesus bulat dirimin,

Tongtong ma sai dingat pangkopkop-Ni in.

Pandita : Martonggo ma hita!

Ham Tuhan Naibata paridop ni uhur banggal. Iparhatongon hanami na
hotop do hanami iparjabolon dousa, anjaha lang boi hanami maluah
anggo mangajamhon gogohnami sandiri. Mardousa do hanami
dompak Ham marhitei pingkiran, hata sonai age pambahenannami.
Janah mardousa do homa hanami marhitei na lang ihorjahon hanami
na patut sihorjahononnami. Lang ihaholongi hanami Ham humbani

bulat ni uhur, gok ni tonduy, pakon bois ni gogohnami. Lang
ihaholongi hanami hasomannami doskon dirinami sandiri. Maidop
ma uhur-Mu bannami, sasap Ham ma dousanami, anjaha bobai Ham
ma hanami ase margoluh na bayu, manggoluh ibagas harosuh-Mu
janah mardalan bani dalan-Mu. Ibagas Jesus Kristus, jalo Ham ma
tonggonami on. Amen.

Pandita : Maronjolan humbani kuasa ni Naibata, huhatahon ma bani nasiam:

(Iangkat Pandita tangan siamunni anjaha ihatahon ma:)

Ibagas goran ni Naibata Bapa, pakon Tuhan Jesus Kristus ampa
Tonduy Na Pansing, tenger ma uhurnasiam, domma sasap haganup
dousanasiam. Riap ma hita mangkatahon: Amen.

P + K : Amen.

4. DODING :

5. HATA HAPORSAYAON :

Pandita : Riap ma hita jongjong!

Saksihon hita ma haporsayaonta in, songon na sinaksihon ni haganup
halak na porsaya bani sab tanoh on!

Pandita +

Kuria : Ahu porsaya bani Naibata Bapa, Pargogoh na so tarimbang, na
manompa langit pakon tanoh on.

(hundul kuria)

6. TINGTING : (Tonggo dob salpu tingting pitah manonggohon isi ni tingting tumang)

7. DODING :

8. AMBILAN :a. Tonggo paima Ambilan
b. Mambasa Teks pakon padaskon Ambilan
c. Tonggo dob Ambilan pakon Tonggo Pangapition

9. GALANGAN : (Sarupa pakon model A)

10. DODING :
11. HORJA BANGGAL NA PANSING :

Pandita : Riap ma hita jongjong!

(Basaon ma salah sada ayat na i toruh on:)

1. Paridop ni uhur anjaha pardear layak do Jahowa, nanget
manringis anjaha paridop ni uhur banggal. Seng ibahen hubanta
romban hubani dousanta, anjaha seng ibalaskon banta romban
hubani hajahatonta. Songon idop ni uhur ni bapa bani niombahni,
sonai do idop ni uhur ni Jahowa bani sagala na mangkabiari-Si.
(Psalmen 103:8, 10, 13).

2.        Nini Tuhan Jesus: “Ahu do ruti hagoluhan in. Barang ise na roh
        hu Bangku, seng anjai loheian be ia, anjaha na porsaya Bangku
        seng anjai horahan be ia” (Johannes 6:35).

3. Ihatahon Tuhanta Jesus Kristus: “Na mangankon daging-Ku
anjaha na manginum daroh-Ku dapotan hagoluhan na sadokah ni
dokahni, anjaha papuhoon-Ku do ia bani ari parpudi” (Johannes
6:54).

4.        Ai ganup hali ipangan nasiam ruti na sonin, anjaha iinum nasiam
        humbani panginuman in, parmatei ni Tuhan in do iambilankon
        nasiam, ronsi roh Ia. (1 Korint 11:26).

5. Ase barang ise ibagas Kristus, na tinompa na baru ma in. Domma

salpu sisapari, tonggor ma domma gabe na baru. (2 Korint 5:17).

6. Ai ibotoh nasiam do idop ni uhur ni Tuhanta Jesus Kristus,
na bayak hinan, gabe miskin halani nasiam, ase bayak nasiam
halani sombuh-Ni ai. (2 Korint 8:9).

7. Barang ise na horahan, roh ma; na marhasihol, ijalo ma bah

hagoluhan in, seng pala marpamboli. (Pangungkabon 22:17b).

Pandita : Martonggo ma hita! Ham Tuhan Naibata Bapanami paridop ni uhur
na tarsulur ibagas Tuhan Jesus Kristus. Ham do sibere haluahon pakon

hagoluhan na sadokah ni dokahni marhitei Anak-Mu Jesus Kristus
Tuhannami, na sirsir manggalangkon diri-Ni mangkopkop hanami
pardousa. Bani na ijalo hanami parpadanan na pansing on, maidop
ma uhur-Mu bannami. Tonduy-Mu Na Pansing in ma mambuha uhur
ampa na patotapkon haporsayaonnami, ase lambin martenger ni uhur
hanami hubani Jesus Kristus na mangkopkop hanami. Amen.
Riap ma hita martonggo marhitei tonggo na niajarhon ni Tuhan Jesus
hubanta!

Pandita +

Kuria : Ham Bapanami na i nagori atas, sai napapansing ma Goran-Mu. Sai
roh ma harajaon-Mu. Sai saud ma harosuh ni uhur-Mu i nagori tongah
on songon na i nagori atas. Bere Ham ma bannami sadari on hagoluhan
ari-ari. Sasap Ham ma dousanami songon panasapnami bani dousa ni
hasoman na mardousa dompak hanami. Ulang hanami bobai Ham
hu parlajouan. Paluah Ham ma hanami humbani pangagou. Ai Ham
do simada harajaon, pakon hagogohon ampa hasangapon sadokah ni
dokahni. Amen.

12. SUNGKUN-SUNGKUN :

Pandita : Hita ganup na hinarga ni Naibata, iparsinta hita sonari manjalo
parpadanan na pansing in. Halani ai ningon tangkas do hu banta pasal
Horja Banggal na Pansing in, ronsi aha do ulihta hunjin. Parpadanan
na Pansing aima hataridahan ni idop ni uhur ni Naibata hubanta.
Halani ai martarimakasih ma hita hubani Naibata, na dob paluahkon
hita marhitei Anak-Ni, Jesus Kristus. Bani na sihol ijalo hita ruti
pakon anggur na gabe parhiteian ni daging pakon daroh ni Kristus,
roh ma hita hubani Tuhanta ibagas toruh ampa borsih ni uhur. Halani
ai balosi ham ma sungkun-sungkun on:

Pandita :

1. Ihaposayai ham do Tuhan Jesus Kristus na dob roh hu tanoh on
paluahkon pardousa, Ia na dob matei ampa mulak manggoluh
mangkopkop ham, mamorsan janah manasap dousamu? Ihaporsayai
ham do?

Kuria : Huhaporsayai do.

Pandita :

2. Ihaporsayai ham do ruti pakon anggur na bani parpadanan na
pansing in, in ma na gabe parhiteian ni daging pakon daroh ni Tuhan
Jesus? Ihaporsayai ham do?

Kuria : Huhaporsayai do

Pandita :

3. Ra do ham mangkagoluhkon hasasapan ni dousa na dob ibere Tuhan
Jesus hu bamu marhitei na mangkagoluhkon goluh na baru? Ra do

ham mardear pakon halak na manunsahi uhurmu, janah manasap
dousani? Ra do ham?

Kuria : Ra do ahu.

Pandita : Ibagas malas ni uhur do Naibata manjalohon pangakuan sisonai ai.
Tarpuji ma Naibata marhitei haganup pargoluhanta. Amen.
(hundul kuria)

13. DODING :

14. ONJOLAN NI PARPADANAN NA PANSING :
Pandita : Anggo sonai, paunduk hita ma uhurta, mardingat tonah pakon
manangihon hata ni Tuhan Jesus bani na pasirsirhon parpadanan na
pansing in.

Ibuat Tuhan Jesus ma ruti bani borngin sanggah na hona partahian Ia.
Ihatahon ma tarima kasih, dob ai itopiki ma ai, ibere hubani susian-Ni
irik ihatahon:

(Pandita mangangkat tangan siamunni i atas ni ruti)
“Jalo nasiam ma, anjaha pangan ma, daging-Ku do on, na binerehon
mangkopkop nasiam. Bahen nasiam ma sonin gabe pardingatan
Bangku”

Dob salpu sidea mangan, ibuat ma panginuman in, ihatahon ma tarima
kasih anjaha ihatahon ma dompak sidea:

(Pandita mangangkat tangan siamunni i atas ni anggur)
“Jalo nasiam ma, ganup ma nasiam manginum hunjin, ia panginuman
on, padan na baru do on, marhitei daroh-Ku, na niduruskon
mangkopkop nasiam, bahen hasasapan ni dousa. Bahen nasiam ma
sonin gabe pardingatan nasiam Bangku”

(Pandita mangankon ruti pakon manginum anggur parpadanan)
(Dob ai ibahen Pandita ma gerakan tangan mangontang kuria)
Ase roh ma nasiam, ai domma sirsir haganup!

Dai anjaha tonggor nasiam ma dear layak ni Jahowa.
Martuah ma sagala na martenger ni uhur hu-Bani.

15. PARPADANAN NA PANSING :

(Marhasoman doding atap musik anggo adong)

(Ipilih ma sada humbani metode na i toruh on:)

1. (Anggo marsasabagian do kuria in hu lobei, hatahonon ni Pandita ma bani sidea

sanggah na mambere ruti pakon anggur:)

Pandita : Ihatahon Tuhan Jesus Kristus:

Jalo ham ma anjaha pangan ma. Daging-Ku do on, na binerehon

mangkopkop ham. In ma manramotkon pakon patotapkon uhurnasiam
mangkaporsayai-Si, ase bani nasiam hagoluhan na sadokah ni
dokahni. Amen.

Ihatahon Tuhan Jesus Kristus. Jalo ham ma, anjaha inum ham ma.
Daroh-Ku do on, na niduruskon mangkopkop ham bahen hasasapan
ni dousa. In ma manramotkon pakon patotaphon uhur nasiam
manghaporsayai-Si, ase bani nasiam hagoluhan na sadokah ni
dokahni. Amen.

Mulak ma nasiam ibagas damei!

(Boi do homa hatahonon ni Pandita sonon:)

Ihatahon Tuhan Jesus Kristus:

Daging-Ku do on na binerehon mangkopkop ham.

Daroh-Ku do on na niduruskon mangkopkop ham.

In ma manramotkon pakon patotapkon uhurnasiam mangkaporsayai-
Si, ase bani nasiam hagoluhan na sadokah ni dokahni. Amen.

2. (Anggo marnunut do kuria in sada-sada roh hu lobei, janah adong Pandita na
mambagihon ruti anjaha adong homa na mambagihon anggur, hatahonon ni sidea bei
ma sonon:)

Ihatahon Tuhan Jesus Kristus:

Daging-Ku do on na binerehon mangkopkop ham (na mambagihon

ruti)

Daroh-Ku do on na niduruskon mangkopkop ham (na mambagihon
anggur)

(Dob salosei haganup kuria manjalo ruti pakon anggur hatahonon ni
salah sada Pandita ma sonon:)
In ma manramotkon pakon patotapkon uhur nasiam mangkaporsayai-
Si, ase bani nasiam hagoluhan na sadokah ni dokahni. Amen.

3. (Anggo Majelis Jemaat do na mambagihon ruti pakon anggur marhitei na manrohi
kuria bani ianan ni bei, hatahonon ni Pandita ma sonon:)
Ihatahon Tuhan Jesus Kistus:

Daging-Ku do on na binerehon mangkopkop ham (ruti ibagihon)
Daroh-Ku do on na niduruskon mangkopkop ham (anggur ibagihon)
(Dob haganup kuria manjalo ruti pakon anggur hatahonon ni Pandita
ma:)

In ma manramotkon pakon patotapkon uhurnasiam mangkaporsayai-
Si, ase bani nasiam hagoluhan na sadokah ni dokahni. Amen.
(Dob salpu manjalo ruti pakon anggur Parpadanan iondoskon kuria
ma banggal ni uhurni hu ianan na dob ipasirsir).

16. DODING :

17. PUJI-PUJIAN PAKON HATARIMAKASIHON :

(Psalmen 34:2-5, jongjong kuria)

P : Sai pujionku do Jahowa bani sagala panorang,
K : Tongtong do puji-pujian-Ni ibagas pamanganku.
P : Marhitei Jahowa do marmegah-megah tonduyhu,
K : Ibogei halak na madoyuk ma ai, gabe malas ma uhurni.
P : Hasomani nasiam ma ahu pabanggalhon Jahowa,
K : Sai rap ma hita patimbulhon goran-Ni in.

P : Hupindahi do Jahowa, anjaha ibalosi do ahu;
K : Ipaluah do ahu humbani sagala habiaranku.

P + K : Puji hita ma Jahowa, martarimakasih ma hita hu Bani. Amen.

18. DODING :

19. TONGGO HATARIMAKASIHON PAKON DODING GALANGAN:

Pandita : Riap ma hita jongjong!

Martonggo ma hita!

Ham Tuhan Naibata Bapanami parholong ni atei ampa paridop ni
uhur. Ipuji janah ipasangap hanami do Ham halani idop ni uhur ampa
dear ni layak-Mu na dob ijalo hanami. Domma ihopkop Ham hanami
janah isasap Ham dousanami gabe manggoluh hanami ibagas idop ni
uhur-Mu in. Pabayu Ham ma hanami mandalani ari-ari ni goluhnami
ase margogoh janah marhamonangan hanami mangkorjahon harosuh
ni uhur-Mu. Patotap Ham ma haporsayaon ampa pangarapannami hu
Bamu, ase margogoh hanami pasangapkon Ham sadokah goluhnami.
Tarima kasih ma Bamu Tuhan bani haluahon ampa pasu-pasu-Mu na
dob ondos hu bannami. Ijon igalangkon hanami do dirinami pakon
buah ni horjanami, gabe tanda ni tarimakasihnami hu Bamu. Pasu-
pasu Ham ma galangannami on laho padoraskon pardalan ni horja i
kuria-Mu. Lambin pasu-pasu Ham ma goluh ampa horjanami pakon
sinadongannami, ibagas Kristus Jesus Sipaluah hanami. Amen.

(Kuria mandodingkon sada humbani Doding Galangan na i toruh
on, na dob itotapkon paima kebaktian:)

1.        Bamu sadokah ni dokahni, au on o Jesus Tuhankin;
        Ham ma ‘lah haganup ompungni, gogohku pakon artangkin;
        Ai iberehon Ham daroh-Mu, manggalar utang ni dousangku.
        (Haleluya No. 5:4)

2. Tonduy, daging uhur ampa gogoh ni in.

Ulang bai na sambor, sai Bamu ma in!

Ningon gok Bamu ma au hinopkop-Mu.
Ase saud martuah au jabolon-Mu.
(Haleluya No. 12:3)

3.        Ganup binere-Mu in, tonduy pakon angkulangku.
        Hosah ampa gogohkin, ronsi haganup artangku.
        Huondoskon in Bamu, seng paosoronku in.
        (Haleluya No. 249:2)

4. Bamu O Tuhan, manombah au on;
Bamu ganupan na dong bangku on;
Seng bulih be sirang na rapat Bamu;
Martuah sai sonang, na roh hu Bamu.
(Haleluya No. 281:5)
5. Huondoskon bani Jesus, haganupan diringkon.
Ia do pasangaponku, sadokah bai goluhkon.
Huondoskon ma, huondoskon ma

Bani Jesus Sipaluah, huondoskon ma.

(Haleluya No. 340:1)

6.        Marhitei diatei tupa, roh do au Tuhan.
        Mamboban buah ni horja, na binere-Mu.
        Jesus, Jesus, jalo Ham ma au.

Bai hurang ni panurdukhu, anju Ham ma au.
(Haleluya No. 383:1)

20. TONGGO PANUTUP : (Sarupa pakon Model A)

21. PAINGKATHON (PENGUTUSAN) : (Sarupa pakon Model A)

22. PASU-PASU : (Sarupa pakon Model A)

23. DODING : (Irik marsisalaman)

AYAT-AYAT INTROITUS BANI MINGGU/
PESTA GEREJAWI

ADVENTUS

1. Pagijang ma ulunima, ale sagala horbangan, tarangkat ma hanima, ale labah na basaia,
ase masuk Raja ni hamuliaon in. Ise ma nani Raja ni hamuliaon in? In ma Jahowa,
na gogoh anjaha Puanglima, Jahowa Puanglima i parporangan. (Psalmen 24:7-8).
Haleluya, Haleluya, Haleluya.

2. Dodingkon nasiam ma Naibata, puji nasiam ma goran-Ni. Bahen nasiam ma dalan bani
na margareta i halimisan. Jahowa do goran-Ni, marolob-olob ma nasiam i lobei-Ni.
(Psalmen 68:5). Haleluya, Haleluya, Haleluya.

3.        Luar ma, luar ma hanima hun horbangan in! Pasirsir dalan bani bangsa in! Palumbang,
        palumbang dalan in, padaoh batu-batu! Pajongjong ma mandera partanda bani bangsa-
        bangsa! (Jesaya 62:10). Haleluya, Haleluya, Haleluya.
4.        Tonggor ma, domma itingtingkon Jahowa das hu ujung ni tanoh on: Hatahon ma bani
        boru Sion: Tonggor ma, roh do haluahonmu! Mangihut do bani upahni, anjaha i lobei-
        Ni do na sinari-Ni. (Jesaya 62:11). Haleluya, Haleluya, Haleluya.

5. Marolob-olob anjaha marmalas ni uhur ma ho, ale boru Sion, ai tonggor ma, na roh
ma Ahu marianan i tongah-tongahnima, nini Jahowa. (Sakaria 2:14). Haleluya,
Haleluya, Haleluya.

6. Tapi poltak ma anggo bannima, sagala na marhabiaran bani goran-Ku, mataniari ni
hapintoron, marhasoman hamalumon i toruh ni habongni, songon anak ni lombu na
manlumpat-lumpat humbagas harang. (Maleaki 4:2). Haleluya, Haleluya, Haleluya.

7. Pinuji ma Naibata ni Israel, halani itohu do bangsa-Ni anjaha ibahen partobusni.
lpajongjong do banta tanduk haluahon i rumah ni si Daud, juak-juak-Ni ai. (Lukas
1:68-69). Haleluya, Haleluya, Haleluya.

8. Barah ma au roh! Jolom ham ma na dong bamu, ulang dong na mambuat sortalimu!

(Pangungkabon 3:11). Haleluya, Haleluya, Haleluya.

PARTUBUH NI TUHAN JESUS

1. Bangsa na mardalani ibagas hagolapan mangidah sada panondang na bolon, halak na
marianan bani linggoman ni hamateian, poltak do i babou ni sidea sada panondang.
(Jesaya 9:1). Haleluya, Haleluya, Haleluya.

2. Ai domma tubuh banta sada na etek-etek, ibere do banta sada anak, tampei bani abara
ni do panggomgomion, anjaha ibahen do goran ni: Paruhur Halongangan, Naibata
Parkuasa, Bapa sadokah ni dokahni, Raja Damei. (Jesaya 9:5). Haleluya, Haleluya,
Haleluya.

3. Tapi anggo ho, ale Betlehem Efrata, age pe etek ho i tongah-tongah ni marga Juda,
humbam do roh Bangku na gabe panggomgomi bani Israel, anjaha harorohanni
humbani na hinan, humbani ari na basaia. (Mika 5:1). Haleluya, Haleluya, Haleluya.

4. Gabe daging ma Hata in, anjaha marianan i tongah-tongahta; jadi iidah hanami ma
hasangapon-Ni songon hasangapon ni Anak sasada na humbani Bapa in, gok idop ni
uhur ampa hasintongan. (Johannes 1:14). Haleluya, Haleluya, Haleluya.

5. Ai sonon do holong ni uhur ni Naibata bani dunia on, pala do Anak-Ni na sasada in
iberehon, ase ulang magou ganup na porsaya Bani, tapi ase hagoluhan sisadokah ni
dokahni bani. (Johannes 3:16). Haleluya, Haleluya, Haleluya.

6. Na dob talar do hagoluhan in, anjaha domma iidah hanami in, gabe isaksihon anjaha
ibaritahon hanami bani nasiam hagoluhan na sadokah ni dokahni in, na dob adong hinan
i lobei ni Bapa in anjaha ipatalar do bannami. (1 Johannes 1:2). Haleluya, Haleluya,
Haleluya.

UJUNG TAHUN

1. Dear layak ampa idop ni uhur do mangirik-irik ahu sadokah goluhku; janah sihol
do marianan ahu i rumah ni Jahowa sadokah ni dokahni. (Psalmen 23:6). Haleluya,
Haleluya, Haleluya.

2. Ajari Ham ma hanami mamilangi ari-arinami, ase dapotan uhur na pentar hanami.

(Psalmen 90:12). Haleluya, Haleluya, Haleluya.

3. Ia Jesus Kristus totap do, sonai nantuari, sonai do sadari on, lanjar sonai do ronsi

sadokah ni dokahni. (Heber 13:8). Haleluya, Haleluya, Haleluya.

TAHUN BARU

1.        Tapi anggo idop ni uhur ni Jahowa totap do ronsi sadokah ni dokahni bani sagala na
        mangkabiari-Si, anjaha hasintongan-Ni marnini marnono, bani na manramotkon padan
        binahen-Ni, pakon na mardingat parentah-Ni laho mandalankon ai. (Psalmen 103:17-
        18). Haleluya, Haleluya, Haleluya.

2. Sai kawah-kawah do matangku dompak dolog; hunja do nani roh pangurupion
bangku? Pangurupion bangku roh humbani Jahowa, Sitompa langit pakon tanoh. Seng
palopason-Ni jiris naheimu, anjaha seng tartunduh Sijaga ho. Jahowa do na manjagai
ho, humbani sagala parmaraan, sai jagaon-Ni do tonduymu. Jahowa do manjagai ho
laho luar ampa laho masuk, humbani sonari ronsi sadokah ni dokahni. (Psalmen 121:1-
3;7-8). Haleluya, Haleluya, Haleluya.

3. Ase barang ise ibagas Kristus, na tinompa na baru ma in. Domma salpu sisapari,

tonggor ma, domma gabe na baru. (2 Korint 5:17). Haleluya, Haleluya, Haleluya.

4. Ahu doAlpa pakon Omega, Bonani pakon Ujungni, nini Tuhan Naibata, na dong sonari,
na dob dong hinan pakon na laho roh, Pargogoh Na So Tarimbang. (Pangungkabon
1:8). Haleluya, Haleluya, Haleluya.

EPIPHANIAS

1. Jahowa do panondang pakon haluahon bangku, mintor bani ise ma mabiar ahu? Jahowa
do batar-batar ni goluhku, bani ise ma ahu gobir? Sada do hupindo humbani Jahowa,
ai do na hupindahi, ase boi ahu marianan i rumah ni Jahowa, sadokah manggoluh
ahu, laho paidah-idah hinajenges ni Jahowa, laho marsombah i rumah-Ni. (Psalmen
27:1,4). Haleluya, Haleluya, Haleluya.

2. Jahowa do Raja. Marsurak-surak ma tanoh on, marmalas ni uhur ma sagala pulou! Ai
Ham do, ale Jahowa, Sitimbulan i atas ni sab tanoh on. Gijang tumang do Ham i atas
ni sagala naibata. (Psalmen 97:1,9). Haleluya, Haleluya, Haleluya.

3. Dompakhon hanima ma Ahu ase ipaluah hanima, ale ujung ni tanoh on. Ai Ahu do

Naibata, seng dong na legan be. (Jesaya 45:22). Haleluya, Haleluya, Haleluya.

4. Jongjong ma, marsinondang ma ho! Ai domma roh panondangmu anjaha hamuliaon ni

Jahowa domma poltak i baboumu. (Jesaya 60:1). Haleluya, Haleluya, Haleluya.

5. Hutogu-togu do sidea marhitei tali idop ni uhur, marhitei panrahut holong; Ahu do
na pahampungkon pasangan bani tangkuhuk ni sidea. Hupaunduk do diring-Ku bani
sidea, anjaha Hubere do sidea mangan. (Hosea 11:4). Haleluya, Haleluya, Haleluya.

6. Tonduy ni Jahowa do na sogop hu Bangku, ai iminaki do Ahu, laho mangambilankon
Ambilan Na Madear bani halak na masombuh. Isuruh do Ahu, laho patugahkon
haluahon bani na tartutup ampa mambahen marpangidah use halak na mapitung, laho
paluahkon halak na niodoh-odoh, ampa patugahkon tahun paridop ni uhuran ni Tuhan
in. (Lukas 4:18-19). Haleluya, Haleluya, Haleluya.

7. Martarimakasih bani Naibata, na dob pataluphon nasiam marparbagianan bani siteanon
ni halak na mapansing ibagas haliharon. Ia do na paluahkon hita humbani kuasa ni
hagolapan, anjaha ipapindah do hita hubagas harajaon ni Anak na hinaholongan ni
uhur-Ni in. (Kolosse 1:12-13). Haleluya, Haleluya, Haleluya.

8. Ahu do panondang ni dunia on. Seng anjai mardalan bani na golap na mangirikhon
Ahu, bani do tene Panondang hagoluhan in. (Johannes 8:12). Haleluya, Haleluya,
Haleluya.

MUSIM PANARONON

SEPTUAGESIMA

1. Roh ma nasiam hu Bangku, nasiam na loja anjaha na boratan, ase Hupasonang nasiam.
Jalo nasiam ma pasangan-Ku anjaha marguru ma nasiam hun Bangku, ai lamlam do
Ahu anjaha na toruh maruhur, ase dapotan hasonangan tonduy nasiam. (Mateus 11:28-
29). Haleluya, Haleluya, Haleluya.

2. Barang ise na horahan, hu Bangku ma ia roh minum. Songon na hinatahon ni surat
in: Bah na manggoluh do mabaor humbani na porsaya Bangku! (Johannes 7:37b-38).
Haleluya, Haleluya, Haleluya.

SEXAGESIMA

1.        Masuk ma hita, manrogop ma anjaha marsombah; manrogop ma hita i lobei ni Jahowa,
        Sitompa hita. Ai Ia do Naibatanta, anjaha hita bangsa pinarmahan-Ni, biri-biri tinogu-
        togu ni tangan-Ni. Ah, sadari on ma namin itangihon hanima sora-Ni! (Psalmen 95:6-
        7). Haleluya, Haleluya, Haleluya.

2. lporsan do dousanta ibagas angkula-Ni hubani hayu ai, ase matei hita bani dousa, gabe
manggoluh bani hapintoron. Anjaha marhitei ugah-Ni ai do malum nasiam. (1 Petrus
2:24). Haleluya, Haleluya, Haleluya.

ESTOMIHI

1. Jahowa do gogohku pakon gantarhu, hu Bani do mangarap uhurhu gabe iurupi do ahu.
Halani ai marolob-olob do uhurhu, anjaha hupuji ma Ia marhitei dodingku. Jahowa do
pargogoh bani bangsa-Ni, anjaha batar-batar hatuahon do Ia bani na mininakan-Ni.
(Psalmen 28:7-8). Haleluya, Haleluya, Haleluya.

2. Paeleng Ham ma pinggol-Mu hu bangku, tarolos ma Ham paluahkon ahu. Ham ma
bangku dolog batu paronding-ondingan, gabe benteng na toguh laho paluahkon ahu; ai
Ham do tongon dolog batungku pakon bentengku, halani goran-Mu. Iring-iring anjaha
togu-togu Ham ma ahu. (Psalmen 31:3-4). Haleluya, Haleluya, Haleluya.

INVOKAVIT

1. Dilo ma Ahu bani ari hasosakan, ase Hupaluah ho anjaha ipuji ho Ahu. (Psalmen
50:15). Haleluya, Haleluya, Haleluya.

2. Diloonni do Ahu, jadi balosan-Ku ma ia; hasomanan-Ku do ia sanggah tarsosak,
paluahon-Ku do ia anjaha marmulia bahenon-Ku. (Psalmen 91:15). Haleluya,
Haleluya, Haleluya.

REMINISCERE

1. Sai ingat Ham ma ale Jahowa, sagala dear ni layak-Mu pakon idop ni uhur-Mu, ai

humbani na basaia nari do in. (Psalmen 25:6). Haleluya, Haleluya, Haleluya.

2. Mase sai unduk ho tonduyhu anjaha rusak ibagas diringku? Arapkon ma Naibata, ai sai
na pujionku ope Ia, sipaluah bangku anjaha Naibatangku. (Psalmen 42:12). Haleluya,
Haleluya, Haleluya.

OKULI

1. Sai mangkawah do matangku dompak Jahowa, ai Ia do paluahkon naheihu humbani
siding. Dompakkon Ham ma ahu, maidop ma uhur-Mu bangku, ai lungunan anjaha
madoyuk do ahu. (Psalmen 25:15-16). Haleluya, Haleluya, Haleluya.

2. Bamu do hudompakkon pangkawah ni matangku, Ham siparhotak i nagori atas.Tonggor
ma, songon mata ni juakjuak mangkawah bani mata ni tuanni, songon mata ni juakjuak

naboru mangkawah bani tangan ni na marsuruhsi, sonai do mangkawah matanami bani
Jahowa Naibatanami, paima maidop uhur-Ni bannami. (Psalmen 123:1-2). Haleluya,
Haleluya, Haleluya.

LETARE

1. Malas do uhurhu, sanggah ihatahon halak bangku: Laho ma hita hu rumah ni Jahowa.

(Psalmen 122:1). Haleluya, Haleluya, Haleluya.

2. Marmalas ni uhur ma hanima rap pakon Jerusalem, anjaha marolob-olob ma
mangidahsi, ganup hanima na marholong ni uhur bani! Marmalas ni uhur tumang ma
hanima rap pakonsi, ganup hanima na marpusok ni uhur mangidahsi hinan. (Jesaya
66:10). Haleluya, Haleluya, Haleluya.

JUDIKA

1. Pintori Ham ma ahu, ale Naibata. Patorsa Ham ma pakarangku marimbang bangsa na
so daulat; paluah Ham ma ahu humbani halak panipu pakon pargeduk. (Psalmen 43:1).
Haleluya, Haleluya, Haleluya.

2. Jahowa, na mambahen hapintoron, anjaha na pasintongkon uhum bani halak na hona

dorun. (Psalmen 103:6). Haleluya, Haleluya, Haleluya.

PALMARUM

1. Ham Jahowa, urupi Ham ma! Ham Jahowa, sai manumpak ma Ham! Pinasu-pasu ma na

roh marhitei goran ni Jahowa. (Psalmen 118:25-26). Haleluya, Haleluya, Haleluya.

2. Halani ai do ase ipagijang Naibata Ia, anjaha ilayak-layakhon Bani sada goran na
mangatasi sagala goran, ase manowod anjaha marsombah ibagas goran ni Jesus sagala
na i nagori atas pakon na i atas tanoh on, age na i toruh ni tanoh. (Pilipi 2:9-10).
Haleluya, Haleluya, Haleluya.

PARMATEI NI TUHAN JESUS

1. Tongon do naboritta iusung, anjaha hadoyukonta iporsan, tapi nini uhurta, Naibata do
na maminsang, mamukul ampa na mangarsik-Si. Hape halani panlanggaronta do Ia

hona pantom, binahen ni hajahatonta do Ia ugahan. Tampei hu Bani do pinsang-pinsang
parhiteian ni damei banta, anjaha binahen ni ugah-Ni malum iahap hita. (Jesaya 53:4-
5). Haleluya, Haleluya, Haleluya.

2. Ipatoruh do diri-Ni, na gabe pambalosi do Ia ronsi matei, pala matei tarsilang. (Pilipi
2:8). Haleluya, Haleluya, Haleluya.

3. Sintua ni Malim na sonin do patut banta, na pansing, na so ongga marsalah, na so
martikas, sirang humbani pardousa, na dob gabe gijangan humbani nagori atas na so
pala songon sintua ni malim na legan, padaskon ganup ari parlobei galangan halani
dousani sandiri, dob ai pe halani dousa ni bangsani ai, ai sahali do ihorjahon in, sanggah
ginalangkon-Ni ai diri-Ni. (Heber 7:26-27). Haleluya, Haleluya, Haleluya.

PARPUHOON NI TUHAN JESUS

1. O hamateian, ija do hamonanganmu? O hamateian, ija do sorodmu? Tapi tarima kasih
ma bani Naibata, na pamonang hita marhitei Tuhanta Jesus Kristus. (1 Korint 15:55,57).
Haleluya, Haleluya, Haleluya.

2. Ase anggo domma ipapuho nasiam rap pakon Kristus, pindahi nasiam ma na i atas
ai; ijai do Kristus hundul i siamun ni Naibata. (Kolosse 3:1). Haleluya, Haleluya,
Haleluya.

3. Tapi Naibata Sipardamei in, na mangarahkon humbani na matei Siparmahan Bolon ni
biribiri in, marhitei daroh parpadanan sisadokah ni dokahni, in ma Tuhanta Jesus. Ia ma
pasirsirhon nasiam bani sagala na madear, laho mangkorjahon rosuh ni uhur-Ni, anjaha
manjadihon ibagas hita, rosuh ni uhur-Ni marhitei Jesus Kristus! Bani ma hasangapon
ronsi sadokah ni dokahni! (Heber 13:20-21). Haleluya, Haleluya, Haleluya.

4. Ulang mabiar! Ahu do Na Parlobei pakon Na Parpudi, anjaha Na Manggoluh. Na dob
matei do Ahu, anjaha tonggor ma, na manggoluh do Ahu ronsi sadokah ni dokahni,
anjaha Bangku do anak kunsi ni hamateian pakon nagori toruh. (Pangungkabon 1:17b-
18). Haleluya, Haleluya, Haleluya.

MUSIM PARPUHOON

QUASIMODOGENITI

1. Sintong do na Huhatahon on bannima: Anggo lang mulak uhurnima songon sada
dakdanak, sabonar na so boi do hanima masuk hubagas harajaon nagori atas ai. (Mateus
18:3). Haleluya, Haleluya, Haleluya.

2. Songon dakdanak na baru tubuh, horahan ma nasiam bani tadah partonduyon na pitah,
ase lambin magodang nasiam halani ai anjaha maluah, anggo na tongon ma domma
idai nasiam dear ni layak ni Tuhan in. (1 Petrus 2:2-3). Haleluya, Haleluya, Haleluya.

MISERIKORDIAS DOMINI

1. Marolob-olob ma nasiam halak parpintor ibagas Jahowa, patut do mamuji-muji paruhur

na bujur. (Psalmen 33:1). Haleluya, Haleluya, Haleluya.

2. Sai dodingkononku do idop ni uhur ni Jahowa sadokah ni dokahni, pabotohkononku do
hasintongan-Mu marhitei pamanganku, marsundut-sundut. (Psalmen 89:2). Haleluya,
Haleluya, Haleluya.

JUBILATE

1. Marolob-olob ma bani Naibata, nasiam ganup tanoh on. Dodingkon nasiam ma
hamuliaon ni goran-Ni; sombahkon nasiam ma Bani puji-pujian na marmulia. (Psalmen
66:1-2). Haleluya, Haleluya, Haleluya.

2. Pinuji ma Naibata, Bapa ni Tuhanta Jesus Kristus, na dob manubuhkon hita
paduahalihon, domu hubani banggal ni idop ni uhur-Ni, marhitei parpuhoon ni Jesus
Kristus humbani na matei, ase marpangarapan na manggoluh hita. (1 Petrus 1:3).
Haleluya, Haleluya, Haleluya.

KANTATE

1. Dodingkon nasiam ma Ia, dodingkon nasiam ma puji-pujian Bani, sahapkon nasiam
ma ganup horja halongangan-Ni in. Marmogah-mogah ma nasiam ibagas goran-Ni
na pansing in: Marmalas ni uhur ma sagala sipindahi Jahowa. (Psalmen 105:2-3).
Haleluya, Haleluya, Haleluya.

ROGATE

1. Dodingkon nasiam ma sada doding na bayu bani Jahowa, ai Ia do sibahen halongangan;
tangan siamun-Ni do mangurupi-Si, sonai age botohon-Ni na pansing in. (Psalmen
98:1). Haleluya, Haleluya, Haleluya.

2. Ham Jahowa, dilo-dilo do ahu Bamu, tarolos ma Ham roh bangku; tangar Ham ma
sorangku sanggah dilo-dilo ahu Bamu. Doskon dahupa ma tonggongku i lobei-Mu,

anjaha panatang ni tanganku songon galangan bodari. (Psalmen 141:1-2). Haleluya,
Haleluya, Haleluya.

3. Jadi padilo-diloonnima ma Ahu; roh ma hanima hu Bangku martonggo, gabe
tangihonon-Ku do hanima. Pindahannima do Ahu, anjaha jumpah hanima do Ahu;
anggo ipindahi hanima Ahu humbani gok ni uhurnima, jadi jumpah hanima do Ahu.
(Jeremia 29:12-14a). Haleluya, Haleluya, Haleluya.

PARNAIK NI TUHAN JESUS

1. Nini Jahowa do hubani tuanku: Hundul ma ho hu siamun-Kon, paima Hubahen
munsuhmu gabe sidogeian ni naheimu. Tungkot kuasamu surdukkonon ni Jahowa do
hun Sion: Mamarentah ma ham i tongah-tongah ni munsuhmu! (Psalmen 110:1-2).
Haleluya, Haleluya, Haleluya.

2. I siamun ni Naibata do Ia hundul dob laho hu nagori atas, tunduk do hu Bani haganup

malekat, kuasa ampa hagogohon. (1 Petrus 3:22). Haleluya, Haleluya, Haleluya

3. Bani na monang in do berehonon-Ku hundulan bani hotak-Ku rap pakon Ahu, songon
Ahu, dob monang, hundul rap pakon Bapang-Ku bani hotak-Ni ai. (Pangungkabon
3:21). Haleluya, Haleluya, Haleluya.

EXAUDI

1. Dohor do Jahowa bani sagala na mandilo-Si, bani haganup na mandilo-Si ibagas
hasintongan. Sura-sura ni na mangkabiari-Si isuhuni do, itangar do doruh-doruh ni
sidea anjaha ipaluah do sidea. (Psalmen 145:18-19). Haleluya, Haleluya, Haleluya.

2. Lape sidea mardilo domma Hubalosi, marsahap ope sidea domma Hutangihon. (Jesaya
65:24). Haleluya, Haleluya, Haleluya.

3. Anjaha on do hinsah ni uhurta na dong banta i lobei-Ni, anggo ipindo hita atap aha domu
hubani rosuh ni uhur-Ni, itangihon do hita. (1 Johannes 5:14). Haleluya, Haleluya,
Haleluya.

PARROH NI TONDUY NA PANSING

1. Useihonon-Ku do Tonduy-Hu bani dakdanakmu ampa pasu-pasung-Ku bani

ginomparmu. (Jesaya 44:3b). Haleluya, Haleluya, Haleluya.

2. Berehonon-Ku do bannima uhur na bayu, anjaha tonduy na bayu do nahkonon hu
bagas dirinima; buaton-Ku do uhur batu humbagas angkulanima, anjaha uhur na
marpangahapan do berehonon-Ku bannima. Tonduy-Hu do nahkonon-Ku hubagas
dirinima, anjaha bahenon-Ku do ase marparlahou hanima ibagas titah-Ku, anjaha bujur
idalankon hanima aturan-Ku. (Hesekiel 36:26-27). Haleluya, Haleluya, Haleluya.

3. Jadi masa ma dob in, useihonon-Ku ma Tonduy-Hu bani sagala daging. (Joel 3:1a).
Haleluya, Haleluya, Haleluya.

4. Ai domma iuseihon hubagas uhurta holong ni uhur ni Naibata marhitei
Tonduy Na Pansing, na dob binere-Ni banta. (Rom 5:5b). Haleluya, Haleluya,
Haleluya.

5. Tapi halani anak nasiam, isuruh Naibata do hubagas uhurta Tonduy ni Anak

in, na mandilohon: Abba, Bapa! (Galatia 4:6). Haleluya, Haleluya, Haleluya.

TRINITATIS

1. Domma ondos Bangku sagala kuasa na i nagori atas ampa na i tanoh on. Laho ma
hanima, podahi hanima ma sagala bangsa, ase gabe susian-Ku sidea, anjaha didi hanima
ma sidea hubagas goran ni Bapa, Anak ampa Tonduy Na Pansing. (Mateus 28:18-19).
Haleluya, Haleluya, Haleluya.

2. Ase roh honsi Sipangapiti in, sisuruhon-Ku bannima humbani Bapa in, in ma Tonduy
Hasintongan in, na roh humbani Bapa in, Ia do manaksihon pasal Ahu. (Johannes
15:26). Haleluya, Haleluya, Haleluya.

MUSIM TRINITATIS

1. Balosi nasiam ma Jahowa marhasoman biar, anjaha summah nasiam ma nahei-Ni
marhasoman hitir, ase ulang roh ringis-Ni gabe magou nasiam i tongah dalan, ai urah
do gajag ringis-Ni. Martuah do sagala na marhatengeran Bani. (Psalmen 2:11-12).
Haleluya, Haleluya, Haleluya.

2. Age pe mardalan ahu bani lombang bagas ni hagolapan, seng mabiar ahu, ai Ham do
mangkasomani ahu; tungkot-Mu pakon simambu-Mu do na mangapohi ahu. (Psalmen
23:4). Haleluya, Haleluya, Haleluya.

3. Ise do na boi tangkog hu dolog ni Jahowa? Ise do na boi jongjong bani ianan-Ni na
pansing in? Partangan na borsih ampa paruhur na pitah, halak na so mandompakkon

tonduyni bani na so margagan, ampa halak na so ra marbija laho manipu. Ia ma na
manjalo pasu-pasu humbani Jahowa pakon hapintoron humbani Naibata na paluahkonsi.
(Psalmen 24:3-5). Haleluya, Haleluya, Haleluya.

4. Ai pintor do hata ni Jahowa, anjaha sintong do sagala pambahenan-Ni. Holong do
uhur-Ni bani hapintoron ampa uhum. Idop ni uhur ni Jahowa do manggoki tanoh on.
(Psalmen 33:4-5). Haleluya, Haleluya, Haleluya.

5. Idingat hanami do idop ni uhur-Mu, Ham Naibata, ibagas rumah-Mu. Songon goran-
Mu, Ham Naibata, sonai do hamuliaon-Mu das hu ujung ni tanoh on, gok hapintoron
do tangan-Mu siamun. (Psalmen 48:10-11). Haleluya, Haleluya, Haleluya.

6. Ise na manggalangkon banggal ni uhur, ai do na pasangapkon Ahu, anjaha ise na
mardalan ibagas hapintoran, hubani do patalaron-Ku hatuahon-Ku. (Psalmen 50:23).
Haleluya, Haleluya, Haleluya.

7. Ise ma hasomanku i nagori atas? Sobali Ham seng dong iharosuhkon uhurhu i tanoh.
Age pe lambin melus badanku pakon uhurhu, batar-batar bani uhurhu ampa rupeihu,
aima Naibata sadokah ni dokahni. (Psalmen 73:25-26). Haleluya, Haleluya, Haleluya.

8. Jengesni in rumah ianan-Mu, Ham Jahowa Zebaot! Masihol anjaha ayak do tonduyhu
bani alaman ni Jahowa. Marolob-olob do uhurhu pakon dagingku, manjumpahkon
Naibata na manggoluh in. (Psalmen 84:2-3). Haleluya, Haleluya, Haleluya.

9. Biar mangidah Jahowa do parmulaan ni hauhuron, dapotan pangarusion na madear
do sagala na mandalankonsi; totap do baritani ronsi sadokah ni dokahni. (Psalmen
111:10). Haleluya, Haleluya, Haleluya.

10. Pindahi hanima ma Jahowa, sanggah boi ope jumpah! Dilo hanima ma Ia, sanggah

donok ope Ia. (Jesaya 55:6). Haleluya, Haleluya, Haleluya.

11. Holong do uhur-Hu bam marhitei holong sisadokah ni dokahni; halani ai Hutogu-togu

do ho marhitei idop ni uhur. (Jeremia 31:3). Haleluya, Haleluya, Haleluya.

12. Domma ipabotohkon bam ale jolma, barang aha na madear ampa barang aha na
pinindahan ni Jahowa humbam, aima na mangkorjahon hasintongan ampa na
mandalankon halayakon anjaha na marparlahou ibagas toruh ni uhur i lobei ni
Naibatamu. (Mika 6:8). Haleluya, Haleluya, Haleluya.

13. Pardear layak do Jahowa, benteng bani panorang hasosakan, anjaha itanda do na

marhaporusan Bani. (Nahum 1:7). Haleluya, Haleluya, Haleluya.

14. Martuah ma na horahan loheian bani hapintoron, ai sipabosuron do sidea. Martuah ma paruhur

na borsih, ai idahon ni sidea do Naibata. (Mateus 5:6,8). Haleluya, Haleluya, Haleluya.

15. Barang piga na manjalo-Si, hujai do ibere kuasa, ase gabe anak ni Naibata sidea, ai ma

na porsaya bani goran-Ni. (Johannes 1:12). Haleluya, Haleluya, Haleluya.

16. Songon na hinatahon ni Surat in: Bah na manggoluh do mabaor humbani na porsaya

Bangku! (Johannes 7:38). Haleluya, Haleluya, Haleluya.

17. Ai ipatalar do ijin hapintoran ni Naibata, humbani haporsayaon hubani haporsayaon,
songon na dob tarsurat: Na manggoluh do parpintor in halani haporsayaonni. (Rom
1:17). Haleluya, Haleluya, Haleluya.

18. Ai huhira, sitaronon bani panorang sisonari seng satimbang in marimbang hasangapon,

na sihol sipatalaron ope banta. (Rom 8:18.). Haleluya, Haleluya, Haleluya.

19. Tenger do uhurhu, seng tarbahen sirang hita humbani holong ni uhur ni Naibata, na
ibagas Kristus Jesus Tuhanta in, barang bahenon ni hamateian, barang hagoluhan,
barang malekat, barang siparkuasa, barang na masa sonari, barang na sihol masa,
barang hagogohon pe, barang bahenon ni na i atas age na i toruh. (Rom 8:38-39b).
Haleluya, Haleluya, Haleluya.

20. Marhiteihon-Si do ase ibagas Kristus Jesus nasiam, ai Ia do gabe hapentaron banta
humbani Naibata, hapintoron ampa hapansingon ampa haluahon. (1 Korint 1:30).
Haleluya, Haleluya, Haleluya.

21. Ai sitarononnami sisonari anjaha na hampung porsanon, in do manjadihon bannami
hasangapon na tarsulur, na tarlobih hamuliaonni sisadokah ni dokahni, halani ikawahkon
hanami na so taridah in, sedo na taridah in; ai tongkin do na taridah in, tapi totap do
ronsi sadokah ni dokahni na so taridah in. (2 Korint 4:17-18). Haleluya, Haleluya,
Haleluya.

22. Ase marparlahou na talup nasiam bani Tuhan in, gabe harosuh tumang Bani, marbuah
nasiam bani sagala horja na madear, anjaha martambah bani nasiam panandaion pasal
Naibata. (Kolosse 1:10). Haleluya, Haleluya, Haleluya.

23. Ai na manggoluh do hata ni Naibata anjaha marhagogohon, marotan humbani ganup
podang sidua mata, anjaha torus masuk hu bagas; isirang do tonduy pakon pingkiran,
sonai homa ringring ampa utokutokni, lanjar iuhumi do na piningkir ampa sura-sura ni
uhur. (Heber 4:12). Haleluya, Haleluya, Haleluya.

24. Martuah ma halak na tahan bani parlajouan, ai dob monang ia bani parlajouan ai,
jaloonni ma sortali hagoluhan, na dob pinarbagah ni Naibata bani na marholong ni
uhur Bani. (Jakobus 1:12). Haleluya, Haleluya, Haleluya.

25. Haganup ma nasiam margondithon toruh ni uhur samah nasiam, ai iimbang Naibata
do sigijang uhur, tapi ibere do idop ni uhur bani na toruh maruhur. (1 Petrus 5:5b).
Haleluya, Haleluya, Haleluya.

26. Anjaha na laho salpu do dunia on ampa rosuh-rosuhni, tapi sihorjahon rosuh ni Naibata,

totap do ronsi sadokah ni dokahni. (1 Johannes 2:17). Haleluya, Haleluya, Haleluya.

27. Maruhur holong ma hita, ai parlobei do Ia mangkaholongi hita. (1 Johannes 4:19).
Haleluya, Haleluya, Haleluya.

REFORMASI

1. Jahowa Zebaot do hasomanta, Naibata ni si Jakob do batar-batar banta. (Psalmen 46:8).
Haleluya, Haleluya, Haleluya.

2. Ai seng tarpauli onjolan na legan, sobali na dob pinajonam in, ai ma Jesus Kristus in.

(1 Korint 3:11). Haleluya, Haleluya, Haleluya.

UJUNG TAHUN KURIA/PARDINGATAN BANI NA DOB MATEI

1. Anjaha mulak ma halak na tinobus ni Jahowa, roh hu Sion mandoding-doding, malas
ni uhur sisadokah ni dokahni do i atas uluni. Jaloon ni sidea do hamegahon ampa malas
ni uhur, tapi maporus ma pusok ni uhur ampa hoih-hoih. (Jesaya 35:10). Haleluya,
Haleluya, Haleluya.

2.        Ai sagala daging songon poyon-poyon do, anjaha sagala hasangaponni ai songon bunga
        ni poyon-poyon ai. Melus honsi poyon-poyon ai, bungani pe marurus ma. Tapi anggo
        hata ni Tuhan in, totap do ronsi sadokah ni dokahni. In ma hata na niambilankon bani
        nasiam. (1 Petrus 1:24-25). Haleluya, Haleluya, Haleluya.

3. Bani na monang in do hiouhonon-Ku pakeian putih, anjaha seng sasapon-Ku goranni
humbani buku hagoluhan in. Saksihonon-Ku do goranni i lobei ni Naibata ampa i lobei
ni malekat-Ni. (Pangungkabon 3:5). Haleluya, Haleluya, Haleluya.

PESTA PARIAMA

1. Parhanalom ma Jahowa, pagomos anjaha patoguh ma uhurmu. Nai ma, parhanalom ma

Jahowa. (Psalmen 27:14). Haleluya, Haleluya, Haleluya.

2. Bahenon-Ku ma sidea ampa haganup na inggot bani dolog-Ku gabe pasu-pasu;
parohon-Ku do udan bani musimni, gabe udan pasu-pasu ma ai. Hayu na i talun
mambere buahni, anjaha tanoh ai ibere do gogohni, anjaha sonang do sidea i tanoh ni
sidea sandiri. (Hesekiel 34:26-27a). Haleluya, Haleluya, Haleluya.

3. Ai pe, ulang ma ambukkon nasiam hinsah ni uhur nasiam, ai banggal do upah balas ni
in! Hasabaron do na porlu bani nasiam, laho mandalankon rosuh ni uhur ni Naibata,
ase dapot nasiam bagah-bagah in. (Heber 10:35-36). Haleluya, Haleluya, Haleluya.
4. Haganup sibere-bere na madear, anjaha haganup silayak-layak na gokan dear, ai ma na
roh hun datas, humbani Bapa ni na lihar; seng ra mubah Ia anjaha seng dong na golap
Bani halani partukaran. (Jakobus 1:17). Haleluya, Haleluya, Haleluya.

TONGGO PAMUNGKAH

BANI MINGGU/PESTA GEREJAWI

ADVENTUS

1. (Advent I) Ham Tuhan Naibata Bapanami pargogoh na so tarimbang, Sitompa langit
pakon tanoh on. Idop ni uhur-Mu do mambahen mandipar hanami hubani tahun baru
parkuriaon sadari on. Roh ma Ham hu tongah-tongahnami anjaha pasu-pasu Ham
ma hasadaonnami on ase lambin iahapkon hanami banggal ni panogu-noguon-Mu.
Pargogohi Ham ma ase lambin tambah haporsayaonnami, anjaha lambin martenger
ni uhur hanami ronsi ujung ni goluhnami. Tangihon Ham ma hanami halani Anak-Mu
Jesus Kristus Tuhannnami. Amen.

2. (Advent II) Ham Tuhan Naibata, Bapa paridop ni uhur. Banggal ni in holong ni atei-
Mu, ai ipabotohkon Ham do rusia-Mu hu bannami marhitei na ibagahkon Ham parroh
ni Sipaluah in. Na laho salpu do langit pakon tanoh ronsi goluhnami hun tanoh on, tapi
holong-Mu in lang marnasalpu hu bannami. Na roh do use Jesus Kristus hu tongah-
tongahnami anjaha maningon jongjong do hanami i lobei-lobei ni hotak paruhuman
magira. Jongjong ma Ham bani tumpuannami on, ase tongtong jaga anjaha puho
hanami managam ari parroh ni Anak-Mu Jesus Kristus Tuhannami. Martonggo hanami
hu Bamu, jalo Ham ma tonggonami on. Amen.

3. (Advent III) Ham Tuhan Naibata Bapanami na i nagori atas. Tarima kasih ma
sombahnami hu Bamu, halani domma isuruh Ham Anak-Mu Jesus Kristus hu
bannami jolma. Iankon Ham ma uhurnami haganup na martumpu on marhitei Tonduy
Na Pansing, ase lambin manggoluh hata-Mu i tongah-tongahnami, janah ase lambin
iihutkon hanami hata-Mu, anjaha lambin itanda hanami dalan pakon hasintongan-
Mu. Roh ma Ham hu tongah-tongah ni partumpuan on, puhoi Ham ma uhurnami
ase tongtong sirsir hanami mangalo-alo parroh ni Anak-Mu Jesus Kristus Tuhannami.
Amen.

4. (Advent IV) Ham Jahowa Naibata janah Bapanami na i nagori atas. Pujionnami do
Ham, halani na dob isuruh Ham Anak-Mu Jesus Kristus paluahkon hanami humbani
dousa pakon hamateian. Sondangkon Ham ma bohi-Mu hu bannami, ase lambin
sintong panjalonami bani Jesus Kristus Tuhanannami. Rajai Ham ma uhurnami ase
marunduk ni uhur hanami marsombah hu Bamu. Jalo Ham ma tonggonami on marhitei
Jesus Kristus Sipaluah in. Amen.

PARTUBUH NI TUHAN JESUS

1. Ham Tuhan Naibata Bapanami. Tarima kasih ma hatahononnami hu Bamu halani
banggal ni idop ni uhur-Mu hu bannami. Domma ilayak-layakhon Ham hu bannami
Anak-Mu na sasada in paluahkon hanami humbani dousa pakon hamateian. Pasu-pasu
Ham ma parjumpahannami pakon Ham, na gabe parhiteian-Mu patandahon diri-Mu
hu bannami, ase lambin sintong panandaionnami Bamu janah humbani gok ni uhur
hanami martarimakasih pakon mamuji Ham. Ibagas Jesus Kristus hanami martonggo
hu Bamu. Amen.

2. Ham Tuhan Naibata Bapanami, parholong ni uhur banggal mangidah hanami jolma
na madoyuk anjaha pardousa banggal. Domma isuruh Ham Anak-Mu Tuhan Jesus
Kristus hu dunia on mandagei hadoyukonnami, gabe gok ma malas ni uhurnami janah
lambin totap haporsayaonnami ronsi ujung ni goluhnami, anjaha marulih hanami
marhitei partubuh ni Anak-Mu hu dunia on. Tarima kasih ma Bamu Tuhan, jalo Ham
ma tonggonami on. Amen.

3. Ham Tuhan Naibata Bapanami, Paridop ni uhur na tarsulur. Puji-pujian, hasangapon
pakon tarima kasih ma isombahkon hanami hu Bamu, mardingat na dob isuruh Ham
Anak-Mu Jesus Kristus hu bannami jolma. Gabe madoyuk janah sombuh do Ia, tubuh
i huta Betlehem bani harang ni pinahan, ase gabe bayak hanami. Pasaor Ham ma diri-
Mu marhitei Tonduy-Mu, ase lambin ididah hanami banggal ni pangkopkopon-Mu hu
bannami marhitei Jesus Kristus. Amen.

4. Ham Tuhan Naibata Bapanami na i nagori atas. Ipuji hanami do goran-Mu Na Pansing
in, halani na dob iparayak Ham hanami marhitei Anak-Mu Jesus Kristus. Itogu Ham
do hanami humbani hagolapon hu bani haliharon, gabe marpardomuan hanami pakon
Ham, janah domma gabe bangsa-Mu hanami. Malas tumang do uhurnami laho mamuji
pasangapkon Ham. Jalo Ham ma pamujionnami ibagas Jesus Kristus. Amen.

UJUNG TAHUN

1. Ham Tuhan Naibata, pargogoh na so tarimbang, na so marbona, na so marujung,
sitompa langit pakon tanoh on. Mangkatahon tarima kasih do hanami hu Bamu, halani
idop ni uhur-Mu na manramoti hanami manipat satahun bolon on. Paruhuri Ham ma
hanami marhitei Tonduy-Mu, ase boi sintong hanami laho manombah Ham, Tuhan
simada goluhnami. Ajari Ham ma homa hanami mambalosi Ham bani tahun na baru na
sihol dalanonnami. Jalo Ham ma hanami marhitei Jesus Kristus Tuhannami. Amen.

2. Ham Tuhan Naibata Bapanami na i nagori atas. Tarima kasih ma Bamu halani
haganup dear ni layak-Mu bannami satahun on. Ipasirsir Ham do haganup na porlu
bani pardagingon pakon partonduyonnami. Jongjong ma Ham i tongah-tongahnami

anjaha pasu-pasu Ham ma parsaoranami on ase margogoh hanami mandalani tahun na
baru na sihol masukannami. Paganda Ham ma holong ni atei-Mu bannami ase lambin
ipataridahkon hanami holong-Mu in bani goluhnami, ibagas goran ni Anak-Mu Jesus
Kristus Tuhannami.

TAHUN BARU

1. Ham Tuhan Naibata Bapanami, marhitei Anak-Mu Jesus Kristus Tuhannami. Tarima
kasih ma Bamu halani iramoti Ham do hanami marhitei idop ni uhur-Mu, mambahen
boi hanami mandipar hu bani tahun na baru on. Maidop ma uhur-Mu bannami, parayak
Ham ma hanami na martumpu on, ase bayu uhurnami marhitei Tonduy Na Pansing
in, janah gabe margogoh hanami mamuji pakon pasangaphon Ham. Marhiteihon ni in
gabe boi ihorjahon hanami harosuh-Ni uhur-Mu ronsi ujung ni goluhnami. Amen.

2. Ham Tuhan Naibata Bapanami na i nagori atas simada tahun, bulan, minggu pakon
ari-ari. Puji-pujian pakon tarima kasih ma isombahkon hanami hu Bamu, halani idop
pakon holong ni uhur-Mu do na mangkasomani hanami das bani tahun na baru on.
Rajai Ham ma hanami na martumpu on, ase ibotoh hanami mangkargahon ari-ari ni
goluhnami na binere-Mu bannnami, janah tongtong maronjolan bani harosuh ni uhur-
Mu hanami sadokah goluhnami i dunia on. Amen.

EPIPHANIAS

1. Ham Tuhan Jesus Kristus Raja ni kuria in. Mangkatahon tarima kasih do hanami hu
Bamu, halani domma ipatalar janah ipajonam Ham hata-Mu i tongah-tongahnami, gabe
marianan hanami ibagas haliharon. Dompakhon Ham ma bohi-Mu in hu bannami, ase
pansing janah lambin totap haporsayaonnami anjaha ondos hanami hu haluahon ampa
hagoluhan na sadokah ni dokahni. Amen.

2. Ham Tuhan Naibata Bapanami na i nagori atas. Domma talar banggal ni holong pakon
idop ni uhur-Mu bannami marhitei na dob isuruh Ham Anak-Mu na sasada in hu
bannami jolma. Buhai Ham ma mata ni haporsayaonnami, ase lambin ididah janah
iahapkon hanami banggal ni pambahenan-Mu bannami. Pakei Ham ma goluhnami
laho manaksihon janah patalarhon idop ni uhur-Mu in i tongah-tongah ni dunia on, ase
lambin tambah na porsaya hubani Anak-Mu Jesus Kristus Tuhannami. Amen.

3. Ham Tuhan Naibata Bapanami, pargogoh na so tarimbang. Domma ipatalar Ham
hadirion-Mu marhiteihon Jesus Kristus Tuhannami mambahen gabe tangkas
panandaionnami Bamu. Ham do Jesus Sipaluah bannami jolma pardousa banggal on.
Halaniai pargogohiHam ma hanamimanombah Ham ibagas tonduy pakon hasintongan,
ase parsombahonnami on gabe hasangapon-Mu anjaha pasu-pasu bannami. Marhitei
Jesus Kristus Sipaluah in jalo Ham ma tonggonami on. Amen.

4.        Ham Tuhan Naibata Bapanami na i nagori atas. Tarima kasih ma Bamu halani ipatalar
        Ham Anak-Mu Jesus Kristus hu bannami pakon hu bani dunia on. Pasaor Ham ma diri-
        Mu hu bannami na martumpu on, ase totap Ambilan Na Madear in manrajai dirinami,
        janah urupi Ham ma hanami mangkagoluhkon hata-Mu in. Ipadas hanami tonggonami
        on marhitei Jesus Kristus, Tuhan na paluahkon hanami. Amen.

5. Ham Tuhan Jesus Kristus panondang ni dunia on. Tarima kasih ma Bamu halani domma
isondangi Ham hanami marhitei hata-Mu. Dompakhon Ham ma bohi-Mu bannami,
janah bere Ham ma Tonduy-Mu Na Pansing in, ase ibagas hapansingon hanami
manombah Ham. Jalo Ham ma parsombahonnami on ibagas Jesus Kristus Tuhannami.
Amen.

MUSIM PANARONON NI TUHAN JESUS

1. (Septuagesima) Ham Tuhan Naibata Paridop ni uhur na tarsulur. Puji-pujian ampa
hasangapon ma isombahkon hanami hu Bamu, halani ipasompat Ham ope hanami
boi roh hu lobei-Mu marhasadaon panorang on. Domma pala manaron Ham halani
dousa pakon hajahatonnami. Mangelek ma hanami, sorapkon Ham ma Tonduy-Mu
hu bannami, ase margogoh hanami pataridahkon idop ni uhur-Mu pakon pasaudkon
harosuh ni uhur-Mu. Jalo Ham ma hanami marhitei Anak-Mu Jesus Kristus Tuhan
sihopkop hanami. Amen.

2. (Sexagesima) Ham Tuhan Naibata Bapanami, simada kuasa anjaha pargogoh na so
tarimbang. Tarima kasih ma Bamu halani domma italuhon Ham kuasa pakon horja
ni sibolis marhitei panaronon ni Anak-Mu Jesus Kristus Tuhannami. Pargogohi Ham
ma hanami ase lambin ihargahon hanami banggal ni holong-Mu mangkopkop hanami.
Iondoskon hanami ma pamujionnami hu Bamu bahen hasangapon ni goran-Mu anjaha
malas ni uhur bannami. Amen.

3. (Estomihi) Ham Tuhan Naibata Paridop ni uhur. Domma iberehon Ham Anak-Mu
na sasada in gantihnami manaron na marsik, ronsi matei tarsilang laho paluahkon
hanami. Rajai Ham ma uhurnami ase ibotoh hanami mangkargahon sitaronon-Mu in
janah margogoh anjaha marsabar ni uhur hanami mandompakhon sitaronon pakon
parlajouan bani goluhnami, halani Ham do batar-batarnami. Parmaloi Ham ma hanami
laho pasangaphon goran-Mu marhitei Anak-Mu Jesus Kristus Tuhannami. Amen.

4. (Invokavit) Ham Tuhan Jesus Sipaluah janah Sihopkop hanami. Domma manaron
Ham halani hahurangan pakon hagalekonnami jolma pardousa on. Paahapkon Ham
ma hu bagas uhurnami ganupan, na harga do hanami i lobei-Mu janah sirsir do Ham
tongtong manangihon janah mambalosi tonggonami. Rajai Ham ma uhur pakon
pingkirannami ase sintong parsombahonnami hu Bamu. Balosi Ham ma tonggonami
on Tuhan. Amen.

5. (Reminiscere) Ham Tuhan Naibata Bapanami, na dob mangondoskonAnak-Mu sisada-
sada in manaron hahirion ampa haparngiton ronsi matei tarsilang i dolog Golgota.
Marianan ma Ham i tongah-tongahnami laho mamasu-masu anjaha mangajari hanami,
ase sirsir hanami mangirikhon Ham janah mamorsan silang anjaha mamparnalang
dirinami. Tarima kasih ma hatahononnami hu Bamu halani ipasaud Ham do sura-
sura ni uhur-Mu bahen haluahonnami. Jalo Ham ma hanami marhitei Anak-Mu Jesus
Kristus Tuhannami. Amen.

6. (Okuli) Ham Bapanami paridop ni uhur na tarsulur. Mangkatahon tarima kasih do
hanami hu Bamu, halani na dob iberehon Ham Anak-Mu na sasada in hu hamateian,
ase marulih bani hagoluhan sisadokah ni dokahni sagala na porsaya hu Bamu. Ajari
Ham ma hanami marhitei Tonduy-Mu ase tongtong mangkawah hanami hu Bamu bani
pardalanannigoluhnami.UngkabHam mauhurnamimanjalohon parroh-Muhutongah-
tongahnami panorang on, ase ibagas unduk ni uhur hanami manjalo pamintorion-Mu.
Papansing Ham ma uhurnami, ase ibagas hapansingon hanami marsombah hu Bamu.
Jalo Ham ma tonggonami on ibagas Jesus Kristus Tuhannami. Amen.

7. (Letare) Ham Tuhan Naibata paridop ni uhur hubani haganupan jolma. Puji-
pujian ampa tarima kasih do isombahkon hanami hu Bamu, halani pangkopkop-Mu
bannami. Iondoskon Ham do Anak-Mu na sasada in hu hamateian, laho mangkopkop
hanami pardousa on. Pasu-pasu Ham ma hanami na martumpu on, ase lambin tubuh
pangarapan na baru bannami, janah ibagas malas ni uhur hanami manoruskon horja
ampa tanggungjawab na dob iondoskon Ham bannami. Ibagas Jesus Kristus ipadas
hanami tonggonami on. Amen.

8. (Judika) Ham Tuhan paridop ni uhur anjaha parpintor. Tarima kasih ma Bamu, ai
ipaluah janah ipatorsa Ham do hanami humbani hakahouon ampa tahi-tahi ni parjahat.
Goki Ham ma uhurnami marhitei Tonduy-Mu Na Pansing in, ase Ia ma mangajari
hanami, laho mangahapkon banggal ni sitaronon ni Anak-Mu mangkopkop janah
mamintori hanami. Luluhon Ham ma hanami bani ganup goluhnami, ai Ham tumang
do haporusannami ronsi sadokah ni dokahni. Marhitei-hitei Jesus Kristus Tuhannami,
jalo Ham ma tonggonami on. Amen.

9. (Palmarum) Ham Tuhan Naibata na sangap anjaha marmulia. Ham do na mangatasi
haganup kuasa, janah na paluahkon jolma humbani dousa pakon hamateian. Domma
isuruh Ham Tuhan Jesus Kristus roh hu dunia on marsitaronon banggal ronsi matei
tarsilang laho manggalar utang ni dousanami. Paahapkon Ham ma hu bannami banggal
ni holong-Mu marhitei Jesus Kristus na dob sirsir mangkopkop pakon laho paluahkon
hanami, ase sintong pangarusion pakon panjalonami hu Bamu. Pasaor Ham ma diri-
Mu hu bannnami, ase ibagas unduk pakon toruh ni uhur hanami marsombah hu Bamu.
Ibagas Jesus Kristus hanami martonggo. Amen.

PARMATEI NI TUHAN JESUS

1. Ham Tuhan Jesus biri-biri ni Naibata na mamorsan dousa ni dunia on. Na martumpu
do hanami sonari janah marunduk ni uhur mardingat parmatei-Mu bani hayu silang in
halani dousanami. Suruh Ham ma Tonduy Na Pansing in bannami ase iajari hanami
laho mangarusi ronsi mangkargahon parmatei-Mu mangkopkop hanami. Patoguh Ham
haporsayaonnami bani goluh on ase marulih hanami bani pangkopkop-Mu in. Ipadas
hanami tonggonami on Tuhan mangajamhon holong pakon idop ni uhur-Mu. Amen.

2. Ham Bapanami janah Naibatanami. Banggal ni in idop ni uhur-Mu bani haganupan
jolma. Domma iberehon Ham Anak-Mu Jesus Kristus manaron hahirion, haparngiton
pakon hadoyukon, pala matei tarsilang ase maluah hanami humbani kuasa ni sibolis,
dousa pakon hamateian. Ungkab Ham ma uhurnami laho mangkargahon janah
mangkagoluhkon pangkopkopon ni Anak-Mu in, ase marulih hanami bani hasasapanni
dousa pakon hagoluhan na sadokah ni dokahni. Holong ma Ham jalo Ham ma pamujion
pakon parsombahonnami on. Amen.

PARPUHOON NI TUHAN JESUS

1. Ham Tuhan Jesus Kristus Tuhannami. Tarima kasih ma Bamu halani domma italuhon
Ham hamateian, dousa pakon sibolis in marhitei parpuhoon-Mu. Seng be mabiar
hanami mandompakhon hamateian. Domma itogu Ham hanami humbani hagolapon
hubani haliharon, janah ipaluah Ham hanami humbani hamateian hubani hagoluhan.
Rajai anjaha pargogohi Ham ma hanami marhitei Tonduy-Mu, ase ibagas haporsayaon
na manggoluh ampa pambalosion na sintong hanami mamuji pakon manombah Ham
Tuhan Jesus siparmonang. Amen.

2. Ham Tuhan Naibata, puji-pujian ma isombahkon hanami hu Bamu, halani na dob saud
bagah-bagah-Mu, in ma parpuhoon ni Anak-Mu Jesus Kristus Tuhannami. Tonduy-Mu
Na Pansing in ma mamuhoi uhurnami ase lambin porsaya janah lambin marpangarapan
na manggoluh hanami, gabe tongtong ihaporsayai hanami na puho do hanami use
humbani na matei songon Jesus Kristus Tuhannami. Amen.

3. Ham Tuhan Jesus Raja siparmonang. Martumpu do hanami sadarion mamestahon
parpuhoon pakon parmonang-Mu in. Ipasaud Ham do hata-Mu marhiteihon parpuhoon
pakon hamonangan-Mu mambahen parsimada hanami bani haluahon ampa hagoluhan
na sadokah ni dokahni. Parayak Ham ma hanami na martumpu on ase manggoluh
hanami ibagas hagogohon ni parpuhoon pakon hamonangan-Mu in. Amen.

MUSIM PARPUHOON

1. (Quasimodogeniti) Ham Tuhan Naibata Bapanami na i nagori atas. Tarima kasih
pakon puji-pujian ma isombahkon hanami hu Bamu, halani tongtong do ibere Ham
bannami Hata-Mu na gabe hagoluhannami. Maidop ma uhur-Mu, Tonduy-Mu Na
Pansing in ma mampargogohi hanami laho manjalo pakon manghagoluhkon hata-Mu
in. Songon dakdanak na baru tubuh na horahan bani tadah, sonai ma hanami horahan
bani tadah ni tonduy na pitah, ase lambin idaihon hanami dear ni layak-Mu, janah
sintong haporsayaonnami hu Bamu. Ibagas goran niAnak-Mu Jesus KristusTuhannami.
Amen.

2.        (Misericordias Domini) Ham Tuhan Naibata, pargogoh na so tarimbang. Ham do na
manjadihon langit pakon tanoh on ronsi haganup isini. Tonduy-Mu Na Pansing ma
mambobai hanami, ase lambin ididah hanami habanggalon pakon kuasa-Mu. Idop ni
uhur-Mu do na manramotkon hanami pakon na pasirsirhon haganupan na porlu bani
goluhnami. Puhoi Ham ma uhurnami, ase ipuji janah idodingkon hanami habanggalon
pakon pambahenan-Mu in marhitei parsombahonnami on. Ibagas goran ni AnakMu
Jesus Kristus Tuhannami. Amen.
3.        (Jubilate) Ham Tuhan Jahowa, na dob pamonangkon hanami humbani kuasa ni sibolis
pakon hamateian. Marolob-olob do hanami mamuji goran-Mu Na Pansing in. Banggal
tumang do pambahenan-Mu, mambahen dihut hanami parsimada bani hamonangan-
Mu janah panean bani hagoluhan na sadokah ni dokahni. Tonduy-Mu Na Pansing in
ma na marmaloi hanami, ase lambin ididah hanami haluahon na hun Bamu janah totap
hanami marhaporsayaon hu Bamu. Hu Bamu ma isombahkon hanami olob-olob ampa
puji-pujiannami panorang on sonai homa sadokah goluhnami. Amen.
4.        (Kantate) Ham Naibata paridop ni uhur na tarsulur. Domma ipasirsir Ham haluahon
ampa hagoluhan marhitei pangkopkopon ni Anak-Mu Jesus Kristus Tuhannami. Na
so ongga niidah ni mata, na so ongga binogei ni pinggol, anjaha na so ongga tubuh
ibagas uhur ni jolma, ai do ipasirsir Ham bannami janah ai do bona ni puji-pujian
na idodingkon hanami ibagas uhur na martarimakasih hu Bamu sadokah goluhnami.
Bamu ma puji-pujian sonari, ronsi sadokah ni dokahni. Amen.

5. (Rogate) Ham Tuhan Naibata Bapanami na tongtong sirsir manangihon tonggonami.
Idop ni uhur-Mu do mambahen boi hanami marhasadaon, marsombah janah martonggo
hu Bamu bani panorang on. Ibagahkon Anak-Mu do, atap aha pe sipindoonnami hu
Bamu marhitei goran-Ni ibagas haporsayaon, sai na bereon-Mu do in. Halani ai holong
ma atei-Mu, lambin ajari Ham ma hanami martonggo padaskon pangindoannami hu
Bamu romban hubani harosuh ni uhur-Mu. Ibagas goran ni Anak-Mu Jesus Kristus
Tuhannami. Amen.

PARNAIK NI TUHAN JESUS

Ham Tuhan Jesus Raja siparmonang na dob naik hu nagori atas, janah hundul i
siamun ni Naibata Bapa in. Ipestahon hanami do panorang on parmulak-Mu hubani
hasangapon-Mu laho parsirsirhon ianan na totap in bani haganup halak na porsaya hu
Bamu. Pargogohi Ham ma hanami mangkaporsayai Ham ase totap ijolom hanami arta
na maharga in ronsi das hanami hubani hagoluhan na sadokah ni dokahni. Patoguh
Ham ma uhurnami ase tongtong ibagas haporsayaon janah totap puho hanami mangalo-
alo parroh-Mu laho mangondoskon hagogok ni haluahon in songon na dob ibagahkon
Ham. Amen

EXAUDI

Ham Tuhan Naibata Bapanami, na tongtong sirsir manangihon dilo-dilo ni
haganupan jolma na porsaya Bamu. Tenger do uhurnami, tongtong do ipardiateihon
Ham pargoluhannami, anjaha ikawahkon Ham do hanami mandompakkon sagala
na masa. Sorapkon Ham ma Tonduy-Mu Na Pansing hu bagas uhurnami, ase riap
hanami marsombah anjaha manangihon hata-Mu, ase lambin sintong janah pitah
haporsayaonnami hubani Jesus Kristus Sipaluah hanami. Holong ma atei-Mu, paeleng
Ham ma pinggol-Mu manangihon tonggonami on. Amen.

PENTAKOSTA

1. Ham Tuhan Naibata Bapanami na dob marianan i tongah-tongahnami marhitei Tonduy
Na Pansing. Tarima kasih ma hu Bamu halani domma iuseihon Ham hagogohon ni
Tonduy-Mu in hubani kuria-Mu. Ungkab Ham ma uhurnami ase lambin sirsir hanami
pataridahkon buah ni Tonduy bani goluh siganup ari. Pasu-pasu Ham hanami kuria-Mu
na martumpu on ase lambin sada hanami ibobai Tonduy-Mu Na Pansing in. Amen.

2. Ham Tonduy Na Pansing, tarima kasih ma sombahkononnami hu Bamu. Marhitei
parroh-Mu, ipajongjong Ham do kuria-Mu i tanoh on, na gabe hatatalar ni angkula
ni Kristus. Sai sorap ma hagogohon-Mu in hubannami bei, ase ibobai hanami hubani
hagoluhan sisadokah ni dokahni. Togu Ham ma hanami haganup ase lambin orod hu
Bamu ibagas haporsayaon na sintong, anjaha marmalasni uhur hanami pasangapkon
Ham. Amen.

TRINITATIS

Ham Tuhan Naibata sitolusada, pinujima goran-Mu na pansing in bani tumpuannami
sadarion. Ham do simada kuasa i nagori atas pakon i tanoh on. Pasaor Ham ma hadirion-

Mu hu bannami ase ulang mabiar hanami mandompakkon ari-ari ni goluhnami. Dihut
do hanami idilo Ham janah boi hanami marhasadaon pakon Ham, halani domma tardidi
hanami hu bagas goran-Mu sitolusada in; Bapa, Anak pakon Tonduy Na Pansing.
Tarima kasih ma Bamu Ham Tuhan Naibata Sitompa hanami pakon Ham Tuhan Jesus
Sipaluah hanami ampa Ham Tonduy Na Pansing na mandilo hanami kuria-Mu. Amen.

MUSIM TRINITATIS

1. Ham Tuhan Naibata, Sitolusada, Naibata Bapa, Tuhan Jesus Kristus ampa Tonduy
Na Pansing. Tarima kasih ma Bamu halani itompa, ipaluah janah ipapansing Ham
do hanami marhitei idop ni uhur pakon holong ni atei-Mu na banggal in. Tuhan,
patotap Ham ma malas ni uhur ampa haporsayaonnami. Pargogohi Ham ma hanami
mandompakon haganup na masa bani goluh on, ase tongtong hanami marhaporsayaon
na toguh hu Bamu. Togu-togu Ham ma hanami ase maluah janah ondos hubani Jesus
Kristus, Anak-Mu in. Amen.

2. Ham Tuhan Naibata Bapanami, martumpu do hanami bani ari na pinapansing-Mu
on. Ajari Ham ma hanami mamuji pakon pasangapkon goran-Mu marhitei hata ampa
pambahenannami. Buhai Ham uhurnami marhitei Tonduy-Mu Napansing in, ase
marmalas ni uhur hanami mambalosi janah mangkorjahon hata-Mu, ai hata-Mu in do
hagoluhannami. Marhitei Jesus Kristus Sipaluah in roh hanami mangelek hu Bamu.
Amen.

3. Ham Tuhan Naibata Sitolusada. Na martumpu do hanami panorang on mangkatahon
tarima kasih halani panramotion-Mu bannami. Malas do uhurnami nuan laho
pasangapkon goran-Mu Na Pansing in. Dompakkon Ham ma bohi-Mu hu bannami, ase
lambin iahapkon hanami habanggalon ni kuasa-Mu paluahkon janah mampargogohi
hanami bani ganup na masa bani goluhnami. Patotap Ham ma haporsayaonnami, halani
domma ipadihut Ham hanami parrupei bani siteanon na dob ibagahkon Ham hubani
sagala na porsaya Bamu. Marhitei Jesus Kristus Tuhannami. Amen.

4. Ham Tuhan Naibata na manompa hanami, pakon Ham Jesus Kristus na paluahkon
hanami ampa Ham Tonduy Na Pansing na mangajari hanami. Parayak Ham ma hanami
na martumpu on, ase lambin marbanggal haporsayaonnami janah lambin sintong
goluh pakon pangarapannami hu Bamu. Paahapkon Ham ma bannami holong-Mu ase
marholong ni uhur hanami hu Bamu sonai age bani hasoman jolma, ase boi hanami
riap marmalas ni uhur mamuji pakon pasangapkon goran-Mu. Jalo Ham ma tonggo
pamujionnami on. Amen.

5. Ham Tuhan Naibata, na so marbona na so marujung. Domma manggoluh hanami nuan
ibagas hapintoron pakon hasintongan-Mu marhitei Jesus Kristus na dob mamintori
hanami. Sorapi Ham ma uhurnami na martumpu on marhitei Tonduy-Mu, ase porsaya

janah totap ma hanami manggoluh ibagas harosuh ni uhur-Mu, marhasoman hagogohon
ni hata-Mu, na pabotohkon hubannami na parrupei do hanami bani hagoluhan na
sadokah ni dokahni. Amen.

6. Ham Tuhan Naibata, paridop ni uhur na tarsulur. Tarima kasih ma hatahononnami
hu Bamu, halani idop ni uhur-Mu na mambere malas ni uhur, hadameion ampa
hasadaon hu bannami panorang on. Useihon Ham ma Tonduy-Mu hu bagas uhurnami,
ase margogoh hanami mantaluhon kuasa ni dousa, janah tongtong ipindahi hanami
harajaon-Mu. Paahapkon Ham ma hubannami banggal ni idop ni uhur-Mu in, ase
ibotoh hanami maridop ni uhur homa dompak hasomannami. Marhitei Anak-Mu
Jesus Kristus sipagoluh in, martonggo hanami hu Bamu. Amen.

7. Ham Tuhan Naibata Bapanami. Tarima kasih ma Bamu, na dob mangondoskon
haluahon hu bannami marhitei Jesus Kristus Anak-Mu in. Tonduy-Mu Na Pansing
in ma na tongtong mangurasi uhur, pingkiran, ampa hadirionnami, ase talup janah
marringgas ni uhur hanami pasaudkon horja na madear songon na iharosuhkon uhur-
Mu. Roh ma Ham hu tongah-tongah ni hasadaonnami on, ase lambin iahapkon hanami
malas ni uhur ampa damei na hun Bamu. Marhitei Jesus Kristus Tuhan na paluahkon
hanami, jalo Ham ma tonggo elek-eleknami on. Amen.

8. Ham Tuhan Naibata, Bapanami na i nagori atas. Na mangindo ma hanami nuan hu
Bamu, sorapkon Ham ma Tonduy hasintongan pakon hadameion in hu bagas uhurnami,
ase lambin tangkas ibotoh hanami harosuh ni uhur-Mu. Urupi Ham ma hanami
mangkorjahon parentah-Mu humbani bois ni gogohnami. Rajai Ham ma hanami na
martumpu on ase parsaorannami on gabe hasangapon ni goran-Mu ampa malas ni uhur
bannami. Jalo Ham ma tonggonami on ibagas Jesus Kristus Tuhannami. Amen.

9. Ham Tuhan Naibata anjaha Bapanami. Sai togu-togu janah rajai Ham ma uhurnami
marhiteihon Tonduy Na Pansing, ase sirsir hanami manangihon pakon manjalohon
hata-Mu. Patotap Ham ma Hata Hagoluhan in ibagas uhurnami, ase lambin bayu janah
pansing uhurnami. Urupi Ham ma hanami lambin martenger ni uhur hu bani Anak-Mu
Jesus Kristus, ase ondos hanami hu hagoluhan na sadokah ni dokahni. Amen.

10. Ham Tuhan Naibata, paridop ni uhur na tarsulur. Tonduy-Mu Na Pansing in ma
mambobai hanami hubani Anak-Mu, ase Ia simada hanami. Bere Ham ma hu bannami
haporsayaon na sintong, janah ulang paturut Ham hanami marpangarapan bani na i
dunia on. Pitah Ham do hatengeran ni uhur pakon haporusannami. Patuduhkon Ham
ma tongtong hubannami dalan hu haluahon, ase das hanami hubani panandaion bani
idop ni uhur-Mu na banggal in, halani Anak-Mu Jesus Kristus Tuhannami. Amen.

11. Ham Tuhan Naibata, paridop ni uhur anjaha na bonar. Tarima kasih ma Bamu halani
ipadas Ham do hubannami Ambilan Na Madear in, gabe itandai hanami Ham, sonai
age idop ni uhur ampa harosuh ni uhur-Mu. Pargogohi Ham ma hanami manjalo pakon

manghagoluhkon hata-Mu in. Paruhuri Ham ma homa hanami mangambilankon in
hubani hasomannami jolma, ase lambin rarat harajaon-Mu i tanoh on. Jalo Ham ma
tonggonami on marhitei Jesus Kristus Raja ni kuria in. Amen.

12. Ham Tuhan Naibata, pargogoh na so tarimbang janah paridop ni uhur na tarsulur.
Ihasiholhon uhur-Mu do manggoluh hanami ibagas hatuahon-Mu. Domma bagei dalan
ibahen Ham mamuhoi uhurnami ase itandai hanami harosuh ni uhur-Mu. Martoruh
ni uhur do hanami nuan mangindo hu Bamu, bere Ham ma Tonduy-Mu Na Pansing
in bannami, ase porsaya hanami bani holong-Mu na gabe harorohan ni malas ni uhur
pakon hatuahon. Marhitei Jesus Kristus Tuhannami jalo Ham ma tongonami. Amen.

13. Ham Tuhan Naibata, pargogoh na so tarimbang. Tunggung janah bonar do Ham.
Ipatoruh Ham do na gijang maruhur, janah ipagijang Ham do na toruh maruhur.
Ipangindo hanami hu Bamu, masuki janah togu Ham ma uhurnami marhitei Tonduy-
Mu, ase unduk, toruh, saluju janah bujur hanami i lobei-Mu, sonai age i lobei ni haganup
hasoman. Marhitei Anak-Mu Jesus Kristus Tuhannami, ipadas hanami tonggonami on
hu Bamu. Amen.

14. Ham Tuhan Naibata Bapa, paridop ni uhur hu bannami. Tarima kasih ma Bamu halani
ibere Ham do Anak-Mu na sasada in paluahkon hanami humbani gomgoman ni dousa
pakon hamateian. Ipindo hanami hu Bamu, sondangkon Ham ma bohi-Mu hu bannami
marhitei hata-Mu, ase margogoh janah monang hanami mandompakkon hasunsahan
pakon hasosakan. Paruhuri Ham ma hanami marhiteihon Tonduy-Mu, ase dihut hanami
parsimada bani hagoluhan na sadokah ni dokahni, janah pujionnami ma Ham marhitei
parsombahonnami on ibagas kuasa ni Jesus Kristus Tuhannami. Amen.

15. Ham Tuhan Naibata, Bapanami paridop ni uhur na tarsulur. Ibagas toruh ni uhur
mangindo hanami hu Bamu, Tonduy-Mu ma na manggoki uhur ronsi pingkirannami
ase margogoh hanami manangihon Ham anjaha mangkagoluhkon hata-Mu Na Pansing
in, ase lambin talar buah-buah na madear humbani hadirionnami. Balosi Ham ma
hanami, marhiteihon Anak-Mu Jesus Kristus Tuhannami. Amen.

16. Ham Tuhan Naibata Bapanami na i nagori atas. Suruh Ham ma Tonduy-Mu Na Pansing
in bannami na martumpu on, ase lambin iarusi anjaha iahapkon hanami idop ni uhur
pakon hapintoron na binerehon ni Anak-Mu Jesus Kristus hu bannami. Pargogohi
Ham ma hanami mangkorjahon harosuh ni uhur-Mu, pakon pajongjongkon hapintoron
na hun Bamu, ase lambin marmalas ni uhur hanami manaksihon hasangapon pakon
hamuliaon ni pambahenan ni Jesus Kristus Tuhannami. Amen.

17. Ham Tuhan Naibata, na i nagori atas simada hasintongan. Holong ma uhur-Mu, bere Ham
ma Tonduy-Mu manorangi uhurnami, ase boi itimbangi anjaha ibotoh hanami harosuh
pakon na so iharosuhkon Ham. Hasomani janah togu-togu Ham ma hanami ase margogoh
hanami mangkorjahon harosuh-Mu janah ase boi ibagas na sintong pardomuannami
pakon Ham bani panorang on. Marhitei-hitei Jesus Kristus Tuhannami. Amen.

18. Ham Tuhan Naibata parholong ni atei banggal. Ham do harohan ni apoh-apoh na
tarsulur hubani halak na marpusok ni uhur, ampa gogoh na sumurung hubani halak na
ibagas hagalekon. Tatap Ham ma hanami na martumpu on, ase malas uhurnami janah
margogoh mandompakkon bagei ni hamaholon. Tangihon Ham ma pangindoannami
on, Ham Tuhan sipangapoh, haporusan, parbansahan pakon batar-batar na toguh
marhitei Jesus Kristus Tuhannami. Amen.

19. Ham Tuhan Naibata Bapanami, Ham do harohan ni damei pakon malas ni uhur. Sorapi
Ham ma hanami na martumpu on marhitei Tonduy Na Pansing, anjaha paahapkon Ham
ma hu bannami holong ampa damei na hun Bani Tuhan Jesus Kristus. Ojur Ham ma
hanami ase tongtong martenger ni uhur hu Bamu ase jumpahan malas ni uhur hanami
ibagas Ham. Tangihon Ham ma pangindoannami on, ibagas goran ni Anak-Mu Jesus
Kristus Tuhannami. Amen.

20. Ham Naibata Bapa na itandai hanami ibagas goran ni Anak-Mu Tuhan Jesus Kristus.
Iparentahkon Ham do marhitei Tonduy-Mu Na Pansing, ase mardamei hanami pakon
hasomannami tanda ni na tongon hanami marhaporsayaon hu Bamu. Halani ai totap ma
Ham marianan i tongah-tongah ni tumpuannami on, ase tongtong hanami gok damei
janah marparsaoran na orod pakon Ham sonai homa age pakon hasomannami. Balosi
Ham ma tonggonami marhiteihon Anak-Mu Tuhan Jesus Kristus siboan damei in. Amen.

21. Ham Tuhan Naibata pargogoh na so tarimbang. Pansing do Ham tapi gok dousa do
anggo hanami. Tapi ibagas idop ni uhur-Mu sirsir do Ham manohu sagala na porsaya
Bamu. Halani ai marhitei parsombahonnami on, mangarap do hanami ase papansing
janah pabayu Ham ma uhurnami marhitei hata-Mu. Bere Ham ma bannami uhur na
hinsah manangihon hata-Mu, ase ibotoh hanami mangkagoluhkon rosuh ni uhur-Mu.
Jalo Ham ma pamujionnami on mangunsagahkon idop ni uhur-Mu. Ibagas goran ni
Anak-Mu Jesus Kristus Tuhannami. Amen.

22. Ham Tuhan Naibata, pargogoh na so tarimbang janah pardear layak. Ronsi sadokah
ni dokah ni do idop ni uhur-Mu. Malas do uhurnami halani iramoti janah ipargogohi
Ham do hanami ronsi sadari on. Ipuji hanami do Ham halani na dob ondos Ambilan
Na Madear in marhitei Jesus Kristus Tuhannami. Ai in do hagoluhannami. Tonduy-Mu
in ma na tongtong mambobai hanami mardalan ibagas hata-Mu. Diatei tupa ma Bamu
ibagas Jesus Kristus Tuhannami. Amen.

23. Ham Tuhan Naibata Bapanami marhitei Jesus Kristus Tuhannami. Iramoti Ham
do goluhnami, anjaha ibere Ham do hajorgiton bannami ronsi nuan. Paruhuri Ham
ma hanami marhitei Tonduy-Mu ase lambin iarusi hanami panogu-noguon pakon
pangkopkopon-Mu in. In ma na mangojur hanami laho mamuji pakon pasangapkon
Ham ibagas Jesus Kristus Tuhannami. Amen.

24. Ham Tuhan Naibata Bapanami, pardear layak na tarsulur. Martumpu do hanami nuan
ijon manombah Ham humbani gok ni uhurnami. Parayak Ham ma hanami, ase totap
haporsayaonnami janah margogoh hanami mangabakkon pangabak na madear, songon

na pinindo-Mu bannami. Parorot Ham ma hanami ronsi ujung ni goluhnami, marhitei
Anak-Mu Jesus Kristus Tuhannami. Amen.

25. Ham Tuhan Naibata na sangap anjaha na mapansing. Ibobai janah igomgomi Ham do
kuria-Mu marhitei Tonduy-Mu in. Halani ai ipindo hanami do hu Bamu, sai tongtong
ma marianan Tonduy Na Pansing in ibagas uhurnami, ase gok malas ni uhur hanami
janah sipambalosi bani hata-Mu songon pambalosion ni Anak-Mu Jesus Kristus hu
Bamu. Holong ma Ham Tuhan jalo Ham ma tonggonami. Amen.

26. Ham Tuhan Naibata pardear layak na tarsulur. Dear janah jenges do tongon ijadihon
Ham langit, tanoh pakon haganup isini. Isuruh Ham do hanami manrajai pakon
manramotkon ganup na tinompa ibagas gok tanggungjawab hu Bamu. Sai tambahi
Ham ma hauhuron pakon hapentaran bannami. Bere Ham ma bannami gogoh pakon
hinsah ni uhur laho manramotkon jadi-jadian-Mu. Ipuji hanami do Ham ampa Tonduy-
Mu Na Pansing in ibagas goran ni Anak-Mu Jesus Kristus Tuhannami. Amen.

27. Ham Tuhan Naibata sibere hagoluhan pakon Tuhan Jesus Kristus sipaluah ampa
Tonduy Na Pansing sibobai goluhnami. Roh do hanami marsombah laho pasangapkon
Ham ampa mambere uhurnami laho manjalo hata-Mu ronsi manggalangkon haganup
goluhnami gabe puji-pujian hu Bamu. Jalo Ham ma parsombahon pakon pamujionnami
on. Amen.

REFORMASI

1. Ham Tuhan Naibata, Bapanami na i nagori atas. Ipuji janah ipasangap hanami do Ham,
halani ibere Ham do Ambilan Na Madear in bannami. Tonduy-Mu Na Pansing in ma
mangajari hanami, ase porsaya hanami bani Hata-Mu, ai in do hagoluhannami. Ramoti
Ham ma hapitahon ni hata-Mu i tongah-tongah ni kuria-Mu. Urupi janah pargogohi
Ham ma hanami mangkagoluhkonsi, ase margogoh hanami mangimbang sagala podah
hakahouon pakon mangkorjahon hasintongan-Mu, ronsi manaksihon Hata-Mu in, ase
lambin tambah bilangan ni na porsaya hu Bamu. Maidop ma uhur-Mu, balosi Ham ma
pangindoannami on, ibagas goran ni Anak-Mu Jesus Kristus Tuhannami. Amen.

2. Ham Tuhan Naibata na dob mamintori hanami ibagas Jesus Kristus. Pitah idop ni
uhur-Mu do na patalupkon hanami manggoluh janah marianan bani harajaon-Mu.
Tarima kasih ma Bamu halani isondangi Ham do hanami marhitei Hata-Mu, in ma na
pabayuhon uhur pakon goluhnami. Paruhuri Ham ma hanami ase tongtong maronjolan
bani haporsayaon na pitah anjaha lang ipangajamhon hanami gogoh pakon hadirionnami
laho mangindahi haluahon. Sai totap ma hanami mangarap bani idop ni uhur-Mu in
ibagas Jesus Kristus na ihaporsayai hanami. Amen.

UJUNG TAHUN KURIA /PARDINGATAN BANI NA DOB MATEI

1. Ham Tuhan Jesus, Tuhan ni na manggoluh pakon na dob matei. Das ma hanami nuan
bani Minggu Ujung Tahun Kuria pakon Pardingatan Bani na Dob Matei. Gabe ibotoh
hanami ma nuan, na marujung do haganupan; ari, bulan, age tahun, salpu do ganup
sonai ronsi goluhnami. Tapi tenger do uhurnami, Ham do simada hanami manggoluh
barang matei. Age pe mardalan hanami bani linggoman ni hamateian, seng anjai
mabiar be hanami, halani Ham do hasomannami. Domma italuhon Ham hamateian in
laho mangkopkop hanami. Roh hanami sonari marsombah hu Bamu, ondos hu Bamu
ma hanami na martumpu on, ase marulih hanami bani haluahon pakon hagoluhan na
sadokah ni dokahni. Amen.

2. Ham Tuhan Naibata, bona pakon ujung ni haganupan. Tarima kasih ma hu Bamu
halani iramotkon Ham do goluhnami humbani panorang na dob salpu das hubani
panorang ujung tahun kuria sadari on, ronsi sadokah ni dokah ni. Patotap Ham ma
haporsayaonnami, janah patoguh Ham ma pangarapannami marhitei hata-Mu, ase
tongtong hanami marmalas ni uhur managam ari parmateinami janah marhasabaron
ronsi das hu ujung, marhitei na totap martenger ni uhur hu Bamu. Ibagas Jesus Kristus,
ipadas hanami tonggonami on hu Bamu. Amen.

PARIAMA

1. Ham Tuhan Naibata pardear layak ampa paridop ni uhur harohan ni sagala pasu-pasu.
Pasu-pasu-Mu do mambahen boi ihorjahon hanami horjanami, gabe marbuah in janah
jumpahan malas ni uhur hanami. Ipargogohi janah iramoti Ham do hanami mansarihon
na porlu bani goluhnami marhitei na pasirsirhon bohal siganup ari. Hun Bamu do ijalo
hanami pasu-pasu na gokan dear. Martumpu do nuan hanami martarimakasih hu Bamu
humbani gok ni uhurnami. Bere Ham ma Tonduy-Mu hu bannami, mamuhoi pakon
paliharhon mata ni hauhuronnami, ase lambin ididah hanami na madear, na majenges
na dob binere-Mu pakon na sihol tambahkonon-Mu ope bannami. Ojur Ham ma hanami
ase lambin ringgas mamuji pakon pasangapkon Ham marhitei goluhnami. Amen.

2. Ham Naibata Bapanami, Tuhan pardear layak janah na unjah mambere pasu-pasu.
Isarihon Ham do hanami pakon haganup na tinompa-Mu marhitei bagei ni pasu-pasu
pakon sibere-bere na madear. Ajari Ham ma hanami marhitei Tonduy-Mu, ase lambin
ibotoh hanami mangkargahon pakon mamakeihon pasu-pasu-Mu gabe hasangapon ni
goran-Mu. Paruhuri Ham ma hanami na martumpu bani panorang on, ase lambin iidah
hanami banggal ni kuasa-Mu bani haganupan na hinorjahonnami na dob mambere
buah na madear. Paingat Ham ma homa hanami Tuhan, ase lambin isaksihon hanami
habanggalon-Mu hubani dunia on marhitei ganupan pasu-pasu na dob iondoskon Ham
hubannami, ibagas uhur na martarimakasih, marolob-olob, mamuji pakon pasangapkon
Ham. Amen.

TITAH

1. TITAH NI NAIBATA NA SAPULUH IN

Tangihon hita ma Titah ni Naibata na sapuluh in:

1. Ahu do Jahowa Naibatamu, nini Naibatanta, lang malo ho marnaibata na legan
sobali Ahu.

2. Lang malo ganaonmu, anjaha lang malo usihanmu, barang aha na i nagori atas,
pakon na i tanoh on, age na ibagas bah pakon na i toruh ni tanoh, anggo na gabe
sisombahon barang sibalosan.

3. Lang malo sobuton Goran ni Naibata anggo lang tiba jujurni, ai hona uhum-Ni do
magira sagala na marhampungkon goran-Ni.

4. Ingat ma manrobuhon ari Minggu in, ibagas na onom ari ma horjahon sagala
horjamu; tapi anggo ari papituhon in, ari parsaranan ni Jahowa Naibatamu do in.
Lang malo ho marhorja ibagas na sadari in, barang anakmu pe barang borumu,
barang na rokkon ho dalahi, barang na rokkon ho naboru, age pinahanmu pe, age
sinhuta na legan na roh hu hutamu. Ai ibagas na onom arian do itompa Naibata,
langit pakon tanoh pakon laut ampa haganup isini. Dob ai marsaran do Ia bani
ari papituhon in. Halani ai do ase ipasu-pasu Naibata Jahowa ari pasaranan-Ni ai
anjaha irobuhon.

5. Maningon pasangaponmu do namatorasmu, ase martuah ho, anjaha dokah ho
manggoluh bani tanoh na binerehon ni Naibata hubam.

6.        Ulang ho mamunuh!
7.        Ulang ho marbangkis!
8.        Ulang ho manangko!

9. Ulang ho ra manaksihon hata na so tongon marimbang hasoman jolma!

10. Lang malo uhur-uhuranmu rumah ni hasomanmu, lang malo uhur-uhuranmu urang
rumah ni hasomanmu, barang na rokkonsi dalahi, barang na rokkonsi naboru,
barang lombuni, barang hudani, barang aha pe arta ni hasoman.

Sonon do Hata ni Naibata pasal titah na sapuluh in:

Ahu do Jahowa Naibatamu! Pargogoh na so tarimbang anjaha parringis, nini Naibatanta.
Sai baloson-Ku do dousa ni bapani hubani ginomparni, ronsi sundut patoluhon ronsi
sundut paopathon, ginompar ni sagala na marsogam ni uhur Bangku. Tapi holong do
atei-Hu bani na marribu-ribu, sagala na marholong ni atei Bangku, na so manlanggar
Titah-Kin.

Riap ma hita mangindo...

2. GANTIH NI TITAH NA SAPULUH IN

(Basaon ma sada humbani na i toruh on:)

1. Tangihon hita ma gantih ni Titah na sapuluh in, aima na tarsurat bani Mateus
22:37-40. “Maningon haholonganmu do Tuhan Naibatamu humbani gok ni
uhurmu, humbani gok ni tonduymu ampa humbani gok ni pingkiranmu. In ma titah
sibanggalan anjaha na parlobei. Na paduahon on pe dos do pakon in: Maningon
haholonganmu do hasomanmu doskon dirimu. Titah na dua on do manrimpun
sagala titah pakon hata ni nabi-nabi”.

Riap ma hita mangindo...

2. Tangihon hita ma gantih ni Titah na sapuluh in, aima na tarsurat bani Lukas 6:31-
33a; 35a: “Songon na pinindo nasiam bahenon ni halak bani nasiam, sonai ma
bahen nasiam bani sidea. Ai anggo ihaholongi nasiam na marholong ni uhur bani
nasiam, aha ma ulih nasiam ijai? Ai age pardousa ihaholongi do na marholong
ni uhur bani sidea. Anjaha anggo ibahen nasiam na madear hubani sibahen na
madear bani nasiam, aha ma ulihnasiam ijai? Tapi haholongi nasiam ma munsuh
nasiam, bahen nasiam ma na madear”

Riap ma hita mangindo...

3. Tangihon hita ma gantih ni Titah na sapuluh in, aima na tarsurat bani Lukas 6:36-38:
“Gabe paridop ni uhur ma nasiam, songon Bapanasiam, paridop ni uhur in. Ulang
ma nasiam manguhum-uhumi, ase ulang hona uhum nasiam! Ulang ma nasiam
mamapai, ase ulang hona papa nasiam! Paluah nasiam, ase ipaluah nasiam! Bere
nasiam ma, ase ibere bani nasiam! Parsuhatan na madear, na nionjat, na nidugur
anjaha na pinajunjun bereonni bani abingan nasiam; ai parsuhatan, na sinuhatkon
nasiam do, suhatkonon bani nasiam”

Riap ma hita mangindo...

4. TangihonhitamagantihniTitahnasapuluhin,aimanatarsuratbaniJohannes13:34-
35. “Titah na baru do Hubere bannima, ai ma ase marsihaholongan hanima samah
hanima. Songon holong ni uhur-Hu bannima, sonai ma marsihaholongan hanima.
Hunjon ma botohon ni ganup halak susian-Ku hanima, anggo marsihaholongan
hanima”.

Riap ma hita mangindo...

5. Tangihon hita ma gantih ni Titah na sapuluh in, aima na tarsurat bani Johannes
15:10. “Anggo ihorjahon hanima Titah-Ku, marianan ma hanima ibagas holong
ni uhur-Hu, songon Ahu na mangkorjahon Titah ni Bapa, gabe marianan ibagas
holong ni uhur-Ni”.

Riap ma hita mangindo...

6. Tangihon hita ma gantih ni Titah na sapuluh in, aima na tarsurat bani Rom 12:1-2:
“Ai pe, hupaingat ma nasiam sanina marhitei idop ni uhur ni Naibata, ondoskon
nasiam ma angkula nasiam gabe galangan na manggoluh, na susi anjaha na
hinarosuhkon ni Naibata, in ma parsombahon nasiam na maruhur! Anjaha ulang
ma sarupa nasiam pakon dunia on, tapi mubah ma marhitei habayuon ni uhur, ase
boi nasiam manimbangi atap aha do rosuh ni uhur ni Naibata, ai ma na madear,
harosuh ampa na gokan dear”

Riap ma hita mangindo...

7. Tangihon hita ma gantih ni Titah na sapuluh in, aima na tarsurat bani Rom 12:16-
18: “Sada ma uhurnasiam samah nasiam; ulang ma hagijangon ai pingkiri nasiam,
tapi hatoruhon ma parayak; ulang ma na pandei nasiam iagan uhurnasiam! Ulang
ma balaskon nasiam na jahat balas ni na jahat; porluhon nasiam ma na madear i
lobei ni haganup halak. Anggo tarbahen, sibar ni na tarhorjahon nasiam, mardamei
ma nasiam pakon haganup halak”

Riap ma hita mangindo...

8. Tangihon hita ma gantih ni Titah na sapuluh in, aima na tarsurat bani 1 Korint
13:4-8a: “Na sabar do haholongon in anjaha na basar, seng subil haholongon in,
seng mangunsagah anjaha ipajuntul-juntul dirini. Hormat do haholongon in, seng
ipindahi na bani sandiri, seng urah marah, anjaha seng ipadingat-dingat na jahat.
Seng malas uhurni mangidah hagedukon, tapi malas do uhurni bani hasintongan.
Bani haganup do ia tahan, haganup do ihaporsayai, haganup do iarapkon, sabar do
ia manaron haganup. Seng na ra salpu haholongan in”

Riap ma hita mangindo...

9.        Tangihon hita ma gantih niTitah na sapuluh in, aima na tarsurat bani Kolosse 3:5-10:
        “Ai pe, bunuh nasiam ma pagorinasiam, na i tanoh on: Parriah-riahon, habutakon,
        hisap-hisap, sura-sura jahat ampa uhur haut, ai ma parnaibataon na legan, ai halani

ai do roh ringis ni Naibata. Anjaha ai do idalankon nasiam hinan, sanggah ibagas
ai ope goluhnasiam. Tapi sonari, ambukkon nasiam ma haganupan in: Ringis, gila,
hajahaton, panrisaon ampa hata sumsam humbani pamangannasiam. Ulang ma
marsiladungan nasiam, ai domma itanggali nasiam jolma na buruk in rap pakon
pambahenanni, anjaha domma ipakei nasiam na baru in, na pinabaru domu hubani
rupa ni na manompasi, ase marpangarusion”

Riap ma hita mangindo...

10. Tangihon hita ma gantih ni Titah na sapuluh in, aima na tarsurat bani Kolosse
3:12-14: “Ai pe, nasiam na dob pinilih ni Naibata, na mapansing anjaha na
hinaholongan, pakei nasiam ma biak paridop ni uhuran, habasaron, toruh ni uhur,
halamlamon, ampa lumbang ni uhur, marsianju-anjuan anjaha marsisasapan dousa,
anggo marpangkurangi uhur ni na sada dompak hasomanni; songon na dob isasap
Kristus dousanasiam, sonai ma homa nasiam marsisasapan. Iatas ni ganupan ai
dalankon nasiam ma holong, ai in do rahut-rahut ni sagala hadearon”

Riap ma hita mangindo...

11. Tangihon hita ma gantih ni Titah na sapuluh in, aima na tarsurat bani 1 Tessalonika
5:15. “Jaga ma nasiam, ase ulang adong mambalaskon na jahat balas ni na jahat,
tapi na madear ma parayak nasiam tongtong samah nasiam, age bani haganup
halak”.

Riap ma hita mangindo...

12. Tangihon hita ma gantih ni Titah na sapuluh in, aima na tarsurat bani 1 Johannes
3:23. “Anjaha on do Titah-Ni, ase porsaya hita bani goran ni Anak-Ni Jesus
Kristus, anjaha marsihaholongan hita, songon na dob tinonahkon-Ni ai banta”.

Riap ma hita mangindo...

3. TITAH PARLOBEI DAS HUBANI PAOPATHON PAKON ARTINI
Tangihon hita ma Titah ni Naibata na Parlobei das hubani na Paopathon pakon artini.
(Basaon ma titah Parlobei das hubani Paopathon bani halaman 73, dob ai ihatahon
ma:)

Sonaha do artini ai? Sonon do:

Maningon biaran, holongan janah tengeran do uhurta mangidah Naibata ase mangidah

sagala na adong. Ai Naibata do mula pakon harohan anjaha na mamasu-masu sagala
na adong. Lang boi adong sisombahon na legan, barang mangindo hagoluhan atap
mangalop tuah humbani kuasa na legan. Pansing anjaha tunggung do Goran-Ni,
halani ai ulang hita mamurai, marbija, barang manipu marhitei goran-Ni. Ai bani na
martonggo, bani na mamuji, ibagas hasosakan pakon hasunsahan ampa malas ni uhur
do sobuton goran ni Naibata. Bani na papansingkon ari Minggu in, haringgaskon hita
ma manangihon, mangguruhon pakon mandalankon hata ni Naibata, ronsi bani goluhta
siganup ari.

Riap ma hita mangindo...

4. TITAH PALIMAHON DAS HUBANI PASAPULUHKON PAKON ARTINI

Tangihon hita ma Titah ni Naibata na Palimahon das hubani na Pasapuluhkon pakon

artini.

(Basaon ma titah Palimahon das hubani Pasapuluhkon bani halaman 73, dob ai
ihatahon ma:)

Sonaha do artini ai? Sonon do:

Ibagas biar, holong ampa tenger ni uhur bani Naibata ma hita mangkaholongi
namatorasta. Sibalosan do sidea anjaha maningon tipak do parlahouta dompak sidea.
Maningon holong do uhurta bani sagala na manggoluh, pinahan sonai age suan-suanan,
marhitei na manramotkon janah manjaga haganupan in. Maningon ijaga hita do
hapansingon ni daging pakon tonduyta, anjaha bani halak na marhajabuan maningon
ijaga ma homa hapasingon ni parrumahtanggaonni. Ulang ma mangkasiholhon
parbagianan ni hasoman na lang tiba dalanni, anjaha hasonangkon hita ma na adong
banta. Maningon hormat anjaha porman ma hita marparlahou dompak hasomanta
jolma, ulang manipu anjaha maningon irantei hita do dilahta humbani hata-hata na
so sintong. Siurupan do age hasomanta laho manramotkon arta pakon sinadonganni,
anjaha maningon ihargahon hita do hasomanta pakon na adong bani.

Riap ma hita mangindo...

5. TITAH PAKON ARTINI

(Ipilih salah sada Titah pakon artini na i toruh on:)

1. Tangihon hita ma Titah ni Naibata na Parlobei.
Ahu do Jahowa Naibatamu, nini Naibatanta, lang malo ho marnaibata na
legan sobali Ahu.

Sonaha do artini ai? Sonon do:

Maningon biaran do uhurta anjaha holongan ateita anjaha tengeran uhurta
mangidah Naibata ase mangidah sagala na adong.

Riap ma hita mangindo...

2. Tangihon hita ma Titah ni Naibata na Paduahon.

Lang malo ganaonmu, anjaha lang malo usihanmu, barang aha na i nagori
atas, pakon na i tanoh on, age na ibagas bah pakon na i toruh ni tanoh, anggo
na gabe sisombahon barang sibalosan.

Sonaha do artini ai? Sonon do:

Maningon ihabiari uhurta do Naibata anjaha holongan ateita Bani, ase lang malo
diri manombah bani sisombahon barang bani gana-gana laho mangindo haluahon
hunjin, anjaha lang malo balosan begu-begu, barang ulpukan ni hadatuon, anjaha
lang malo tenger uhur bani ugas homitan.

Riap ma hita mangindo…

3. Tangihon hita ma Titah ni Naibata na Patoluhon.

Lang malo sobuton Goran ni Naibata anggo lang tiba jujurni, ai hona uhum-
Ni do magira sagala na marhampungkon goran-Ni.

Sonaha do artini ai? Sonon do:

Maningon ihabiari uhurta do Naibata anjaha maningon holong ateita Bani, ase
ulang hita ra mamurai, barang marbija, barang marujar-ujaran na masambor, barang
mangoto-otoi, barang manipu marhitei Goran ni Naibata, ai bani na tarsosak pakon
bani hasunsahan pakon bani tonggo ampa bani puji-pujian do sobuton Goran ni
Naibata.

Riap ma hita mangindo…

4. Tangihon hita ma Titah ni Naibata na Paompatkon.

Ingat ma manrobuhon ari Minggu in, ibagas na onom ari ma horjahon sagala
horjamu; tapi anggo ari papituhon in, ari parsaranan ni Jahowa Naibatamu
do in. Lang malo ho marhorja ibagas na sadari in, barang anakmu pe barang
borumu, barang na rokkon ho dalahi, barang na rokkon ho naboru, age
pinahamnu pe, age sinhuta na legan na roh hu hutamu. Ai ibagas na onom
arian do itompa Naibata, langit pakon tanoh pakon laut ampa haganup isini.
Dob ai marsaran do Ia bani ari papituhon in. Halani ai do ase ipasu-pasu
Naibata Jahowa ari pasaranan-Ni ai anjaha irobuhon.

Sonaha do artini ai? Sonon do:

Maningon ihabiari uhurta do Naibata anjaha maningon holong ateita Bani, ase
ulang ma teos uhurta bani ajar ni hata ni Naibata. Maningon sangap anjaha pansing
do hata ni Naibata ibagas uhurta anjaha maningon ringgas do uhurta manangihon
pakon mangguruhonsi.

Riap ma hita mangindo…

5. Tangihon hita ma Titah ni Naibata na Palimahon.

Maningon pasangaponmu do namatorasmu, ase martuah ho, anjaha dokah
ho manggoluh bani tanoh na binerehon ni Naibata hubam.

Sonaha do artini ai? Sonon do:

Maningon ihabiari uhurta do Naibata anjaha maningon holong do ateita Bani, ase
ulang ma mapas uhurta mangidah namatorasta pakon mangidah puangta pakon
halak na matua. Lang malo bahenonta roh ringis ni sidea, maningon tipak anjaha
maningon holong do ateita bani sidea, sibalosan do sidea anjaha sibuaton do
uhurni.

Riap ma hita mangindo…

6. Tangihon hita ma Titah ni Naibata na Paonomhon.

Ulang ho mamunuh!

Sonaha do artini ai? Sonon do:

Maningon ihabiari uhurta do Naibata anjaha maningon holong do ateita Bani, ase
ulang ma hita ra mangarsik-arsik sagala na manggoluh, maningon uhur pagoluhkon
do uhurta bani sagala na manggoluh.

Riap ma hita mangindo…

7. Tangihon hita ma Titah ni Naibata na Papituhon.

Ulang ho marbangkis!

Sonaha do artini ai? Sonon do:

Maningon ihabiari uhurta do Naibata anjaha maningon holong do ateita Bani, ase
hormat ma uhurta anjaha porman ma parlahouta ampa hatanta. Anggo halak na
dob marhajabuan, maningon rap marsihargaan do anjaha marsihaholongan.

Riap ma hita mangindo…

8. Tangihon hita ma Titah ni Naibata na Paualuhkon.

Ulang ho manangko!

Sonaha do artini ai? Sonon do:

Maningon ihabiari uhurta do Naibata anjaha maningon holong do ateita Bani,
ase ulang ma hita ra manipu duit ni hasoman jolma barang mambahen akal-akal
manlagei boniaga; maningon sipagandaon do nini uhurta arta ni hasoman anjaha
siramotan.

Riap ma hita mangindo…

9. Tangihon hita ma Titah ni Naibata na Pasiahkon.

Ulang ho ra manaksihon hata na so tongon marimbang hasoman jolma!

Sonaha do artini ai? Sonon do:

Maningon ihabiari uhurta do Naibata anjaha maningon holong do ateita Bani,
ase ulang ma hita ra, mangguak-guaki hasoman jolma, barang pahata-hatahon,
pahurangkon sahap ni sidea. Maningon na apiti do hasoman jolma anggo seng ope
torang nabotoh salahni, parlahouni na madear do hansa patugah-tugahon.

Riap ma hita mangindo…

10. Tangihon hita ma Titah ni Naibata na Pasapuluhkon.

Lang malo uhur-uhuranmu rumah ni hasomanmu, lang malo uhur-uhuranmu
urang rumah ni hasomanmu, barang na rokkonsi dalahi, barang na rokkonsi
naboru, barang lombuni, barang hudani, barang aha pe arta ni hasoman.

Sonaha do artini ai? Sonon do:

Maningon ihabiari uhurta do Naibata anjaha maningon holong do ateita Bani, ase
ulang ma hita ra marakal-akal manguhur-uhuri arta ni hasoman jolma barang arta
tading-tadingan ni ompungni. Siurupanta do sidea manramotkon sagala artani.
Ambah ni ai lang malo sirang-sirangonta urang rumah ni hasoman barang na
rokkonsi pe, sipagolpaon do sidea anjaha sijuljulon mangayaki horjani hinan.

Riap ma hita mangindo…

TONGGO HASASAPAN NI DOUSA

1. Ham Tuhan Naibata Bapanami Pargogoh na so tarimbang Sitompa langit pakon tanoh
on. Na susi do Ham janah paridop ni uhur banggal. Lang namin talup hanami roh hu
lobei-Mu, halani buei ni dousanami. Ai gati do hanami lang martenger ni uhur hu
Bamu, agepe domma ihatahon Ham bannami, ase pitah Ham hansa Naibatanami, ulang
marnaibata na legan. Tapi gati tumang do lang ihaporsayai hanami Ham marhitei na
martenger ni uhur hanami bani na legan. Halani ai do ase roh hanami hu lobei-Mu,
mansopotkon dousa pakon panlanggaronnami. Holong ma atei-Mu, sai marpangulaki
ma uhur-Mu mangidah hanami, sasap Ham ma dousanami anjaha patotap Ham ma
haporsayaon ampa tenger ni uhurnami hu Bamu. Roh hanami mangindo ibagas Goran
ni Anak-Mu Jesus Kristus, Tuhan janah sihopkop hanami. Amen.

2. Ham Tuhan Naibata Bapanami paridop ni uhur hubani jolma pardousa. Domma iberehon
Ham Anak-Mu Jesus Kristus gabe jolma anjaha manaron hahirion pakon hadoyukon,
pala matei tarsilang laho mangkopkop hanami anjaha mulak manggoluh, naik hu nagori
atas laho mangapiti hanami. Tapi gati lang iahapkon hanami banggal ni pangkopkop-
Mu in bannami, janah gati seng ihargahon hanami in bani goluhnami. Haganupan in, in
ma pangkorhon ni gijang ni uhur, hampung janah hurang ni pangarusionnami. On pe na
roh ma hanami hu Bamu mansopotkon dousanami. Sai palumbang Ham ma uhur-Mu,
sasap Ham ma dousanami. Pargogohi Ham ma hanami laho manangihon Hata-Mu, ase
lambin ididah, iahapkon janah iarusi hanami na dob ihopkop Ham do hanami. Ajari
Ham ma hanami, ase ibotoh hanami martarimakasih marhiteihon ni uhur, hata ampa
pambahenannami. Jalo Ham ma tonggo elek-eleknami on ibagas Goran ni Anak-Mu
Jesus Kristus, Sipaluah hanami. Amen.

3. Ham Tuhan Naibata Bapanami, na pansing anjaha na sangap do Ham, na mangidah
torus das hu bagas uhurnami. Ham do na patubuhkon hasintongan, hapintoron ampa
hapansingon ibagas hadirionnami. Tapi seng ihaholongi hanami Ham humbani gok ni
uhurnami, humbani putih ni atei-ateinami, humbanni gok ni tonduynami, ampa humbani
bois ni gogohnami. Goluhnami seng romban hubani hasintongan, hapintoron ampa
hapansingon, na dob isuanhon Ham ibagas dirinami. Seng tarponopkon hanami dousa
pakon panlanggaronnami in, ai talar do in haganup i lobei-Mu. Sonari roh do hanami
hu lobei-lobei-Mu mamboan haganupan dousa ampa hahurangannami in. Maidop ma
uhur-Mu bannami, sasap Ham ma dousanami in. Suruh Ham ma Tonduy-Mu hu bagas
uhurnami, ase tarbahen hanami mambalosi Ham ibagas hapintoron, hasintongan pakon
hapansingon, ase boi hanami parsimada bani hagoluhan na sadokah ni dokahni, na
binagahkon-Mu bani sagala na porsaya bani Anak-Mu Jesus Kristus, Sipaluah hanami.
Amen.

4. HamTuhan Naibata,Paridop niuhuranjaha Parholong niateihubannamijolma pardousa
on. Domma ihatahon Ham hu bannami, ase ihaholongi hanami hasomannami doskon
dirinami. Hape bani pargoluhannami ari-ari, gati do seng jumpah Ham in humbannami.
Gati do hanami mardomdom, marsubil ronsi marmapas ni uhur dompak hasomannami.
Hurang do homa hanami palumbahon hasoman, bani parlahou na hurang dompak
Ham. Age kuria-Mu pe, gati do lang ihaholongi hanami humbani uhur na borsih.
Gati lang marpangguruan hubani harosuh ni uhur-Mu hanami, laho mandalankon
tanggungjawabnami i tongah-tongah ni kuria-Mu, gabe harosuhnami sandiri hansa
idalankon hanami. Na roh do hanami hu lobei-Mu mansopotkon dousanami, holong
ma atei-Mu, marpangulaki ma uhur-Mu mangidah hanami, sasap Ham ma haganup
dousanami in, ibagas Goran ni Anak-Mu Jesus Kristus Sihopkop hanami. Amen.

5. Ham Tuhan Naibata Bapanami, Pardear layak anjaha Parholong ni uhur hubani
haganupan jolma. Domma ihatahon Ham ase totap ma hanami marhasadaon,
manggoluh ibagas damei ampa marsihaholongan. Hape gati do hanami manggoluh
ampa mambahen na so iharosuhkon Ham. Hurang sirsir do hanami paingathon
hasoman. Gati pambahenannami, parsahapnami mambobai hasoman hubani na hurang
dear. Gati hanami mamakei hasoman padaskon sura-sura ni uhurnami tumang. Ambah
ni ai gati lupa hanami mandalankon tanggungjawabnami i tongah-tongah ni keluarga
ampa rumah tangganami bei. Halani in ma ase roh hanami ibagas unduk pakon toruh ni
uhur hu lobei-Mu mansopotkon dousanami. Maidop ma uhur-Mu bannami, sasap Ham
ma dousanami in. Tompa Ham ma uhur na baru bannami, ase ulang inunut hanami
mardousa dompak Ham age dompak hasomannami jolma. Ipindo hanami on hu Bamu,
ibagas Goran ni Anak-Mu Jesus Kristus Tuhannami. Amen.

6. Ham Tuhan Naibata, Bapanami na i nagori atas, Paridop ni uhur mangidah hanami.
Na roh do hanami jolma pardousa on hu lobei-Mu, mansopotkon dousanami na buei
in. Hotop do hiranan hasoman, na mangarapkon pambahenan na madear humbannami.
Gati homa do hanami lang parduli hubani hasoman janah gati hanami hurang sirsir
manjalo pardearan humbani hasoman. Habasaron, halayakon pakon lumbang ni uhur,
gati lang jumpah bannami. Hurang sirsir mangarusi pingkiran ni hasoman, parsahap
pakon pambahenannami gati paroh ringis ni hasoman, gati lang na madear ibahen
hanami balos ni na lang madear na binahen ni hasoman dompak hanami. Hurang do
hanami manonggohon hasomannami. Hurang ringgas do hanami mangapohi halak
na ibagas pusok ni uhur, patoguhkon halak na ibagas hagalekon pakon pandoleian.
Sonai age padannami dompak Ham gati do lang isuhuni hanami. Halani ai ma ase
roh hanami mansopotkon dousanami. Maidop ma uhur-Mu, sasap Ham ma dousanami
in. Pargogohi janah ajari Ham ma hanami mandalankon Hata-Mu ibagas goluhnami.
Ipangindo hanami on hu Bamu, ibagas Goran ni Anak-Mu Jesus Kristus, Tuhan janah
Sipaluah hanami. Amen.

7. Ham Tuhan Naibata Bapanami paridop ni uhur na manongtong. Tarima kasih ma
sombahnami hu Bamu, bani ganup dear layak ampa pasu-pasu na ipaondos Ham hu
bannami. Nuan roh do hanami hu lobei-Mu mansopothon dousa pakon hahurangannami.
Idilo Ham do hanami ase ihaholongi hanami hasomannami songon dirinami sandiri.
Tapi mangaku do hanami, gati do hanami lang mandalankon pandiloon-Mu in. Buei
do pambahenannami na so talup i lobei-Mu marhiteihon na mamparlahouhon na so
pintor dompak hasoman jolma. Bani jaman hamajuan on masa do horja na marjual-
bolihon jolma, sonai homa mamparjabolon dakdanak. Haganupan in ihorjahon laho
mamparayak parunttungan sandiri. Bani haganup na masa in gati do itutup hanami
panonggornami laho paluahkon dirinami bei marhitei bagei-bagei ni sidalian, janah
lang ibere hanami uhur, pingkiran ampa gogohnami laho patorsahon na masa in. Bani
haganup haloleionnami, sonari roh do hanami hu lobei-Mu mansopotkon dousanami
in. Holong ma uhur-Mu Tuhan bani haganup hahurangannami. Ajari anjaha bere Ham
ma bannami gogoh ronsi hauhuron, ase dihut hanami patorsahon ampa mangkargahon
ronsi mangkaholongi hasomannami jolma selaku tinompa-Mu na sumurung. Holong
ma Ham Tuhan balosi Ham ma tonggo pangindoannami on. Amen.

8. Ham Tuhan Naibata, pargogoh na so tarimbang. Ham do bonani haganup pasu-
pasu na gokan dear. Ihaporsayai hanami, Naibata na bayak do Ham anjaha na sirsir
manguseihon bagei ni pasu-pasu pardagingon ampa partonduyon hubani jolma.
Domma ijalo hanami pasu-pasu-Mu in marhitei horja na hinorjahon ni tangannami.
I tongah-tongahnami buei do halak na marhahurangan bani haporluan ni goluh, bani
sipanganon, bani pambotoh, na madoyuk anjaha masombuh. Bani hasombuhon pakon
hadoyukon in, hotop do lang ipataridahkon hanami goluh ha-Kristenon. Lang sari
hanami hubani halak na marhahurangan. Sipata rahanan do iparambur-ambur hanami
sinadongannami marimbang mambere hubani halak na marhahurangan. Ra do homa
itutup hanami panonggornami dompak halak na marhahurangan in. Nuan iakui hanami
do haganup dousanami in, halani ai roh do hanami hu lobei-Mu mansopothon dousa
pakon hahurangannami. Ham Tuhan, marpangulaki ma uhur-Mu mangidah haganup
hahurangannami in. Idop ma uhur-Mu, sasap Ham ma dousanami, ibagas goran ni
Anak-Mu Jesus Kristus Tuhan anjaha Sipaluah hanami. Amen.

9. Ham Tuhan Naibata Bapanami, sitompa langit pakon tanoh on ampa haganup pangisini.
Dear do haganup itompa janah ipasu-pasu Ham haganupan in. Itotapkon Ham do
hanami jolma laho manramotkon haganup tinompa-Mu in. Halani hisap ni daging
pakon hasurakahonnami jolma, lang ipardulihon hanami hadearon ni tinompa-Mu in,
gariada iparseda hanami do in marhitei na mamboiskon gogoh ni tanoh, manroboh
hayu pakon parseda harangan, asal ma jumpah na sininta ni uhurnami. Hinorhon ni
in gabe mangarou janah gok hangaluton ma hagoluhan i tanoh on. Maidop ma uhur-
Mu mangidah hahurangannami na lang mandalankon parentah-Mu in. Pabayu Ham
ma uhurnami janah pakei Ham ma hanami gabe parhiteian-Mu laho patorsahon janah
paulakkon hinadear ni tinompa-Mu ibagas gok tanggungjawab, ase sonang hanami
manggoluh janah mardamei pakon tinompa na legan. Ibagas Kristus hanami matonggo.
Amen.

10. Ham Tuhan Naibata, parholong atei hubani haganup jolma. Isuruh Ham do hanami
manaksihon holong, hasintongan ampa hapintoron-Mu bani goluhnami i dunia on.
Tapi gati do hanami lang manjalo hasomannami jolma songon panjalo-Mu hubannami.
Masa do i tongah-tongahnami sikap na paidah-idah bohi ampa sitonggor jumbak. Age
i negaranami pe, idompakkon hanami do pamolah-molahon halani agama, suku ampa
ras. Ham Tuhan, maidop ma uhur-Mu mangidah hauhuron pakon pangabaknami
dompak hasomannami jolma. Pargogohi Ham ma hanami ase sisada uhur laho
pataridahkon holong pakon pajongjongkon hasintongan ampa hapintoron-Mu. Patalar
Ham ma kuasa ni holong-Mu hubannami pakon hubani hasomannami na lape mananda
Ham, ase lambin itanda janah iahapkon hanami holong-Mu na lang paidah-idah ise pe
i lobei-Mu. Sorapkon Ham ma Tonduy Na Pansing bannami, ase ibagas putih ni uhur,
borsih ni pingkiran hanami marparsaoran pakon haganup jolma. Ibagas Kristus Jesus
Tuhan anjaha Sipaluah hanami, jalo Ham ma hanami, anjaha sasap Ham ma dousanami
in. Amen.

11. Ham Jesus Kristus Tuhan na pansing anjaha na dob papansingkon hanami. Na mangaku
do hanami, gati do lang ihargahon hanami hapansingon na dob ilayakkon Ham bannami
marhitei goluh na ibagas habutakon. Pangkorhon ni hamajuon ni jaman, lambin
marbagei do horja-horja hadousaon na lang pitah parsedahon hauhuron tapi dihut do
mangkorhon naboritni pardagingon. Lambin buei ma homa na lang mangkargahon
angkulani marhitei horja panriah-riahon, mangindahi hasonangan marhitei na mamakei
narkotika pakon obat terlarang, mambahen madabuh hubani naborit na mabajan.
Holong ma atei-Mu, sasap Ham ma dousanami, urasi janah iankon Ham ma uhurnami
marhitei Tonduy-Mu ase lambin manggoluh ibagas hapansingon. Ham Tuhan holong-
Mu tumang do na iarapkon hanami bani pangindoannami on. Amen.

12. Ham Tuhan Naibata simada sagala na adong, sibotoh haganup anjaha Naibata
parpintor. Iajari Ham do hanami ase manghamalaskon pasu-pasu na dob ipaondos
Ham hubannami. Tapi gati do lang ihasonangkon hanami sibere-bere-Mu, janah
iajamkon hanami do gogoh, pingkiran sonai age uhurnami sandiri, laho mansuhuni
sura-suranami. Jajat na hurang podas do pangahapnami martambah sinadongan, gabe
ipindahi hanami parhiteian na so tiba dalanni. Lang homa ipakei hanami panorang
na binere-Mu in ibagas gok tanggung jawab. Gati do lolei hanami laho mangindahi
Ham halani mamparayak arta na laho salpu in. Ham Tuhan marpangulaki ma uhur-Mu
mangidah ganup dousa pakon hajahatonnami in. Hartuki Ham ma uhurnami ase ulang
inunut hanami be mangkorjahon dousa pakon ganup na jahat in. Topa Ham ma uhur
na bayu marhitei Tonduy-Mu, ase tongtong hanami manggoluh ibagas hapintoron-
Mu. Ibagas Kristus Jesus Sipaluah in, sasap Ham ma dousanami anjaha jalo Ham ma
tonggonami on. Amen.

HATA NI NAIBATA
BAGAH-BAGAH PASAL HASASAPAN
NI DOUSA

1. Jahowa, Jahowa do Naibata pardear layak anjaha paridop ni uhur, nanget manringis,
anjaha gok holong ni uhur-Ni pakon habonaron-Ni, na pahotkon holong ni uhur-Ni
hubani halak marribu-ribu, anjaha na manasap hajahaton, panlanggaron pakon dousa.
(2 Musa 34:6-7a).

Hasangapon ma bani Naibata i babou! Amen.

2.        Martuah ma halak na dob sinasap panlanggaronni, na dob nirungkub dousani. Martuah
        ma halak anggo seng ihira Jahowa bani hajahaton. (Psalmen 32:1–2).
        Hasangapon ma bani Naibata i babou! Amen.

3. Paridop ni uhur anjaha pardear layak do Jahowa, nanget manringis anjaha paridop ni
uhur banggal. Seng ibahen hubanta romban hubani dousanta, anjaha seng ibalashon
banta romban hubani hajahatonta. Songon idop ni uhur ni Bapa bani niombah-Ni, sonai
do idop ni uhur ni Jahowa bani sagala na mangkabiari-Si. (Psalmen 103:8,10,13).
Hasangapon ma bani Naibata i babou! Amen.

4. Age pe gerger dousanima songon bunga ni dapdap, lopak do bahenon-Ku ai songon
salju; age pe gerger songon hiou hasumba, putih do bahenon-Ku songon kapas. (Jesaya
1:18b).

Hasangapon ma bani Naibata i babou! Amen.

5. Ulang ho mabiar ai Ahu do Sipaluah ho, domma Hudilo goranmu, Ahu do simada ho.
Tapi domma iparjabolon ho Ahu marhitei dousamu, domma ilojai ho Ahu marhitei
hajahatonmu. Ahu, Ahu sandiri pasaloseihon panlanggaronmu halani Ahu, anjaha
dousamu seng be padingat-dingaton-Ku. (Jesaya 43:1,24–25).

Hasangapon ma bani Naibata i babou! Amen.

6. Domma Hupasisi salahmu songon hombun, anjaha songon hombun na manorap
dousamu. Mulak ma ho hu Bangku, ai Ahu do na manobus ho. (Jesaya 44:22).
Hasangapon ma bani Naibata i babou! Amen.

7. Tongkin do hansa Hutadingkon ho, tapi marhitei holong ni uhur na banggal, patumpuon-
Ku do ho. Sanggah pargajag ni ringis-Ku, Huponopkon tongkin bohing-Ku dompak
ho, tapi marhitei idop ni uhur sisadokahni dokahni, idopan-Ku do ho, nini Jahowa
Sipaluah ho. (Jesaya 54:7–8).

Hasangapon ma bani Naibata i babou! Amen.

8.        Ai mosor pe sagala dolog, anjaha dugur sagala buntu-buntu, tapi idop ni uhur-Hu seng
        anjai mosor humbam, anjaha padan pardameian na hun Bangku seng anjai morod, nini
        Jahowa na maridop ni uhur bam. (Jesaya 54:10).

Hasangapon ma bani Naibata i babou! Amen.

9. Idop ni uhur-Ni Jahowa do na so ra marpunsa, seng marnarotap holong ni atei-Ni.
Mulak ratah do ai siap sogod, banggal do habonaron-Mu. (Tangis-tangis 3:22-23).
Hasangapon ma bani Naibata i babou! Amen.

10. Ai seng ra Tuhan in mangambukkon halak ronsi sadokah ni dokahni. Ai age pe domma
marhoru ibahen, holong do use uhur-Ni romban hubani hinabuei ni idop ni uhur-Ni.
(Tangis-tangis 3:31-32).

Hasangapon ma bani Naibata i babou! Amen.

11.        Songon sintongni manggoluh Ahu, nini Tuhan Jahowa, sabonar seng marosuh uhur-Hu
        mangidah hamateian ni parjahat, tapi ase mulak do parjahat ai manadingkon dalanni,
        ase manggoluh ia. (Hesekiel 33:11).

Hasangapon ma bani Naibata i babou! Amen.

12. Ai sonon do holong ni uhur-Ni Naibata bani dunia on, pala do Anak-Ni na sasada in
iberehon, ase ulang magou ganup na porsaya Bani, tapi ase hagoluhan na sadokah ni
dokahni bani. (Johannes 3:16).

Hasangapon ma bani Naibata i babou! Amen.

13.        Ai seng dong ubahni, sabonar haganup do sidea mardousa, anjaha seng dong sipujioni
        lobei ni Naibata. Gabe ipintori do sidea marhitei silayak-layak halani idop ni uhur-Ni,
        hinorhon ni panobusion na ibagas Kristus Jesus. Ia do ipajongjong Naibata gabe hitei
        pardearan marhitei haporsayaon bani daroh-Ni ai. (Rom 3:23-25a).

Hasangapon ma bani Naibata i babou! Amen.

14. Tapi Naibata, domma ipatalar holong ni uhur-Ni ai banta, ai marhitei na matei Kristus
mangkopkop hita, sanggah pardousa ope hita. Ase lambin maluah ma hita nuan,
humbani ringis in marhiteihon-Si, dob ipintori hita ibagas daroh-Ni ai. (Rom 5:8-9).
Hasangapon ma bani Naibata i babou! Amen.

15. Ise ma na mangaduhon na pinilih ni Naibata? Naibata do na mamintori. Ise ma na
mandabuh uhum? Domma matei Kristus Jesus, lobih ni ai ope tene, domma mulak
manggoluh, i siamun ni Naibata do Ia mangapiti hita. (Rom 8:33-34).
Hasangapon ma bani Naibata i babou! Amen.

16.        Mangkopkop haganup do Ia matei, ase ulang manggoluh bani dirini bei na manggoluh
        in, tapi ase manggoluh sidea Bani, na dob matei anjaha mulak manggoluh mangkopkop
        sidea. (2 Korint 5:15).

Hasangapon ma bani Naibata i babou! Amen.

17. On do ibahen Naibata: Mangkopkop hita gabe dousa do Ia, na so mananda dousa, ase

gabe hapintoran ni Naibata hita ibagas Ia. (2 Korint 5:21).
Hasangapon ma bani Naibata i babou! Amen.

18. Ibagas Ia do dapot hita haluahon marhitei daroh-Ni, ai ma hasasapan ni panlanggaron,
domu hubani habayakon ni idop ni uhur-Ni, na unjah binerehon-Ni banta ibagas
hapentaron ampa hauhuron. (Epesus 1:7-8).

Hasangapon ma bani Naibata i babou! Amen.

19. On do padan sibahenon-Ku bani sidea dob salpu panorang ai, nini Tuhan in: “Nahkonon-
Ku do titah-Ku hubagas uhur ni sidea, anjaha suratkonon-Ku do ai hubagas atei-atei
ni sidea”. Dob ai use, “Anjaha seng be ingaton-Ku dousa ni sidea pakon hajahaton ni
sidea”. (Heber 10:16-17).

Hasangapon ma bani Naibata i babou! Amen.

20. Anggo marparlahou hita ibagas haliharon, songon Ia ibagas na lihar in, saor do hita
samah hita, anjaha ipaborsih daroh ni Jesus, Anak-Ni in do hita humbani sagala dousa.
(1 Johannes 1:7).

Hasangapon ma bani Naibata i babou! Amen.

21. Anggo isopotkon hita dousanta, hatengeran ni uhur anjaha bonar do Ia manasap
dousanta, ampa paborsih hita humbani haganup hagedukon. (1 Johannes 1:9).
Hasangapon ma bani Naibata i babou! Amen.

22. Ibotoh nasiam do, laho mambuat dousanta do Ia ase roh; seng adong dousa ibagas Ia.
Ganup na marianan ibagas Ia seng mardousa. (Johannes 3:5-6).
Hasangapon ma bani Naibata i babou! Amen.

23.        Ia na mangkaholongi hita, anjaha na paluahkon hita humbani dousanta marhitei daroh-
        Ni,namanjadihonhitagabeharajaonhamalimonbaniNaibataBapa-Ni.(Pangungkabon
        1:5-6).

Hasangapon ma bani Naibata i babou! Amen.

TONGGO PANUTUP

ADVENTUS

1. (Advent I) Ham Tuhan Naibata Bapanami, tarima kasih ma isombahkon hanami hu
Bamu, halani iramotkon Ham do hanami das hubani tahun baru parkuriaon on. Tangkas
do iahapkon hanami buei ni pasu-pasu na dob ijalo hanami bani panorang na salpu in.
Lang tarbilangi hanami haganup dear ni layak-Mu, mambahen boi hanami martumpu
sadari on. Mangelek ma hanami hu Bamu, gomgomi janah hasomani Ham ma hanami
suruhan-Mu laho manaksihon hata-Mu, ampa pararatkon harajaon-Mu. Pargogohi
Ham ma sagala na porsaya hu Bamu ase tongtong ibagas hapansingon ronsi das bani
parroh ni Anak-Mu Jesus Kristus Sipaluah hanami. Bani na paima-imahon Ham, idop
ma uhur-Mu, anjaha hasomani Ham ma hanami. Amen.

2. (Advent II) Ham Tuhan Naibata paridop ni uhur banggal. Hasangapon ampa puji-
pujian ma isombahkon hanami hu Bamu ronsi sadokah ni dokahni, halani haganup
dear ni layak-Mu na dob ondos bannami das hubani panorang on. Ojur Ham ma
hanami haganup ase tongtong ipasirsir hanami dirinami managam parroh ni Anak-Mu
Jesus Kristus Tuhannami na paduahalihon hu dunia on. Suruh Ham ma Tonduy-Mu
mangajari, mangkasomani janah mampargogohi hanami laho mangkagoluhkon Hata-
Mu, ase tongtong ibagas hasintongan pakon hapansingon goluhnami. Balosi Ham
ma tonggo pakon elek-eleknami ibagas goran ni Anak-Mu Jesus Kristus Tuhannami.
Amen.

3. (Advent III) Ham Tuhan Naibata Bapanami janah Simada hanami, na totap ronsi
sadokah ni dokahni. Ibagas na martarimakasih do hanami roh hu Bamu halani
pambahenan-Mu bani goluhnami, boi horas hanami das hubani sadari on. Ham do
bona pakon ujung ni sagala na adong, na manongtong ronsi sadokah ni dokahni. Na
mangelek ma hanami hu Bamu, pagolpa Ham ma hanami tongtong laho pasirsirhon
dirinami mangkagoluhkon holong ampa hasintongan na hun Bamu. Ham Bapa, puhoi
Ham ma hanami marhiteihon Tonduy-Mu hubani hamubahon ni uhur na botul, ase
parrupei hanami bani hagoluhan na sadokah ni dokahni. Ajari Ham ma hanami laho
mamakei panorang na binere-Mu bannami. Idop ma uhur-Mu, balosi Ham ma elek-
eleknami on. Amen.

4. (Advent IV) Ham Naibata Jahowa Bapa nami, banggal ni in holong-Mu na dob ipatalar
Ham bannami mambahen boi iahapkon hanami idop ni uhur-Mu na manongtong
in. Ajari Ham ma hanami mangkargahon ampa mamakei panorang ni goluhnami na
pondok on, laho mandalankon harosuh-Mu. Ungkab Ham ma uhurnami marhitei
Tonduy Na Pansing ase talup hanami manjalohon haluahon na pinasirsir-Mu marhitei
Jesus Kristus Sipaluah hanami. Amen.

PARTUBUH NI TUHAN JESUS

1. Ham Tuhan Naibata Bapanami, Pargogoh na so tarimbang. Ipuji janah ipasangap
hanami do Ham, halani domma ipasaud Ham bagah-bagah-Mu, marhitei na marsuruh
Anak-Mu, roh hu dunia on gabe Sipaluah, laho manobus hanami humbani gomgoman
ni sibolis, dousa pakon hamateian. Pargogoh na so tarimbang do Ham, saud do
haganup sura-sura-Mu janah seng tarambati sibolis haganupan in. Halani ai patut do
hanami mangkatahon tarima kasih hu Bamu. Mangelek ma hanami hu Bamu, puhoi
Ham ma uhurnami bani na ipestahon hanami ari pardingatan partubuh ni Anak-
Mu, ase lambin ididah hanami hinabanggal ni kuasa-Mu na gok halongangan in
laho mangkopkop hanami. Jadihon Ham ma hanami gabe saksi-saksi na bujur laho
manaksihon pardameian ampa haluahon na binoan ni Anak-Mu in bannami. Jalo Ham
ma tonggo pakon pamujionnami, ibagas Jesus Kristus Tuhannami. Amen.

2. Ham Tuhan Naibata Bapanami, paridop ni uhur na tarsulur. Ibagas malas ni uhur do
hanami roh hu Bamu, bani pesta pardingatan partubuh ni Anak-Mu roh hu dunia on,
gabe hagoluhannami. Marhiteihon ni in tangkas ma ididah hanami sonaha banggal ni
holong ni uhur-Mu mangidah hanami jolma pardousa on. Isondangi Ham do hanami
na marianan ibagas hagolapan pakon linggoman ni hamateian marhitei Panondang
Bolon in. Na mangindo ma hanami sonari hu Bamu, pargogohi Ham ma hanami
mangkagoluhkon holong ni uhur-Mu in, na gabe hatarimakasihonnami hu Bamu.
Bahen Ham ma hanami gabe parholong ni uhur bani parsaoran siganup ari, i tongah-
tongah ni kuria-Mu, sonai age bani masyarakat pe. Holong ma atei-Mu Bapa, balosi
Ham ma hanami. Amen.

3. Ham Naibata Bapa na sangap janah marmulia i nagori atas. Puji-pujian pakon tarima
kasih ma isombahkon hanami hu Bamu, halani na dob ipasaud Ham sura-sura-Mu,
paluahkon hanami marhitei parroh ni Anak-Mu Jesus Kristus. Marhiteihon ni in gabe
boi marparsaoran use hanami pakon Ham, na dob sirang hinan hinorhon ni dousanami.
Iparhatongon hanami do banggal ni holong-Mu in, janah gabe tanggungjawab do in
bannami laho pataridahkon goluh na baru, romban hubani hata-Mu. Halani ai mangelek
ma hanami hu Bamu, tompa janah pabayu Ham ma hadirionnami, ase gabe tinompa na
baru hanami i lobei-Mu. Pargogohi Ham ma hanami haganup na matoras, na maposo
ronsi dakdanak laho manjalohon Anak-Mu in ase marulih hanami bani haluahon na
pinasirsir-Mu. Jalo Ham ma pamujion pakon elek-eleknami on, ibagas goran ni Anak-
Mu Jesus Kristus Tuhannami. Amen.

4. Ham Tuhan Naibata Bapanami na marhabangsa i nagori atas. Ipuji janah ipasangap
hanami do Ham, halani sirsir do Ham patoruhkon diri marhitei partubuh ni Anak-Mu
Jesus Kristus, ibagas na doyuk, bani harang ni pinahan i Betlehem, ase gabe bayak
hanami. Ajari Ham ma hanami marhitei Tonduy-Mu, ase lambin marbanggal hanami
haganup ibagas panandaion bani holong ni atei-Mu na dob padomuhon hanami hu
Bamu, gabe jumpahan haluahon hanami. Idop ma uhur-Mu, ipadas hanami tonggonami
on ibagas Jesus Kristus sihopkop hanami. Amen.

UJUNG TAHUN

1. Ham Tuhan Naibata Bapanami, na so marbona na so marujung. Ham do na totap ronsi
sadokah ni dokahni. Tarima kasih pakon puji-pujian ma isombahkon hanami hu Bamu,
halani haganup idop pakon holong-Mu na dob ijalo hanami manipat satahun on. Anggo
manaili hanami hu pudi, buei do na masa bani goluhnami, malas ni uhur sonai age
pusok ni uhur. Bani haganupan in, itumpaki Ham do hanami mambahen boi das bani
ujung ni tahun on. Bani panorang on idingat hanami do dousa na hinorjahonnami hu
Bamu bani na satahun in sonai homa hubani hasomannami jolma. Hotop do iparsoya-
soya hanami ari-arinami, marhitei na lang ipakei hanami in laho pasangapkon Ham.
Holong ma Ham, sasap Ham ma dousanami in, janah bere Ham ma gogoh marhitei
Tonduy-Mu, ase bani panorang na sihol roh, lambin ipaubah hanami uhurnami laho
mangkorjahon na madear harosuh ni uhur-Mu. Marhitei Jesus Kristus Tuhannami na
manongtong in hanami martonggo. Amen.

2. Ham Tuhan Naibata na totap ronsi sadokah ni dokahni. Tongkin nari tadingkononnami
ma tahun on, janah lambin surut ma ari-ari ni goluhnami. Bani na ipardiatei hanami
ari-ari ni goluhnami, gabe tangkas ma ididah hanami, bahasa Ham tumang do hansa
na totap ronsi sadokah ni dokahni. Holong ma Ham bannami, ajari Ham ma hanami
mamilangi ari-arinami, ase dapotan uhur na pentar hanami. Patoguh janah patotap Ham
ma haporsayaonnami janah patubuh Ham ma pangarapan na manggoluh bannami,
ase tongtong ibagas malas ni uhur na hun Bamu idalani hanami ari-ari ni goluhnami.
Ipangindo hanami on hu Bamu ibagas goran ni Anak-Mu Jesus Kristus Tuhannami.
Amen.

TAHUN BARU

1. Ham Tuhan Naibata, Parholong ni atei na tarsulur. Puji-pujian ampa tarima kasih ma
isombahkon hanami hu Bamu, halani pitah idop ni uhur-Mu do mambahen boi hanami
mandipar hubani tahun na baru on. Pabayu Ham ma hadirionnami mandalani tahun baru
na dob ilayakhon Ham bannami. Bahen Ham ma tahun on gabe tahun paridop ni uhuran
pakon tahun hamubahon ni uhur bannami. Lang ibotoh hanami aha na sihol masa bani
tahun na baru on, tapi tenger do uhurnami bani pangkasomanion-Mu bannami bani
na mandalani tahun na baru on. Totap ma Ham rap pakon hanami manggoluh barang
matei pe hanami. Idop ma uhurmu bannami, balosi Ham ma hanami, ibagas goran ni
Anak-Mu Jesus Kristus Tuhannami. Amen.

2. Ham Jahowa, Naibata pardear layak na manongtong ronsi sadokah ni dokahni. Ibagas
malas ni uhur do hanami mamuji pakon pasangapkon goran-Mu na pansing in, halani
idop ni uhur-Mu na padiparhon hanami hubani tahun na baru on. Banggal tumang do
idop ni uhur-Mu ijalo hanami ibagas tahun na salpu in, aima pasu-pasu pardagingon
sonai homa partonduyon. Na mangindo ma hanami sonari hu Bamu, ase songon

pansalpuhonon-Mu bani tahun na buruk in, sonai ma homa salpuhon Ham haganup
dousanami. Togu janah hasomani Ham ma hanami ganup ari ibagas tahun on, ase
ipakei hanami ari-ari ni goluhnami domu hubani rosuh-Mu. Idop ma uhur-Mu Tuhan,
jalo Ham ma hanami. Amen.

EPIPHANIAS

1. Ham Tuhan Naibata, Bapanami Pargogoh na so tarimbang, harohan ni pasu-pasu. Puji-
pujian pakon tarima kasih ma isombahkon hanami hu Bamu, halani ipatalar Ham do
holong-Mu na banggal in marhitei Jesus Kristus Anak-Mu in. Tonduy Na Pansing ma
paliharhon uhurnami, ase torang ididah hanami sinondang na hun Bamu. Hasomani janah
pargogohi Ham ma hanami haganup pagori ni kuria-Mu, ase ibagas haringgason pakon
malas ni uhur mangkagoluhkon janah mangambilankon hata-Mu. Maidop ma uhur-Mu,
balosi Ham ma tonggonami, marhitei Anak-Mu Jesus Kristus, Tuhannami. Amen.

2. Ham Tuhan Jesus Kristus, Panondang ni dunia on. Ham do na manondangi hanami
na ibagas hagolapan pakon lombang linggoman ni hamateian hinorhon ni dousanami.
Puji-pujian pakon hasangapon ma isombahkon hanami hu Bamu, halani ipatalar Ham
do diri-Mu marhitei Hata pakon Tonduy-Mu bannami. Marhiteihonni in boi hanami
ibagas haliharon janah maluah humbani dousanami. Urupi janah pargogohi Ham ma
hanami, ase marhitei goluhnami siganup ari, boi isaksihon hanami haluahon na hun
Bamu. Ungkab Ham ma uhur ni halak na lape mangkaporsayai Ham, ase dihut sidea
manjalo pakon mangkaporsayai Ham janah mangkagoluhkon haliharon na hun Bamu.
Tarima kasih ma Bamu Tuhan, ondos Bamu ma tonggonami on. Amen.

3. Ham Jahowa, Tuhan janah Naibatanami na pansing anjaha marmulia do Ham. Ai ise
pe lang humbannami na ongga mangidah Ham. Anak-Mu na sasada in, Tuhan Jesus
Kristus do na pabotohkon Ham bani dunia on, bannami haganup jolma. Hinorhon ni in
gabe talar haganup idop ni uhur pakon holong ni atei ampa horja-Mu bani goluhnami,
sonai homa hata pakon harosuh ni uhur-Mu ronsi padan-Mu bannami. Maidop ma
uhur-Mu bannami, pargogohi Ham ma hanami marhitei kuasa pakon hagogohon ni
Tonduy Na Pansing, ase lambin marbanggal panandaionnami Bamu. Ibagas goran ni
Anak-Mu Jesus Kristus, jalo Ham ma tonggomi. Amen.

4. Ham Tuhan Naibata Bapanami na i nagori atas. Diatei tupa ma Bamu. Ai buei tumang
do rusia pasal Ham pakon arta ni harajaon-Mu na ponop ope, tapi domma ipatalar
Ham in marhitei Jesus Kristus. Ai ibagas Jesus Kristus do hagogok ni hanaibataon-
Mu marrupahon angkula. Goluh pakon pangidangion ampa pangajarion-Ni totap do
patalarhon habayakon ni harajaon-Mu. Holong ma atei-Mu bannami. Totap ma bere
Ham bannami habotohon, hapentaran ni Tonduy Na Pansing, ase lambin ididah hanami
hanaibataon-Mu ibagas Jesus Kristus na mangkorhon hagogohon bannami anjaha
lambin bayak hanami bani arta ni harajaon-Mu in. Ibagas goran ni Anak-Mu Tuhan
Jesus Kristus hanami martonggo. Amen.

MUSIM PANARONON NI TUHAN JESUS

1. Ham Naibata Bapanami na i surga. Bapa paridopni uhur banggal do Ham hubannami
jolmapardousa.DommaipatalarHamholong-Munabanggalinmarhiteinamarsitaronon
Anak-Mu na sasada in laho mangkopkop hanami jolma pardousa on. Lang ipaturut
Ham hanami lalab bani gomgoman ni dousa ampa hamateian, tapi ipasirsir Ham do
haluahon hubannami marhitei Jesus Kristus na marsitaronon in. Unduk uhur nami
martarima kasih bani haluahon na pinasirsir-Mu in, anjaha mangelek ma hanami Bamu
ase urupi janah bobai Ham ma hanami ase tongtong mardalan bani dalan haluahon na
pinasirsir-Mu in. Bani pardalanan ni goluhnami ojur Ham ma hanami mangarahkon
hasoman na lape mananda Ham. Holong ma Ham Bapa, jalo Ham ma tonggonami
marhitei Anak-Mu Jesus Kristus sihopkop hanami. Amen.

2. Ham Tuhan Jesus Kristus Sipaluah hanami. Banggalni in tongon pambahenan-Mu
dompak hanami jolma pardousa. Domma roh Ham hu dunia on laho padameihon anjaha
padomuhon hanami pakon Bapa in, janah domma sirsir Ham marsitaronon halani
pardousaonnami. Domma ibangkuhon Ham uhuman na patut sijaloonnami, gabe lang
be jolma siuhumon hanami i lobei ni Bapa, tapi parrupei ma hanami bani haluahon
ampa hagoluhan sisadokah ni dokahni. Tarima kasih ma Bamu Tuhan bani banggalni
pambahenan-Mu hubannami, halani ai mangindo ma hanami Bamu, ajari Ham ma
hanami mangkargahon panaronon-Mu in marhitei na mangkagoluhkon harosuh ni
uhur-Mu. Bere Ham ma gogoh ase ulang galek hanami mandompakkon bagei-bagei ni
hamaholon. Holong ma Ham Tuhan, jalo Ham ma tonggonami on. Amen.

3. Ham Tuhan Naibata, parholong ni atei banggal anjaha paridop ni uhur na tarsulur
hubannami jolma pardousa on. Martarima kasih banggal do hanami hu Bamu halani
sonin ma banggalni sihol ni uhur-Mu mangapiti hanami jolma pardousa on, mambahen
sirsir Ham marsitaronon marhitei Anak-Mu Jesus Kristus laho paluahkon hanami
humbani uhuman. Seng patut namin Ham manaron na borat in. Halani ai ipaunduk
hanami do uhurnami marsombah janah mangelek hu Bamu ase ungkab Ham uhur
nami marhitei tonduy-Mu Tonduy Na Pansing in, ase lambin iahapkon hanami sonaha
banggalni pangkopkopon-Mu bannami. Ajari Ham ma hanami marpambahenan na
talup hu Bamu. Holong ma ham Tuhan, bere Ham ma bannami gogoh ase pori sonaha
pe boratni sidalanannami seng mandolei hanami, tapi totap hanami sabar bani sitaronon
na idompakhon hanami. Tarima kasih ma Bamu, tarpuji ma Ham Tuhan. Amen.

4. Ham Tuhan Naibata Bapanami pardear layak anjaha parholong atei banggal. Domma
isuruh Ham Anak-Mu na sasada in hu dunia on manadingkon hasangapon-Ni anjaha
maningon marsitaronon mangkopkop hanami jolma pardousa. Marulak-ulakan do tong
uhur-Mu hubannami, janah lang ipaturut Ham sitaronon in ampei hubani hadirionnami.
Ham Tuhan torangi Ham ma uhurnami mandalani goluh on, ase tongtong idingat
hanami borat ni sitaronon na iporsan Anak-Mu Jesus Kristus, mambahen tubuh
uhurnami laho manadingkon sagala horja hagolapan na lang iharosuhkon Ham. Holong

ma Ham Tuhan, pargogohi Ham ma hanami ase ihapongkuthon hanami mangkorjahon
parentah-Mu sadokah goluhnami i tanoh on. Ibagas Kristus Jesus, jalo Ham ma
tonggonami. Amen.

5. Ham Tuhan Jesus Kristus sihopkop hanami jolma pardousa on. Ibagas unduk ni
uhur do hanami nuan roh hu lobei-Mu mardingat banggal ni holong-Mu. Itadingkon
Ham do hasangapon-Mu, anjaha sirsir do Ham marianan i tongah-tongah ni jolma
pardousa. Iparnalang Ham do diri-Mu laho paluahkon hanami humbani uhuman ni
dousanami. Halani holong-Mu na banggal in, sirsir do Ham manaron laho paluahkon
hanami pardousa. Ajari Ham ma hanami mangkargahon panaronon-Mu in, marhitei na
tongtong sirsir hanami mardalan bani dalan-Mu anjaha manggoluh ibagas harosuh-Mu.
Togu Ham ma hanami ase pitah Ham iajamhon hanami, janah gabe pangguruannami,
ase ulang soya pangkopkopon-Mu in. Tarima kasih ma Bamu Tuhan, ibagas Kristus
Jesus jalo Ham ma tonggonami. Amen.

6. Ham Bapa parholong atei na tarsulur, Bapa na sintong anjaha Bapa pardear layak
hubannami jolma. Domma iain Ham hanami gabe anak-Mu. Lang ipaturut Ham
hanami hona uhum janah manaron halani pardousaonnami. Tapi isuruh Ham do Anak-
Mu na sasada in, in ma Jesus Kristus laho manobus hanami humbani dousa. Lang
humbani omas barang pirak hanami itobus Ham, tapi marhitei daroh ni Anak-Mu na
sasada in do na maningon manaron janah matei tarsilang. Ham Bapa, bobai Ham ma
tongtong hanami ase manggoluh hanami bani goluh na bayu, anjaha buhai Ham ma
uhurnami laho patalarhon harosuh ni uhur-Mu ibagas parsaorannami pakon Ham ampa
hasomannami jolma. Ibagas Kristus Jesus hanami martonggo. Amen.

7. Ham Tuhan Jesus Kristus Anak-Ni Naibata na marmulia in. Martarima kasih do hanami
bani hasirsiron-Mu marsitaronon janah mandagei hahirion halani hajahatonnami.
Sitaronon na iporsan Ham in ma na patuduhkon sonaha tongon hargani hanami jolma
na tinompa-Mu in. Lang iharosuhkon Ham magou hanami ibagas gomgoman ni dousa
pakon hamateian. Domma ipadaoh Ham sitaronon in humbannami gabe jumpahan
hanami bani haluahon ampa hagoluhan na sadokahni dokahni. Urupi janah pargogohi
Ham ma hanami mantaluhon dousa janah ajari Ham ma hanami ase lambin ibotoh
hanami manggoluh ibagas harosuh-Mu ase goluhnami gabe pasu-pasu i dunia on.
Balosi Ham ma tonggonami on ibagas Kristus Jesus Tuhannami. Amen.
8. Ham Bapanami na marhabangsa i nagori atas. Bapa na sari do Ham mampardiateihon
pargoluhannami. Patut do hanami hona uhuman-Mu halani banggal ni dousa na
ihorjahon hanami. Tapi tarolos do Ham paluahkon hanami, marhitei na marsuruh Anak-
Mu Jesus Kristus roh hu dunia on bahen tobus ni dousanami. Marsitaronon na borat do
Anak-Mu Jesus Kristus mandagei na parngit; itulak, irisai anjaha ipahiri. Haganupan
in idompakkon Anak-Mu in ibagas pambalosion na gok hu Bamu. Holong ma Ham
Tuhan, Tonduy-Mu Na Pansing in ma manjagai uhur pakon pingkirannami ase lambin
ihargahon hanami pangkopkopon-Mu anjaha lambin ibotoh hanami pasangapkon Ham.
Ipadas hanami tonggonami on ibagas Jesus Kristus Tuhannami. Amen.

PARMATEI NI TUHAN JESUS

1. Ham Tuhan Naibata Bapanami parholong ni uhur banggal mangidah hanami
pardousa. Domma talar bannami holong ni atei-Mu marhitei na isuruh Ham Anak-
Mu in gabe jolma manaron haparngiton, risa-risa, tompas-tompas ronsi matei tarsilang
mangkopkop hanami. Marhitei Anak-Mu in ibahen Ham pardearan ampa pardameian
pakon Ham. Bani haganup idop ni uhur-Mu in, patut do hanami martarimakasih Bamu.
Mangelek ma hanami hu Bamu, lambin paahapkon Ham ma hubannami holong-Mu in,
ase ihargahon hanami panobusion-Mu. Pargogohi Ham ma hanami mangkagoluhkon
goluh na baru, na hinarosuhkon ni uhur-Mu, na gabe hatarimakasihonnami hu Bamu.
Maidop ma uhur-Mu, balosi Ham ma tonggonami, ibagas goran ni Anak-Mu Jesus
Kristus Tuhannami. Amen.

2. Ham Tuhan Jesus Kristus, biri-biri ni Naibata na dob mamorsan dousa ni dunia on.
Tarima kasih ampa puji-pujian ma isombahkon hanami hu Bamu, halani domma
ipaluah Ham hanami humbani dousanami marhitei parmatei-Mu. Itaron Ham do na
borit, horahan janah lang marhiou ase malum anjaha parsimada hanami bani hagoluhan
pakon hiou hapintoron. Sai tatap Ham ma ganup kuria-Mu on, na dob ihopkop
janah itobus Ham. Pargogohi Ham ma hanami mangkargahon pangkopkopon pakon
panobusion-Mu in, anjaha manaksihon holong ni atei-Mu na dob ondos bannami.
Patoguh Ham ma pangarapannami hu Bamu, ase manggoluh barang matei pe hanami,
Ham ma totap Rajanami. Balosi Ham ma tonggonami on, ibagas idop pakon holong ni
atei-Mu. Amen.

PARPUHOON NI TUHAN JESUS

1. Ham Tuhan Naibata paridop ni uhur na sumurung. Puji-pujian pakon tarima kasih do
talup sombahkononnami hu Bamu, halani marhitei idop ni uhur-Mu, itubuhkon Ham
do hanami paduahalihon hubani hagoluhan na gok pangarapan, marhitei parpuhoon
ni Jesus Kristus humbani na matei. Domma italuhon Ham sibolis, hamateian pakon
nagori toruh. Na mangelek ma hanami hu Bamu ase pargogohi Ham ma hanami laho
mangkagoluhkon hamonangan-Mu in. In ma homa na patotapkon uhurnami laho
marhasadaon, marsaksi pakon mangidangi, bani ganup ari-ari ni goluhnami. Maidop
ma uhur-Mu, balosi Ham ma tonggonami on, na ipadas hanami ibagas goran ni Anak-
Mu Jesus Kristus sihopkop hanami. Amen.

2. Ham Tuhan Jesus, Raja Siparmonang, na dob manaluhon sibolis, dousa pakon
hamateian. Marhitei parpuhoon-Mu in, tangkas ma ibotoh hanami na dob manggoluh
do hanami ibagas hamonangan. Parpuhoon-Mu in do na gabe onjolan ni haporsayaon
pakon pangarapannami. In do homa na patubuhkon hasabaron pakon tenger ni uhur
bannami mandalani ari-ari ni goluhnami. Ibotoh hanami do, porini masa pe hamateian
i tongah-tongahnami, domma parsimada hanami bani parpuhoon simagira. Parpuhoon-

Mu in do gabe apoh-apoh bannami mandompakkon sitaronon pakon hamaholon.
Apohi Ham ma homa na mateian, na madoyuk, na masombuh, na so maramang, na
so marinang, pakon na mabalu. Marhitei Jesus Kristus Tuhannami hanami martonggo.
Amen.

PARNAIK NI TUHAN JESUS

1. Ham Tuhan Jesus Kristus, na dob naik hu nagori atas janah hundul i siamun ni Naibata
Bapa in. Malas do uhurnami mardingat na dob saud do haganup sura-sura ni Naibata
Bapa laho mambere haluahon hubani dunia on aima marhitei na dob saud Ham naik
hu nagori atas mulak hubani hasangapon-Mu. Domma ipabangkit Ham gabe Raja ni
sagala raja janah gabe Malim Bolon mangapiti sagala na porsaya, ase parrupei bani
hagoluhan na sodakah ni dokahni. Pargogohi Ham ma hanami kuria-Mu ase totap
mangarap janah marhaporsayaon hu Bamu. Pasu-pasu Ham ma homa sagala horja ni
kuria-Mu, ase lambin doras parrarat ni harajaon-Mu. Maidop ma uhur-Mu, jalo Ham
ma tonggonami on, ibagas Jesus Kristus Tuhannami. Amen.

2. Ham Tuhan Jesus Kristus Tuhannami. Domma ondos Bamu sagala kuasa na i nagori
atas pakon na i tanoh on, marhitei na dob naik Ham hu nagori atas janah hundul i
siamun ni Naibata Bapa in. Tangkas do ibotoh hanami na sirsir do Ham mangapiti
hanami janah mamberehon Tonduy-Mu Na Pansing in mangkasomani hanami ari-ari.
Mangelek ma hanami hu Bamu, hasomani janah pargogohi Ham ma hanami ase totap
hanami ibagas na marhaporsayaon hu Bamu. Urupi Ham ma hanami mangkorjahon
harosuh ni uhur-Mu ase marsangap Ham marhiteihon ni goluhnami. Jalo Ham ma
tonggonami halani holong ampa kuasa ni hamonangan-Mu in. Amen.

PARROH NI TONDUY NA PANSING

1. Ham Tuhan Jesus Kristus na marhotak i nagori atas. Domma ipasaud Ham bagah-
bagah-Mu hubani kuria-Mu marhitei na isuruh Ham Tonduy Na Pansing laho
mangkasomani, mangajari janah marmaloi hanami. Marmalas ni uhur do hanami
mardingat pansarihonon-Mu bannami. Urupi Ham ma hanami ase tongtong gabe
sipambalosi hu Bamu, janah mangkorjahon haganup harosuh ni uhur-Mu. Sondangi
janah rahut Ham ma hasadaonnami, ase marbuah goluhnami na gabe hasaksian hubani
hasoman na lape mananda Ham. Balosi Ham ma tonggonami on Tuhan. Amen.

2. Ham Tuhan Naibata Bapanami paridop ni uhur. Tarima kasih ampa puji-pujian ma
isombahkon hanami hu Bamu, halani isuruh Ham do Tonduy Na Pansing in bannami
kuria-Mu i dunia on. Marhiteihon ni ai, lambin margogoh janah gok malas ni uhur ma
hanami mandalani ari-ari ni goluhnami i dunia on. Mangelek ma hanami hu Bamu,
Ham ma mangkasomani, mambere gogoh, mangajari janah mamparmaloi hanami bani

horja-Mu in. Sorapi Ham ma haganup parhorja i kuria-Mu ase lambin marhapentaran
janah marharinggason mangkorjahon horja pangidangion na dob iondoskon Ham.
Ibagas goran ni Anak-Mu, ipadas hanami tonggonami on. Amen.

TRINITATIS

1. Ham Tuhan Naibata Bapa, Anak pakon Tonduy Na Pansing. Ipuji janah ipasangap
hanami do Ham halani panramotion-Mu bani kuria-Mu i dunia on. Marmalas ni
uhur do hanami halani domma ipataridahkon Ham hadirion pakon idop ni uhur-Mu
bannami. Ham do na manompa, mambere hasasapan ni dousa, pakon mambobai sagala
na porsaya hu Bamu mardalan hu hagoluhan sisadokah ni dokahni. Halani ai mangelek
ma hanami hu Bamu, tompa janah pabayu Ham ma hanami marhitei kuasa ni Tonduy-
Mu in, ase tubuh hanami paduahalihon, janah totap margogoh laho mangkagoluhkon
holong ni atei-Mu na dob ondos bannami. Urupi Ham ma hanami manlawan munsuh
pakon hisap-hisap ni dagingnami ase boi ipataridahkon hanami na dob tongon-tongon
hanami gabe anak-Mu. Balosi Ham ma hanami ibagas idop pakon holong ni atei-Mu.
Amen.

2. Ham Naibata Sitolusada, bona pakon ujung ni haganup. Na margantung janah
marhapateian hu Bamu do sagala na adong. Tarima kasih ma Bamu halani ipatalar
Ham do hadirion-Mu hubani kuria-Mu marhitei Jesus Kristus, gabe boi sintong
panandaionnami hu Bamu, janah mangkorhon hatuahon bannami. Hagogohon pakon
jumbalang ni hasitolusadaon-Mu in do iarapkon hanami manogu-nogu, manramotkon
pakon patotapkon haporsayaonnami, ase ulang kahou janah talu hanami binahen ni
munsuhnami. Urupi Ham ma hanami tongtong, ase manggoluh hanami romban hubani
harosuh pakon sura-sura-Mu. Ibagas goran ni Anak-Mu Jesus Kristus Tuhannami
ipadas hanami tonggonami on. Amen.

MUSIM TRINITATIS

1. Ham Tuhan Naibata simada kuasa ampa hagogohon. Domma italuhon Ham hagogohon
ni dousa, sibolis ampa hamateian marhitei Jesus Kristus, janah domma isuruh Ham
Tonduy Na Pansing marianan ibagas hauhuronnami, mambahen boi hanami mardilo
Bapa hu Bamu. Paruhuri Ham ma hanami, ase ihagoluhkon hanami haluahon na dob
ilayakkon Ham anjaha boi hanami das hubani hamardekaon na sintong selaku anak-
anak ni Naibata. Jalo Ham ma hanami pakon tonggonami marhitei Jesus Kristus Tuhan
ampa Sipaluah, na manggoluh pakon markuasa riap pakon Ham ibagas hasadaon ni
Tonduy Na Pansing, Naibata Sitolusada sonari ronsi sadokah ni dokahni. Amen.

2. Ham Naibata Jahowa siramotkon sagala na porsaya, Naibata simada hagogohon
pakon hapansingon. Tambahi janah paganda Ham ma hauhuron na hun Bamu ibagas

hadirionnami, ase boi hanami manaluhon sagala hisap-hisap na laho salpu, janah
tongtong poltik manjolom arta na totap in ronsi das hubani ujungni. Balosi Ham ma
tonggonami, marhitei Jesus Kristus Tuhan na manggoluh ampa siparkuasa ibagas
hasadaon pakon Tonduy Na Pansing, sitolu sada sadokah ni dokahni. Amen.

3.        Ham Naibata paridop ni uhur, ipasirsir Ham do sagala na porlu bannami lobih humbani
na niarapkonnami lobih humbani ampa na tarpingkirhon hanami. Patubuh Ham
ma holong-Mu na banggal in ibagas hauhuronnami, ase marhinsah ni uhur hanami
mangkaholongi Ham bani ganup goluhnami. Bahen Ham ma hanami parsimada bani
bagah-bagah-Mu na sumurung in. Jalo Ham ma hanami pakon tonggonami marhitei
Jesus Kristus, Tuhan na manggoluh anjaha markuasa rap pakon Naibata Bapa ibagas
hasadaon ni Tonduy Na Pansing. Amen.
4.        Ham Naibata pargogoh na so tarimbang, na marsuruh Tonduy Na Pansing manondangi
hagolapan ni dunia on. Torangi Ham ma hauhuronnami laho mangidah hinabayak ni
idop ni uhur pakon pasu-pasu-Mu, ase talar buah-buah ni Tonduy Na Pansing in bani
goluhnami, ibagas holong, malas ni uhur ampa damei, marhitei Jesus Kristus, Anak-
Mu na manggoluh anjaha manggomgomi rap pakon Ham ibagas hasadaon ni Tonduy
Na Pansing, sonari ronsi sadokah ni dokahni. Amen.
5.        Ham Tuhan Naibata parkuasa anjaha na totap ronsi sadokah ni dokahni. Ibotoh hanami
do bahasa sirsiran do Ham manangihon tonggonami marimbang hasirsironnami
martonggo anjaha ibere Ham lobih humbani na pinangindonami. Useihon Ham ma
hubannami habayakon ni idop ni uhur-Mu, anjaha marpangulaki ma Ham mangidah
hurang ni haporsayaonnami hu Bamu. Layakkon Ham ma hubannami sagala hadearon
na humbani Jesus Kristus Raja ni Kuria in, na dob pasadahon sagala na porsaya marhitei
Tonduy Na Pansing. Amen.

6. Ham ale Tonduy Na Pansing na dob pabangkithon hanami gabe saksi ni Kristus.
Domma roh Ham hu tongah-tongah ni pargoluhannami laho mambobai hanami hubani
harosuh ni Naibata Bapa pakon Tuhan Jesus. Ajari Ham ma hanami ase lambin isadari
hanami na ibobai Tonduy Na Pansing in do goluhnami hubani harajaon-Mu. Mangelek
ma hanami hu Bamu, ojur Ham ma hanami ase tangi anjaha pambalosi bani parsuruh ni
Tonduy-Mu, halani goluh na sonin do iharosuhkon Ham humbannami. Ibagas goranni
Tuhan Jesus Kristus, jalo Ham ma tonggonami on. Amen.

7. Ham Tonduy Na Pansing na totap marsora ampa mangiani uhurnami. Ipuji ipasangap
hanami do Ham halani marhitei Tonduy Na Pansing gabe tangkas ma hubannami
hasitolusadaon na gabe hadirion ni Naibata. Domma talar bannami hadirion-Mu na
mambere panotap paboa lang ongga ipaturut Ham hanami mardalan sandiri bani goluh
on. Halani ai mangelek ma hanami hu Bamu ase patotap Ham ma hauhuronnami
laho mangkaporsayai gogoh ni Tonduy Na Pansing in. Buhai Ham ma uhur pakon
pingkirannami ase lambin iajamhon hanami gogoh ni Tonduy Na Pansing bani
goluhnami. Amen.

REFORMASI

1. Ham Tuhan Naibata, paridop ni uhur na tarsulur. Tarima kasih pakon puji-pujian ma
Bamu halani pitah idop ni uhur-Mu do na paluahkon, manogu-nogu ampa patorsahon
kuria-Mu. Itogu Ham do hanami humbani dalan hakahouon hubani dalan hapintoron
pakon hapitahon ni Ambilan Na Madear marhitei juak-juak-Mu, mambahen jonam
hajongjongan ni haporsayaonnami. Sai hata-Mu na pitah in ma bahen Ham onjolan
pakon panguhalan ni podah ampa pangguruan ni kuria-Mu ronsi sadokah ni dokahni.
Ham Tuhan, maruntol ope kuria-Mu mandompakkon podah hakahouan na marbagei-
bagei. Sai papansing Ham ma kuria-Mu marhitei hagogohon ni Tonduy-Mu. Urupi
Ham ma homa pamarentah pakon suruhanni ase dihut sidea mandalankon horjani
sadalan hubani Ambilan Na Madear. Marhitei Jesus Kristus Raja-Ni kuria in hanami
mangelek hu Bamu. Amen.

2. Ham Tuhan Jesus Kristus, Raja ni kuria in. Iramotkon Ham do hasintongan ni hata-Mu
i tongah-tongahni kuria-Mu marhitei juak-juak-Mu na dob mambere uhur, pikkiran
pakon gogoh ni, ase mulak kuria-Mu hubani hasintongan ni hata-Mu. Tarima kasih ma
Bamu halani domma mardalan hanami nuan ibagas hasintongan pakon hapitahon ni
hata-Mu in, mambahen lang be sangsi janah lepak haporsayaonnami hu Bamu. Ham
Tuhan, bani pardalanan ni kuria-Mu, sai adong ope na sihol papeolhon hasintongan-Mu
in. Mangelek ma hanami hu Bamu, pargogohi Ham ma haganup parhorja ni kuria-Mu,
ase tongtong marhinsah ni uhur janah margogoh sidea manjolom janah manaksihon
hasintongan ni hata-Mu. Urupi Ham ma homa sagala na galek haporsayaonni ase ulang
talu sidea, tapi totap jongjong bani hasintongan-Mu in. Ipadas hanami tonggonami on
hu Bamu Tuhan mangajamkon idop ni uhur-Mu tumang. Amen.

UJUNG TAHUN KURIA/PARDINGATAN BANI NA DOB MATEI

1. Ham Tuhan Naibata Bapanami, na manongtong ronsi sadokah ni dokahni. Na laho salpu
do haganup na dong i tanoh on, sonai homa age goluhnami maningon marujung do
bani panorangni. Mardingat do hanami sadari on bani hasomannami na dob marujung
goluh janah manadingkon dunia on. Ipuhoi do uhurnami sadari on laho mardingat
ajalnami lanjar mangarapkon parpuhoon simagira. Tarima kasih ma Bamu Tuhan,
halani domma ipadihut Ham hanami parsimada bani pangarapan sisonai marhitei
pangkopkopon ni Anak-Mu Jesus Kristus. Halani ai ajari Ham ma hanami mamakei
panorang ni goluhnami sadear-dearni domu hubani harosuh ni uhur-Mu. Maidop ma
Ham, Tonduy-Mu Na Pansing in ma mambobai hanami ase tongtong marondos hu
Bamu. Marhitei Jesus Kristus Simada goluhnami ipindo hanami on Bamu. Amen.

2. Ham Tuhan Naibata Bapanami na i nagori atas. Ibagas na marunduk ni uhur do hanami
bani panorang on, mardingat hinaholongannami na dob parlobei marujung goluh ni
anjaha sirang humbannami. Domma mulak angkula ni sidea gabe orbuk, ai hunjin do

harorohan ni angkula haganup. Tapi lanjar ihaporsayai hanami do hasintongan ni hata-
Mu pasal parpuhoon simagira, na gabe hagogohon ampa apoh-apoh bannami. Halani ai
seng patut be mabiar hanami mandompakkon hamateian halani ibotoh hanami domma
talu hamateian in marhitei Jesus Kristus Tuhannami. Patotap janah palihar Ham ma
uhur pakon pangarapannami, ase jorei langkahnami janah marsonang ni uhur hanami
tongtong ronsi ujung ni goluhnami. Marhitei Jesus Kristus Sipagoluh hanami, ielekkon
hanami tonggonami on. Amen.

PESTA PARIAMA

Ham Tuhan Naibata, pardear layak janah harohan ni sagala pasu-pasu. Roh do hanami hu
lobei-lobei-Mu marhasoman puji-pujian pakon hatarimakasihon, mardingat hinabueini
pasu-pasu-Mu na dob iuseihon Ham marhitei horjanami. Ham do na mambere udan,
logou pakon milas ni ari bani panorang ni bei, mambahen marbuah haganup horja ni
tangannami. Haganupan in sedo halani dear ni gabeinami, tapi pitah halani dear ni
layak-Mu tumang do. Tuhan, idingat hanami do homa hasomannami na marhahurangan
pakon na lape jumpahan bani buah ni horja ni tanganni. Patoguh Ham ma uhur ni sidea
ase ulang mandolei janah ganggang hun Bamu, tapi ase lambin ringgas sidea marhorja
janah tongtong mangarapkon pasu-pasu-Mu. Pasu-pasu Ham ma horjanami bahen
hasangapon pakon hamuliaon-Mu. Ibagas goran ni Anak-Mu Jesus Kristus Tuhannami
mangindo hanami hu Bamu. Amen.

HATA HAPORSAYAON

1. APOSTOLICUM

Ahu porsaya bani Jesus Kristus, Anak ni Naibata na sasada in, in do Tuhanta, na
tinubuhkon ni si Maria sanggah nape haliaban, marhitei Tonduy Na Pansing. Na
manaron na parngit, bani panorang ni si Pontius Latus, iparsilangkon, matei anjaha
itanom, turun hu nagori toruh. Mulak manggoluh humbani na matei bani ari patoluhon.
Naik hu surga anjaha hundul i siamun ni Naibata Bapa, Pargogoh na so tarimbang in.
Hunjai ma Ia mulak magira laho manguhumi halak na manggoluh pakon na dob matei.
Ahu porsaya bani Tonduy Na Pansing, bani Kuria parsadaan na mapansing in, parsaoran
ni sagala na mapansing in, bani hasasapan ni dousa, bani parpuhoon ni angkula, pakon
bani hagoluhan na sadokah ni dokahni. Amen.

2. NICEANUM

1. Ahu porsaya bani Naibata na sasada in, Bapa Pargogoh na so tarimbang, na
manompa langit pakon tanoh ronsi haganup nataridah ronsi na so taridah.

2. Ahu porsaya bani Tuhan Jesus Kristus na sasada in, Anak sasada ni Naibata, na
tinubuhkon ni Bapa in sanggah nape dong dunia on, Naibata humbani Naibata,
na lihar humbani na lihar, Naibata na sintong humbani Naibata na sintong, na
itubuhkon lang na itompa. Sisada hadirion pakon Bapa in, marhiteihon-Si do
ijadihon haganup.

3. Halani hita jolma pakon haluahon do Ia susur hun nagori atas, nagabe daging
marhitei Tonduy Na Pansing humbani si Maria sanggah nape haliaban anjaha gabe
jolma

4. Na iparsilangkon mangkopkop hita bani panorangni si Pontius Latus, manaron
naparngit, janah itanom.

5. Anjaha mulak manggoluh bani ari patoluhon mangihutkon surat in.
6. Naik hu surga anjaha hundul i siamun ni Bapa in.

7. Janah mulak magira marhasoman hasangapon laho manguhumi halak na
manggoluh pakon na dob matei, seng dong ujung ni harajaon-Ni

8. Ahu porsaya bani Tonduy Na Pansing, Tuhan janah Sipagoluh, na roh humbani
Bapa pakon Anak in, sisombah janah sipasangapon rap pakon Bapa ampa Anak in.
Na dob marsahap marhitei nabi-nabi.

9. Ahu porsaya bani kuria na sasada in, Kuria parsadaan na pansing anjaha Apostolis
10. Ahu manaksihon pandidion na sasada in, bahen hasasapan ni dousa.

11. Anjaha mangarap do ahu bani parpuhoon ni sagala na dob matei.

12. Pakon bani hagoluhan simagira. Amen.

100

3. ATHANASIANUM

1. Barang Ise na sintong-sintong sihol maluah,parlobei tang siporlunan dong bani
aima manjolom haporsayaon Kristen parsadaan in.

2. Atap ise namansedahon janah na so sintong manramotkon ai, pasti ma magou
sadokahni dokahni.

3. On do haporsayaon Kristen parsadaan in: Ipasangap hita Naibata na Sada in na
ibagas Hasitolusadaon, janah Hasitolusadaon in ibagas hasadaonni.

4. Anjaha seng na iagu hita Hadirion in, barang mambagi hadirion-Ni hita ijin
5. Legan do Hadirion ni Bapa, legan Anak, legan Tonduy Na Pansing

6. Tapi Bapa, Anak pakon Tonduy Na Pansing sada do Hanaibataon ni sidea, dos
Hasangaponni, dos Hatunggungonni na manongtong in.

7. Atap sonaha Bapa in, sonai do Anak in, janah sonai do Tonduy Na Pansing

8. Seng na itompa Bapa in, seng na itompaAnak in, seng na itompa Tonduy Na Pansing

9. Seng tarsibar Bapa in, seng tarsibar Anak in, seng tarsibar Tonduy Na Pansing

10. Manongtong do Bapa in, manongtong do Anak in, Manongtong do Tonduy Na Pansing.

11. Age pe sonai seng dong tolu Na Manongtong, tapi sada do Na Manongtong.

12. Sonai do seng tolu Na so tinompa in, seng tolu Na so tarsibar in, tapi sada do Na
so tinompa janah sada do Na so tarsibar in

13. Pargogoh na so tarimbang do Bapa in, Pargogoh na so tarimbang do Anak in,
Pargogoh na so tarimbang do Tonduy Na pansing.

14.        Nai pe seng tolu Pargogoh na so tarimbang, tapi sada do Pargogoh na so tarimbang
15.        Ase Bapa in do Naibata, Anak in do Naibata, Tonduy Na Pansing do Naibata
16.        Nai pe seng dong tolu Naibata, tapi sada do Naibata.
17.        Bapa in do Tuhan, Anak in do Tuhan, Tonduy Na Pansing do Tuhan
18.        Nai pe seng dong tolu Tuhan, tapi sada do Tuhan

19. Ai songon pangojur ni hasintongan Kristen in banta ningon mangakui; ganaup
hadirion do Naibata janah Tuhan, sonai do panlarang ni agama Kristen parsadaan
in banta manobut tolu Naibata pakon tolu Tuhan

20. Seng dong namanjadihon Bapa in barang manompa-Si atap manubuhkon-Si

21. Anak in aima humbani Bapa in tumang hansa, sedo na ijadihon barang na itompa,
tapi na itubuhkon do

22. Tonduy Na Pansing aima na roh humbani Bapa pakon Anak, sedo na ijadihon
barang na itompa atap na itubuhkon.

23. Ase sada do Bapa, seng tolu Bapa, sada do Anak, seng tolu Anak, sada do Tonduy
Na Pansing, seng tolu Tonduy Na Pansing.

24. Janah ibagas Hasitolusadaon on, seng dong silobeian atap sipudian, seng dong
sibanggalan atap sietekkan.

25.        Tapi na tolu ai rap manongtong do janah dos banggalni, ase songon na dob sinobut
        nongkan, sisangapan do Hasitolusadaon na ibagas Hasadaon in, janah hasadaon in
        ibagas Hasitolusadaon.

26. Atap ise nuan na sihol maluah, sonai ma pandapotni pasal Hasitolusadaon in.
27. Naporlu ope bani hagoluhan sisadokah ni dokahni, aima mangkaporsayai humbani

101

gokni uhur, na dob gabe jolma Tuhanta Jesus Kristus.

28. Ase, haporsayaon na sintong aima anggo ihaporsayai janah isaksihon hita: Tuhanta
Jesus Kristus, Anak ni Naibata, aima Naibata anjaha Jolma.

29. Naibata do Ia na itubuhkon humbani Hadirion ni Bapa in paima tombei dunia on,
Jolma do Ia na itubuhkon humbani hadirion ni Inangni i dunia on.

30. Naibata na gokan dear, Jolma na gokan dear, na martonduy pakon na marangkula jolma.

31. Dos do Ia pakon Bapa in mangihutkan Ha-Naibataon , etekan maribang Bapa in
mangihutkon Hajolmaon.

32. Ia do Naibata janah Jolma, agepe sonai seng dua Kristus, tapi sada do.

33. Sada, tapi seng marhiteihon ni na salih Ha-Naibataon humbani daging, tapi
marhitei na ijalo Naibata do Hadirion ni jolma.

34. Sada tapi seng marhiteihon na iagu Hadirion in, tapi sada hadirion do.

35.        Ai songon tonduy pakon daging gabe jolma. Sonai do naibata pakon Jolma gabe
        sada Kristus
36.        Na manaron bahen haluahonta, turun hun nagori toruh, mulak manggoluh bani ari
        patoluhon humbani namatei.

37. Naik hu surga, hundul i siamun ni Bapa, hunjai ma Ia mulak magira, laho
manguhumi halak namanggoluh pakon na dob matei.

38. Haganupan jolma maningon puho bani parroh-Ni magira ibagas angkulani bei
mampartanggungjawabkon pambahenanni bei.

39. Janah sagala na mangkorjahon namadear masuk ma huhagoluhan na so ra bois,tapi
sihorjahon namasambor masuk hubagas apuy na so ra miloh.

40. Ai ma haporsayaon Kristen parsadaan in, barang ise na so bujur janah na so totap
mangkaporsayai ai seng anjai maluah. Amen.

102

KEBAKTIAN
PARTONGGOAN RUMAH TANGGA
MODEL A

Persiapan : (Siparugas, Sitonggohonon, Sisahapkonon)

(Kuria ibagas sikap “Saat Teduh”)

1. VOTUM – INTROITUS – TONGGO :
Paragenda : Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing, sitompa langit pakon tanoh on. Amen.
(Basaon ma sada ayat humbani na pinasirsir bani halaman 115-116)
Martonggo ma hita:

(Basaon ma sada tonggo na pinasirsir bani halaman 117-118)

2. DODING :

3.        SIBASAON : (Parmahan Na Madear)
4.        DODING :
5.        AMBILAN :
6.        DODING :

7. TONGGO : (Tonggo Pangapition humbani na roh)

8. DODING :

9. TONGGO : (Paima martonggo, boi do suhut marsahap atap padaskon hasaksianni)

10. DODING : (Irik mangondoskon galangan)

11. TONGGO GALANGAN – PANUTUP – PASU-PASU :
Parambilan : Ondoskon hita ma galanganta hubani Naibata, martonggo ma hita:
(Basaon ma sada tonggo galangan na bani halaman 119)
Riap ma hita martonggo marhitei tonggo na niajarhon ni Tuhan Jesus
hubanta:

Parambilan +

Kuria : Ham Bapanami na i nagori atas. Sai na papansing ma Goran-Mu. Sai
roh ma harajaon-Mu. Sai saud ma harosuh ni uhur-Mu i nagori tongah

103

on songon na i nagori atas. Bere Ham ma bannami sadari on hagoluhan
ari-ari. Sasap Ham ma dousanami songon panasapnami bani dousa ni
hasoman na mardousa dompak hanami. Ulang hanami bobai Ham
hu parlajouan. Paluah Ham ma hanami humbani pangagou. Ai Ham
do simada harajaon, pakon hagogohon, ampa hasangapon sadokah ni
dokahni. Amen.

Parambilan : Jalo nasiam (hita) ma pasu-pasu humbani Tuhan Naibatanta :
Idop ni uhur ni Tuhanta Jesus Kristus, pakon holong ni atei ni Naibata
Bapa, ampa parsaoran ni Tonduy Na Pansing ma mangkasomani
nasiam (hita) haganupan.

Kuria : (Mandodingkon: “Amen”, Es=do )

5 . 6 . 5 . 6 . 5 . 4 . 3 . . 0

A - men A - men A - men.

12. PARSAHAPAN - TUGAH-TUGAH :

104

KEBAKTIAN
PARTONGGOAN RUMAH TANGGA
MODEL B

Persiapan : (Siparugas, Sitonggohonon, Sisahapkonon)

(Kuria ibagas sikap “Saat Teduh”)

1. VOTUM – INTROITUS – TONGGO :
Paragenda : Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing.

Kuria : Sitompa langit pakon tanoh on. Amen.

(Ipilih paragenda ma sada humbani Introitus na i toruh on: a, b, atap c)

a. Psalmen 136

Paragenda : Puji ma Jahowa, ai pardear layak do Ia, tongon, ronsi sadokah ni
dokahni do idop ni uhur-Ni.

Kuria : Puji ma Naibata ni sagala naibata, tongon, ronsi sadokah ni dokahni
do idop ni uhur-Ni.

Paragenda : Puji ma Tuhan ni sagala tuan, tongon, ronsi sadokah ni dokahni do
idop ni uhur-Ni.

Kuria : Na mambahen sahalak-Si, halongangan banggal, tongon, ronsi
sadokah ni dokahni do idop ni uhur-Ni.

Paragenda : Na manompa langit marhitei hapentaran, tongon, ronsi sadokah ni
dokahni do idop ni uhur-Ni.

Kuria : Na paherbang tanoh i atas ni bah, tongon, ronsi sadokah ni dokahni do
idop ni uhur-Ni.

Paragenda : Na manjadihon panondang na bolon, tongon, ronsi sadokah ni dokahni
do idop ni uhur-Ni.
Kuria : Mangkatahon tarima kasih ma nasiam bani Naibata ni surga, tongon,
ronsi sadokah ni dokahni do idop ni uhur-Ni.

Paragenda : Martonggo ma hita! (Ipilih sada tonggo na bani halaman 117-118)

b. Psalmen 138

Paragenda : Tarima kasih do hatahononku Bamu, ale Jahowa, humbani gok ni
uhurhu; dodingkononku do Ham i lobei ni parnagori atas.

Kuria : Manrogop do ahu dompak rumah-Mu na pansing in, pujionku do goran-
Mu, halani idop ni uhur-Mu ampa hasintongan-Mu, ai ipabanggal
Ham do goran-Mu ampa bagah-bagah-Mu mangatasi haganup.

105

Paragenda : Sanggah dilo-dilo ahu, ibalosi Ham do ahu; itambahi Ham do gogoh
bani tonduyhu.

Kuria : Sai Ham ma pujion ni ganup raja-raja ni tanoh on, ale Jahowa, anggo
ibogei sidea ma hata ni pamangan-Mu.

Paragenda : Dodingkonon ni sidea do pasal dalan ni Jahowa, ai banggal do
hasangapon-Ni Jahowa.

Kuria : Tongon, timbul do Jahowa, tapi itatap do halak na malumat; halak
sigijang uhur, humbani na daoh pe domma itanda.

Paragenda : Mardalan pe ahu i tongah-tongah ni hasosakan, Ham do na pagoluh
ahu; iolatkon Ham do tangan-Mu dompak gila ni munsuhku, anjaha
ipaluah Ham do ahu marhitei tangan-Mu siamun.

Kuria : Jahowa do na pasaloseihon bangku. Ham Jahowa, ronsi sadokah ni
dokahni do idop ni uhur-Mu. Ulang ma tadingkon Ham jadi-jadian ni
tangan-Mu.

Paragenda : Martonggo ma hita! (Ipilih sada tonggo na bani halaman 117-118)

c. 2 Musa 15

Paragenda : Mandoding ma ahu bani Jahowa, ai marmulia tumang do Ia; huda
pakon na mangajaksi isampakkon do hu bagas laut.

Kuria : Jahowa do hagogohonku pakon dodingku, anjaha Ia do hatuahon
bangku; Ia do Naibatangku, pasangaponku ma Ia, Naibata ni
bapangkin, patimbulonku ma Ia.

Paragenda : Marmulia marhitei hagogohon do tangan siamun-Mu, Ham Jahowa;
tangan siamun-Mu in do, Ham Jahowa, manropuki munsuh in.
Kuria : Marhitei hatimbulon ni hasangapon-Mu iraseihon Ham do na
manlawan Ham; ipadalan Ham do ringis-Mu mamboiskon sidea
songon anggala.

Paragenda : Iombuskon Ham hosah-Mu, gabe ilangkobi laut sidea; mogap sidea
songon simbora hu bagas bah na majangin.

Kuria : Ise ma songon Ham, ale Jahowa, i tongah-tongah ni sagala naibata?
Ise ma na songon Ham, marmulia ibagas hapansingon, jombut ibagas
pambahenan sipujion, na mambahen halongangan?

Paragenda : Martonggo ma hita! (Ipilih sada tonggo na bani halaman 117-118)

2. DODING :

3. SIBASAON : (Teks ni Ambilan Minggu)
Paragenda : Tangar hita ma Hata ni Naibata na tarsurat bani…..
(Iujungi marhitei:) “Amen”.

Martuah do na manangar Hata ni Naibata anjaha na marimbagaskonsi!
Kuria : Amen.

106

4. DODING :

5. AMBILAN : (Teks ibasa secara responsoria)

6. DODING :

7. TONGGO : (Tonggo Pangapition humbani na roh)

8. DODING :

9. TONGGO : (Paima martonggo, boi do suhut marsahap atap padaskon hasaksianni)
10. DODING : (Irik mangondoskon galangan)

Parambilan +

Kuria : Ham Bapanami na i nagori atas. Sai na papansing ma Goran-Mu. Sai
roh ma harajaon-Mu. Sai saud ma harosuh ni uhur-Mu i nagori tongah
on songon na i nagori atas. Bere Ham ma bannami sadari on hagoluhan
ari-ari. Sasap Ham ma dousanami songon panasapnami bani dousa ni
hasoman na mardousa dompak hanami. Ulang hanami bobai Ham
hu parlajouan. Paluah Ham ma hanami humbani pangagou. Ai Ham
do simada harajaon, pakon hagogohon, ampa hasangapon sadokah ni
dokahni. Amen.

Kuria : (Mandodingkon: “Amen”, Es=do )

5 . 6 . 5 . 6 . 5 . 4 . 3 . . 0

A - men A - men A - men.

12. PARSAHAPAN - TUGAH-TUGAH :

107

KEBAKTIAN
PARTONGGOAN RUMAH TANGGA
MODEL C

Persiapan : (Siparugas, Sitonggohonon, Sisahapkonon)

(Kuria ibagas sikap “Saat Teduh”)

1. VOTUM – INTROITUS – TONGGO :

Paragenda : Pasada hita ma uhurta, pungkah hita ma kebaktian on! Ibagas Goran ni
Naibata Bapa, pakon Tuhan Jesus Kristus ampa Tonduy Na Pansing,
sitompa langit pakon tanoh on.

Kuria : Amen.

Paragenda : (Mambasa sada ayat na bani halaman 115-116)
Halani ai, dodingkon hita ma idop ni uhur ni Jahowa Naibatanta in,
anjaha pabotohkon hita ma hasintongan-Ni.

(Ipilih ma sada humbani doding na i toruh on:)

Kuria : (Mandodingkon: Haleluya No. 11:1)
Na ijon do au Tuhanku, na manombah hu Bamu.
Ganup iluh ni matangku, husombahkon hu Bamu.
Uhur-Mu mando hu bangku, na masihol au Bamu.

Atap (Mandodingkon: Haleluya No. 302:3)
Haleluya isombahkon na porsaya hu Bamu.
Bai arian pakon borngin, idodingkon hu Bamu.
Haleluya, Haleluya, idodingkon hu Bamu.

Atap (Mandodingkon: Haleluya No. 450:1)

Sihol do uhurnami Tuhan, pajumpah bohi pakon ni Ham.
Sai roh ma Ham sonari Tuhan! Podahi Ham hanami.
Sai roh ma Ham sonari Tuhan! Podahi Ham hanami.

Paragenda : Martonggo ma hita!

(Mambasa sada tonggo na bani halaman 117-118)

2. DODING :

3. MAMBASA : (Ayat Bulanan)

108

4. DODING :

5. TONGGO : (Tonggo Pangapition humbani sahalak na roh)

6. DODING :
7. AMBILAN :

Parambilan : (Martonggo paima Ambilan, dob ai mambasa teks ni Ambilan, iujungi

marhitei hata:)
Jalo hita ma hata ni Naibata on marhitei doding na gabe pangakuanta!
(Ipilih ma sada humbani doding na i toruh on:)

Kuria : (Mandodingkon: Haleluya No. 18:1)

Hata-Mu ale Tuhanku, arta siharganan ai.

Sai palongkot bai uhurhu, ulang lang hujolom ai.
Anggo seng be sijoloman, hata na madear in.
Aha ma na baen onjolan, ni haporsayaonkin.

Atap (Mandodingkon: Haleluya No. 141:2)

Tonduy Na Pansing ma bere, roh bai uhur ni kuria bai ganup dunia on.
Ase tong sada uhurni, gembit merap pe halakni.

Pasangapkon Ham tongtong, pasangapkon Ham tongtong.

Atap (Mandodingkon: Haleluya No. 202:6)

Parsahapkon au Tuhanku, ase hutangihon Ham.
Patuduhkon Ham hubangku dalan pasangapkon Ham.
Sai pabosur Ham tongtong tonduyhon na loja on.

Parambilan : (Padaskon Ambilan irik Tonggoni ).

8. DODING :

9. TONGGO : (Paima martonggo, boi do Suhut marsahap atap padaskon hasaksianni)

10. DODING : (Irik mangondoskon Galangan)

11. PANGAKUAN :

(Psalmen 119:105,111-112)

Parambilan : Kuria na hinaholongan, hatahon hita ma pangakuanta!
Hata-Mu do rigapan bani naheihu anjaha panondang bani dalanku.
Kuria : Sai horjahononku do rosuh-Mu, Ham Jahowa.

Parambilan : Hasaksian-Mu do hubahen pusakangku sadokah ni dokahni.
Kuria : Anjaha seng anjai manirpang ahu hu siamun barang hu siambilou.

109

Parambilan : Bamu do Ham Jahowa, hata hagoluhan.

Kuria : Huungkab do uhurhu laho mangkorjahon aturan-Mu.
Parambilan : Mandompakkon Jahowa do haluahon banta!

12. TONGGO GALANGAN – TONGGO RIAP–PASU PASU :
Parambilan : Ondoskon hita ma galanganta hubani Naibata, martonggo ma hita:
(Basaon ma sada tonggo galangan na bani halaman 119)
Riap ma hita martonggo marhitei tonggo na niajarhon ni Tuhan Jesus
hubanta:

Parambilan +

Kuria : (Mandodingkon: “Amen”, Es=do )

5 . 6 . 5 . 6 . 5 . 4 . 3 . . 0

A - men A - men A - men.

13. PARSAHAPAN - TUGAH-TUGAH :

110

KEBAKTIAN
PARTONGGOAN RUMAH TANGGA
MODEL D

Persiapan : (Siparugas, Sitonggohonon, Sisahapkonon)

(Kuria ibagas sikap “Saat Teduh”)

1. VOTUM – INTROITUS – TONGGO :

Paragenda : Pasirsir hita ma dirinta laho mamuji pakon pasangapkon Tuhan in!
Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing, Sitompa langit pakon tanoh on.

Kuria : Amen.

Paragenda : (Mambasa sada ayat na bani halaman 115-116)
Martonggo ma hita! (Mambasa sada tonggo na bani halaman 117-
118)

2. DODING :

3. TONGGO : (Tonggo Pangapition humbani na roh)

4.        DODING :
5.        TONGGO : (Paima martonggo, boi do suhut marsahap atap padaskon hasaksianni)
6.        DODING :

7. PENELAAHAN ALKITAB (PA) PAKON DISKUSI :

8. DODING : (Irik mangondoskon galangan)

9. TONGGO GALANGAN – TONGGO RIAP – PASU-PASU :
Parambilan : Domma ipatumpu hita galangan puji-pujian pakon tarimakasihta
hubani Tuhan humbani bulat ni uhurta. Dear ma ondoskon hita on
hu Bani marhitei na riap hita marunduk ni uhur laho martonggo.
Martonggo ma hita!

(Mambasa sada tonggo na bani halaman 119)

111

Riap ma hita martonggo marhitei tonggo na niajarhon ni Tuhan Jesus
hubanta:

Parambilan +

Kuria : (Mandodingkon: “Amen”, Es=do )

5 . 6 . 5 . 6 . 5 . 4 . 3 . . 0

A - men A - men A - men.

10. PARSAHAPAN - TUGAH-TUGAH :

112

KEBAKTIAN
PARTONGGOAN RUMAH TANGGA
MODEL E

(Partonggoan Pangapohon)

Persiapan : (Siparugas, Sitonggohonon, Sisahapkonon)

(Kuria ibagas sikap “Saat Teduh”)

1. VOTUM – INTROITUS – TONGGO :

Paragenda : Pasirsir hita ma dirinta laho mamuji pakon pasangapkon Tuhan in!
Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing, Sitompa langit pakon tanoh on.

Kuria : Amen.

Paragenda : (Mambasa sada ayat na bani halaman 115-116)
Martonggo ma hita! (Mambasa sada Tonggo na bani halaman 117-118)

2. DODING :

3. HATA PAMUNGKAH : (Humbani suhut, irik pajojorhon na baru masa na bani keluarga)
4. DODING :

5. TONGGO : (Tonggo Pangapition humbani na roh)

6. APOH-APOH : (Humbani na roh)
7. DODING :

8. PANGAMPUON : (Humbani suhut anjaha itutup marhitei Tonggo)

9. DODING :
10. AMBILAN :

11. DODING : (Irik mangondoskon galangan)

113

12. PANOTAP :

Parambilan : Patut do hita mangkatahon tarima kasih tongtong bani Naibata

halani hasadaonta selaku na hinaholongan-Ni. Ai ipilih Naibata do
hita humbani mulani, ase saud hita maluah marhitei pangurasion ni
Tonduy in ampa haporsayaon bani hasintongan in.

Kuria : Ai hujai do hita idilo marhiteiAmbilan Na Madear, na dob iambilankon
banta, ase parrupei hita bani hasangapon ni Tuhan Jesus Kristus.

Parambilan : Ase nasiam sanina, totap ma hita jongjong anjaha marsijoloman bani
podah na niajarhon hubanta, marhitei hata atap surat pe.

Kuria : Ase Tuhanta Jesus Kristus pakon Naibata Bapanta na mangkaholongi
hita, in ma na mambere banta apoh-apoh na manongtong, ampa
pangarapan na madear marhitei idop ni uhur.

Parambilan : Ia ma mangapohi anjaha patotapkon uhur nasiam bani sagala horja
ampa hata na madear.

13. TONGGO GALANGAN – TONGGO RIAP – PASU-PASU :
Parambilan : Ondoskon hita ma galanganta hubani Naibata, martonggo ma hita:
(Basaon ma sada tonggo galangan na bani halaman 119)
Riap ma hita martonggo marhitei tonggo na niajarhon ni Tuhan Jesus
hubanta:

Parambilan +

Kuria : (Mandodingkon: “Amen”, Es=do )

5 . 6 . 5 . 6 . 5 . 4 . 3 . . 0

A - men A - men A - men.

14. PARSAHAPAN - TUGAH-TUGAH :

114

AYAT-AYAT INTROITUS BANI
KEBAKTIAN PARTONGOAN

1. Ambilankononku ma goran-Mu bani saninangku, pujionku ma Ham i tongah-tongah ni

kuria in. (Psalm 22:23). Haleluya.

2. Martuah ma bangsa na mambahen Jahowa Naibatani, ai ma bangsa pinilih-Ni gabe

parbagianan Bani. (Psalm 33:12). Haleluya.

3. Pitah mangkawah bani Naibata tumang do mambahen marhasonangan tonduyhu, hun

Bani do roh haluahonku. (Psalm 62:2). Haleluya.

4. Ale Naibata, Ham do Naibatangku na hupindahi, horahan do tonduyhu Bamu, siholan
do dagingku Bamu songon tanoh na dorging anjaha na horah, na so marbah. (Psalm
63:2). Haleluya.

5.        Ai idop ni uhur-Mu dearan do ai ase hagoluhan, sai pujion ni bibirhu do Ham. Sonai
        ma, sihol do pujionku Ham sadokah ahu manggoluh, marhitei goran-Mu hupaherbang
        do tanganku dompak datas. (Psalm 63:4-5). Haleluya.

6. Hata-Mu do rigapan bani naheihu, anjaha panondang bani dalanku. (Psalm 119:105).

Haleluya.

7. TengermauhurmubaniJahowahumbanigokniuhurmu,ulangmahomarpangunsandeian
bani pingkiranmu sandiri. Bani haganup dalanmu ingat ma Ia, jadi Ia ma papintor
dalanmu. (Podah 3:5-6). Haleluya.

8. Dalan ni halak parpintor daoh do ai humbani hajahaton, anjaha na mangkargahon

goluhni ijaga do langkah-langkahni. (Podah 16:17). Haleluya.

9. Dob jumpah hata-Mu, hupangan ma ai, gabe malas ni uhur do bangku hata-Mu ampa
hamegahon bani uhurhu, ai marpanggorani bani goran-Mu do ahu, Ham Jahowa
Naibata Zebaoth. (Jeremia15:16). Haleluya.

10. Parlobei ma pindahi hanima harajaon ni Naibata ampa hapintoran-Ni, dob ai

tambahkonon-Ni do ganupan ai bannima. (Matius 6:33). Haleluya.

11. Roh ma nasiam hu-Bangku, nasiam na loja anjaha na boratan, ase hupasonang nasiam.

(Matius11:28). Haleluya.

115

12. Ai atap ija pe martumpu dua atap tolu halak marhitei goran-Ku, i tongah-tongah ni

sidea do Ahu. (Matius18:20). Haleluya.

13. On do ibahen Naibata: Mangkopkop hita gabe dousa do Ia na so mananda dousa, ase

gabe hapintoran ni Naibata hita ibagas Ia. (2 Korint 5:21). Haleluya.

14. Marsiurupan ma nasiam mamorsan na borat in, ai marhiteihon ni in idalankon nasiam

do titah ni Kristus. (Galatia 6:2). Haleluya.

15. Sada daging anjaha sada tonduy songon nasiam na tardilo ibagas sada pangarapan bani
pandiloon ai, sada Tuhan, sada haporsayaon, sada pandidion, sada Naibata, ai ma Bapa
ni haganup, sigomgomi haganup, sitorusi haganup ampa siiani haganup. (Epesus 4:4-
6). Haleluya.

16. Goki nasiam ma malas ni uhurhon: Sada ma paruhuron nasiam, sada ma haholongon

nasiam, sauhur, sapingkiran ma nasiam. (Pilipi 2:2). Haleluya.

17. Gugun ma Hata ni Kristus marianan i tongah-tongah nasiam; marhasoman gok
hapentaron ma nasiam marsiajaran anjaha marsipaingatan marhitei doding Psalm,
doding puji-pujian ampa doding partonduyon, dodingkon nasiam ma Naibata ibagas
uhurnasiam maruhur tarima kasih. (Kolose 3:16). Haleluya.

116

TONGGO PAMUNGKAH

BANI KEBAKTIAN PARTONGGOAN

1. Ham Tuhan Naibata Bapanami, paridop ni uhur na tarsulur, bani panorang on roh do
hanami hu Bamu martarimakasih mamuji ampa pasangapkon Ham. Ai ibotoh hanami,
Ham do na mangojur uhurnami mambahen boi hanami martumpu ijon sadari on, laho
mamuji ampa pasangapkon Ham. Ham do harohan ni haganup na porlu bannami.
Ham do simada hanami anjaha pitah hu Bamu do hanami marsombah. Ihaporluhon
hanami do mangindahi harajaon ampa hapintoran-Mu. Halani ai sai maidop ma uhur-
Mu hu bannami. Sai roh ma Ham manohu hanami bani partonggoan on. Urupi Ham
ma hanami, ase talup hanami marparsaoran hu Bamu. Ibagas goran ni Anak-Mu Jesus
Kristus Tuhannami, jalo Ham ma hanami. Amen.

2. Ham Tuhan Jesus Kristus, Raja Siparmonang na dob mantaluhon kuasa ni sibolis ampa
hamateian. Pujionnami do goran-Mu halani banggal ni idop ni uhur-Mu bannami, in
ma marhitei na totap Ham sirsir patumpuhon hanami na loja anjaha boratan halani
dousanami. Sai holong ma atei-Mu mangidah hanami. Sai roh ma Ham hubani
humpulannami on. Mangajamkon idop ampa holong ni atei-Mu do hanami roh hu
lobei-Mu. Jalo anjaha paluah Ham ma hanami ase sintong hanami margoluh na baru
laho mamuji pakon pasangapkon Ham. Marhitei Jesus Kristus Tuhannami balosi Ham
ma hanami. Amen.

3. Ham Tuhan Naibata na i nagori atas, roh do hanami panorang on hu lobei-lobei-Mu
ibagas sihol ni uhur marparsaoran hu Bamu. Na mangindo do hanami nuan, marianan
ma Ham i tongah-tongahnami, marhiteihon Tonduy-Mu Na Pansing in. Ungkab Ham
ma hauhuronnami bei, ase tongtong sirsir hanami manjalo janah mamparimbagaskon
Hata-Mu na gabe hagoluhannami. Amen.

4. Ham Tuhan Naibata Bapanami, mangkatahon tarima kasih do hanami halani na dob
ipatalar Ham diri-Mu marhitei hata-Mu. Ojur Ham ma hanami ase tongtong ihaporluhon
hanami manjalohon pakon mangkorjahon hata-Mu. Pasada Ham ma hanami na
martumpu on, ase tongtong sada, songon Ham na sada pakon Jesus Kristus Anak-
Mu. Suruh Ham ma Tonduy-Mu Tonduy Na Pansing laho manrahut hasadaonnami, ase
lambin marsangap janah marmulia goran-Mu marhiteihon goluhnami. Ibagas goran-Ni
Tuhan Jesus Kristus, ipaondos hanami tonggonami on. Amen.

117

5. Ham Tuhan Jesus Kristus parholong atei banggal mangidah hanami jolma pardousa on.
Tarima kasih ampa puji-pujian ma sombahkononnami Bamu, halani holong ni uhur-
Mu na tarsulur in. Ipaluah Ham do hanami jolma pardousa, mambahen boi hanami
martumpu ijon panorang on laho mamuji ampa pasangapkon goran-Mu. Marianan ma
Ham i tongah-tongahnami, anjaha jalo Ham ma parsombahonnami hu Bamu. Amen.

6. Ham Tuhan Naibata Bapanami na i nagori atas, puji-pujian ampa tarima kasih do
sombahkononnami hu Bamu, halani holong ampa idop ni uhur-Mu, boi hanami
mangadongkon partonggoan ijon sadari on. Sai roh ma Ham marhasadaon pakon
hanami. Ai Hata-Mu do rigapan bani goluhnami on. Sai parsahapkon Ham ma hanami
marsada-sada, ase ihagoluhkon hanami tongtong haluahon na hun Bamu. Amen.

7. Ham Tuhan Jesus bona ni malas ni uhur, pasu-pasu ampa hagoluhan. Pujionnami do
Ham bani panorang on, halani iojur janah ipargogohi Ham do hanami, gabe tarbahen
hanami marhasadaon rap pakon Ham ampa hasomannami. Sai maidop ma uhur-Mu
mangidah hanami, jalo Ham ma parsombahon ampa pamujionnami on. Amen.

8. Ham Tuhan Naibata na itanda hanami ibagas Jesus Kristus Tuhannami. Puji-pujian
ampa tarima kasih do talup sombahkononnami hu Bamu. Iparmudu-mudu, iparorot,
iramoti janah ipasu-pasu Ham do goluhnami, mambahen boi hanami marhasadaon
pakon Ham. Tonduy-Mu Na Pansing in ma na tongtong mangkasomani hanami, ase
margogoh hanami manjalohon hata-Mu. Ibagas goran niAnak-Mu Tuhan Jesus Kristus,
ipadas hanami tonggonami on. Amen.

118

TONGGO GALANGAN

BANI KEBAKTIAN PARTONGGOAN

1. Ham Tuhan Naibata Bapanami na i nagori atas. Tarima kasih ampa puji-pujian ma
isombahkon hanami hu Bamu. Domma ijalo hanami hata-Mu na pinadasni juak-
juak-Mu. Pargogohi Ham ma hanami mandalankon in bani goluhnami siganup ari.
Bani panorang on iondoskon hanami ma dirinami pakon pasu-pasu na dob binere-Mu
bannami, na gabe galangan hatarimakasihonnami hu Bamu. Sai jalo anjaha pasu-pasu
Ham ma galangannami on, laho pabolaghon harajaon-Mu pakon pararatkon hata-Mu
i dunia on, na gabe hasangapon-Mu, ibagas goran ni Anak-Mu Tuhan Jesus Kristus
Tuhannami. Amen.

2. Ham Tuhan Naibata Bapanami, Ham do na dob mambere haganup na porlu bani
goluhnami. On pe, na roh do hanami hu Bamu martarimakasih anjaha mangkamalaskon
hata-Mu na dob ijalo hanami. Jalo Ham ma hanami ampa galangan na niondoskonnami,
nagabehataridahannihatarimakasihonnamihuBamu.Pasu-pasuHammagalangannami
on gabe hadearon ni horja i tongah-tongah ni kuria-Mu. Sai tambahi Ham ma pasu-
pasu-Mu, ase lambin margogoh hanami mangkorjahon horja na madear. Ibagas goran
ni Anak-Mu Jesus Kristus, Tuhan janah Sipaluah hanami. Amen.

3. Ham Tuhan Naibata, parholong atei anjaha paridop ni uhur banggal. Puji-pujian ampa
tarima kasih ma sombahkononnami hu Bamu, halani domma ondos hata-Mu bannami.
Sai pargogohi Ham ma hanami mandalankon in bani goluhnami siganup ari. Sai pasu-
pasu Ham ma haganup juak-juak-Mu, na gabe parhiteian-Mu padaskon hata-Mu hubani
haganup jolma. Jalo anjaha pasu-pasu Ham ma galangan na sinombahkonnami on
laho manumpaki horja i kuria-Mu ase lambin rarat hata-Mu in. Paingat Ham ma homa
hanami pasal tanggung-jawabnami i tongah-tongah ni kuria-Mu sonai homa keluarga
pakon masyarakat pe. Ibagas goran ni Anak-Mu Jesus Kristus Tuhannami, jalo Ham
ma galangan pakon tonggonami on. Amen.

119

KEBAKTIAN
PANJALOON PARGURU NA LAHO
TARDIDI

VOTUM :

………………
………………

HATA HAPORSAYAON :

1. DODING : (Sanggah mandoding, roh ma hu lobei na laho tarjalo)

2. PENGANTAR :

Paragenda : Nasiam hasoman sahaporsayaon i kuria on!
Naibata mangkarosuhkon ase ganup jolma maluah anjaha mananda
hasintongan in. Halani ai do ase ihatahon Tuhan Jesus: “Laho ma
hanima, ambilankon hanima ma Ambilan Na Madear in hubani sagala
na tinompa”. (Markus 16:15).

Parholong ni atei do Naibata bani dunia on, pala do Anak-Ni na
sasada in iberehon, ase ulang magou sagala na porsaya Bani, tapi ase
dapotan hagoluhan na sadokah ni dokahni. (Johannes 3:16).

3. SUNGKUN-SUNGKUN PAKON PANJALOON :
Paragenda : Ham (nasiam) hasoman na sihol gabe anggota parguru tardidi!
Ipangindo uhurmu (nasiam) ase masuk ham (nasiam) hubagas kuria ni
Tuhanta. Pangindoan na madear do tongon pangindoanmu (nasiam)
ai, ai marisi haluahon na sadokah ni dokahni do jumpah hunjai, asal
ma ihabujurhon ham (nasiam) manramotkon harosuh ni uhur-Ni.
Malas do uhur-Ni pakon uhur ni kuria on manjalo ham (nasiam) gabe
anggota parguru i kuria on, ase saor ham (nasiam) hubani Tuhanta
ampa hubani kuria-Ni.

Ase balosi ham (nasiam) ma sungkun-sungkun on:

1. Iparhatongon uhurmu do, paboa Tuhan Jesus Kristus do dalan
hu hagoluhan?

2. Sirsir do ham mangguruhon hata ni Naibata, ase ibotoh ham
na ija na madear pakon na masambor domu hubani harosuh ni
Naibata?

120

3. Ipangindo uhurmu do sihol mananda Naibata Parholong in
janah sihol do ham jaloon masuk hu hagoluhan na sadokah ni
dokahni?

4. Ra ma ham jaloon gabe anggota parguru tardidi i kuria on?

Anggo bulat ma uhurmu mangakuhon haganupan ai, hatahon ham

(nasiam) ma balosmu: (Eak, sonai do bulat ni uhurhu)

Anggo sonai mamungkah sadarion ijalo hanami ma ham (nasiam)
gabe anggota persiapan i kuria on.

Guruhononmu ma hata ni Naibata pakon aturan i kuria on, ase ibotoh
ham (nasiam) hasintongan ni hata ni Naibata. Marhitei Pandidion
Napansing na tinaktakhon ni Tuhan Jesus Kristus hubani halak na
porsaya, na sihol jaloonmu, ipatotap ma ham (nasiam) gabe halak
Kristen.

Pungkah ham (nasiam) ma humbani sadari on mangkagoluhkon goluh
na baru romban hubani na sinobut nongkan.

Hita haganupan hasoman sa-kuria on!

Patut do marmalas ni uhur hita halani na dob tarjalo hasomanta on
gabe anggota persiapan i kuria on. Tonggohon hita ma ia (sidea), ase
ihabujurhon parguruanni, janah manggoluh ia (sidea) ibagas harosuh
ni uhur-Ni Tuhanta.

4. TONGGO :

Paragenda : Martonggo ma hita!

Ham Tuhan Naibata, Paridop ni uhur na tarsulur. Ididah Ham do
hasomannami na sihol masuk hu bagas kuria-Mu. Tarima kasih ma
Bamu, halani na dob iungkab Ham do labah hamasukan hubani
hasomannami on. Sai maidop ma uhur-Mu, parorot janah pasu-pasu
Ham ma ia (sidea) ase sompat saud mananda holong ni uhur-Mu na
banggal in, janah masuk hu bagas kuria-Mu Napansing in. Sai ajari
janah togu-togu Ham ma ia (sidea) sonai age hanami haganupan na
martumpu ijon, mangihutkon harosuh ni uhur-Mu sadokah manggoluh
hanami i tanoh on. Amen.

(Isalam Paragenda ma na tarjalo ai)

DODING :

…………..
…………..

121

KEBAKTIAN

PANDIDION DAKDANAK

VOTUM :

…………
…………

1. PENGANTAR :

Pandita : Sonari masukanta ma panorang Sakramen Pandidion Napansing.
Halani ai naontang ma nasiam na sihol padidihon ase roh hu lobei on.
(Dob roh janah jongjong i lobei na padidihon, mandoding ma kuria)

2. DODING :

3. ONJOLAN NI PANDIDION :

Pandita : Nasiam hasoman na sihol padidihon dakdanak on.
Tangihon nasiam ma lobei hata ni Tuhan Jesus na tarsurat bani Mateus
28:18-20, na mangkatahon: “Domma ondos Bangku sagala kuasa na
i nagori atas ampa na i tanoh on. Laho ma hanima, podahi hanima
ma sagala bangsa, ase gabe susian-Ku sidea, anjaha didi hanima ma
sidea hu bagas Goran ni Bapa, Anak ampa Tonduy Na Pansing. Ajari
hanima ma sidea mangkorjahon sagala na dob Hutitahkon bannima”.
Bani Markus 16:16, ihatahon Tuhan Jesus do homa: “Na porsaya
anjaha tardidi dapotan haluahon, tapi na so porsaya hona uhum do!”

Ase tonah ampa parentah ni Tuhan Jesus ai do na nidalankonta
bani panorang on. Ai na tardidi ibagas Goran ni Jesus, hu bagas
hamateian-Ni ai do ia tardidi, janah na dob tartanom do ia rap pakon-
Si, ase songon Kristus na dob pinapuho humbani na matei mahitei
hasangapon ni Bapa-Ni, sonai ma hita na dob tardidi mardalan ibagas
goluh na baru (Rom 6:3-4). Halani hu bagas sada Tonduy do hita
tardidi, gabe sada badan do hita ibagas Kristus. Na tardidi marulih
bani hasasapan ni dousa pakon manjalo sibere-bere ni Tonduy Na
Pansing.

Bani nasiam pakon bani anak nasiam do bagah-bagah in. Ai tarsurat
do bani Markus 10:14b-16: “Paturut hanima ma dakdanak in roh
hu Bangku, ulang pandang hanima sidea, ai bani halak sisonin do
Harajaon ni Naibata. Na sintong do hatang-Kon bannima, na so

122

manjalo Harajaon ni Naibata songon dakdanak, seng anjai masuk
ia hujai. Jadi irohop ma sidea anjaha itampeihon ma tangan-Ni bani
sidea, laho mamasu-masu sidea”.

4. HATA HAPORSAYAON :

Pandita : Anggo sonai, saksihon nasiam ma haporsayaonta in rap pakon
kuria on.

Riap ma hita jongjong! Saksihon hita ma haporsayaonta in songon
na sinaksihon ni haganup halak na porsaya bani sab tanoh on!

Pandita+

Kuria : Ahu porsaya bani Naibata Bapa… (pakon sambatni)
(Dob manaksihon haporsayaon, hundul ma kuria, tapi totap do
jongjong na laho padidihon ai).

5. SUNGKUN-SUNGKUN AMPA PANGAKUAN :
Pandita : Domma itangar nasiam hata ni Naibata domu hubani Pandidion,
janah domma homa isaksihon nasiam haporsayaonta in, ase sonari
balosi nasiam ma sungkun-sungkun on:

1. Ipindo uhur nasiam do sonari didion dakdanak on hu bagas na
hinaporsayaan nasiam ai? Ipindo uhur nasiam do?

(Balos: Ipindo uhurnami do)

2. Ra do nasiam mamboan janah marsuruhsi (sidea) hu Gareja laho
mangguruhon hata ni Naibata, ase gabe pagori na manggoluh ia
(sidea) bani Tuhan Jesus Kristus? Ra do nasiam?
(Balos: Ra do hanami)

3. Ra do nasiam mangajari, mamodahi pakon pauli-ulihon
haporsayaon ni dakdanak on ase ibotoh anjaha iihutkon (sidea)
hata ni Naibata? Ra do nasiam?

(Balos: Ra do hanami)

4. Bulat ni uhur nasiam do mangondoskon dakdanak on hubani
Naibata pakon mandalankon pangakuan nasiam ai? Bulat ni
uhur nasiam do?

(Balos: Bulat ni uhurnami do)

Ase na marpadan do nasiam sonari pakon Naibata i lobei-lobei ni
kuria on, sai bujur ma nasiam mandalankon ai.

6. PANDIDION NAPANSING :

Anggo sonai, didi hita ma dakdanak on maronjolan hubani na hinaporsayaanta ai.
Ham ...... (isobut goran pakon morgani), hudidi ma ham hu bagas Goran ni Naibata
Bapa pakon Tuhan Jesus Kristus ampa Tonduy Na Pansing, Amen.
(Itampeihon Pandita ma tangan siamunni hubani simanjujung ni dakdanak ai, anjaha
nini ma:)

Sai iparorot Tuhan Naibata ma ham humbani parmasukmu on nari hu bagas harajaon-

Ni ronsi sadokah ni dokahni. Amen.

123

7. DODING :
8. TONGGO :

Pandita : Martonggo ma hita.

Ham Tuhan Naibata Bapanami marhitei Jesus Kristus Tuhannami.
Domma iondoskon hanami (haganup) dakdanak on hu Bamu. Porsaya
do hanami domma ijalo Ham ia (sidea) gabe anak-Mu marhitei
Pandidion Napansing in, ase masuk ia (sidea) hu bagas kuria-Mu
anjaha gabe pagori na manggoluh ia (sidea) i tanoh on janah panean
bani hagoluhan na sadokah ni dokahni. Papansing janah pasu-
pasu Ham ma ia (sidea) ase manggoluh, magodang anjaha matoras
ibagas haporsayaon hu Bamu. Maidop ma uhur-Mu bani namatoras
ni dakdanak on, pargogohi janah ajari Ham ma sidea manogu-nogu
dakdanak on hu Bamu ase rap sidea parsimada bani harajaon-Mu.
Amen.

(mulak ma na padidihon bani hundulanni sidea)

DODING :

………...........
………...........

124

KEBAKTIAN

PANDIDION NA MAGODANG

VOTUM :

……………............
……………............

HATA HAPORSAYAON :

1. PENGANTAR :

Pandita : Sonari masukanta ma panorang Sakramen Pandidion Napansing.
Halani ai naontang ma ham (nasiam) na sihol tardidi riap pakon
namatorasni atap na mewakili jongjong hu lobei on.

(Dob jongjong na sihol tardidi ai ampa namatorasni atap na mewakili,
mandoding ma kuria)

2. DODING :

3. ONJOLAN NI PANDIDION :

Pandita : Ham (nasiam) hasoman na sihol tardidi.

Tangihon ham (nasiam) ma lobei hata ni Tuhan Jesus na tarsurat
bani Mateus 28:18-20 na mangkatahon: “Domma ondos Bangku
sagala kuasa na i nagori atas ampa na i tanoh on. Laho ma hanima,
podahi hanima ma sagala bangsa, ase gabe susian-Ku sidea, anjaha
didi hanima ma sidea hu bagas Goran ni Bapa, Anak ampa Tonduy
Na Pansing. Ajari hanima ma sidea mangkorjahon sagala na dob
Hutitahkon bennima”. Dob ai bani Markus 16:16 ihatahon Tuhan
Jesus do homa: “Na porsaya anjaha tardidi dapotan haluahon, tapi na
so porsaya hona uhum do!”

Ambah ni ai, tarsurat do homa bani Rom 6:3-4: “Na tardidi ibagas
Goran ni Jesus, hu bagas hamateian-Ni ai do ia tardidi, janah na dob
tartanom do ia rap pakon-Si, ase songon Kristus na dob pinapuho
humbani na matei marhitei hasangapon ni Bapa-Ni, sonai ma hita na
dob tardidi mardalan ibagas goluh na baru”.

Marhitei pandidion in, ipasirsir Naibata do hasasapan ni dousa
pakon goluh na baru ampa goluh sisadokah ni dokahni. Halani ai
haganup hita na dob manggoluh ibagas dousa halani hagalekon ampa

125

panlanggaronta bani hata ni Naibata, iontang do ase masuk hu bagas
Harajaon ni Naibata laho manjalo hasasapan ni dousa ampa haluahon
marhitei Pandidion Napansing. Halani hu bagas sada Tonduy do hita
tardidi, gabe sada badan do hita ibagas Kristus. Na tardidi marulih
bani hasasapan ni dousa janah manjalo sibere-bere ni Tonduy Na
Pansing anjaha parsimada bani hagoluhan na sadokah ni dokahni.

4. SUNGKUN-SUNGKUN AMPA PANGAKUAN :

Pandita : Domma itangar ham (nasiam) hata ni Naibata domu hubani pandidion.

Sonari balosi ham (nasiam) ma sungkun-sungkun on:

1. Porsaya do ham bani Naibata Bapa, Anak pakon Tonduy Na
Pansing domu hubani na dob ginuruhonmu (nasiam)? Porsaya
do ham (nasiam)?

(Balos: Porsaya do ahu)

2. Porsaya do ham (nasiam) bani Tuhan Jesus Kristus, Anak ni
Naibata na roh hu tanoh on, na matei bani hayu pinarsilang
ase maluah hita humbani dousa pakon gomgoman ni sibolis?
Porsaya do ham (nasiam)?

(Balos: Porsaya do ahu)

3. Iparhatongon uhurmu do pardousa ham humbani partubuhmu
pakon marhitei panlanggaronmu bani hata ni Naibata? Iparha-
tongon uhurmu do?

(Balos: Iparhatongon uhurhu do)

4. Ra do ham (nasiam) manrotapkon humbagas uhurmu haganup
dousa pakon pambahenanmu na so torsa na saindokah? Ra do
ham (nasiam)?

(Balos: Ra do ahu)

5. Ra do ham (nasiam) ringgas marpardomuan pakon Naibata janah
marparsaoran pakon hasoman sahaporsayaon anjaha manaksihon
haporsayaon na sintong in marhitei na mangkagoluhkon hata-
Ni? Ra do ham (nasiam)?

(Balos: Ra do ahu)

6. Ra do ham (nasiam) didion hu bagas na hinaporsayaanmu ai?
Ra do ham (nasiam)?

(Balos: Ra do ahu)

Ase na marpadan do ham (nasiam) sonari pakon Naibata i lobei-lobei
ni kuria on. Sai bujur ma ham (nasiam) mandalankon ai. Anggo sonai,
saksihon ham (nasiam) ma haporsayaonta in, songon na sinaksihon ni
haganup halak na porsaya bani sab tanoh on.

(Na sihol tardidi riap pakon namatorasni atap na mewakili
manaksihon haporsayaon)

126

Na sihol tardidi +

Namatorasni/Na-

Mewakili : Ahu porsaya bani Naibata Bapa... (pakon sambatni)

5. PANDIDION NAPANSING :

Pandita : Anggo sonai, didion ma ham (nasiam) sonari maronjolan hubani na
hinaporsayaanmu ai.

(manowod ma na sihol tardidi)

Ham ..... (isobut goran pakon morgani) hudidi ma ham hubagas Goran ni
Naibata Bapa pakon Tuhan Jesus ampa Tonduy Na Pansing, Amen.
(Itampeihon Pandita ma haduasi tanganni hubani simanjujung ni na
tardidi ai, anjaha nini ma:)

Sai iparorot Tuhan Naibata ma ham humbani parmasukmu on nari hu
bagas harajaon-Ni ronsi sadokah ni dokahni, Amen.

6. DODING :

7. HATOTAPAN GABE ANGGOTA SIDI :

Pandita : Ham (nasiam) na baru tardidi. Patut do mangkatahon tarima kasih
ham (nasiam) hu bani Naibata humbani gok ni uhurmu halani
haganup idop ni uhur pakon holong atei ni Naibata hu bamu. Domma
ibotoh ham (nasiam) bahasa seng be magou ham (nasiam) halani
dousamu, asal ma totap ham (nasiam) bani hasadaon pakon Tuhan
Jesus. Marhitei Pandidion Napansing, Naibata domma mambahen
ham (nasiam) gabe pagori ni Kristus Jesus, Ulu ni kuria in. Halani
ai, gabe anggota Sidi ma ham (nasiam) i kuria ni Tuhan, anjaha rap
pakon haganup na porsaya, gabe sada angkula do hita laho manjalo
Parpadanan Napansing. Ase haringgaskon ham (nasiam) ma laho
marhasadaon, marsaksi ampa mangidangi i tongah-tongah ni kuria
ampa dunia on.

8. TONGGO :

Pandita : Martonggo ma hita!

Ham Bapanami paridop ni uhur. Martarima kasih do hanami sonari
hu Bamu halani na dob ijalo Ham hasomannami on gabe anak-Mu
marhitei Pandidion Napansing in. Maidop ma uhur-Mu, sai patotap
Ham ma haporsayaonni, ase haganup goluh ampa parlahouni gabe
puji-pujian bani goran-Mu. Sai ramoti Ham ma ia (sidea) ase ulang
magou, tapi ase parrupei bani hagoluhan na sadokah ni dokahni
marhitei Jesus Kristus Tuhannami. Amen.

DODING :
………...........
………...........

127

KEBAKTIAN

PANDIDION BANI NA TAROLOS

Pandita : Ibagas Goran ni Naibata Bapa pakon Tuhan Jesus Kristus ampa
Tonduy Na Pansing Sitompa langit pakon tanoh on. Amen.

Sungkun-sungkun

Nasiam na hinaholongan ni Tuhanta Jesus Kristus!

Ipindo uhur nasiam do didion dakdanak on hubagas Goran ni Naibata Bapa pakon
Tuhan Jesus Kristus ampa Tonduy Na Pansing?

(Balosni: Ipindo uhurnami do)

Pandidion

Ham…………..! Hudidi ma ham hu bagas Goran ni Naibata Bapa pakon Tuhan Jesus
Kristus ampa Tonduy Na Pansing. Amen.

Pandita : Martonggo ma hita!

Ham Jahowa, Naibata Paridop ni uhur, Bapanami ibagas Jesus Kristus
Tuhannami. Ibotoh hanami na dohor do Ham i lambung ni sagala na
porsaya na mandilo Goran-Mu janah itangihon Ham do sidea. Tarima
kasih ma Bamu halani domma parsimada dakdanak on bani harajaon-
Mu. Pangindoannami bere Ham ma hamalumon bani dakdanak on,
janah ondos hu tangan-Mu ma ia manggoluh barang matei. Ambah
ni ai patotap Ham ma haporsayaonni namatorasni pakon ganup
sindohorni ase tongtong martenger ni uhur hu-Bamu. Amen.

Riap ma hita martonggo marhitei tonggo na niajarhon ni Tuhan Jesus
hubanta!

Ham Bapanami na i nagori atas. Sai na papansing ma Goran-Mu. Sai
roh ma harajaon-Mu. Sai saud ma harosuh ni uhur-Mu i nagori tongah
on songon na i nagori atas. Bere Ham ma bannami sadari on hagoluhan
ari-ari. Sasap Ham ma dousanami songon panasapnami bani dousa ni
hasoman na mardousa dompak hanami. Ulang hanami bobai Ham
hu parlajouan. Paluah Ham ma hanami humbani pangagou. Ai Ham
do simada harajaon, pakon hagogohon, ampa hasangapon sadokah ni
dokahni. Amen.

Idop ni uhur ni Tuhanta Jesus Kristus, pakon holong ni atei ni Naibata
Bapa, ampa parsaoran ni Tonduy Na Pansing ma mangkasomani
nasiam (hita) haganupan. Amen.

128

KEBAKTIAN

MANAKSIHON HAPORSAYAON

1. VOTUM :
……………….
……………….

2. HATA HAPORSAYAON :

3. DODING : (Sanggah mandoding on, jongjong ma na sihol Manaksihon pakon Namatorasni)

Pandita : Nasiam hasoman sakuria on!

Ididah nasiam do niombahta on jongjong nuan ijon na tardidi sanggah
dakdanak ope sidea. Sanggah pandidion ai marpadan do orangtuani
laho mangajari pakon mamodahi, mamboan hu Gareja janah
marsuruh sidea mangguruhon hata ni Naibata. Domma marhorja
Tuhan ibagas diri ni sidea, sonari sihol luarhonon janah saksihononni
ma haporsayaon ni sidea. Tuhanta mangkatahon: Ai sagala na
manaksihon Ahu i lobei ni jolma, saksihonon-Ku do ai i lobei ni
Bapa na i nagori atas ai, tapi sagala na marnalang Ahu i lobei ni jolma,
parnalangonku do ai i lobei ni Bapa na i nagori atas ai (Mateus 10:32-
33). Ai maluah ma ham, anggo isaksihon ham marhitei pamanganmu
Tuhan Jesus, anjaha ihaporsayai ham ibagas uhurmu, na dob ipuhoi
Naibata Ia humbani na matei. Ai marhitei uhur do halak porsaya
laho hu hapintoron, anjaha marhitei pamangan manaksihon laho hu
haluahon. (Rom 10:9-10).

Nasiam namatorasni sidea na laho manaksihon on!

Ididah nasiam do niombahnasiam, hinaholongan ni uhurnasiam
jongjong ijon. Patut do mangkatahon tarima kasih nasiam parlobei
hubani Naibata halani haganup idop ni uhur-Ni na sain dokah, ai
ipagoluh do sidea ronsi sonari janah saud ibotoh sidea hata ni Naibata
pakon dalan hu hagoluhan. Anjaha patut do ingaton nasiam sadari
on haganup pambahenan nasiam na hurang dompak niombah nasiam
on. Ibere Naibata do sidea bani nasiam ase itogu-togu anjaha iajari
nasiam sidea mangihutkon hata ni Naibata janah mangkagoluhkonsi.
Iajari janah itonggohon nasiam do sidea humbani na dob in,
ase sintong mangihutkon Tuhan in? Bani haganupan hurang ni

129

pambahenan nasiam dompak sidea, patut unduk uhurnasiam dompak
Naibata ibagas tonggo, mansopotkon haganupan ai. Sonari na bere
ma panorang bani nasiam laho mansopotkon haganupan ai.

… … … Saat Teduh………

Nasiam na sihol manaksihon haporsayaon!

Na jongjong do nasiam sonari i lobei ni Naibata na mangidah torus
hu bagas uhurmu pakon i lobei ni kuria on. Domma ibotoh nasiam
harosuh pakon hagigi ni Naibata, seng tarbahen nasiam be marsidalian
bani ari paruhuman in. Anggo idingat nasiam pargoluhan nasiam ari-
ari na dob salpu in, patut do mangkatahon tarima kasih nasiam hubani
Naibata halani haganup idop ni uhur-Ni. Anjaha anggo idingat nasiam
pambahenan nasiam dompak namatoras nasiam, ronsi haganupan
dousanasiam, patut do marunduk ni uhur nasiam mardingat ai. Boan
nasiam ma haganupan ai hubani Tuhan Jesus, ase isasap marhiteihon
ni daroh-Ni, na madurus mangkopkop pardousa na mansopotkon
dousani. Paubah nasiam ma uhurnasiam anjaha pungkah nasiam
ma pangabak na bayu humbani sadarion, ase tardalani nasiam dalan
haluahon in, dalan hu hagoluhan na sadokah ni dokahni. Bani haganup
hahurangan pakon dousanasiam ai, nabere ma panorang bani nasiam
mansopotkon ai.

… … … Saat Teduh ………

Martonggo ma hita!

Ham Bapanami, Bapa na sintong janah na manongtong. Tarima kasih
ma Bamu halani iramotkon Ham do niombahnami on humbani na
dob ni in ronsi sonari. Maidop ma uhur-Mu parmudu Ham ma ganup
sidea. Bani hurang ni pambahenannami na dob in hubani sidea, sai
sasap Ham ma ai anjaha ulang paturut Ham magou sidea halani
hahurangnami. Sasap Ham ma homa dousa na hinahorjahon ni sidea
dompak Ham, dompak namatorasni pakon dompak hasomanni jolma.
Suruh Ham ma homa Tonduy Na Pansing hu bagas uhur ni sidea
marhitei Tuhan Jesus Kristus ase ibere sidea uhurni bahen ianan-
Mu, ase gabe susian-Mu sidea humbani sonari nari ronsi sadokah
ni dokahni. Patotap Ham horja na dob pinungkah-Mu ibagas uhur
ni sidea janah parorot Ham homa hanami on haganup ase ulang hu
hamagouan tapi ase ondos ma hanami hu hagoluhan na sadokah ni
dokahni marhitei Anak-Mu Jesus Kristus Tuhannami. Amen.
(Hundul ma namatoras ni sidea)

130

Nasiam na sihol manaksihon haporsayaon!

Balosi nasiam ma na husungkunhon on bani nasiam i lobei ni Naibata pakon i lobei ni
kuria on.

1. Porsaya do ham bani Naibata Sitolu Sada, Bapa, Anak pakon Tonduy Na Pansing
sitompa janah sipaluah hita?

(Balosni: Porsaya do ahu)

2. Iparhatongon uhurmu do hata ni Naibata na tarsurat bani Padan Nabasaia pakon
Padan Nabaru songon na ginuruhonmu na sain dokah, paboa ai do hansa dalan hu
hagoluhan?

(Balosni: Iparhatongon uhurhu do)

3. Ra do ham mangkagoluhkon haporsayaon na sintong in tanda ni na dob matoras
haporsayaonmu janah ra do ham humbani gok ni uhurmu pakon bois ni gogohmu
mantaluhon haganup dousa ?

(Balosni: Ra do ahu)

4.        Ra do ham ringgas manjalo Parpadanan Napansing songon na tinonahkon ni Tuhan
        Jesus, janah ra do ham mandalankon hawajiban-hawajban bani kuria-Ni?
        (Balosni: Ra do ahu)

Ase na marpadan do nasiam sonari pakon Naibata i lobei ni kuria on, ulang ma ilanggar
nasiam padan ai. Sai bujur ma nasiam mardingat haganupan ai, ase lambin totap
haporsayaon nasiam.

(Manaksihon Haporsayaon)

Anggo sonai, saksihon nasiam ma Haporsayaonta in!
Ahu porsaya bani Naibata Bapa… (pakon sambatni)

(Dob salpu hata Haporsayaon ai, roh ma sidea sada-sada hu lobei, ihatahon Pandita

ma:)

Hata ni Naibata na gabe podah hubani…… (Isobut goran pakon morgani)

(Itampeihon Pandita ma haduasi tanganni bani simanjujung ni na manaksihon ai, irik
ihatahon:)

Jalo ham ma pasu-pasu humbani Tuhan Naibata Bapa, pakon Tuhan Jesus Kristus ampa
Tonduy Na Pansing. Ipargogohi ma ham mangkagoluhkon hata-Ni pakon mantaluhon
dousa. Amen.

4. DODING : (Doding khusus janah jongjong ma haganup na baru Manaksihon ai)

Pandita : Nasiam na hinarga ni Naibata!

Harga tumang do nasiam itobus, halani ai pasangap nasiam ma
Naibata marhitei goluhnasiam. Paroroton-Ni do nasiam mantaluhon

131

sagala pangagou, asal ma totap nasiam marhaporsayaon hubani
Naibata. Domma gabe hasoman sapanganan nasiam bani Parpadanan
Napansing in anjaha parrupei ma nasiam bani hagoluhan na sadokah
ni dokahni. Gabe anggota sidi ma nasiam i kuria on janah masuk
hubani Seksi Pemuda GKPS.

Martonggo ma hita!

Ham Bapanami na i nagori atas, sai maridop ni uhur ma Ham
mangidah sidea on na dob niondoskon hu Bamu. Sai parorot Ham ma
sidea marhitei Tonduy Na Pansing, sai patotap Ham ma sidea bani
padan na dob niakuhon ni nongkan. Sai papansing Ham ma sidea
ibagas hata-Mu, ase taridah haporsayaon ni sidea hunjon hunjanan
marhiteihon pangabak na madear. Pargogohi janah pamonang Ham
sidea manaksihon pakon pasangapkon Ham bani goluhni ibagas Jesus
Kristus Tuhannami. Amen.

(Dob ai iondoskon ma sidea hubani Pengurus Seksi Pemuda tiba
Pimpinan Majelis Jemaat)

5. DODING :

6. AMBILAN :

132

KEBAKTIAN

PARPADANAN MARHAJABUAN

1. VOTUM :

Paragenda : Riap ma hita jongjong!

Ibagas Goran ni Naibata Bapa pakon Tuhan Jesus Kristus ampa
Tonduy Na Pansing, Sitompa langit pakon tanoh on. Amen

2. INTROITUS :

Paragenda : (Basaon ma salah sada ayat na i toruh on:)

1. Anjaha Jahowa do na mardalan i lobei ni sidea arian marhitei
hombun na jongjong mambobahon sidea i dalan ai, ia borngin
marhitei apuy na jongjong bahen suluh bani sidea, ase boi sidea
mardalan arian pakon borngin. (2 Musa 13:21)

2. Jahowa do saksi ni parpadanan na binahenmu ampa naboru bani
haposoonmu. (Maleaki 2:14).

3. Ai seng tarpauli onjolan na legan, sobali na dob pinajonam in, ai
ma Jesus Kristus in. (1 Korint 3:11)

4.        Anjaha pakei nasiam ma jolma na baru, na tinompa usih hubani
        Naibata, ibagas hapintoran ampa hapansingon na botul. (Epesus
        4:2)

5. Anjaha sagala horjanasiam, marhitei hata atap pambahenan,
horjahon nasiam ma haganup in ibagas Goran ni Tuhan Jesus,
anjaha martarimakasih bani Naibata, Bapa in, marhitehon-Si.
(Kolosse 3:17)

Martonggo ma hita! (Basaon ma sada humbani Tonggo na i toruh on:)

1. Ham Tuhan Naibata, paridop ni uhur na tarsulur. Tarima kasih ma isombahkon
hanami hu Bamu, halani iramoti Ham do hanami na saindokah ronsi sadari on.
Roh do hanami pakon sidea na laho mangadongkon parpadanan marhajabuan i
lobei-Mu.Ase patotap anjaha pasu-pasu Ham ma padan ni sidea na dua on marhitei
pangkaholongi-Mu. Urupi anjaha parmaloi Ham ma sidea, ase totap manggolom
padan ni sidea ronsi ujung ni pargoluhan ni sidea. Balosi Ham ma tonggonami on
halani idop pakon holong ni atei-Mu. Amen

2. Ham Tuhan Naibata, pargogoh na so tarimbang, tarima kasih ma Bamu, halani
ipatorsa anjaha iparmudu-mudu Ham do goluhnami das hubani sadari on. Ham
Jesus Kristus onjolan ni hagoluhannami, roh do hasomannami on hu lobei-Mu,

133

laho marpadankon holongni uhur ni sidea na dua. Pasu-pasu anjaha patotap Ham
ma padan ni sidea in, ase ihagoluhkon sidea in bani pargoluhon ni sidea rombang.
Bere Ham ma uhur na torang, ase boi ilembangi haganup na boi parsedahon totap
ni holong ni uhur ni sidea na dua. Balosi Ham ma tonggonami on, ibagas Goran ni
Anak-Mu Tuhan Jesus Kristus Tuhannami. Amen.

3. DODING :

4. PARPADANAN :

Paragenda : a. (Sungkunon ma na marpadan pakon keluarga ni sidea, antara

lain:)
Ham…… (Sidalahi/Sidaboru)

1.        Humbani bulat ni uhurmu pakon malas ni uhurmu sandiri do sihol
        mambahen parpadanan marhajabuan pakon si …… on?
        (Balosni: Humbani bulat ni uhurhu do)

2.        Sirsir do ham marsihaholongan, marsianjuan ampa marsibalosan
        sadokah manggoluh nasiam rombang, janah na so boi sirang anggo
        lang sinirangkon ni hamateian?

(Balosni: Sisir do ahu)

3. Sonaha, lang dong padanmu hubani naboru/dalahi na legan, domu
hubani parrumahtanggaon?

(Balosni: Lang dong be)

Nasiam namatoras ni …… (Sidalahi/Sidaboru)

Lang dong be padan ni niombah nasiam on dompak naboru/dalahi na
legan domu hubani partongahjabuan, janah lang dong be sangkatni
niombah nasiam on manjalo pasu-pasu partongahjabuan?
(Balosni: Lang dong be)

b. Mambasa pakon manandatangani Surat Parpadanan.

5. DODING :

6. AMBILAN :
7. DODING : (Irik patumpu galangan)

8. TONGGO PANUTUP - TONGGO RIAP - PASU-PASU :
Paragenda : Ham Tuhan Naibata Bapanami, pardear layak na tarsulur. Tarima
kasih ma Bamu, domma saud marpadan sihol marhajabuan sidea on
i lobei-Mu. Tangkas do itandai anjaha iahapkon hanami parmudu-
mudu-Mu bani goluhnami. Tanda ni tarima kasih nami hu Bamu, ijon
ipatumpu hanami do galangannami hu Bamu. Goki anjaha pasu-pasu

134

Ham ma in, ase talup gabe galangan na misbou i lobei-Mu, anjaha
gabe hasangapon bani goran-Mu. Jalo Ham ma hanami ibagas Jesus
Kristus Tuhannami.

Riap ma hita martonggo marhitei tonggo na niajarhon ni Tuhan Jesus
Kristus hubanta:

Ham Bapanami na i nagori atas…… (pakon sambatni)

Pasu-pasu : Idop ni uhur ni Tuhan Jesus Kristus pakon holong ni atei ni Naibata
Bapa ampa parsaoran ni Tonduy Na Pansing ma mangkasomani
nasiam (hita) haganup. Amen.

9. TUGAH - TUGAH : (Pasal panorang, ianan pamasu-masuon, pnl.).

135

KEBAKTIAN

PAMASU-MASUON MARHAJABUAN

1. VOTUM :

Paragenda : Riap ma hita jongjong!

Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing, sitompa langit pakon tanoh on. Amen.

(Basaon ma sada ayat na i toruh on:)

1. Martuah ma ganup na mangkabiari Jahowa, na mardalan bani

dalan-Ni (Psalmen 128:1).

2. Tapi halak na martenger ni uhur bani Jahowa jumpahan gogoh
mardapot-dapot, anjaha marhabong ni haluhuy do sidea naik.
(Jesaya 40:31a).

3. Tapi Naibata, Simada pangarapan in ma manlayak-layakhon
bani nasiam hagogok ni malas ni uhur ampa damei marhitei
haporsayaon, ase lambin tambah nasiam marpangarapan
marhitei gogoh ni Tonduy Na Pansing. (Rom 15:13).

4. Marsibalosan ma nasiam, ibagas biar mangidah Kristus! (Epesus

5:21).

5. Anjaha damei ni Kristus ma manrajai nasiam, ai hujin do nasiam
tardilo gabe sada angkula. Gabe sipartarima kasih ma nasiam.
(Kolosse 3:15).

Martonggo ma hita!

Ham Tuhan Naibata, Bapanami marhitei Jesus Kristus Tuhannami.
Ham do na manaktakkon partongahjabuan. Roh do hasomannami on
hu Bamu mangindo pasu-pasu. Ase patotap Ham ma partongahjabuan
ni sidea marhiteihon pangkaholongi-Mu. Rajai Ham ma sidea marhitei
Tonduy Na Pansing, ase mamungkah janah mardalan ibagas damei
partongahjabuan ni sidea on. Balosi Ham ma tonggonami on, halani
idop pakon holong ni atei-Mu. Amen.

2.        DODING :
3.        AMBILAN :
4.        DODING :

5. PAMASU-MASUON :

Paragenda : (Jongjong ma sidea na laho manjalo pasu-pasu marhajabuan ai)

136

Tangihon nasiam ma hata ni Naibata pasal na marhajabuan bani
halak Kristen, ai nini do: “Seng dear jolma in punjung, Hubahen ma
bani sada pangurupi, gabe parangguanni” (1 Musa 2:18). Halani ai
tadingkonon ni dalahi do bapani pakon inangni, laho mangkasomani
parinangonni, gabe sada daging ma sidea (1 Musa 2:24).

Sonon do iharosuhkon Naibata humbani dalahi. Ihaholongi
paramangon ma parinangonni songon Kristus na mangkaholongi kuria
in. Ningon maruhur ma ia mangkaholongisi. Tunggung ma bahenonni
parinangonni halani dihut do ia panean bani sibere-bere hagoluhan
na humbani Naibata (1 Petrus 3:7). Ase idalankon paramangon ma
hawajibanni hubani parinangonni (1 Korint 7:3).

Dob ai sonon do iharosuhkon Naibata humbani naboru, ihaholongi
parinangon ma paramangonni songon pangkaholongi ni Kristus
bani Kuria in. Ningon tunggung ma bahenonni paramangonni halani
dihut do ia panean bani sibere-bere hagoluhan pakon marsonang ni
uhur ma parlahou ni parinangon, ai humbani Jahowa do parinangon
na maruhur (Podah 19:15b). Ase idalankon parinangon ma homa
hawajibanni hubani paramangonni (1 Korint 7:3).

Ai ma na harga i lobei ni Naibata pakon i lobei ni jolma. Halani ai
dalankon nasiam ma hata ni Naibata: “maridop ni uhur, marhasabaron,
martoruh ni uhur, marhabasaron pakon marsianju-anjuan. Haganup
ringis ni uhur, panrisaon, marah, panorgangon pakon mapas ni
uhur, daoh ma ai humbani nasiam. Tapi iatas ni haganupan ai,
marsihaholongan ma nasiam, ai in do rahut-rahut sibanggalan na
gokan dear. Dob ai damei ni Naibata ma manrajai nasiam ibagas hata
ampa pambahenan”.

Jadi domma itangar nasiam hata pakon harosuh ni Naibata
sidalankonon ni na marhajabuan.

Husungkun ma ham…… (isobut goran pakon morga ni penganten

dalahi)

Ra do ham mangakuhon i lobei ni Naibata na mambotoh haganup,
pakon i lobei ni hasoman na martumpu ijon, na tongon do ipangindo
uhurmu si…… (isobut goran pakon morga ni penganten naboru) on
gabe parinangonmu?

Ra do ham mangkaholongisi humbani haganup gogohmu, anjaha
mamparlahouhon parlahou na pansing rap pakonsi, janah na so boi
paulakonmu barang sirangkononmu ia paima hamateian manirang
nasiam?

137

Anggo sonai do bulat ni uhurmu mangakuhon haganupan ai, hatahon
ham ma balosmu:

(Balosni: Eak sonai do bulat ni uhurhu, anjaha ra do
ahu mangkaholongisi, janah seng anjai paulakonku atap
sirangkononku ia anggo lang sinirang ni hamateian ).

Husungkun ma homa ham………(isobut goran pakon morga ni

penganten naboru)

Ra do ham mangakuhon i lobei ni Naibata na mambotoh haganup,
pakon i lobei ni hasoman na martumpu ijon, na tongon do ipangindo
uhurmu si……(isobut goran pakon morga ni penganten dalahi) on
gabe paramangonmu?

Ra do ham mangkaholongisi humbani gok ni uhurmu, pakon
mangkorjahon sagala na madear humbani haganup gogohmu, anjaha
na so boi tadingkononmu barang sirangkononmu ia paima hamateian
manirang nasiam?

Anggo sonai do bulat ni uhurmu mangakuhon haganupan ai, hatahon
ham ma balosmu:

(Balosni: Eak sonai do bulat ni uhurhu, anjaha ra do ahu
mangkaholongisi, janah seng anjai tadingkononku atap
sirangkononku ia anggo lang sinirang ni hamateian ).

(Anggo adong acara khusus tukar cincin, ondoskonon ni Pandita ma
tintin ai hubani pengantin,irik ihatahon:)

Songon tintin on na lang dong bonani anjaha lang dong ujungni, on
ma bahen nasiam na gabe tanda ni holong ni uhurnasiam na lang
marnarotap.

Anggo sonai marjabat tangan ma nasiam tanda totap ni pangakuan
nasiam!

(Sanggah marjabat tangan sidea, itampeihon Pandita ma haduasi
tanganni bani tangan ni sidea na dua janah nini Pandita ma:)

Juak-juak ni Naibata do ahu na padashon hata-Ni hubani nasiam,
ibagas Goran ni Naibata Bapa, pakon Tuhan Jesus Kristus ampa
Tonduy Na Pansing: Na pinadomu ni Naibata seng bulih sirangon ni
jolma. Amen.

(Dob ai manowod ma na marhajabuan ai, itampeihon Pandita ma
tangan ni bani simanjujung ni sidea na dua, janah nini Pandita ma:)

138

Ipasu-pasu anjaha iparorot Tuhan Naibata ma partongahjabuan
nasiam on. Ihasomani anjaha ipargogohi ma nasiam mangkagoluhkon
partongahjabuan na pansing, humbani sonari nari das hubani ujungni.
Amen.

(Dob ai jongjong ma na dob manjalo pasu-pasu marhajabuan ai)

Martonggo ma hita!

Ham Tuhan Naibata Bapanami marhitei Jesus Kristus Tuhannami.
Domma ijalo hasomannami on pasu-pasu na hun-Bamu. Pargogohi
janah ramoti Ham ma sidea mangkagoluhkon ai bani partongahjabuan
ni sidea. Ham Tuhan, dihut do hanami marmalas ni uhur halani
pamasu-masuon ni sidea on. Na mangelek ma hanami Bamu, ase
useihon Ham ma pasu-pasu-Mu hu bannami haganup. Balosi Ham
ma tonggonami on halani idop pakon holong ni atei-Mu. Amen.

6. DODING : (Patumpu Galangan)

7. TONGGO PANUTUP - TONGGO RIAP - PASU-PASU :
Paragenda : Martonggo ma hita mangondoshon galanganta hubani Naibata:
Ham Tuhan Naibata Bapanami na i nagori atas. Puji-pujian janah
tarima kasih ma sombahkononnami hu Bamu, halani domma saud
ondos pasu-pasu-Mu hubani hasomannami on. Na mangelek ma
homa hanami hu Bamu, ase patotap Ham ma partongahjabuan ni
sidea on marhiteihon panramotion-Mu ase gabe rumah tangga na
hinarosuhkon-Mu parrumahtanggaon ni sidea on. Tanda ni malas ni
uhurnami, ijon ipatumpu hanami do galangan hatarimakasihonnami
hu Bamu. Jalo janah pasu-pasu Ham ma in ase dihut in gabe parhiteian-
Mu pasaudhon horja i tongah-tongah ni kuria-Mu i dunia on. Jalo Ham
ma hanami marhitei-hitei Tuhan Jesus Kristus Tuhannami. Amen.

Riap ma hita martonggo marhitei tonggo na niajarhon ni Tuhan Jesus
hubanta:

Ham Bapanami na i nagori atas… (pakon sambatni)

Jalo nasiam ma pasu-pasu humbani Naibata:

Idop ni uhur ni Tuhan Jesus Kristus pakon holong ni atei ni Naibata
Bapa ampa parsaoran ni Tonduy Na Pansing ma mangkasomani
nasiam haganup. Amen.

139

KEBAKTIAN

PAMASU-MASUON MARHAJABUAN

NA IPADOMU PAKON KEBAKTIAN MINGGU

……………

HATA HAPORSAYAON :

ACARA KHUSUS PAMASU-MASUON MARHAJABUAN :
DODING : (Jongjong ma na laho manjalo pasu-pasu partongahjabuan)

Paragenda : Nasiam hasoman sa-kuria on.

Ididah nasiam do jongjong nuan ijon hasomanta na hinaholongan ni
uhurta. Sihol do uhur ni sidea manjalo pasu-pasu partongahjabuan
humbani Tuhanta. Paima ijalo sidea pasu-pasu ai, ningon
pabotohkonon do hubani sidea harosuh ni Naibata pasal
partongahjabuan bani halak Kristen, ase maronjolan bani hata ni
Tuhan in partongahjabuan ni sidea.

Nasiam hasoman na sihol manjalo pasu-pasu partongahjabuan,
Tangihon nasiam ma hata ni Naibata pasal na marhajabuan bani
halak Kristen, ai nini do: “Seng dear jolma in punjung. Hubahen ma
bani sada pangurupi, bahen parangguanni” (1 Musa 2:18). Halani ai
tadingkonon ni dalahi do bapani pakon inangni, laho mangkasomani
parinangonni, gabe sada daging ma sidea (1 Musa 2:24).

Sonon do iharosuhkon Naibata humbani dalahi. Ihaholongi
paramangon ma parinangonni songon Kristus na mangkaholongi
kuria-Ni. Ningon maruhur ma ia mangkasomanisi; tunggung ma
bahenonni parinangonni halani dihut do ia panean bani sibere-
bere hagoluhan na humbani Naibata (1 Petrus 3:7). Ase idalankon
paramangon ma hawajibanni bani parinangonni (1 Korint 7:3).

Dob ai sonon do iharosuhkon Naibata humbani naboru. Ihaholongi
parinangon ma paramangonni songon pangkaholongi ni Kristus bani
kuria-Ni. Ningon tunggung ma bahenonni paramangonni halani
dihut do ia panean bani sibere-bere hagoluhan pakon marsonang ni
uhur ma parlahou ni parinangon, ai humbani Jahowa do parinangon
na maruhur (Podah 19:15b). Ase idalankon parinangon ma homa
hawajibanni bani paramangonni (1 Korint 7:3).

140

Ai ma na harga i lobei ni Naibata pakon i lobei ni jolma. Halani ai
dalankonnasiammaHataniNaibata:“maridopniuhur, marhasabaron,
martoruh ni uhur, marhabasaron, pakon marsianju-anjuan.

Haganup ringis ni uhur, panrisaon, marah, panorgangon pakon
mapas ni uhur, daoh ma ai humbani nasiam. Tapi iatas ni haganupan
ai, marsihaholongan ma nasiam, ai in do rahut-rahut sibanggalan na
gokan dear. Dob ai damei ni Naibata ma manrajai nasiam ibagas hata
ampa pambahenan”.

Jadi domma itangar nasiam hata pakon harosuh ni Naibata
sidalankonon ni na marhajabuan.

Husungkun ma ham…… (isobut goran pakon morga ni penganten

dalahi)

Ra do ham mangkaholongisi humbani haganup gogohmu, anjaha
mamparlahouhon parlahou na pansing rap pakonsi, janah na so boi
paulakonmu barang sirangkononmu ia paima hamateian manirang
nasiam?

Anggo sonai do bulat ni uhurmu mangakuhon haganupan ai, hatahon
ham ma balosmu:

(Balosni: Eak sonai do bulat ni uhurhu, anjaha ra do ahu
mangkaholongisi,janahsenganjaipaulakonkuatapsirangkononku
ia anggo lang sinirang ni hamateian ).

Husungkun ma homa ham…… (isobut goran pakon morga ni

penganten naboru)

Ra do ham mangakuhon i lobei ni Naibata na mambotoh haganup,
pakon i lobei ni hasoman na martumpu ijon, na tongon do ipangindo
uhurmu si…… (isobut goran pakon morga ni penganten dalahi) on
gabe paramangonmu?

Ra do ham mangkaholongisi humbani gok ni uhurmu, pakon
mangkorjahon sagala na madear humbani haganup gogoh, anjaha na
so boi tadingkononmu barang sirangkononmu ia paima hamateian
manirang nasiam?

141

Anggo sonai do bulat ni uhurmu mangakuhon haganupan ai, hatahon
ham ma balosmu:

(Balosni: Eak sonai do bulat ni uhurhu, anjaha ra do ahu
mangkaholongisi, janah seng anjai tadingkononku atap
sirangkononku ia anggo lang sinirang ni hamateian ).

(Anggo adong acara khusus tukar cincin, ondoskonon ni Pandita ma

tintin ai hubani pengantin,irik ihatahon:)

Songon tintin on na lang dong bonani anjaha lang dong ujungni, on
ma bahen nasiam na gabe tanda ni holong ni uhur nasiam na lang
marnarotap.

Anggo sonai marjabat tangan ma nasiam tanda totap ni pangakuan
nasiam!

(Sanggah marjabat tangan sidea, itampeihon Pandita ma haduasi
tanganni bani tangan ni sidea ai, janah nini Pandita ma:)
Juak-juak ni Naibata do ahu na padashon hata-Ni hubani nasiam.
Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing: Na pinadomu ni Naibata lang boi sirangon ni
jolma. Amen.

(Dob ai manowod ma na marhajabuan ai, itampeihon Pandita ma
tangan ni bani simanjujung ni sidea na dua, janah nini Pandita ma:)

Ipasu-pasu anjaha iparorot Tuhan Naibata ma partongahjabuan
nasiam on. Ihasomani anjaha ipargogohi ma nasiam mangkagoluhkon
partongahjabuan na pansing humbani sonari nari ronsi das hubani
ujungni. Amen.

(Dob ai jongjong ma na manjalo pasu-pasu partongahjabuan ai)

Martonggo ma hita!

Ham Tuhan Naibata Bapanami marhitei Tuhan Jesus Kristus
Tuhannami. Domma ijalo hasomannami on pasu-pasu na hun-
Bamu. Pargogohi janah ramoti Ham ma sidea mangkagoluhkon ai
bani partongahjabuan ni sidea. Ham Tuhan, dihut do homa hanami
marmalasni uhur halani pamasu-masuon ni sidea on. Na mangelek
ma hanami Bamu, ase useihon Ham ma pasu-pasu-Mu hu bannami
haganup. Balosi Ham ma tonggonami on halani idop pakon holong ni
atei-Mu. Amen.

DODING :

142

KEBAKTIAN

PAMASU-MASUON

MARHAJABUAN KHUSUS

VOTUM :

Paragenda : Riap ma hita jongjong!

Ibagas goran ni Naibata, Bapa, pakon Tuhan Jesus Kristus ampa

Tonduy Na Pansing, Sitompa langit pakon tanoh on. Amen

(Basaon ma salah sada ayat na i toruh on:)

1. Ase sauhur anjaha sasora ma nasiam mamuji Naibata, Bapa ni

Tuhanta Jesus Kristus (Rom 15:6).

2. Marsipadear-dearan ma nasiam marhitei sibere-bere idop ni
uhur na jinalo ni bei songon sijolom anakkunsi na bujur bani
bagei-bagei idop ni uhur ni Naibata. (Epesus 3:17).

3.        Anjaha damei ni Kristus ma manrajai ibagas uhur nasiam, ai hujin
        do nasiam tardilo gabe sada angkula. Gabe sipartarimakasih ma
        nasiam (Kolosse 3:15).

Martonggo ma hita!

Ham Tuhan Naibata, Bapanami ibagas Jesus Kristus Tuhannami.
Tarima kasih ma Bamu bani idop ni uhur pakon holong ni atei-Mu
na marmuduhon goluhnami ari-ari. Roh do hasomannami on hu
Bamu mangindo pasu-pasu, ase holong na hun Bamu ma manrahut
sidea bani partongahjabuan ni sidea. Ase ibagas malas ni uhur ampa
ibagas hapansingon idalani sidea partongahjabuan ni sidea bahen
hasangaponni goran-Mu. Balosi Ham ma tonggo nami on, halani idop
pakon holong ni atei-Mu. Amen

DODING :
AMBILAN :
DODING :

PAMASU-MASUON : (Jongjong ma na laho manjalo pasu-pasu partongahjabuan ai)
Paragenda : Paima ijalo nasiam pasu-pasu partongahjabuan na humbani Tuhanta,
tangar nasiam ma lobei hata ni Naibata pasal partongahjabuan bani
halak Kristen; nini Naibata do: “Seng dear jolma in punjung, Hubahen
ma bani sada pangurupi, bahen parangguanni” (1 Musa 2:18 ). Halani
ai tadingkonon ni dalahi do bapani pakon inangni laho mangkasomani
parinangonni, gabe sada daging ma sidea (1 Musa 2:24).

143

Halani ai, sonon do iharosuhkon Naibata humbani paramangon:
Ihaholongi paramangon ma parinangonni songon Kristus na
mangkaholongi kuria-Ni. Sonai do patut haholongan ni paramangon
parinangonnisongonangkulanisandiri(Epesus5:28).Ningonmaruhur
ma ia mangkasomanisi; tunggung ma bahenon ni parinangonni, halani
dihut do ia panean bani sibere-bere hagoluhan na humbani Naibata (1
Petrus 3:7). Ase, dalanhon ham ma hawajibanmu bani parinangonmu
(1 Korint 7:3).

Dob ai sonon do iharosuhkon Naibata humbani parinangon:

Ihaholongi parinangon ma paramangonni songon Kristus na
mangkaholongi kuria-Ni. Ningon maruhur ma ia mangkasomanisi;
tunggung ma bahenonni paramangonni, halani dihut do ia panenan
bani sibere-bere hagoluhan na humbani Naibata (1 Petrus 3:7). Ase,
dalankon ham ma hawajibanmu bani parinangonmu (1 Korint 7:3).

Ai ma na harga i lobei ni Naibata pakon i lobei ni jolma. Halani ai
hagoluhkon nasiam ma hata ni Naibata: “Sauhur ma nasiam haganup,
sapangahapan, parholong ni uhur bani hasoman, paridop ni uhur
anjaha partoruh ni uhur. Ulang ma balaskon nasiam na jahat imbang
ni na jahat, risa-risa imbang ni risa-risa, lambin mamasu-masu ma
nasiam, ai sihol teanon nasiam do pasu-pasu, ase tardilo nasiam”
(1 Petrus 3:8-9). Tapi iatas ni haganupan ai, marsihaholongan ma
nasiam, ai in do rahut-rahut sibanggalan na gokan dear. Dob ai damei
ni Naibata ma manrajai nasiam ibagas hata ampa pambahenan.

Jadi, domma itangar nasiam hata pakon harosuh ni Naibata
sihagoluhkonon ni na marhajabuan.

Husungkun ma ham…… (isobut goran pakon morga ni sidalahi)
Ra do ham mangakuhon i lobei Naibata na mambotoh haganup pakon
i lobei ni hasoman na martumpu ijon, na tongon do humbani bulat
ni uhurmu ampa humbani haganup gogohmu mangkaholongi si……
(isobut goran pakon morga ni sidaboru) na dob gabe parinangonmu
on, sadokah manggoluh ham, anjaha na so sirangkononmu barang
paulakonmu ia anggo seng halani hamateian manirang nasiam?
Anggo sonai do bulat ni uhurmu mangakuhon haganupan ai, hatahon
ham ma balosmu:

(Balosni: Eak sonai do bulat ni uhurhu. Sai na haholonganku
do ia sadokah au manggoluh, anjaha seng anjai paulakonku ia
anggo seng halani na sinirang ni hamateian)

144

Husungkun ma homa ham…… (isobut goran pakon morga ni

sidaboru)

RadohammangakuhonilobeiniNaibatanamambotohhaganuppakon
i lobei ni hasoman na martumpu ijon, na tongon do humbani bulat
ni uhurmu ampa humbani haganup gogohmu mangkaholongi si……
(isobut goran pakon morga ni sidalahi) na dob gabe paramangonmu
on, sadokah manggoluh ham, anjaha na so tadingkononmu barang
sirangkononmu ia anggo seng halani hamateian manirang nasiam?

Anggo sonai do bulatni uhurmu mangakuhon haganupan ai, hatahon
ham ma balosmu:

(Balosni: Eak sonai do bulat ni uhurhu. Sai na haholonganku do
ia sadokah au manggoluh, anjaha seng anjai tadingkononku atap
sirangkononku ia anggo seng halani na sinirang ni hamateian)

Anggo sonai marjabat tangan ma nasiam tanda totap ni pangakuan
nasiam!

(Sanggah marjabat tangan sidea, itampeihon Pandita ma haduasi
tanganni bani tangan ni sidea ai, janah nini Pandita ma:)
Juak-juak ni Naibata do ahu na padaskon Hata-Ni hubani nasiam,
ibagas Goran ni Naibata Bapa, pakon Tuhan Jesus Kristus ampa
Tonduy Na Pansing: Na pinadomu ni Naibata lang boi sirangon ni
jolma. Amen.

(Dob ai manowod ma na marhajabuan ai, itampeihon Pandita ma
tanganni hubani simanjujung ni sidea na dua, janah nini Pandita
ma :)

Ipasu-pasu anjaha iparorot Tuhan Naibata ma partongahjabuan
nasiam on. Ihasomani anjaha ipargogohi ma nasiam mangkagoluhkon
partongahjabuan na pansing on ronsi das hubani ujung ni. Amen

(Dob ai jongjong ma na manjalo pasu-pasu partongahjabuan ai)
Martonggo ma hita!

Ham Tuhan Naibata Bapanami marhitei Tuhan Jesus Kristus
Tuhannami.Dommaijalohasomannamionpasu-pasupartongahjabuan
na hun-Bamu.Pargogohijanah ramotiHam ma sidea mangkagoluhkon
ai bani partongahjabuan ni sidea. Ase lambin marsangap Ham
marhiteihon sidea. Ham Tuhan, dihut do hanami marmalas ni uhur
halani pamasu-masuon ni sidea on. Hubannami pe useihon Ham ma
homa pasu-pasu-Mu, ase lambin marmalas ni uhur hanami mandalani
ari-ari ni goluhnami bahen hasangapon ni Goran-Mu. Balosi Ham ma
tonggonami on marhitei Jesus Kristus Tuhannami. Amen.

145

DODING : (Irik patumpu galangan)

TONGGO PANUTUP - TONGGO RIAP - PASU-PASU :

Paragenda : Riap ma hita jongjong!

Martonggo ma hita mangondoskon galanganta hubani Naibata.
Ham Tuhan Naibata Bapanami na i nagori atas. Tarima kasih ma
Bamu halani domma ondos pasu-pasu-Mu hubani hasomannami
on sonai age hubannami. Patotap Ham ma partongahjabuan ni
sidea on marhiteihon panramotion-Mu, ase gabe rumah tangga na
hinarosuhkon-Mu parrumahtanggaon ni sidea. Tandani malas ni
uhurnami, roh do hanami sonari hu lobei-Mu mamboan galangan
hatarimakasihon ampa puji-pujiannami. Jalo janah papansing Ham
ma in ase dihut gabe parhiteian-Mu pasaudkon horja i tongah-tongah
ni kuria-Mu. Jalo Ham ma galangan pakon tonggonami on ibagas
goran ni Anak-Mu Jesus Kristus Sipaluah hanami. Amen.

Riap ma hita martonggo marhitei tonggo na niajarhon ni Tuhan Jesus
hubanta:

Ham Bapanami na i nagori atas…… (pakon sambatni)

Jalo nasiam ma pasu-pasu humbani Naibata:

Idop ni uhur ni Tuhan Jesus Kristus pakon holong ni atei ni Naibata
Bapa, ampa parsaoran ni Tonduy Na Pansing ma mangkasomani
nasiam haganup. Amen.

146

KEBAKTIAN PAMASUMASUON
MARHAJABUAN KHUSUS

NA IPADOMU BANI KEBAKTIAN MINGGU

.....................

HATA HAPORSAYAON :

ACARA KHUSUS PAMASU-MASUON PARTONGAHJABUAN :
DODING : (Jongjong ma na laho manjalo pasu-pasu partongahjabuan ai)

Paragenda : Nasiam hasoman sa-kuria on.

Ididah nasiam do jongjong nuan ijon hasomanta na hinaholongan ni
uhurta. Sihol do uhurni sidea manjalo pasu-pasu partongahjabuan
humbani Tuhanta. Paima ijalo sidea pasu-pasu ai, ningon pabotohkonon
do hubani sidea harosuh ni Naibata pasal partongahjabuan bani halak
Kristen, ase maronjolan bani hata ni Tuhan in partongahjabuan ni
sidea.

Nasiam hasoman na sihol marhajabuan.

Tangar nasiam ma lobei hata ni Naibata pasal partongahjabuan bani
halak Kristen: nini Naibata do: “Seng dear jolma in punjung, Hubahen
ma bani sada pangurupi, gabe parangguanni” (1 Musa 2:18). Halani ai
tadingkonon ni dalahi do bapani pakon inangni laho mangkasomani
parinangonni, gabe sada daging ma sidea (1 Musa 2:24).

Domu hujin, sonon do iharosuhkon Naibata humbani paramangon:
Ihaholongi paramangon ma parinangonni songon Kristus
mangkaholongi kuria-Ni. Sonai do patut haholongan ni paramangon
parinangonnisongonangkulanisandiri(Epesus5:28).Ningonmaruhur
ma ia mangkasomanisi; tunggung ma bahenon ni parinangonni, halani
dihut do ia panean bani sibere-bere hagoluhan na humbani Naibata (1
Petrus 3:7). Ase, dalankon ham ma hawajibanmu bani parinangonmu
(1 Korint 7:3).

Dob ai sonon do iharosuhkon Naibata humbani parinangon:

Ihaholongi parinangon ma paramangonni songon Kristus na
mangkaholongi kuria-Ni. Ningon maruhur ma ia mangkasomanisi;
tunggung ma bahenon ni paramangonni, halani dihut do ia panenan
bani sibere-bere hagoluhan na humbani Naibata (1 Petrus 3:7). Ase,
dalankon ham ma hawajibanmu bani parinangonmu (1 Korint 7:3).

147

Ai ma na harga i lobei ni Naibata pakon i lobei jolma. Halani ai
hagoluhkon nasiam ma hata ni Naibata: “Sauhur ma nasiam haganup,
sapangahapan, parholong ni uhur bani hasoman, paridop ni uhur
anjaha partoruh ni uhur. Ulang ma balaskon nasiam na jahat imbang
ni na jahat, risa-risa imbang ni risa-risa, lambin mamasu-masu ma
nasiam, ai sihol teanon nasiam do pasu-pasu, ase tardilo nasiam”
(1 Petrus 3:8-9). Tapi iatas ni haganupan ai, marsihaholongan ma
nasiam, ai in do rahut-rahut sibanggalan na gokan dear. Dob ai damei
ni Naibata ma manrajai nasiam ibagas hata ampa pambahenan.

Ase, domma itangar nasiam hata pakon harosuh ni Naibata
sihagoluhkonon ni na marhajabuan.

Husungkun ma ham…… (isobut goran pakon morga ni sidalahi)
Ra do ham mangakuhon i lobei Naibata na mambotoh haganup pakon
i lobei ni hasoman na martumpu ijon, na tongon do humbani bulat
ni uhurmu ampa humbani haganup gogohmu mangkaholongi si……
(isobut goran pakon morga ni sidaboru) na dob gabe parinangonmu
on, sadokah manggoluh ham, anjaha na so bulih sirangkononmu
barang paulakonmu ia anggo seng sinirang ni hamateian?

Anggo sonai do bulat ni uhurmu mangakuhon haganupan ai, hatahon
ham ma balosmu:

(Balosni: Eak sonai do bulat ni uhurhu. Sai na haholonganku
do ia sadokah au manggoluh, anjaha seng anjai paulakonku ia
anggo seng sinirang ni hamateian)

Husungkun ma homa ham…… (isobut goran pakon morga ni sidaboru)
RadohammangakuhonilobeiniNaibatanamambotohhaganuppakon
i lobei ni hasoman na martumpu ijon, na tongon do humbani bulat
ni uhurmu ampa humbani haganup gogohmu mangkaholongi si……
(isobut goran pakon morga ni sidalahi) na dob gabe paramangonmu
on, sadokah manggoluh ham, anjaha na so tadingkononmu barang
sirangkononmu ia anggo seng halani hamateian manirang nasiam?

Anggo sonai do bulat ni uhurmu mangakuhon haganupan ai, hatahon
ham ma balosmu:

(Balosni: Eak sonai do bulat ni uhurhu. Sai na haholonganku do ia
sadokah ahu manggoluh, anjaha seng anjai tadingkononku atap
sirangkononku ia anggo seng halani na sinirang ni hamateian)

Anggo sonai marjabat tangan ma nasiam tanda totap ni pangakuan
nasiam!

148

(Sanggah marjabat tangan sidea, itampeihon Pandita ma haduasi
tanganni bani tangan ni sidea, janah nini Pandita ma:)
Juak-juak ni Naibata do ahu na padaskon hata-Ni hubani nasiam:
Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing, na pinadomu ni Naibata lang bulih sirangon ni
jolma. Amen.

(Dob ai manowod ma na marhajabuan ai, itampeihon Pandita ma
tanganni hubani simanjujung ni sidea na dua, janah nini Pandita
ma :)

Ipasu-pasu anjaha iparorot Tuhan Naibata ma partongajabuan nasiam
on. Ihasomani anjaha ipargogohi ma nasiam mangkagoluhkon
partongajabuan na pansing ronsi das hubani ujungni. Amen.

(Dob ai jongjong ma na manjalo pasu-pasu partongahjabuan ai)
Martonggo ma hita!

Ham Tuhan Naibata Bapanami marhitei Tuhan Jesus Kristus Tuhannami.
Domma ijalo hasomannami on pasu-pasu partongahjabuan na hun-
Bamu. Pargogohi janah ramoti Ham ma sidea mangkagoluhkon
hata-Mu bani partongahjabuanni sidea. Ase lambin marsangap Ham
marhiteihon sidea. Ham Tuhan, dihut do hanami marmalas ni uhur
halani pamasu-masuon ni sidea on. Hubannami pe useihon Ham ma
homa pasu-pasu-Mu ase lambin marmalas ni uhur hanami mandalani
ari-ari ni goluhnami bahen hasangapon ni Goran-Mu. Balosi Ham ma
tonggonami on marhitei Jesus Kristus Tuhannami. Amen.

DODING :

AMBILAN :

149

KEBAKTIAN

HORJA BANGGAL NAPANSING

1. VOTUM – INTROITUS – TONGGO :

Pandita : Riap ma hita jongjong!

Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing, Sitompa langit pakon tanoh on. Amen.

(Basaon ma sada ayat na i toruh on:)

1. Paridop ni uhur anjaha pardear layak do Jahowa, nanget
manringis anjaha paridop ni uhur banggal. Seng ibahen hubanta
romban hubani dousanta, anjaha seng ibalaskon banta romban
hubani hajahatonta; Songon idop ni uhur ni bapa bani niombahni,
sonai do idop ni uhur ni Jahowa bani sagala na mangkabiari-Si
(Psalmen 103:8, 10, 13).

2.        Nini Tuhan Jesus:”Ahu do ruti hagoluhan in. Barang ise na roh
        hu Bangku, seng anjai loheian be ia, anjaha na porsaya Bangku,
        seng anjai horahan be ia” (Johannes 6:35).

3. Ihatahon Tuhanta Jesus Kristus: “Na mangankon daging-Ku
anjaha na manginum daroh-Ku dapotan hagoluhan na sadokah ni
dokahni, anjaha papuhoon-Ku do ia bani ari parpudi” (Johannes
6:54).

4.        Ai ganup hali ipangan nasiam ruti na sonin, anjaha iinum nasiam
        humbani panginuman in, parmatei ni Tuhan in do iambilankon
        nasiam, ronsi roh Ia (1 Korint 11:26).

5. Ase barang ise ibagas Kristus, na tinompa na baru ma in. Domma

salpu sisapari, tonggor ma, domma gabe na baru (2 Korint 5:17).

6. Ai ibotoh nasiam do idop ni uhur ni Tuhanta Jesus Kristus,
na bayak hinan, gabe miskin halani nasiam, ase bayak nasiam
halani sombuh-Ni ai (2 Korint 8:9).

7. Barang ise na horahan, roh ma; na marhasihol, ijalo ma bah

hagoluhan in, seng pala marpamboli (Pangungkabon 22:17b).

Martonggo ma hita!

Ham Tuhan Naibata Bapanami paridop ni uhur na tarsulur ibagas
Tuhan Jesus Kristus. Ham do sibere haluahon pakon hagoluhan na
sadokah ni dokahni marhitei Anak-Mu Jesus Kristus Tuhannami, na

150

sirsir manggalangkon diri-Ni mangkopkop hanami pardousa. Bani
na ijalo hanami Parpadanan Napansing on, maidop ma uhur-Mu
hubannami. Tonduy-Mu Na Pansing in ma mambuha uhur ampa na
patotapkon haporsayaonnami ase lambin martenger ni uhur hanami
hubani Jesus Kristus na mangkopkop hanami. Amen.
(hundul kuria)

2.        DODING :
3.        AMBILAN :
4.        DODING :

5. SUNGKUN-SUNGKUN :

Pandita : Hita ganup na hinarga ni Naibata, iparsinta hita sonari manjalo
Parpadanan Napansing in. Halani ai ningon tangkas do hubanta pasal
Horja Banggal Napansing ronsi aha do ulihta hunjin. Ipasirsir Naibata
do haluahon ampa hasasapan ni dousa halani panlanggaronta bani
titah pakon hata ni Naibata marhitei pangkopkopon ni Tuhan Jesus
Kristus. Ganup halak na manolsoli dousani janah na ra paubah uhurni
anjaha na sirsir manjalo sipanganon ampa siinumon na pansing in,
parrupei do bani haluahon ampa hasasapan ni dousa ibagas Tuhan
Jesus Kristus. Iakui hita do, na gok dousa ampa hahurangan do hita i
lobei ni Naibata ampa hasoman jolma. Humbani dirinta sandiri gok
hahurangan do hita janah patut hona uhuman ni Naibata. Domu hujin
ihasiholi hita do idop ni uhur ampa hasasapan ni dousa humbani
Tuhanta. Ase roh ma hita hubani Tuhanta ibagas toruh ampa borsih ni
uhur. Halani ai pareksa hita ma hadirionta i lobei ni Tuhan in marhitei
na mambere balos bani sungkun-sungkun on.

Riap ma hita jongjong!

Pandita :

1. Iparhatongon uhurmu do pardousa ham humbani partubuhmu ampa
marhitei panlanggaronmu bani titah pakon hata ni Naibata anjaha

patut hona uhum ham marhitehon ni ai? Iparhatongon uhurmu do?

Kuria : Iparhatongon uhurhu do.

Pandita :

2. Tongon do ihoruhon janah isolsoli uhurmu dousamu ai, anjaha
tongon do ipindo ham sonari maluah ham humbani dousamu ai?
Tongon do?

Kuria : Tongon do.

Pandita :

3. Ihaposayai ham do Tuhan Jesus Kristus na dob roh hu tanoh on
paluahkon pardousa, Ia na dob matei ampa mulak manggoluh

151

mangkopkop ham, mamorsan janah manasap dousamu? Ihaporsayai
ham do?

Kuria : Huhaporsayai do.

Pandita :

4. Ihaporsayai ham do ruti pakon anggur na bani parpadanan na
pansing in, in ma na gabe parhiteian ni daging pakon daroh ni Tuhan
Jesus? Ihaporsayai ham do?

Kuria : Huhaporsayai do.

Pandita :

5. Ra do ham mangkagoluhkon hasasapan ni dousa na dob ibere
Tuhan Jesus hubamu marhitei na mangkagoluhkon goluh na baru?
Ra do ham mardear pakon halak na manunsahi uhurmu? Ra do ham
manasap dousa ni hasoman na mardousa hubamu? Ra do ham?

Kuria : Ra do ahu.

6. PANGAKUAN NI DOUSA PAKON HASASAPANNI :
Pandita : Anggo sonai, dear ma ganup hita mansopotkon dousanta:
Dousa dompak Tuhan Naibata.

............ Saat Teduh ............

Dousa dompak keluarga ampa hasoman.

............ Saat Teduh ............

Dousa dompak ganup na tinompa.

............ Saat Teduh ............

Martonggo ma hita!

Ham Tuhan Naibata, Bapanami marhiteihon Jesus Kristus, sipaluah
hanami. Iparhatongon hanami, pardousa do hanami humbani
partubuhnami nari, ampa marhitei panlanggaronnami bani hata-
Mu. Na talup do hona uhum-Mu hanami sonari pakon magira porini
ibaloshon Ham romban hubani dousanami ai. Tapi halani banggal ni
idop pakon holong ni atei-Mu ibagas Tuhan Jesus Kristus na binere-
Mu mangkopkop hanami, ai do mambahen roh hanami mangindo
hu Bamu. Maidop ma uhur-Mu bannami, jalo Ham ma hanami,
sasap Ham ma dousanami. Bere Ham ma Tonduy-Mu Na Pansing
in bannami, ase margogoh janah monang hanami mantaluhon sagala
dousa pakon mangkorjahon na romban hubani harosuh ni uhur-Mu,
sadokah goluhnami. Amen.

Riap ma hita martonggo marhitei tonggo na niajarhon ni Tuhan Jesus
hubanta!

Pandita+Kuria: Ham Bapanami na i nagori atas, sai na papansing ma goran-Mu. Sai
roh ma harajaon-Mu. Sai saud ma harosuh ni uhur-Mu i nagori tongah

152

on songon na i nagori atas. Bere Ham ma bennami sadari on hagoluhan
ari-ari. Sasap Ham ma dousanami songon panasapnami bani dousa ni
hasoman na mardousa dompak hanami. Ulang hanami bobai Ham
hu parlajouan. Paluah Ham ma hanami humbani pangagou. Ai Ham
do simada harajaon, pakon hagogohon ampa hasangapon sadokah ni
dokahni. Amen.

Pandita : Ase, nasiam na mansopotkon dousa nasiam anjaha na horahan bani
idop ni uhur ni Naibata, sai ondos ma bani nasiam na hinaporsayaan
nasiam!

Anjaha mangunsagahkon hata ni Tuhan Jesus, huluarhon hata on bani
nasiam: “Ibagas Goran ni Naibata Bapa pakon Tuhan Jesus Kristus
ampa Tonduy Na Pansing tenger ma uhurnasiam, domma sasap
haganup dousa nasiam”. Riap ma hita mangkatahon: Amen.

Pandita+Kuria: Amen !

7. DODING :

8. ONJOLAN NI PARPADANAN NA PANSING :
Pandita : Anggo sonai, paunduk hita ma uhurta, mardingat tonah pakon
manangihon hata ni Tuhan Jesus bani na pasirsirhon parpadanan na
pansing in.

Ibuat Tuhan Jesus ma ruti bani borngin sanggah na hona partahian Ia,
ihatahon ma tarima kasih, dob ai itopiki ma ai, ibere hubani susian-Ni
irik ihatahon:

(Pandita mangangkat tangan siamunni i atas ni ruti)
“Jalo nasiam ma, anjaha pangan ma, daging-Ku do on, na binerehon
mangkopkop nasiam. Bahen nasiam ma sonin gabe pardingatan
Bangku”

Dob salpu sidea mangan, ibuat ma panginuman in, ihatahon ma tarima
kasih anjaha ihatahon ma dompak sidea:

(Pandita mangangkat tangan siamunni i atas ni anggur)
“Jalo nasiam ma, ganup ma nasiam manginum hunjin, ia panginuman
on, Padan Nabaru do on, marhitei daroh-Ku, na niduruskon
mangkopkop nasiam bahen hasasapan ni dousa. Bahen nasiam ma
sonin gabe pardingatan nasiam Bangku”

(Pandita mangankon ruti pakon manginum anggur parpadanan)

153

Ase roh ma nasiam, ai domma sirsir haganup!
Dai anjaha tonggor nasiam ma dear layak ni Jahowa.
Martuah ma sagala na martenger ni uhur hu-Bani.

9. PARPADANAN NA PANSING :

(Marhasoman doding atap musik anggo adong)

(Ipilih ma sada humbani metode na i toruh on:)

1. (Anggo marsasabagian do kuria in hu lobei, hatahonon ni Pandita ma bani sidea

sanggah na mambere ruti pakon anggur:)

Pandita : Ihatahon Tuhan Jesus Kristus:

Jalo ham ma anjaha pangan ma. Daging-Ku do on, na binerehon
mangkopkop ham. In ma manramotkon pakon patotapkon
uhurnasiam mangkaporsayai-Si, ase bani nasiam hagoluhan na
sadokah ni dokahni. Amen.

Mulak ma nasiam ibagas damei!
(Boi do homa hatahonon ni Pandita sonon:)

Ihatahon Tuhan Jesus Kristus :

Daging-Ku do on na binerehon mangkopkop ham.

Daroh-Ku do on na niduruskon mangkopkop ham.

In ma manramotkon pakon patotapkon uhurnasiam mangkaporsayai-Si,
ase bani nasiam hagoluhan na sadokah ni dokahni. Amen.

2. (Anggo marnunut do kuria in sada-sada roh hu lobei, janah adong Pandita na
mambagihon ruti anjaha adong homa na mambagihon anggur, hatahonon ni sidea
bei ma sonon:)

Ihatahon Tuhan Jesus Kristus:

Daging-Ku do on na binerehon mangkopkop ham (na mambagihon ruti)
Daroh-Ku do on na niduruskon mangkopkop ham (na mambagihon anggur)

(Dob salosei haganup kuria manjalo ruti pakon anggur hatahonon
ni salah sada Pandita ma sonon:)

In ma manramotkon pakon patotapkon uhurnasiam mangkaporsayai-
Si, ase bani nasiam hagoluhan na sadokah ni dokahni. Amen.

154

3. (Anggo Majelis Jemaat do na mambagihon ruti pakon anggur marhitei na manrohi

kuria bani ianan ni bei, hatahonon ni Pandita ma sonon:)

Ihatahon Tuhan Jesus Kistus:

Daging-Ku do on na binerehon mangkopkop ham (ruti ibagihon)
Daroh-Ku do on na niduruskon mangkopkop ham (anggur ibagihon)

(Dob haganup kuria manjalo ruti pakon anggur hatahonon ni
Pandita ma:)

In ma manramotkon pakon patotapkon uhurnasiam mangkaporsayai-
Si, ase bani nasiam hagoluhan na sadokah ni dokahni. Amen.

(Dob salpu manjalo ruti pakon anggur Parpadanan iondoskon kuria

ma banggal ni uhurni hu ianan na dob ipasirsir).

10. DODING :

11. PUJI-PUJIAN PAKON HATARIMAKASIHON :

(Psalmen 34:2-5, jongjong kuria)

P         : Sai pujionku do Jahowa bani sagala panorang,
K         : Tongtong do puji-pujian-Ni ibagas pamanganku.
P         : Marhitei Jahowa do marmegah-megah tonduyhu,
K         : Ibogei halak ma madoyuk ma ai, gabe malas ma uhurni.
P         : Hasomani nasiam ma ahu pabanggalhon Jahowa,
K         : Sai rap ma hita patimbulhon goran-Ni in.

P : Hupindahi do Jahowa, anjaha ibalosi do ahu;
K : Ipaluah do ahu humbani sagala habiaranku.

P+K : Puji hita ma Jahowa, martarimakasih ma hita hu Bani. Amen.

12. DODING :

13. TONGGO DOB MANJALO HBN - PASU-PASU :

Pandita : Riap ma hita jongjong!

Martonggo ma hita!

Tarima kasih ma Bamu Tuhan bani haluahon ampa pasu-pasu-Mu na
dob ondos hu bannami. Ijon igalangkon hanami do dirinami pakon
buah ni horjanami, gabe tanda ni tarimakasihnami hu Bamu. Pasu-
pasu Ham ma galangannami on gabe parhiteian-Mu padoraskon horja

155

i kuria-Mu. Lambin pasu-pasu Ham ma goluh ampa horjanami pakon
sinadongannami bahen hasangapon ni goran-Mu, ibagas Kristus
Jesus Sipaluah hanami. Amen.

Jalo Ham ma pasu-pasu humbani Tuhan Naibata :
Idop ni uhur ni Tuhan Jesus Kristus pakon holong ni atei ni Naibata
Bapa ampa parsaoran ni Tonduy Na Pansing ma mangkasomani
nasiam haganup. Amen.

14. DODING : (Irik marsisalaman)

156

KEBAKTIAN
HORJA BANGGAL NAPANSING
BANI NA BORITAN
MODEL A

1. VOTUM - INTROITUS :

Pandita : Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing, Sitompa langit pakon tanoh on. Amen.
Nini Tuhan Jesus, “Roh ma nasiam hu Bangku, nasiam na loja anjaha
na boratan, ase Hupasonang nasiam. Jalo nasiam ma pasangan-Ku
anjaha marguru ma nasiam hu Bangku, ai na lamlam do Ahu anjaha
na toruh maruhur, ase dapotan hasonangan tonduynasiam” (Mateus
11:28-29).

2. PANGAKUAN NI DOUSA – TONGGO :

Pandita : Ham Bapa/Inang…… (Isobut goran pakon morgani) na hinaholongan
ni Tuhanta Jesus Kristus! Ipindo ham do sonari jaloonmu Parpadanan
Napansing in. Halani ai patoruh ham ma uhurmu, anjaha sopotkon
ham ma haganup dousamu hubani Tuhan Naibata, ase boi ham
manjalo Parpadanan Napansing in. Ai na mangapoh uhur anjaha
mambere gogoh hubani halak na loja pakon na galek do ase ibere
Tuhan Jesus sipanganon pakon siinumon na pansing in. Halani ai
anggo marhoru ham halani dousamu janah isopotkon ham dousamu
ai hubani Tuhan Jesus, tenger ma uhurmu jumpah ham do hasasapan
ni dousamu ai. Ai dihut do ham na hinopkop ni Tuhan Jesus marhitei
holong ni atei-Ni pakon idop ni uhur-Ni.

Ham na hinaholongan ni Tuhan Jesus Kristus!

Idop ni uhur pakon hapintoran ni Tuhan Jesus, ai ma pangunsagahkon
ham mandompakhon sitaronon pakon paruntolonmu. Halani ai,
anggo ijalo ham Parpadanan Napansing in, dihut ma ham marulih
bani hasasapan ni dousa pakon hagoluhan sisadokah ni dokahni.
Ihasomani janah iparorot Tuhan Naibata ma ham, anjaha ibere ma
Tonduy Na Pansing in patotapkon uhurmu ase marhasabaron janah
marpangarapan na manggoluh ham. Halani ai martarimakasih ma ham
hubani Tuhan Jesus Kristus na dob mambere diri-Ni hu hamateian
mangkopkop ham.
(Anggo boi ope, ibere ma panorang hubani na boritan ai mansopotkon
dousani)

157

Martonggo ma hita!

Ham Tuhan Naibata Bapanami na i nagori atas, parkuasa janah paridop
ni uhur banggal do Ham. Ididah Ham do na masa bani hasomannami
on pakon sihol ni uhurni maluah humbani dousa pakon sitarononni.
Maidop ma uhur-Mu bani, sai sasap Ham ma haganup dousani. Bere
Ham ma gogoh hubani anjaha patoguh Ham ma uhurni, ase monang ia
bani sitaronon on. Apoh Ham ma ia marhitei Tonduy-Mu Na Pansing
in janah patotap Ham ma haporsayaonni hu Bamu. Domma ibere Ham
Anak-Mu Tuhan Jesus Kristus mangkopkop hanami janah mamorsan
haganup dousanami, jadi Ia ma hagoluhannami. Ase manggoluh barang
matei pe hanami, ondos ma hu tangan-Mu ronsi sadokah ni dokahni.
Amen.

3. SUNGKUN-SUNGKUN PAKON PANOTAP :
Pandita : Ham Bapa/Inang…… (Isobut goran pakon morgani) hinaholongan
ibagas Jesus Kristus. Porsaya do ham hubani Tuhan Jesus Kristus na
dob mangkopkop janah na dob manasap dousamu? Porsaya do ham?
(Balosni: Porsaya do ahu atap Eak)

Tongon do na dob isolsoli ham haganup dousamu janah ipindo ham
hasasapanni humbani Tuhan Jesus Kristus? Tongon do?
(Balosni: Tongon do atap Eak)

Halani ai, mangunsagahkon hata ni Tuhan Jesus na mangkatahon:
“Haganupan na pinindonima bani tonggonima, sai na das do ai
bannima, asal ma porsaya hanima, maningon jaloonnima do ai”
(Markus 11:24)

Juak-juak ni Naibata do ahu na padaskon hata-Ni hu bamu:
(Pandita manampeihon tangan siamunni bani simanjujung ni na
boritan ai)

Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing, tenger ma uhurmu domma sasap haganup
dousamu. Amen.

4. ONJOLAN NI PARPADANAN NAPANSING :
Pandita : Anggo sonai paunduk ham ma uhurmu, mardingat tonah pakon
manangihon hata ni Tuhan Jesus bani na pasirsirhon Parpadanan
Napansing in.

Ibuat Tuhan Jesus ma ruti bani borngin sanggah na hona partahian Ia,
ihatahon ma tarima kasih, dob ai itopiki ma ai, ibere hubani susian-Ni
irik ihatahon:

158

(Pandita mangangkat tangan siamunni i atas ni ruti)
“Jalo nasiam ma, anjaha pangan ma, daging-Ku do in, na binerehon
mangkopkop nasiam. Bahen nasiam ma sonin gabe pardingatan
Bangku”

Dob salpu sidea mangan, ibuat ma panginuman in, ihatahon ma tarima
kasih anjaha ihatahon ma dompak sidea:

(Pandita mangangkat tangan siamunni i atas ni anggur)
“Jalo nasiam ma, ganup ma nasiam manginum hunjin. Ia panginuman
on, padan na baru do on, marhitei daroh-Ku, na niduruskon
mangkopkop nasiam bahen hasasapan ni dousa. Bahen nasiam ma
sonin gabe pardingatan nasiam Bangku”.

(Pandita mangankon ruti pakon manginum anggur parpadanan)

5. PARPADANAN NAPANSING :

Pandita : Ihatahon Tuhan Jesus: Jalo ham ma anjaha pangan ma.

(Pandita mangondoskon ruti hubani na boritan ai).

Daging-Kudoon,nabinerehon mangkopkopham.Inmamanramotkon
pakon patotapkon uhurmu mangkaporsayai-Si, ase bamu hagoluhan
na sadokah ni dokahni. Amen.

Ihatahon Tuhan Jesus Kristus: Jalo ham ma, anjaha inum ham ma.
(Pandita mangondoskon anggur hubani na boritan ai).
Daroh-Ku do on, na niduruskon mangkopkop ham bahen hasasapan
ni dousamu. In ma manramotkon pakon patotapkon uhurmu
manghaporsayai-Si, ase bamu hagoluhan na sadokah ni dokahni.
Amen.

(Dob salosei na boritan manjalo ruti pakon anggur, boi do homa
keluargani dihut manjalohon in)

Tarima kasih ma hubani Naibata, na dob mambere hasasapan ni dousa
pakon haluahon hubanta.

6. TONGGO HATARIMAKASIHON – TONGGO RIAP – PASU-PASU:

Pandita : Martonggo ma hita!

159

toguh haporsayaonnami, janah marpangarapan na manggoluh, age pe
itaron hanami na masahit bani goluhnami. Age pe mardalan hanami
bani lombang linggoman ni hamateian, seng mabiar hanami, ai Ham
do na mangkasomani pakon manogu hanami. Amen.

Riap ma hita martonggo marhitei tonggo na niajarhon ni Tuhan Jesus
hubanta:

Pandita+Kuria: Ham Bapanami na i nagori atas, sai napapansing ma goran-Mu. Sai roh
ma harajaon-Mu. Sai saud ma harosuh ni uhur-Mu i nagori tongah on
songon na i nagori atas. Bere Ham ma bennami sadari on hagoluhan
ari-ari. Sasap Ham ma dousanami songon panasap nami bani dousa
ni hasoman na mardousa dompak hanami. Ulang hanami bobai Ham
hu parlajouan. Paluah Ham ma hanami humbani pangagou. Ai Ham
do simada harajaon, pakon hagogohon ampa hasangapon sadokah ni
dokahni. Amen.

Pandita : Jalo ham ma pasu-pasu humbani Tuhan Naibata!
Idop ni uhur ni Tuhan Jesus Kristus, pakon holong ni atei ni Naibata
Bapa ampa parsaoran ni Tonduy Na Pansing ma mangkasomani
nasiam haganupan. Amen.

7. MARSISALAMAN :

160

KEBAKTIAN
HORJA BANGGAL NAPANSING
BANI NA BORITAN
MODEL B

1. VOTUM - INTROITUS :

Pandita : Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing, Sitompa langit pakon tanoh on. Amen.

Nini Tuhan Jesus, “Roh ma nasiam hu Bangku, nasiam na loja anjaha
na boratan, ase Hupasonang nasiam. Jalo nasiam ma pasangan-Ku
anjaha marguru ma nasiam hu Bangku, ai na lamlam do Ahu anjaha
na toruh maruhur, ase dapotan hasonangan tonduynasiam” (Mateus
11:28-29).

2. DODING :

3. AMBILAN :
4. DODING :

5. PANGAKUAN NI DOUSA – TONGGO :
Ham Bapa/Inang…… (isobut goran pakon morgani) na hinaholongan ni
Tuhanta Jesus Kristus!

Ipindo ham do sonari jaloonmu Parpadanan Napansing in. Halani ai patoruh
ham ma uhurmu, anjaha sopotkon ham ma haganup dousamu hubani Tuhan
Naibata, ase boi ham manjalo Parpadanan Napansing in. Ai na mangapoh uhur
anjaha mambere gogoh hubani halak na loja pakon na galek do ase ibere Tuhan
Jesus sipanganon pakon siinumon na pansing in. Halani ai anggo marhoru
ham halani dousamu janah isopotkon ham dousamu ai hubani Tuhan Jesus,
tenger ma uhurmu jumpah ham do hasasapan ni dousamu ai, ai dihut do ham
na hinopkop ni Tuhan Jesus marhitei holong ni atei pakon idop ni uhur-Ni.

Ham na hinaholongan ni Tuhan Jesus Kristus!

161

pakon hagoluhan sisadokah ni dokahni. Ihasomani janah iparorot ma ham
anjaha ibere ma Tonduy Na Pansing in patotapkon uhurmu ase marhasabaron
janah marpangarapan na manggoluh ham. Halani ai martarimakasih ma ham
hubaniTuhan Jesus Kristus na dob mambere diri-Ni hu hamateian mangkopkop
ham.

(Ibere panorang hubani na boritan ai mansopotkon dousani)

Martonggo ma hita!

Ham Tuhan Naibata, Bapanami na i nagori atas, parkuasa janah paridop ni
uhur banggal do Ham. Ididah Ham do na masa bani hasomannami on pakon
sihol ni uhurni maluah humbani dousa pakon sitarononni. Maidop ma uhur-
Mu bani, sasap Ham ma haganup dousani. Bere Ham ma gogoh hubani anjaha
patoguh Ham ma uhurni ase monang ia bani sitaronon on. Apoh Ham ma
ia marhitei Tonduy-Mu Na Pansing, janah patotap Ham ma haporsayaonni
hu Bamu. Domma ibere Ham Anak-Mu Tuhan Jesus Kristus mangkopkop
hanami janah mamorsan haganup dousanami, jadi Ia ma hagoluhannami. Ase
manggoluh barang matei pe hanami, ondos ma hu tangan-Mu ronsi sadokah ni
dokahni. Amen.

6. SUNGKUN-SUNGKUN PAKON PANOTAP :
Ham Bapa/Inang…… (Isobut goran pakon morgani) hinaholongan ibagas
Jesus Kristus. Porsaya do ham hubani Tuhan Jesus Kristus na dob mangkopkop
janah na dob manasap dousamu? Porsaya do ham?

(Balosni: Porsaya do au)

Tongon do na dob isolsoli ham haganup dousamu janah ipindo ham hasasapan
ni ai humbani Tuhan Jesus Kristus? Tongon do?
(Balosni: Tongon do)
Halani ai, mangunsagahkon hata ni Tuhan Jesus na mangkatahon:
“Haganupan na pinindonima bani tonggonima, sai na das do ai bannima asal
ma porsaya hanima, maningon jaloonnima do ai” (Markus 11:24).

Juak-juak ni Naibata do ahu na padaskon hata-Ni hubamu:

(Pandita manampeihon tangan siamunni bani simanjujung ni na boritan ai).
Ibagas Goran ni Naibata Bapa, pakon Tuhan Jesus Kristus ampa Tonduy Na
Pansing, tenger ma uhurmu domma sasap haganup dousamu. Amen.

7. ONJOLAN NI PARPADANAN NAPANSING :
Pandita : Anggo sonai paunduk ham ma uhurmu, mardingat tonah pakon
manangihon hata ni Tuhan Jesus bani na pasirsirhon Parpadanan
Napansing in.

162

Ibuat Tuhan Jesus ma ruti bani borngin sanggah na hona partahian Ia,
ihatahon ma tarima kasih, dob ai itopiki ma ai, ibere hubani susian-Ni
irik ihatahon:

(Pandita mangangkat tangan siamunni i atas ni ruti)
“Jalo nasiam ma, anjaha pangan ma, daging-Ku do on, na binerehon
mangkopkop nasiam. Bahen nasiam ma sonin gabe pardingatan
Bangku”

Dob salpu sidea mangan, ibuat ma panginuman in, ihatahon ma tarima
kasih anjaha ihatahon ma dompak sidea:

(Pandita mangangkat tangan siamunni i atas ni anggur)
“Jalo nasiam ma, ganup ma nasiam manginum hunjin, ia panginuman
on, padan na baru do on, marhitei daroh-Ku, na niduruskon mangkopkop
nasiam bahen hasasapan ni dousa. Bahen nasiam ma sonin gabe
pardingatan nasiam Bangku”

(Pandita mangankon ruti pakon manginum anggur parpadanan)

8. PARPADANAN NAPANSING :
Pandita : Ihatahon Tuhan Jesus Kristus:
Jalo ham ma anjaha pangan ma.

(Pandita mangondoskon ruti hubani na boritan ai).
Daging-Kudoon,nabinerehonmangkopkopham.Inmamanramotkon
pakon patotapkon uhurmu mangkaporsayai-Si, ase bamu hagoluhan
na sadokah ni dokahni. Amen.

Ihatahon Tuhan Jesus Kristus:

Jalo ham ma, anjaha inum ham ma.

(Pandita mangondoskon anggur hubani na boritan ai).
Daroh-Ku do on, na niduruskon mangkopkop ham bahen hasasapan
ni dousamu. In ma manramotkon pakon patotapkon uhurmu
manghaporsayai-Si, ase bamu hagoluhan na sadokah ni dokahni.
Amen.

(Dob salosei na boritan ai manjalo ruti pakon anggur, boi do homa
keluargani dihut manjalohon in)

Tarima kasih ma hubani Naibata, na dob mambere hasasapan ni dousa
pakon haluahon hu banta.

163

9. TONGGO HATARIMAKASIHON – TONGGO RIAP – PASU-PASU:

Pandita : Martonggo ma hita!

Ipuji hanami do Ham Tuhan Naibata, halani iberehon Ham do
bannami arta na sumurung hun nagori atas marhiteihon Jesus Kristus
Tuhannami. Lang be mabiar hanami bani hamateian, ai domma
monang hanami ibahen Ham. Maidop ma uhur-Mu bannami. Suruh
Ham ma Tonduy-Mu Na Pansing in hubagas uhurnami ase lambin
toguh haporsayaonnami, janah marpangarapan na manggoluh, age pe
itaron hanami na masahit bani goluhnami. Age pe mardalan hanami
bani lombang linggoman ni hamateian, seng mabiar hanami, ai Ham
do na mangkasomani pakon manogu hanami. Amen.

Riap ma hita martonggo marhitei tonggo na niajarhon ni Tuhan Jesus
hubanta:

10. MARSISALAMAN :

164

KEBAKTIAN
PANJALOON BANI ANGGOTA NA
MULAK HU KURIA

1. VOTUM :
………………..
………………..

2. HATA HAPORSAYAON :

3. DODING : (Sanggah mandoding on roh ma hu lobei na laho mulak hu kuria)
Paragenda : Nasiam hasoman sahaporsayaon i kuria on!
Jongjong do nuan ijon na hinaholongan ni uhurta; na dob mardalan
ibagas hakahouon, janah sonari sihol uhurni mulak hu kuria ni Tuhan
in. Halani ai tongtong do marmalas ni uhur hita manjalo halak na ra
paubahkon uhurni.

Ham (nasiam) na sihol mulak hu Kuria!

Tarpaima-ima do Naibata bani hamubahon ni uhur ni hita jolma.
Malas tumang do uhur ni Naibata anggo isolsoli jolma in dousani
anjaha ipaubah uhurni, ai ihatahon do: “Sabonar seng marosuh uhur-
Hu mangidah hamateian ni parjahat, tapi ase mulak do parjahat ai
manadingkon dalanni, ase manggoluh ia” (Hesekiel 33:11).

On pe, sihol do tangaron ni kuria on panolsolion pakon hamubahon
ni uhurmu i lobei-lobei ni Naibata sonai pakon i lobei ni hasoman na
martumpu nuan ijon.

Sonari manungkun ma ahu hu bamu… (isobut goran pakon morgani).

1. Porsaya do ham bani Naibata Bapa, Anak pakon Tonduy Na
Pansing, paridop ni uhur na sirsir manjalo pardousa na roh hu
Bani?

(Balosni: Porsaya do ahu)

2. Iparhatongon ham do panlanggaron na hinorjahonmu na dob in,
na mangkorhon hakahouon bani goluhmu ampa bani hasoman i
lobei ni Naibata pakon i lobei ni kuria na martumpu ijon?
(Balosni: Iparhatongon uhurhu do)

165

3. Isolsoli uhurmu do dousa ampa panlanggaronmu na sain dokah
anjaha ra do ham mamparlahouhon parlahou na baru hunjon
hujanan tanda ni hamubahon ni uhurmu?

(Balosni: Husolsoli do anjaha ra do ahu)

4. Ipindo uhurmu do sasapon ni Naibata dousamu ai janah mulak
ham hu Kuria-Ni?

(Balosni: Ipindo uhurhu do)

Mangunsagahkon kuasa pakon idop ni uhur ni Tuhanta Jesus Kristus,
domma sasap ganup dousamu ai anjaha ijalo ma ham mulak hu kuria-
Ni, gabe parrupei ma ham bani Tuhan Jesus Kristus pakon Horja
Banggal Napansing, sonai homa haganup pasu-pasu ampa idop ni
uhur ni Naibata.
Sai totap ma ham porsaya Bani, sadokah goluhmu. Sai puho ma ham
hu lobeian on, manlawan akal-akal ni sibolis pakon uhur ni dunia
on, ase ulang talu ham bani parlajouan. Sai parbuahkon ham ma
haporsayaon na sintong in.

Martonggo ma hita!

Ham Tuhan Naibata Bapanami. Tarima kasih ma uhurnami Bamu,
halani na dob mubah uhur ni hasomannami on janah mulak hu
kuria-Mu. Ijalo Ham do hanami pardousa. Maidop ma Ham, lambin
paahapkon Ham ma holong ni atei-Mu bannami marsada-sada.
Malas tumang do uhurnami halani ai. Sai patotap Ham ma uhurnami
mandalani dalan hu hagoluhan. Sai paahapkon Ham ma hubagas
uhurnami hamagouan ni na sirang hun-Bamu pakon humbani
kuria-Mu. Ase totap hanami ibagas tangan-Mu, janah parrupei bani
hagoluhan sisadokah ni dokahni. Amen.

4. DODING :

5. AMBILAN :

166

KEBAKTIAN
MANANOM NA MATEI
(DAKDANAK)

ACARA I RUMAH

1. DODING :

Paragenda : Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing, Sitompa langit pakon tanoh on. Amen.

Paragenda : (Basaon ma salah sada ayat na tarsurat i toruh on:)
1. Nini Tuhan Jesus: Jaga ma hanima, ase ulang mapas uhurnima,
mangidah sada humbani na etek-etek on. Ai huhatahon ma
bannima: Iidah malekat ni sidea do tongtong bohi ni Bapang-
Ku na inagori atas ai. Sonai ma homa seng marosuh uhur ni
Bapanima na inagori atas ai anggo magou sada humbani na
etek-etek on (Mateus 18:10, 14).

2. Jahowa do na mambere, Jahowa do na mambuat, pinuji ma

goran ni Jahowa (Job 1:21b).

3. Pintor do Jahowa bani sagala dalan-Ni anjaha paridop ni uhur

bani sagala jadi-jadian-Ni (Psalmen 145:17).

4. Harga do bani panonggor ni Jahowa, hamateian ni halak na

hinaholongan-Ni (Psalmen 116:15).

Martonggo ma hita! (Basaon ma sada humbani tonggo na i toruh on:)

1. Ham Tuhan Naibata Bapanami, na manggoluh ronsi sadokah
ni dokahni. Idop ni uhur ampa hasintongan-Mu do na tongtong
mangkasomani goluhnami ronsi sadari on. Torang do ibotoh
Ham domma marujung goluh ni niombah hinaholongan ni
uhurnami on. Pitah hu Bamu do hanami mangarap, ase bere
Ham ma Tonduy-Mu Na Pansing in mangapohi janah mambere
pangarapan na manggoluh bannami. Ase boi ijalo hanami
na masa on ibagas haporsayaonnami, ase tongtong hanami
mangarap bani hagoluhan na sadokah ni dokahni. Ibagas Jesus
Kristus Tuhannami jalo Ham ma tonggonami on. Amen.

2. Ham Tuhan Naibata Bapanami, Tuhan Simada dunia on pakon
haganup isini. Saguru Bamu do haganup pardalanan ni goluhnami.
Iidah Ham do, na marpusok ni uhur do hanami marhiteihon na

167

dob parlobei marujung goluhni niombah ni kuria-Mu. Na roh
do hanami hu lobei-Mu mamboan horu ni uhurnami on. Sai
apohi Ham ma hanami ase ulang mandolei halani sitaronon on.
Sai holong ma atei-Mu, bere Ham ma gogoh ampa pangarapan
na manggoluh bannami. Ase tongtong boi hanami manggoluh
ibagas hasabaron janah mangarap bani parroh ni Tuhan Jesus
Sipaluah hanami. Amen.

2. AMBILAN :

3. DODING :

Paragenda : Sedo ianan na manongtong banta dunia on. Tapi na mardalan do hita
manuju hubani ianan na totap ronsi sadokahni dokahni.

Tuhan Naibata ma manramotkon si…... (isobut goran pakon morgani)
on laho luar pakon laho masuk humbani sonari nari ronsi sadokahni
dokahni. Amen.

Ase boan hita ma bangkei ni hasomanta on hubani ianan parsarananni
paima ari parpuhoon ai.

(Itutup ma batang lanjar iboan hu panimbunan ).

ACARA I PANIMBUNAN

4. ITANTAN BATANG :

5. DODING :

Paragenda : Humbani tanoh do parmulaan ni angkula ni si…... (isobut goran
pakon morgani), mulak ma in gabe tanoh. Tapi Tuhan Naibata *)
na manompa ia, pakon Tuhan Jesus Kristus *) na paluahkonsi ampa
Tonduy Na Pansing *) na mandilosi bani hagoluhan na sadokah ni
dokahni, in ma na manramotkonsi paima roh ari parpudi.
*) idabuh tanoh

Ase domma inahkon hita bangkei ni hasomanta on hu bagas tanoman
ibagas pangarapan: Pagoluhon ni Tuhan Jesus do na matei in bani ari
parpudi (Johannes 6:39-40).

(Ibasahon sada ayat na tarsurat i toruh on:)

1.         Ulang mabiar! Ahu do na parlobei pakon na parpudi, anjaha na
        manggoluh. Na dob matei do Ahu anjaha tonggor ma, na manggoluh
        do Ahu ronsi sadokah ni dokahni, anjaha Bangku do anak kunsi ni
        hamateian pakon nagori toruh (Pangungkabon 1:17b-18).

168

2. Ai seng dong banta ijon huta na totap, tapi ipindahi hita do na

sihol roh in (Heber 13:14).

3. Hatengeran ni uhur do hata on: Anggo rap matei hita pakon-Si,

rap manggoluh ma homa hita pakon-Si (2 Timoteus 2:11).

6. DODING :

Paragenda : (Ibasahon sada tonggo na tarsurat i toruh on:)

1. Ham Tuhan Naibata Bapanami na i nagori atas. Tuhan na
manggoluh do Ham, na mambotoh haganup na masa bani
goluhnami. Domma parlobei marsaran dakdanak on humbani
goluhni. Tangkas do ididah Ham pusok ni uhur ni sindohorni.
On pe maidop ma uhur-Mu, patoguh Ham ma pangarapan ni
sidea, lanjar patotap Ham ma haporsayaon ni sidea, sonai age
pakon haganup hanami na martumpu ijon, ase tongtong hanami
mangarap bani parroh ni Anak-Mu na paduahalihon hu dunia on,
na gabe malas ni uhur bani ganup halak na porsaya. Paahapkon
Ham ma hubannami marhitei Tonduy-Mu, na dob dihut hanami
parsimada bani hagoluhan na sadokah ni dokahni, na dob
pinasirsir-Mu bani sagala na porsaya Bamu, marhitei parmatei
pakon parpuhoon ni Anak-Mu, Jesus Kristus Tuhannami. Amen.

2. Ham Tuhan Jesus, na dob manaluhon hamateian marhitei
parpuhoon-Mu. Domma parlobei marujung goluh ni dakdanak
on, janah iboan hanami do ia bani parsarananni paima roh ari
magira. Ibotoh hanami do age hanami pe laho matei do homa
songon dakdanak on. Tapi lanjar ihaporsayai hanami do hata-Mu,
na parsimada do haganup halak na porsaya bani hamonangan-
Mu marhitei parpuhoon-Mu. Maidop ma Ham suruh Ham ma
Tonduy-Mu patoguhkon haporsayaon pakon pangarapannami
sadokah goluhnami on, ase manggoluh barang matei pe hanami,
tongtong ibagas Ham janah bahen hasangapon ni Goran-Mu.
Amen.

7. TONGGO RIAP - PASU-PASU :

Paragenda : Riap ma hita martonggo marhitei tonggo na niajarhon Tuhan Jesus

hubanta!

Paragenda

+ Kuria : Ham Bapanami na i nagori atas…… (pakon sambatni)

Paragenda : Idop ni uhur ni Tuhan Jesus Kristus pakon holong ni atei ni Naibata
Bapa ampa parsaoran ni Tonduy Na Pansing ma mangkasomani
nasiam (hita) haganup. Amen.

(Itutup/itambusi ma tanoman)

169

KEBAKTIAN
MANANOM NA MATEI
(NA MAGODANG)

ACARA I RUMAH

1. DODING :

Paragenda : Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing, Sitompa langit pakon tanoh on. Amen

(Basaon ma sada ayat na tarsurat i toruh on:)

1. Age pe mardalan ahu bani lombang bagas ni hagolapan, seng
mabiar ahu, ai Ham do mangkasomani ahu; tungkot-Mu pakon
simambu-Mu do na mangapohi ahu (Psalmen 23:4).

2. Harga do bani panonggor ni Jahowa, hamateian ni halak na

hinaholongan-Ni (Psalmen 116:15).

3. Ahu do parpuhoon ampa hagoluhan. Sai manggoluh do na
porsaya Bangku, age pe matei ia. Anjaha ganup na manggoluh
anjaha naporsaya Bangku, seng anjai matei ia sadokah ni dokahni
(Johannes 11:25 -26).

4. Ai ase matei pe Kristus anjaha mulak manggoluh, ase Ia do

Tuhan ni na matei age na manggoluh (Rom 14:9).

Martonggo ma hita! (Basaon sada tonggo humbani na tarsurat i

toruh on:)

1. Ham Bapanami na i nagori atas, Tuhan ni na manggoluh age na
dob matei. Domma ibere Ham Anak-Mu Tuhan Jesus Kristus
hu hamateian halani dousanami, janah ipagoluh Ham do Ia
ase dapotan hagoluhan hanami. Sai apohi Ham ma hanami na
marpusok ni uhur marhitei parujung ni goluhni hasomannami
on. Patoguh Ham ma haporsayaon janah patubuh Ham ma
pangarapan na manggoluh bannami. Ajari Ham ma hanami bani
goluhnami, ase ulang lalab hanami marpusok ni uhur songon na
lang marpangarapan. Jalo Ham ma tonggonami on ibagas Tuhan
Jesus Tuhannami. Amen.

170

2. Ham Bapanaminainagoriatas,natotapronsisadokahnidokahni.
Na so ra bois do tahun-Mu, tapi lambin surut do umurnami janah
podas do hanami salpu humbani hasiangan on. Sonai do age na
dob marujung goluh on, domma itadingkon ganup arta na ra
buruk in. Sai paingat Ham ma tongtong hanami bani goluhnami
on, paboa na maningon marujung do homa goluhnami. Ambah
ni ai, apoh Ham ma uhur na marhoru ijon ase ulang mandolei
halani na masa on, tapi tongtong ipatuduh hanami haporsayaon
na manggoluh hu-Bamu, janah boi hanami marmalas ni uhur rap
pakon Anak-Mu Tuhan Jesus Kristus Tuhannami. Amen.

2. AMBILAN :

3. DODING :

Paragenda : Sedo ianan na manongtong banta dunia on. Tapi na mardalan do hita
manuju hubani ianan na totap ronsi sadokah ni dokahni.

Tuhan Naibata ma manramotkon (si)…... (isobut goran pakon
morgani) on laho luar pakon laho masuk humbani sonari nari ronsi
sadokahni dokahni. Amen.

Ase boan hita ma bangkei ni hasomanta on hubani ianan parsarananni
paima ari parpuhoon ai.

(Itutup ma batang lanjar iboan hu panimbunan ).

ACARA I PANIMBUNAN

4. ITANTAN BATANG :

5. DODING :

Paragenda : Humbani tanoh do parmulaan ni angkula ni (si)…... (isobut goran
pakon morgani) mulak ma in gabe tanoh. Tapi Tuhan Naibata *) na
manompa ia, pakon Tuhan Jesus Kristus *) na paluahkonsi ampa
Tonduy Na Pansing *) na mandilosi bani hagoluhan na sadokah ni
dokahni, in ma na manramotkonsi paima roh ari parpudi.
*) idabuh tanoh

Ase domma inahkon hita bangkei ni hasomanta on hubagas tanoman
ibagas pangarapan: Pagoluhon ni Tuhan Jesus do na matei in bani ari
parpudi (Johannes 6:39-40).

171

(Ibasahon sada ayat na tarsurat i toruh on:)

1. Dob ai idahon ni sidea ma Anak ni jolma in roh marhitei
hombun marhasoman hagogohon ampa hasangapon banggal.
Dob ai suruhon-Ni ma malekat-Ni patumpuhon na pinilih-Ni ai
humbani desa na ualuh in, hun ujung ni tanoh das hu ujung ni
langit (Markus 13:26-27).

2. Ai ganup hita seng manggoluh bani dirinta, anjaha ganup hita
seng matei bani dirinta. Ai manggoluh pe hita, manggoluh bani
Tuhan in do, anjaha matei pe hita matei bani Tuhan in do. Ase
manggoluh barang matei pe hita, tong do bani Tuhan in hita
(Rom 14:7-8).

3. Ai warga nagori atas do hita, hunjai do ipaima-ima hita Sipaluah

hita in ma Tuhanta Jesus Kristus in (Pilipi 3:20).

4. Martuah ma na matei ibagas Tuhan in humbani sonari nari.
Tongon nini Tonduy in, na marsaran ma sidea humbani halojaon
ni sidea, ai na mangihut ma bani sidea na hinorjahon ni sidea
(Pangungkabon 14:13b).

Hasangapon ma bani Naibata na mambere pangarapan na sonai ai banta.
Amen.

6. DODING :

Paragenda : (Ibasahon sada tonggo na tarsurat i toruh on:)
1. Ham Tuhan Naibata na marianan i nagori atas. Domma inahkon
hanami bangkei ni hasomannami on hubani ianan parsarananni.
Na porsaya do hanami na dob ondos hubani kuasa-Mu do ia
paima ari parpuhoon in. Halani ai, hasomani Ham ma hanami
haganupan ase ibotoh hanami mangkargahon goluhnami laho
mangkorjahon harosuh ni uhur-Mu. Ase iahapkon hanami
na dihut do hanami parsimada bani hagoluhan sisadokah ni
dokahni, na dob pinasirsir-Mu bani sagala na porsaya Bamu,
marhitei parmatei pakon parpuhoon ni Anak-Mu, Jesus Kristus
Tuhannami. Amen.

2. Ham Tuhan Naibata Raja Siparmonang na dob mantaluhon
sibolis, dousa ampa hamateian. Domma inahkon hanami
hasomannami on bani ianan parsarananni. Na porsaya do hanami
na dob ondos hubani gomgoman-Mu do ia, halani Ham do Tuhan
ni na manggoluh pakon na dob matei. Paahapkon Ham ma hu
bannami na dob ihopkop ham do hanami marhitei parmatei

172

ampa parpuhoon ni Anak-Mu Tuhan Jesus Kristus Tuhannami,
ase manggoluh barang matei pe hanami totap ibagas Ham, janah
bahen hasangapaon ni Goran-Mu. Amen.

7. TONGGO RIAP-PASU-PASU :

Paragenda : Riap ma hita martonggo marhitei tonggo na niajarhon Tuhan Jesus
hubanta!

Ham Bapanami na i nagori atas… (pakon sambatni)

Paragenda : Idop ni uhur ni Tuhan Jesus Kristus pakon holong ni atei ni Naibata
Bapa ampa parsaoran ni Tonduy Na Pansing ma mangkasomani
nasiam (hita) haganup. Amen

(Itutup/itambusi ma tanoman)

173

KEBAKTIAN KREMASI

ACARA I RUMAH :
(Sarupa pakon Agenda Mananom na Matei, torih halaman 167-168 bani Dakdanak
atap 170-171 bani na Magodang)

ACARA I KREMATORIUM:

(Batang inahkon i lobei ni pintu krematorium)

1. DODING :

2. AGENDA :

Paragenda : Humbani tanoh do parmulaan ni angkulani (si)…… (isobut goran
pakon morgani) mulak ma in gabe tanoh. Ihaporsayai hita do, Jesus
Kristus Tuhanta in, puho do Ia humbani hamateian. Sonai do homa
age halak na matei ibagas Ia. Tapi Tuhan Naibata na manompa ia,
pakon Jesus Kristus na paluahkonsi, ampa Tonduy Na Pansing na
mandilosi, in ma manramotkonsi, ibagas pangarapan papuhoon-Ni do
ia bani ari parpuhoon ai. Amen.

(Sambatni, torih bani halaman 168-169 bani Dakdanak atap 171-172
bani na Magodang)

(Batang/Jenazah ipamasuk hu krematorium)

3. DODING :

4. TONGGO PANUTUP - TONGGO HAM BAPANAMI – PASU-PASU:

(Torih bani halaman 169 bani Dakdanak atap 172-173 bani na Magodang)

5. KREMASI : (Iondoskon hubani petugas krematorium)

174

KEBAKTIAN
MANGONDOSKON TOHONAN
HAPANDITAON

1. VOTUM :
---------------------
---------------------

2. HATA HAPORSAYAON :

3. DODING : (Doding Khusus, sanggah mandoding on, jongjong ma na laho

manjalo Tohonan Hapanditaon)

Ephorus : Martonggo ma hita.

Ham Tuhan Naibata, Bapanami paridop ni uhur na tarsulur. Ihatahon
Anak-Mu Tuhan Jesus Kristus do hubannami ase ipindo hanami hu
Bamu si panabi na bujur, sisuruhon-Mu hubani sisabion in. Nuan
domma jongjong ijon sidea na dob idilo ampa ipilih Ham laho
marhorja i pohon anggur-Mu. Na martumpu do nuan ijon kuria-Mu,
na pinapansing-Mu, na gabe parhiteian-Mu, laho mangondoskon
Tohonan Hapanditaon hubani hasomannami on. Urasi janah
papansing Ham ma sidea na sihol manjalo Tohonan Hapanditaon
on, ase marunduk ni uhur mangondoskon haganup goluhni hu Bamu
janah totap marsijoloman bani Hata-Mu. Pargogohi Ham ma sidea
marhitei Tonduy-Mu, ase marmalas ni uhur sidea mangkaringgaskon
haganup horja na pinaondos-Mu hubani sidea. Tumpaki janah pasu-
pasu Ham ma ase marbuah horja ni susian-Mu on, bahen hasangapon
pakon hamuliaon ni Goran-Mu, Ham Naibata Bapa, Anak pakon
Tonduy Na Pansing. Amen.

Ephorus : Hita haganupan sisada haporsayaon ibagas Jesus Kristus, Raja ni
Kuria. Domma jongjong i lobei ni Kuria on, hasomanta na sihol
manjalo Tohonan Hapanditaon. Sidea on aima…… (isobut ma goran
ni sidea na laho manjalo Tohonan ai).

Paima ijalo sidea Tohonan Hapanditaon ampa pasu-pasu humbani
Naibata marhitei kuria-Ni, tangar hita ma Hata ni Naibata na
patangkashon hubanta: Tuhan Jesus Kristus Raja ni Kuria in do na
manotapkon horja Hapanditaon bani Kuria-Ni.

175

(Basaon ni Ephorus pakon hasomanni ma na tarsurat bani:)

1. Mateus 28:18-20
2. Johannes 21:15-17

3. Lahoan ni Apostel 20:24, 27-28
4. Epesus 4:11-13

5. 1 Timoteus 3:1-7

Ephorus : Nasiam hasoman na laho manjalo Tohonan Hapanditaon! Tohonan
Napansing do na sihol jaloon nasiam, ai na humbani Tuhan Jesus do
horja in ipaondos hubani nasiam. Halani ai ipaingat janah ipatugah
hanami ma hubani nasiam pasal na marpardomuan hubani horja
Hapanditaon.

(Basaon ni Ephorus pakon hasomanni ma:)

1. Maningon tangkas do hatahonon pakon ambilankonon nasiam
Hata ni Naibata na tarsurat bani Padan Nabasaia pakon Padan
Nabaru romban hubani hahonaanni bei. Ai in do dalan pardearan
pakon pardameian na binahen ni Naibata sipatugahon nasiam
hubani haganup jolma. Ai gantih ni Kristus do nasiam mandilo
jolma hubani hamubahon ni uhur janah marhitei elek-elek,
hatahon nasiam ma bani haganup jolma: “Sai ra ma nasiam
padearon bani Naibata.” Mangajamhon gogoh pakon panogu-
noguon ni Tonduy Na Pansing, silawanon janah sitaluonkon
nasiam do haganup pangajarion ampa podah na marlawanan
hubani hata ni Naibata.

2. Dalankon nasiam ma Pandidion pakon Horja Banggal Napansing
i tongah-tongah ni Kuria domu hubani tonah ni Tuhan Jesus.
Songon siparugas i rumah ni Naibata, ibagas hapansingon
ma nasiam mangkorjahonsi. Togu-togu nasiam ma marhitei
Sakramen, ase lambin itanda Kuria in idop ni uhur ni Naibata
hubanta jolma pardousa on. Marhitei Hata ni Naibata itogu-togu
ma Kuria in margoluh na pansing, marparsaoran na pansing.

3. Songon parmahan manjagai na pinarmahanni, sonai do Kristus
mamparmahani nasiam. Halani ai nasiam pe maningon do jaga
bani arta na niondoskon ni Naibata hubani nasiam. Ramoti
nasiam ma haganup pagori ni Kuria in, haganup bapa, inang,
remaja pakon dakdanak ase ulang magou. Togu-togu, ajari,
janah podahi nasiam ma sidea manggoluh romban hubani
harosuh ni Naibata. Apohi nasiam ma ganup na marpusok ni
uhur, pargogohi nasiam ma na galek marhaporsayaon, patotap
nasiam ma paruhur na bungbang, janah patubuh nasiam ma

176

pangarapan bani halak na ibagas pandoleian maronjolan hubani
Hata ni Naibata.

4. Haporluhon nasiam ma horja panogu-noguon dompak hasoman
na ibagas hagalekon, hasombuhon, hadoyukon, na hona odoh-
odoh ampa na ibagas sitaronon. Ajarhon janah podahkon nasiam
ma Hata ni Naibata bani sidea ase ibotoh marparlahouhon na
talup i lobei ni Naibata pakon hasoman jolma. Pardiateihon
janah sarihon nasiam ma na mabalu, na tading maetek, ronsi na
marhahurangan bani pargoluhon siganup ari ase marhasabaron,
marpangarapan na manggoluh sidea.

5. Ipabangkit Naibata do nasiam laho mamodahi, maminsang pakon
palumbahon jolma in, ase ulang magou sidea age sada, halani
iharosuhkon Naibata do parmulak ni parjahat in manadingkon
dalanni, ase ulang magou halani dousani. Tapi anggo ipalumba
nasiam pardousainhapesengipaubahuhurpakonpambahenanni,
na matei ma ia tongon ibagas dousani, tapi maluah ma anggo
nasiam. Ingat nasiam ma: Iondoskon Tuhan Jesus do Anak
kunsi ni nagori atas hubani Kuria-Ni, ase ipinsang sagala na so
paubah uhurni. Halani ai ibagas holong ampa lamlam ni uhur ma
nasiam maminsang sagala na manlawan, andohar ibere Naibata
hamubahon ni uhur, ase ihagoluhkon sidea hasintongan in.

6. Dear ma parlahou nasiam. Gabe sitiruon ma nasiam bani na
pinarmahan nasiam, tiruan bani haporsayaon, holong ni atei,
halamlamon, halayakon. Ulang ma adong sihataon bani nasiam
pasal parlahou age parsahap. Hatengeran ni uhur ma nasiam bani
na pinarmahan nasiam; pasal parduiton, habujuron mandalankon
horja pakon manramotkon padan barang rusia na ondos hubani
nasiam. Songon sada parhorja na bujur, pajongjong nasiam ma
uhum, habonaron pakon hasintongan i tongah-tongah ni kuria,
masyarakat, bangsa pakon negara.

7. Horjahon nasiam ma haganup horja na romban hubani aturan
sihorjahonon nasiam. Sauhur sapingkiran ma nasiam. Ulang ma
maruhur haut atap marhasangapon na lumei, tapi ibagas toruh ni
uhur ma hira nasiam hasoman nasiam lobihan humbani nasiam
sandiri. Ulang ma na porlu bani nasiam hansa iparuhurhon
nasiam, tapi dihut ma na porlu bani hasoman. Ulang legan-
legan marpingkiran, ulang marsisangsian ase jumpah bani
nasiam songon na dob tinonggohon ni Tuhan Jesus hubani Bapa
in sanggah hinatahonni: “Ase sada sidea haganup, songon Ham
Bapa ibagas Ahu, anjaha Ahu ibagas Ham sonai ma age sidea

177

ibagas hita, ase porsaya dunia on, Ham do marsuruh Ahu”.
Songon paruhuron ni Kristus Jesus ma paruhuron nasiam, halani
ai gok ma dalankon horjamu.

Ephorus : Nasiam hasoman na laho manjalo Tohonan Hapanditaon! Domma
ibogei nasiam pasal horja Hapanditaon na maronjolan bani Hata ni
Naibata bani Padan Nabasaia pakon Padan Nabaru.

Sonari na manungkun ma ahu hubamu:

1. Porsaya do ham, hubani Naibata Bapa pakon Tuhan Jesus ampa
Tonduy Na Pansing na mandilo anjaha na marsuruh ham gabe
Pandita i Kuria-Ni?

2. Iparhatongon uhurmu do sagala Surat na bani Padan Nabasaia
pakon Padan Nabaru, ai do Hata ni Naibata na manaksihon
paboa pitah ibagas janah marhitei Jesus Kristus do jumpah hita
dalan, hasintongan pakon hagoluhan si sadokah ni dokahni?

3. Ra do ham mangimbang sagala podah na kahou janah na
marlawanan hubani Hata na tarsurat in, porini pe maningon
manaron ham halani in?

4. Ra do ham humbani gok ni uhur pakon humbani haganup
gogohmu mangkagoluhkon pakon mangkorjahon horja
Hapanditaon romban hubani Hata ni Naibata pakon aturan ni
Kuria-Ni?

Ase na jongjong do nasiam nuan i lobei ni Naibata pakon i lobei ni
Kuria on.Anggo domma bulat uhur nasiam manjalo horja Hapanditaon
ai humbani gok ni uhur nasiam pakon gogoh nasiam, hatahon nasiam
ma pangakuan nasiam:

(Pangakuan ni Pandita:)

“Porsaya anjaha ra do ahu, sai ihasomani janah ipargogohi
Tuhan Naibata ma ahu gabe Pandita laho mandalankon pakon
manghagoluhkon ai haganupan”.

4. DODING : (Sanggah mandoding on, manowod ma na laho manjalo Tohonan, lanjar

roh ma Pandita-pandita manginggoti sidea).

178

Ephorus : Ham…… (isobut goran pakon morgani)

Ibagas Goran ni Naibata Bapa, pakon Tuhan Jesus Kristus ampa

Tonduy Na Pansing, hupabangkit ma ham gabe Pandita bani Gereja
Kristen Protestan Simalungun.

Ipasu-pasu, iparorot, itogu-togu janah ipargogohi Tuhan Naibata ma
ham mangkagoluhkon horja Hapanditaon, na ondos bamu sadari on,
bahen hasangapon ni Goran ni Naibata. Amen.

(Irik hujai, Pandita-pandita na dob tinontuhon mambasahon ayat,
dob salpu ai, jongjong ma na dob manjalo Tohonan ai).

Ephorus : Nasiam hasoman sahaporsayaon, mulai humbani sadari on domma
ijalo hita sidea on gabe Pandita i GKPS. Ganup ma hita manonggohon
ase haganup horja ni sidea marbuahkon na madear.

Martonggo ma hita!

Ham Tuhan Naibata, Bapanami na i nagori atas. Roh do hanami
mangindo hu Bamu; palihar Ham ma uhur ni juak-juak-Mu on. Iring-
iring Ham ma sidea manghagoluhkon pakon mangkorjahon horja na
ni ondoskon hubani sidea sadari on, ase dear parlahou ni sidea ibagas
Kuria-Mu, janah lambin rarat harajaon-Mu bani sab dunia on. Sai bere
Ham ma Tonduy Na Pansing mangajari pakon manogu-nogu sidea,
ase tarbobahon sidea sagala na pinarmahan, na hinopkop ni Anak-
Mu marhiteihon daroh-Ni na pansing in, ase rap hanami pasangapkon
Ham ibagas Goran ni Jesus Kristus Tuhannami. Amen.

5. DODING :

6. AMBILAN :

179

KEBAKTIAN
MANGONDOSKON TOHONAN
PENGINJIL

1. VOTUM :
-------------------
-------------------

2. HATA HAPORSAYAON :

3. DODING : (Doding Khusus, sanggah mandoding on, jongjong ma na laho

manjalo Tohonan Penginjil)

Ephorus : Martonggo ma hita:

Ham Tuhan Jesus, Raja ni Kuria. Jongjong do nuan ijon hasomannami
na sihol manjalo Tohonan Penginjil. Porsaya do hanami Ham do na
mandilo janah marsuruh sidea marhorja i pohon anggur-Mu. Kuria-
Mu na dob pinapansing-Mu ma na gabe parhiteian-Mu mangondoskon
Tohonan Penginjil hubani sidea. Urasi janah papansing Ham ma
hadirion ni sidea manjalo janah mangkagoluhkon Tohonan Penginjil
na sihol ondoshonon hubani sidea sadari on. Amen.

Nasiam hasoman sahaporsayaon.

Ididah nasiam do hasomanta na jongjong ijon laho manjalo Tohonan
Penginjil. Sidea on aima…… (isobut ma goran ni sidea na laho
manjalo Tohonan ai).

Laho patangkashon hubanta paboa Naibata ibagas Jesus Kristus do na
mandilo janah marsuruh siparhorja bani kuria-Ni, tangar hita ma Hata
ni Naibata:

(Ibasahon Pandita pakon Penginjil na itontuhon hun Distrik ianan
pamasu-masuon ai ma ayat-ayat na i toruh on:)

1. Epesus 4:11-12

2. Lahoan ni Apostel 1:8
3. Lukas 9:1-2+6

4. Galatia 1:15-16a
5. Lahoan ni Apostel 20 :24-28

Ephorus : Nasiam hasoman na sihol manjalo Tohonan Penginjil, tangar janah
parimbagashon nasiam ma lobei rimpun ni horja ni Penginjil:

180

1. Mangambilankon Hata ni Naibata na tarsurat bani Padan
Nabasaia pakon Padan Nabaru hubani haganup jolma.

2. Mandalankon pangajarion, parmahanion pakon patorsahon
pargoluhon ni dakdanak, pemuda, bapa pakon inang i Kuria in.

3. Mangarahkon ampa mambobai halak mananda holong
ampa idop ni uhur ni Naibata. Ase dihut sidea manjalo janah
mangkaporsayai Hata hagoluhan, Ambilan Na Madear na
humbani Tuhan Jesus.

4. Gabe susian ni Tuhan in ma nasiam, sitiruon bani haporsayaon,
holong ni atei, pangabak age parsahap pe.

Domma tangkas itangar nasiam rimpun ni horja ni Penginjil. Sihol
do tangkas botohonnami bujur ni uhur nasiam manjalo pakon
mandalankon horja in. Halani ai balosi nasiam ma na husungkunhon
on hubani nasiam i lobei ni Naibata pakon i lobei ni Kuria on:

1. Porsaya do ham, bani Naibata Bapa pakon Tuhan Jesus ampa
Tonduy Na Pansing na mandilo anjaha marsuruh ham gabe
Penginjil i Kuria-Ni?

2.        Ra do ham mandalankon haganup horja Penginjil romban hubani
        Hata ni Naibata, janah gabe saksi pasal hasintongan paboa pitah
        Jesus Kristus do dalan hu hagoluhan?

3. Ra do ham mangkagoluhkon pakon mangkorjahon Tohonan
Penginjil humbani gok ni uhur pakon haganup gogohmu, bahen
hasangapon ni Tuhan Jesus Kristus?

Ephorus : Anggo sonai do bulat ni uhur nasiam manjalo Tohonan Penginjil,
janah mangkorjahonsi, hatahon nasiam ma pangakuan nasiam i lobei
ni Naibata pakon i lobei ni Kuria on.

(Pangakuan ni Penginjil):

“Porsaya janah ra do ahu manjalo ampa mangkagoluhkon
Tohonan Penginjil i Kuria ni Tuhan in. Sai ihasomani janah
ipargogohi Naibata ma ahu gabe Penginjil i Gereja Kristen
Protestan Simalungun”.

(Dob ai manowod ma sidea janah iondoskon Ephorus ma pasu-pasu
marhitei na manampeihon tangan).

Ephorus : Ham…… (isobut goran pakon morgani)

Ibagas Goran ni Naibata Bapa, Anak pakon Tonduy Na Pansing,
hupabangkit ma ham gabe Penginjil bani Gereja Kristen Protestan
Simalungun. Sai ipasu-pasu janah ipargogohi Tuhan Naibata ma ham

181

manghagoluhkon Tohonan Penginjil na niondoskon bamu sadari on

bahen hasangapon ni Naibata.

(Dob ai jongjong ma Penginjil na dob manjalo pasu-pasu ai).

4. DODING :

Ephorus : Nasiam hasoman sahaporsayaon!

Mulai sadari on domma ijalo hita hasomanta on gabe Penginjil i
GKPS. Ganup ma hita manonggohon pakon mangurupi sidea, ase
haganup goluh pakon horja ni sidea marbuahkon na madear, na
hinarosuhkon ni Naibata.

Martonggo ma hita!

Ham Tuhan Naibata, Bapanami na i nagori atas, tarima kasih ma
uhurnami hu Bamu halani idilo janah isuruh Ham do hasomannami
on gabe Penginjil. Tonduy Na Pansing in ma mangkasomani janah
mampargogohi sidea laho mangambilankon Hata-Mu hubani haganup
jolma, ase gabe saksi na sintong anjaha gabe panabi na bujur sidea.
Pasu-pasu Ham ma horja ni sidea ase lambin rarat Harajaon-Mu i
tongah-tongah ni dunia on janah lambin tambah ma bilangan ni na
porsaya hu Bamu. Balosi Ham ma pangindoannami on marhiteihon
Jesus Kristus Tuhannami. Amen.

5. DODING :

6. AMBILAN :

182

KEBAKTIAN
MANGONDOSKON TOHONAN
HASINTUAON

1. VOTUM :

-----------------

2. HATA HAPORSAYAON :

3. DODING : (Doding Khusus, sanggah mandoding on, jongjong ma hu lobei na laho

manjalo Tohonan Hasintuaon)

Pandita : Martonggo ma hita:

Ham Tuhan Jesus Kristus, Raja ni Kuria in. Ham do na mandilo ganup
siparhorja i Kuria-Mu. Ham do na mambere gogoh janah na mamasu-
masu haganup parhorja-Mu. Jongjong do nuan sidea na dob tarpilih
gabe Sintua janah na dob mangidangi i Kuria-Mu. Na mangindo ma
nuan hanami, pasu-pasu Ham sidea ase lambin margogoh, marringgas
ni uhur janah marmalas ni uhur sidea mandalankon horja Hasintuaon
bahen hasangapon ni Goran-Mu. Amen.

Nasiam hasoman sa-Kuria on.

Humbani mungkah ni parjongjong ni Kuria i dunia on, ipabangkit
do na gabe Sintua laho patorsahon horja i kuria in. Janah iondoskon
Kuria in do sidea hubani Naibata marhasoman tonggo. Domu hujai
ididah nasiam do sonari jongjong ijon hasomanta:

(Isobut ma goran pakon morga ni Sintua na sihol manjalo Tohonan
Hasintuaon ai).

Sonari sihol jaloon ni sidea ma pasu-pasu humbani Tuhanta, ase
lambin margogoh sidea mangidangi i Kuria in. Paima ai, tangar hita
ma lobei rimpun ni horja Hasintuaon.

1. Mangambilankon Hata ni Naibata na tarsurat bani Padan
Nabasaia pakon Padan Nabaru hubani haganup jolma.

2. Marmahani, mardimatahon pakon manramotkon parlahou
ni hasoman ampa maminsang parlahou ni sidea na so talup,
marhitei Hata ni Naibata.

3. Mangojur anggota ni Kuria in mandihuti kebaktian-kebaktian,
Sakramen pakon partumpuan-partumpuan na patut sidihuton ni
halak Kristen.

183

4. Mangapoh halak na marpusok ni uhur, patorsahon na masombuh,
na madoyuk, manorih na boritan janah manonggohon pakon
paingatkon Hata ni Naibata bani sidea.

5. Patorangkon pakon pamasmashon hubani anggota ni Kuria
pasal tugas ampa tanggungjawabni selaku anggota ni kuria.

6. Gabe sitiruon ma nasiam, bani haporsayaon, holong ni uhur,
parlahou age parsahap pe.

Pandita : Nasiam hasoman na laho manjalo Pasu-pasu Tohonan Hasintuaon.
Domma tangkas itangar nasiam rimpun ni horja Hasintuaon. Sihol
do tangkas botohonnami bujur ni uhur nasiam manjalo pakon
mandalankon horja in. Halani ai balosi nasiam ma na husungkunhon
on hubani nasiam i lobei ni Naibata pakon i lobei ni kuria on:

1.        Porsaya do ham, Naibata Bapa pakon Tuhan Jesus ampa Tonduy
        Na Pansing do na mandilo anjaha na marsuruh ham gabe Sintua
        i Kuria-Ni?

2. Ra do ham mandalankon haganup horja in romban hubani hata

ni Naibata humbani gok ni uhurmu pakon haganup gogohmu
janah gabe juak-juak na bujur i lobei ni Naibata pakon i lobei ni
hasoman jolma?

3. Ra do ham manjalo horja Hasintuaon romban hubani hata ni
Naibata domu hubani rimpun ni horja Hasintuaon in?

Pandita : Anggo sonai do bulat ni uhurmu mangakuhon haganupan ai i lobei ni
Naibata pakon i lobei ni Kuria on, hatahon ham ma pangakuanmu.

(Pangakuan ni Sintua:)

Sintua : “Porsaya janah ra do ahu, sai ihasomani idop ni uhur ni Naibata

ma ahu mandalankon ampa mangkagoluhkon ai haganupan”.

(Dob ai manowod ma sidea lanjar itampeihon Pandita ma haduasi
tanganni bani simanjujungni janah nini ma:)

Pandita : Ham Sintua…… (isobut goran pakon morgani). Sai ipasu-pasu Tuhan
Naibata pakon Tuhanta Jesus Kristus ampa Tonduy Na Pansing ma
ham mangkabujurhon Tohonan Hasintuaon na niondoskon hu bamu
sadari on, bahen hasangapon ni Naibata. Amen.

(Dob ai jongjong Sintua ai, idompakhon ma Kuria).

Pandita : Nasiam hasoman i Kuria on. Jalo nasiam ma Sintuanta on ibagas
malas ni uhur. Ganup ma hita manonggohon pakon mangurupi sidea,
ase ganup horja ni sidea marbuahkon na madear, bahen hasangapon
ni Tuhanta.

184

Martonggo ma hita!

Ham Tuhan Naibata Bapanami na i nagori atas. Tarima kasih ma
Bamu, halani idop ni uhur-Mu hubani hasomannami on. Sai tambahi
Ham ma bani sidea sibere-bere ni Tonduy Na Pansing, ase lambin
torsa mardalan pangidangion ni sidea i tongah-tongah ni Kuria-
Mu. Puhoi Ham ma uhurnami ase dihut hanami pasaudkon horja in,
marhitei na marsihaholongan, marsiurupan janah marsipauli-ulian
ase lambin rarat harajaon-Mu bahen hamuliaon ni Goran-Mu. Amen.

4. DODING :

5. AMBILAN :

185

KEBAKTIAN
PELANTIKAN PIMPINAN PUSAT
GKPS

1. VOTUM :

-----------------

2. HATA HAPORSAYAON :

3. DODING : (Doding Khusus, sanggah mandoding on, jongjong ma hu lobei na dob

tarpilih gabe Ephorus pakon Sekretaris Jenderal)

4. MAMBASA SK : (Sahalak humbani Majelis Ketua Sinode Bolon mambasahon
SK Sinode Bolon domu hubani Pemilihan Pimpinan Pusat GKPS
Periode tahun…... s/d tahun…...)

5. PELANTIKAN :

Pandita : Martonggo ma hita!

(Na dob itontuhon) Ham Tuhan Naibata Bapanami, tarima kasih ma sombahkononnami
hu Bamu, halani na dob torsa mardalan Sinode Bolon GKPS ibagas
panogu-noguon pakon pangkasomanion-Mu. Domma tarpilih na
gabe Pimpinan Pusat GKPS ai ma Ephorus pakon Sekretaris Jenderal
i GKPS masa bakti periode tahun…… das hubani tahun……

Domu hujai, sihol ondoskonon ni Kuria-Mu ma horja ha-Ephorus-on
ampa ha-Sekretaris Jenderal-on hubani hasomannami on. Urasi janah
papansing Ham ma sidea marhitei Tonduy Na Pansing in, bani na
manjalo pakon mandalankon horja in, ase marbuah na madear bahen
hasangapon ni Goran-Mu janah malas ni uhur bani kuria-Mu, Amen.

Nasiam hasoman sahaporsayaon.

Domma jongjong nuan ijon hasomanta na dob pinilih ni Naibata
marhitei Sinode Bolon GKPS, gabe Ephorus pakon Sekretaris
Jenderal, untuk masa bakti periode tahun…... das hubani tahun…...
ondoshonon ma horja in hubani sidea sadari on.

Nasiam hasoman na sihol manjalo horja parmahanion pakon
pangidangion i tongah-tongah ni kuria in, tangihon nasiam ma Hata
ni Naibata:

186

1. “Halani ai jaga nasiam ma diri nasiam ampa haganup hulanan in,
ai na dob ipabangkit Tonduy Na Pansing do nasiam mardimata
in, ase iparmahani nasiam Kuria ni Tuhan in, na dob tinobus-
Ni marhitei daroh-Ni sandiri. Ai hubotoh, anggo dob laho ahu,
masuk ma bani nasiam begu panoroh na so mansarihon hulanan
in” (Lahoan ni Apostel 20:28-29).

2. “Parmahani nasiam ma hulanan ni Naibata na bani nasiam,
ulang songon paksaan, tapi humbani malas ni uhur ma, domu
hubani rosuh ni Naibata, ulang halani uhur haut, tapi humbani
porlu ni uhur ma. Ulang songon na mamaksa hubani hasoman
na niondoshon hubani nasiam, tapi gabe siusihon ma bani na
pinarmahan in. Jadi jaloon nasiam ma sortali hasangapon na
sora melus ai, talarhonsi Parmahan Bolon in” (1 Petrus 5:2-4).

3. “Palegan-legan do sibere-bere banta domu hubani idop ni
uhur na binere banta, anggo panjahaion sihol ma domu hubani
haporsayaon anggo horja marugas, horja marugas ma. Anggo
pangajarion, mangajari ma.Anggo horja mamodahi, ai ma; anggo
na mambobahon, marringgas ni uhur ma; anggo marsilayak-
layak, humbani malas ni uhur ma” (Rom 12:6-8).

4. “Ai sitiruon do hubere bannima, ase ibahen hanima songon na
Hubahen in bannima. Na sintong tumang do na huhatahon on
bannima. Seng banggalan na sinuruh marimbang na marsuruhsi.
Anggoibotohhanimain,martuahmahanimanamangkorjahonsi”
(Johannes 13:15-17).

Anggo sonai, ham Pandita…… (isobut goran pakon morgani) na dob
tarpilih gabe Ephorus, pakon ham Pandita…… (isobut goran pakon
morgani) na dob tarpilih gabe Sekretaris Jenderal, husungkun ma
nasiam i lobei-lobei ni Naibata pakon Kuria-Ni na martumpu ijon:

1. Ham Pandita…… ra do ham manjalo horja ha-Ephoruson i
Gereja Kristen Protestan Simalungun?

Ham Pandita…… ra do ham manjalo horja ha-Sekretaris
Jenderal-on i Gereja Kristen Protestan Simalungun?

2. Ra do nasiam mangkorjahon jabatan in, ibagas bujur ni uhur
nasiam, maronjolan hubani Hata ni Naibata janah mangihutkon
Tata Gereja pakon Peraturan-peraturan ni Gereja Kristen
Protestan Simalungun ibagas panogu-noguon ni Tonduy Na
Pansing?

187

3. Ra do nasiam manaksihon pakon mangambilankon Ambilan Na
Madear in, marmahani janah mambobahon Kuria ni Tuhan in
mardalan ibagas hasintongan?

Anggo humbani bulat ni uhur nasiam do mangakuhon janah marpadan
i lobei ni Naibata pakon i lobei ni Kuria-Ni na martumpu nuan ijon,
hatahon nasiam ma balos nasiam.

(Balos:)

Eak ra do ahu, sai ihasomani idop ni uhur ni Naibata ma ahu
mangkorjahon ai haganupan.

(Isalam na melantik ma sidea, irik ihatahon:)
(Hubani Ephorus:)

Sai ihasomani, iparuhuri janah ipargogohi Tuhan Naibata pakon
Tuhanta Jesus Kristus ampa Tonduy Na Pansing ma ham mandalankon
horja ha-Ephoruson na niondoskon bamu sadari on, bahen hasangapon
ni Naibata. Amen.

(Hubani Sekretaris Jenderal:)

Sai ihasomani, iparuhuri janah ipargogohi Tuhan Naibata pakon
Tuhanta Jesus Kristus ampa Tonduy Na Pansing ma ham mandalankon
horja ha-Sekretaris Jenderal-on na niondoskon bamu sadari on, bahen
hasangapon ni Naibata. Amen.

5. DODING :

Pandita : Martonggo ma hita.

Ham Tuhan Jesus Kristus, Raja ni Kuria in, Ham do na pabangkithon
janah mampargogohi sagala juak-juak na sinuruh-Mu mangidangi
kuria-Mu. Ham do na mambere kuasa, gogoh pakon hapentaran
bani juak-juak-Mu, ase lambin taridah janah timbul horja-Mu
i tongah-tongah ni dunia on. Tonduy-Mu Na Pansing in ma sorap
hubani jabolon-Mu, na pinabangkit-Mu gabe Pimpinan Pusat GKPS,
Ephorus pakon Sekretaris Jenderal, ase taratur, torsa janah marpasu-
pasu ma horja ni sidea janah ibagas hasadaon ni uhur idalankon sidea
tanggung jawab ni sidea bei. Parmaloi janah pargogohi Ham ma sidea
mambobahon kuria-Mu, marhasadaon, mardamei, pakon marsiurupan
bani haganup horja na madear i tongah-tongah ni Kuria, Masyarakat,
Bangsa pakon Negara bahen hasangapon ni Goran-Mu. Amen.

6. DODING :

7. AMBILAN :

188

KEBAKTIAN

PATIBAL BATU ONJOLAN NI GEREJA

1. VOTUM :
------------------
------------------

2. HATA HAPORSAYAON :

3. DODING : (Doding khusus: Sanggah mandoding on, jongjong ma Pimpinan Majelis
Jemaat pakon Panitia Pembangunan Gereja hu lobei. Pengantar Jemaat
mangangkat poti ianan ni Batu Onjolan ai).

Ephorus : Martonggo ma hita.

Ham Bapanami janah Naibatanami na marianan i nagori atas,
iparsinta Ham do rumah panumbahan hu Bamu i dunia on, ianannami
marsombah pakon mandilo Goran-Mu Napansing in. Sai ramotkon
Ham ma rumah panumbahan on ase totap maronjolan bani onjolan na
sihol patibalonnami, ibagas janah marhitei Goran ni Anak-Mu Jesus
Kristus Tuhannami. Amen.

Nasiam hasoman sahaporsayaon i kuria on.

Iparsinta Naibata do pajongjongonta rumah panumbahan, ianan
parsaoran pakon pardomuan hubani Naibata bani ianan on.

Ihaporsayai uhurta do paboa Naibata do na markuasa manotapkon
hajongjongan ni rumah panumbahan on: “Ai seng tarpauli onjolan
na legan sobali na dob pinajonam, aima Jesus Kristus in”. Ase Jesus
Kristus do na gabe Batu Onjolan ijon. Ibagas Ia do hita mardomu
anjaha ipatorsa gabe hasoman sarumah ni Naibata ibagas harajaon-Ni.

Paima ipatibal hita Batu Onjolan ni gareja on, tangar hita ma hata ni

Naibata:
(Basaon ni Ephorus pakon hasomanni ma hata ni Naibata na tarsurat
bani:)

1. 1 Musa 28:11-22

2. Jesaya 28:16

3. Epesus 2:19-22

4. Esra 3:10-11

4. DODING : (Lanjar jongjong ma pagori ni kuria)

189

Ephorus : Tangar hita ma naskah Patibal Batu Onjolan ni gareja on.
Hanami na martanda tangan i toruh on mangkaporsayai Jesus Kristus
do Batu Onjolan ni Kuria in. Ibagas haporsayaon bani Naibata
Bapa, pakon Tuhan Jesus Kristus ampa Tonduy Na Pansing, sadari
on tanggal……, Minggu, …… ipatibal hanami ma Batu Onjolan ni
gareja on.

Andohar marianan tongtong ijon haporsayaon na sintong, pangarapan
na manggoluh pakon holong ni atei. Bahen ianan partongggoan na
pinapansing ma on laho mandilo pakon mamuji Goran ni Tuhan Jesus
na manggoluh anjaha na manrajai rap pakon Bapa in ampa Tonduy
Na Pansing ronsi sadokah ni dokahni.

…… tanggal …… tahun ……

Pimpinan Pusat Pengurus Resort Majelis Jemaat

( ) ( ) ( )

Ephorus : Ase sonari napatibal ma batu onjolan ni gareja on: Ibagas Goran ni

Naibata Bapa pakon Tuhan Jesus Kristus ampa Tonduy Na Pansing.

Amen.
(Iketok tolu hali)

Martonggo ma hita.

Ham Tuhan Naibata Bapanami na i nagori atas, Ham do na
pasirsirhon janah na pajonamhon ianan ni hamuliaon-Mu marhitei
partumpuan ni sagala na pinapansing-Mu in. Bere Ham ma pasu-
pasu pakon pangurupion hubani kuria-Mu, na tardilo pajongjongkon
rumah panumbahan on. Pasorap Ham ma Tonduy Na Pansing in bani
haganup halak na marparsaoran i rumah-Mu na pansing on. Urupi
janah pargogohi Ham ma hanami ase maronjolan hubani hata-Mu
goluhnami, janah lambin talar hasadaonnami marhitei parsaoran
ibagas hapansingon. Ipangindo hanami on, marhitei Anak-Mu Jesus
Kristus Tuhannami. Amen.

5. DODING :

6. AMBILAN :

190

KEBAKTIAN

PAMONGKOTON GEREJA

I ALAMAN NI GEREJA

1. Penyerahan kunci humbani tukang hubani Panitia/Majelis Jemaat. Humbani Majelis

Jemaat hubani Pimpinan Pusat GKPS.

2. Pengguntingan pita.
3. Pimpinan Pusat mambuha pintu gereja lanjar ihatahon ma: “Ibagas Goran ni Naibata

Bapa pakon Tuhan Jesus Kristus ampa Tonduy Na Pansing, hubuka ma rumah gereja on”.

Amen.

4. Dob ai masuk ma Pimpinan Pusat rap pakon kuria in hu bagas gereja.

IBAGAS GEREJA

1. VOTUM :
------------------
------------------

2. HATA HAPORSAYAON:

3. DODING :

Ephorus : Martonggo ma hita.

Ham Tuhan Naibata na marianan i nagori atas. Tarima kasih ma Bamu,
halani iurupi Ham do hanami pajongjongkon rumah panumbahan hu
Bamu. Iondoshon hanami ma rumah gereja on Bamu, ase gabe ianan
panumbahan bani goran-Mu na pansing in ma on ibahen hanami.
Ramoti Ham ma rumah gereja on arian pakon borngin ase gabe
ianan parsaoran ampa pardomuan pakon Ham. Tangihon Ham ma
tonggonami on, marhitei pangkaholongi-Mu, ibagas Jesus Kristus
Tuhannami. Amen.

Nasiam hasoman sahaporsayaon i kuria on.

Marhitei parsuruh pakon pangurupion ni Naibata, domma ipajongjong
hita sada rumah panumbahan hubani Naibatanta bani ianan on.

191

Iparsinta uhurta do ase Naibata ibagas hamuliaon-Ni manggoki
parsaoran ibagas gereja on. Sadari on bongkoton ma gereja on
maronjolan hubani hata ni Naibata:

(Basaon ni Ephorus pakon hasomanni ma na tarsurat i toruh on:)

1. 1 Raja-raja 8:12-14

2. 1 Raja-raja 9:3
3. Johannes 4:21

(Anggo iporluhon ope, boi ipilih humbani ayat-ayat on: Esra
6:16, Psalmen 100:3-4, Jesaya 56:6-7, 1 Korint 3:16-17)

Ephorus : Maronjolan hubani hata ni Naibata na dob tinangarta, janah domu
halani na dob salosei ma pambangunan ni gereja on, sadari on bani
Minggu…… Tanggal …… Bulan …… Tahun …… nabongkot ma
rumah gereja on “Ibagas Goran ni Naibata Bapa pakon Tuhan Jesus
Kristus ampa Tonduy Na Pansing”. Amen!

Andohar marianan tongtong ijon haporsayaon na sintong, pangarapan
na manggoluh, parsaoran ibagas holong ampa malas ni uhur na
manongtong. Bahen ianan partonggoan na pinapansing ma on, laho
manrajai rap pakon Bapa in ampa Tonduy Na Pansing ronsi sadokah
ni dokahni.

Martonggo ma hita.

Ham Tuhan Naibata Bapanami Paridop ni uhur na tarsulur. Domma
jongjong rumah panumbahan on, in ma ianan parsaoran pakon
pardomuannami hu Bamu. Maidop ma uhur-Mu, tohu Ham ma
hanami marhitei Tonduy-Mu Na Pansing in, bani na roh hanami
martonggo hu Bamu i rumah panumbahan on jumpah hanami ma
ijon Ambilan Na Madear, ai hata-Mu Napansing in do na paubahkon,
mangapoh pakon pasonangkon uhurnami. Pasu-pasu Ham ma sagala
na roh hu rumah panumbahan on, na mangkasiholi pardomuan pakon
Ham sonai pakon sagala horja na ipamasa hanami i gereja on, bahen
hasangapon pakon hamuliaon ni goran-Mu. Parmahani Ham ma
hanami ronsi ginomparnami marsundut-sundut, janah ajari Ham ma
hanami paulihon uhurnami bei, ase talup hanami gabe rumah-Mu.
Marhitei Jesus Kristus ipadas hanami tonggonami on. Amen.

4. DODING :

5. AMBILAN :

192

KEBAKTIAN

PAMONGKOTON RUMAH

ACARA I ALAMAN

1.        PERSIAPAN, SUNGKUN-SUNGKUN, PAKON BALOS
        (Sirsir ma Pendeta/Majelis Jemaat, hasuhuton pakon keluarga i lobei ni rumah na laho
        sibongkoton sonai homa kunsi na ibahen ibagas piring).

(Pandita/MajelisJemaatjongjongpadompak-dompakpakonhasuhutonampaontangan)

Pandita/

Majelis Jemaat :        Paima ibuka rumah on tangar hita ma hata ni Naibata na tarsurat bani
        Psalmen 127:1b: “Anggo seng Jahowa na pauli rumah, soya-soya do
        halojaon ni halak na manukangi”.

Anggo sonai, na sungkun ma nasiam suhut.

“Porsaya do nasiam Naibata do na mampargogohi pakon na mamasu-
masu nasiam, boi nasiam pajongjongkon rumah on janah mangiankon
ibagas damei?”

Suhut : Porsaya do hanami

2. MANGONDOSKON KUNSI HUMBANI SUHUT HUBANI PANDITA/

MAJELIS JEMAAT PAKON TONDONG

Pandita/

Majelis Jemaat :        Anggo sonai, domu hubani pangakuan nasiam ai:
        “Ibagas goran ni Naibata Bapa pakon Tuhan Jesus Kristus ampa Tonduy
        Na Pansing” nabuka ma rumah on. Amen”.

(Dob ibuka labah, masuk ma hasuhuton, Majelis Jemaat/kuria pakon ganup ontangan)

ACARA I RUMAH/KEBAKTIAN:

(Dob hundul suhut pakon ontangan, ipungkah ma kebaktian)

1. VOTUM – INTROITUS – TONGGO:

Pandita/

Majelis Jemaat : Ibagas Goran ni Naibata Bapa, pakon Tuhan Jesus Kristus ampa Tonduy
Na Pansing, Sitompa langit pakon tanoh on. Amen.

193

(Basaon sada ayat humbani na i toruh on:)

1. Ia do na paulihon sada rumah Bangku anjaha pajonamon-Ku do paratas-Ni

ronsi sadokah ni dokahni (1 Kronika 17:12).

2. Ai seng tarpauli onjolan na legan sobali na dob pinajonam in, ai ma Jesus

Kristus in (1 Korint 3:11).

3. Ai pe, atap na mangan, atap na minum nasiam, atap aha pe ihorjahon nasiam

bahen nasiam ma haganup ai pasangapkon Naibata (1 Korint 10:31).

4. Anjaha sagala horja nasiam marhitei hata, atap pambahenan, horjahon nasiam
ma haganup in ibagas goran ni Tuhan Jesus, anjaha martarimakasih bani
Naibata Bapa in marhiteihon-Si (Kolosse 3:17).

Martonggo ma hita.

Ham Tuhan Naibata Bapanami na i nagori atas. Ibongkot hanami ma sadari on
rumah on maronjolan hubani hata-Mu na pansing in. Bani horja pamongkoton on
manumpak ma Ham, ase gabe hataridahan ni haporsayaon pakon pamujionnami
on hu Bamu ampa bahen hasangapon-Mu. Ibagas goran ni Anak-Mu Tuhan Jesus
Kristus Tuhannami, hanami martonggo. Amen.

2. DODING : (Boi pilihon humbani doding na i toruh on:

Haleluya No. 5:1+6; No. 207:3-4; No. 338:1-2; pnl.)

3. AMBILAN :

4. DODING : (Boi pilihon humbani doding na i toruh on:

Haleluya No. 264:1+3; 347:1–2; pnl.)

(Irik patumpuhon galangan)

5. TONGGO PANGAPITION - TONGGO PANUTUP – PASU-PASU :

Pandita/

Majelis Jemaat: Martonggo ma hita.

Ham Tuhan Naibata parholong atei, paridop ni uhur, sitompa haganup
na adong, simada kuasa, harohan ni sagala pasu-pasu. Tarima kasih
pakon puji-pujian ma isombahkon hanami hu Bamu, halani marhitei
idop ni uhur-Mu domma ibongkot rumah ni hasomannami on. Ham
Bapa, tondok ma Ham i rumah on. Herbang ma tongtong tangan-
Mu ijon mamasu-masu sidea arian pakon borngin. Ham ma na gabe
batar-batar, benteng na toguh, manjagai janah manramotkon sidea
humbani sagala sura-sura ni parjahat. Totap ma hata-Mu na gabe
onjolan ni haganup pargoluhan ni pangisi ni rumah on, ase jumpahan
damei ampa malas ni uhur ganup na masuk ampa na luar hun rumah
on. Gabe rumah partonggoan ma on, ianan ni sidea mangindo gogoh
ampa pangurupion bani haganup horja, ase lambin marharinggason

194

sidea bani haganup horja hinarosuhkon-Mu bani pargoluhon ni sidea
siganup ari.

Ham Tuhan Naibata marhitei Tonduy Na Pansing, sai papansing
Ham ma tongtong parsaoran i rumah on, ase ibagas damei-Mu sidea
marhasadaon pakon marsihaholongan. Patotap Ham ma pasu-pasu-
Mu ampa haporsayaonnami rombang, ase riap hanami mamuji ampa
pasangapkon Ham bani goluhnami. Marhitei pasu-pasu-Mu ipatumpu
hanami do galangannami on janah iondoshon hanami ma on ibagas
uhur na martarimakasih hu Bamu. Sai jalo janah pasu-pasu Ham ma
on ase marguna bani harajaon-Mu, bahen hasangapon ni goran-Mu.
Sai pasu-pasu Ham ma ganup horja ni tangannami ase marbuahkon
na madear, hitei-Mu mansarihon goluhnami siganup ari. Ipindo
hanami on hu Bamu, ibagas goran ni Anak-Mu Tuhan Jesus Kristus
Tuhannami. Amen.

Riap ma hita martonggo marhitei tonggo na niajarhon ni Tuhan Jesus
hubanta:

Kuria : Ham Bapanami na i nagori atas, sai napapansing ma goran-Mu! Sai
roh harajaonMu! Sai saud ma harosuh ni uhur-Mu i nagori tongah on
songon na i nagori atas! Bere Ham ma bennami sadari on hagoluhan
ari-ari, sasap Ham ma dousanami songon panasapnami bani dousa
ni hasoman na mardousa dompak hanami! Ulang hanami bobai Ham
hu parlajouan! Paluah Ham ma hanami humbani pangagou! Ai Ham
do simada harajaon, pakon hagogohon ampa hasangapon sadokah ni
dokahni! Amen.

Pandita/

Majelis Jemaat : Jalo nasiam (hita) ma pasu-pasu humbani Naibata!
Idop ni uhur ni Tuhan Jesus Kristus pakon holong ni atei ni Naibata
Bapa ampa parsaoran ni Tonduy Na Pansing ma mangkasomani
nasiam (hita) haganup. Amen.

195

KEBAKTIAN

PERESMIAN JEMAAT

1. VOTUM :
------------------
------------------

2. HATA HAPORSAYAON :

3. DODING : (Doding khusus: Sanggah mandoding, jongjong hu lobei haganup

Majelis Jemaat pakon Pengurus Seksi)

Ephorus : Martonggo ma hita.

Ham Tuhan Naibata Bapanami ibagas Jesus Kristus. Ham do na
mandilo janah na pasadahon ganup na porsaya hu Bamu laho
marparsaoran ibagas kuria-Mu na pansing in. Tarima kasih ma
sombahnami hu Bamu, halani iparmudu janah iparorot Ham do
parsaoran ni na porsaya hu Bamu bani ianan on. Laho padorashon
pakon maningkathon hasadaon, hasaksian pakon pangidangion,
sihol resmihonon ma kuria on. Sorap ma Ham hu tongah-
tongahnami marhitei Tonduy-Mu Na Pansing in. Papansing
Ham ma hanami haganup, ase lambin toguh haporsayaonnami
mangirikhon Ham, anjaha lambin talar holong ampa idop ni
uhur-Mu bani goluhnami. Amen.

Nasiam hasoman sahaporsayaon.

Paima iresmihon kuria on gabe sada jemaat na baru i GKPS,

tangar hita ma lobei hata ni Naibata na gabe onjolan ni kuria on:
(Basaon ni Ephorus pakon hasomanni ma na tarsurat bani:)

1. Mateus 18:20
2. Epesus 4:2-6
3. 1 Petrus 2:5-9
4. …...

(Paima iresmihon basaon ma:)
a. Haputusan ni Pimpinan Pusat GKPS
b. Statistik

c. Formasi Pengurus Jemaat
d. Naskah Peresmian

196

4. PERESMIAN :

Ephorus : Maronjolan hubani hata ni Naibata na dob tinangarta nongkan, janah
mardingat na dob igoki kuria on persyaratanni na gabe sada jemaat i
GKPS, sadari on na resmihon ma jemaat on.

Ibagas Goran ni Naibata Bapa, pakon Tuhan Jesus Kristus ampa
Tonduy Na Pansing, sadari on bani Minggu, …… Tanggal ……
Bulan …… Tahun …… naresmihon ma kuria …… on, gabe sada
Jemaat na pa- …… hon i Resort …… masuk hu Distrik …… bani
Gereja Kristen Protestan Simalungun. Amen. (Iketok tolu hali).

Martonggo ma hita.

Ham Tuhan Jesus, Raja ni Kuria in. Marmalas ni uhur do hanami
mamuji pakon pasangapkon Goran-Mu, ai iparorot, iparmudu,
isarihon janah ipajonam Ham do kuria-Mu on. Pargogohi Ham ma
kuria on laho pasaudhon rosuh ni uhur-Mu, marhasadaon, marsaksi
pakon mangidangi domu hubani pandiloon-Mu. Tonduy Na Pansing
ma manogu-nogu kuria on gabe parhiteian ni pasu-pasu-Mu hubani
haganup jolma. Ipangindo hanami on, ibagas Goran ni Tuhan Jesus
Kristus Sipaluah hanami. Amen.

5. DODING :

6. AMBILAN :

197

KEBAKTIAN

PERESMIAN RESORT

1. VOTUM :
--------------------
--------------------

2. HATA HAPORSAYAON :

3. DODING : (Doding Khusus: Sanggah mandoding, jongjong hu lobei haganup

Pengurus Resort pakon Perutusan Sinode Bolon)

Ephorus : Martonggo ma hita.

Ham Tuhan Jesus, Raja ni kuria in. Puji-pujian pakon tarima kasih
sombahkononnami hu Bamu. Marhitei panogu-noguon-Mu lambin
rarat do Ambilan Na Madear in, janah lambin roh bolagni do horja
pangidangion i tongah-tongah ni kuria-Mu. Domu hujin sihol
adongkonon ma Resort na baru on. Lambin talar janah sintong
ma pangirikkonon ampa pambalosionnami bani pandiloon-Mu,
marhasadaon, marsaksi pakon mangidangi. Ipindo hanami on hu
Bamu ibagas idop pakon holong ni atei-Mu hu bannami. Amen.

Nasiam hasoman sahaporsayaon.

Laho maningkathon hasadaon pakon pangidangion, iahapkon GKPS
porlu ma adongkonon Resort na baru na gabe hadomuan ni piga-piga
kuria, aima:

(Isobut ma goran ni kuria na masuk hu Resort na baru on)

Tangar hita ma lobei hata ni Naibata na gabe onjolan ni kuria pakon
persyaratan na gabe sada Resort i GKPS.
(Ibasahon Ephorus pakon hasomanni:)

1. Psalmen 122:1–8

2. Rom 15:1–6
3. Epesus 2:21–22
4. Epesus 4:16

(Paima na resmihon basaon ma:)

a. Haputusan ni Majelis Gereja/Ketetapan Pimpinan Pusat GKPS
b. Statistik

c. Formasi Pengurus Resort

198

4. PERESMIAN :

Ephorus : Maronjolan hu bani hata ni Naibata na dob tinangarta nongkan, janah
mardingat na dob igoki Resort on persyaratanni na gabe sada Resort
i GKPS, ase sadari on naresmihon ma Resort on.

Ibagas Goran ni Naibata Bapa pakon Tuhan Jesus Kristus ampa
Tonduy Na Pansing sadari on bani Minggu …… Tanggal …… Bulan
…… Tahun …… naresmihon ma Resort …… on, gabe Resort na pa-
…… hon i Distrik …… bani Gereja Kristen Protestan Simalungun.
Amen.

(Iketok tolu hali).

Martonggo ma hita.

Ham Tuhan Naibata Bapanami paridop ni uhur. Gok malas ni uhur
ampa puji-pujian do hanami sonari. Ipatorsa Ham do na porlu i tongah-
tongah ni kuria-Mu. Iurupi Ham do ronsi pelayanan bani kuria-Mu.
Ipatuduhkon Ham do dalan na torang bani kuria-Mu marhiteihon
panogu-nogu-Mu ibagas Tonduy Na Pansing. Domma jongjong
use sada Resort na baru i GKPS. Sai pakei Ham ma on gabe dalan
pasaudkon harosuh-Mu laho mangidangi kuria-Mu. Pargogohi Ham
majuak-juak-Mupakonkuria-MunaiResortonlahomangambilankon
Ambilan Na Madear in, ase taridah tanggungjawabni sidea dompak
Ham marhitei kuria-Mu, sonai age i tongah-tongah ni masyarakat,
bahen hasangapon-Mu. Ham Tuhan Naibata, ondos ma Bamu ganup
puji-pujian, malas ni uhur ampa tarimakasihnami, marhiteihon ni
Anak-Mu Tuhan Jesus Kristus, Sipaluah hanami. Amen.

5. DODING :

6. AMBILAN :

199

200

201

202

Menu

BUKU AGENDA TATA IBADAH GKPS - BAHASA SIMALUNGUN

0 Komentar

Popular Posts

Susukara GKPS Tahun 2025, Bahan Ambilan, Sibasaon, Topik Minggu - Almanak GKPS Tahun 2025